Gedagtes vir elke dag
Of lees almal by Gedagtes vir elke dag
‘n Gebrek aan volharding veroorsaak meer mislukkings as ‘n gebrek aan intelligensie of bekwaamheid. Volharding en vertroue gaan hand aan hand. Vertrou op Jesus en jy is verlos. Vertrou op jouself en jy is verlore.
KASSINGA – DIE WAARHEID OOR 4 MEI 1978
“Dit is Hemelvaartdag, 4 Mei 1978; ons is oppad na Cassinga, 260 kilometer binne Angola – en ‘n moontlike vroeë dood... Die bome lyk vir my gevaarlik naby, maar dis dalk beter so, want so is dit onwaarskynlik dat die radar ons sal optel, en ons dan ‘n prooi word vir ‘n Kubaanse Mig vegvliegtuig. Skielik swiep ‘n grys voorwerp van agter af onder ons deur, en vir ‘n oomblik versteen ek.”
Geloftelandlesers het die uiters groot voorreg om die persoonlike ervaring van Peet Victor, een van die dapper valskermsoldate wat ons landsgrense in die sewentigerjare help beskerm het, eerstehands hier te lees. Ons hartlike dank aan hom vir hierdie inligting wat nie net ‘n opwindende ware aksieverhaal is nie, maar definitief bevestig dat Kassinga een van die hoofkwartiere van die terroriste-organisasie SWAPO was, en nié soos SWAPO later beweer het, ‘n vlugtelingkamp wat onreg gely het nie. Die aanval op Kassinga was ‘n noodsaaklike operasie om die kommunistiese guerillavegters van Suid-Afrika te probeer afkeer. Vandag kan ons net lof en eer bring aan hierdie dapper manne wat hulle lewens nogeens in gevaar gestel het!
Bietjie agtergrond – Red
Die Slag van Kassinga, ook bekend as die Cassinga Raid of Cassinga Massacre, was 'n omstrede Suid-Afrikaanse lugaanval op 'n kamp van die guerrilla-organisasie SWAPO in die stad Kassinga, Angola, op 4 Mei 1978. Gelei as een van die drie belangrikste aksies van Operasie Reindeer tydens die Suid-Afrikaanse Grensoorlog, was dit die eerste groot lugaanvaloperasie van die Suid-Afrikaanse weermag.
Wat dit omstrede gemaak het is SWAPO se bewering dat Kassinga eerder 'n vlugtelingkamp as 'n militêre kamp was, en dat die klopjag kwansuis 'n bloedbad op burgerlikes eerder as 'n baie suksesvolle militêre operasie was.
1899: SLAG BY WILLOWGRANGE
KULTUURDAGBOEK 23 NOVEMBER
Lees volledig by Kultuurdagboek
Die aanleiding tot die slag by Willowgrange in Natal was 'n poging wat die Britse bevelvoerder, genl-maj HPT Hildyard, aangewend het om 'n ongeveer 260 meter hoë kop, Brynbella-heuwel, te verower om daardeur die Republikeinse magte by Mooirivier vas te keer. Gevolglik het Hildyard aan lord Kitchener opdrag gegee om die heuwel wat met Boere-artillerie beset was, gedurende die nag te verower.
Die stormloop was ondanks gure weersomstandighede vir die Britte suksesvol, en die Boeremagte is verdryf.
DIE UURGLAS LOOP UIT (12)
Ds A.E. van den Berg
Die ewige goeie tyding
“Salig is die wat sy gebooie doen, sodat hulle reg kan hê op die boom van die lewe en ingaan deur die poorte in die stad.... Ek is die wortel en die geslag van Dawid, die blink môrester” (Openb.22:14,16).
Die afsluiting van Openbaring is uniek. Niks word aan die verbeelding oorgelaat nie. Jesus waarsku dat niks van hierdie boek weggeneem of daaraan bygevoeg mag word nie omdat dit sy boodskap van hoop sal belemmer en mense mislei word soos bv. die dwaling van die wegraping wat leer dat daar vir sekere gelowiges ʼn ontsnaproete voor die groot verdrukking sal wees.
In die openingsverse van Openbaring word gesê:
“...dit is die openbaring van Christus Jesus wat God Hom gegee het om aan sy diensknegte te toon.”
Daarna volg ʼn saligspreking:
“...salig is hy wat die woorde... bewaar wat daarin geskrywe is...”
en op die laaste bladsy van die Bybel herbevestig:
“Hierdie woorde is betroubaar en waaragtig; en die HERE, die God van die heilige profete, het sy engel gestuur om sy diensknegte te toon wat gou moet gebeur”.
Daarna volg nog ʼn saligspreking:
“Salig is hy wat die woorde van die profesie van hierdie boek bewaar”.
OM GEHOORSAAM TE WEES
Hannes Ollewagen
1 Samuel 15:1-35
“Daarop sê Samuel: Het die HERE behae in brandoffers en slagoffers soos in gehoorsaamheid aan die stem van die HERE? Kyk, om gehoorsaam te wees is beter as slagoffer, om te luister beter as die vet van ramme.Want wederstrewigheid is ’n sonde van waarsêery, en eiesinnigheid is afgodery en beeldediens. Omdat jy die woord van die HERE verwerp het, het Hy jou as koning verwerp.” (:22&23).
Saul gaan vir Samuel ewe selfvoldaan tegemoet nadat hy teruggekom het van die oorlog teen Ámalek. Hy het ‘n groot oorwinning behaal. Hy het die vyand se land met die banvloek getref. En dan het hy boonop met ‘n groot buit teruggekom wat hy van voorneme was om aan die Here te offer. Samuel deel egter nie Saul se opgewondenheid oor die oorwinning nie. Inteendeel, Samuel is woedend omdat Saul aan die Here ongehoorsaam was. Hierdie groot, aansienlike buit en offer was vir hom glad nie indrukwekkend nie.
Geliefdes, ons behoort beslis in ons tyd hierdie lering uit God se Woord ter harte te neem. Ons sien ook hoedat mense al te graag dinge doen om indrukwekkend te lyk. Dink maar hoe indrukwekkend moes daardie offer van Saul nie gelyk het nie! Die beste van die Ámalekiete – en dit in hul menigte wat as offer aan God gebring word. Ja, soos daardie mense in ons tyd wat hul skenkings van miljoene rande maak – hoe indrukwekkend vir die mens. Maar hoe gering voor God omdat die gesindheid waarmee dit gedoen word nie vir Hom aanneemlik is nie.
“EN Jesus het reg voor die skatkis gaan sit en gekyk hoe die skare geld in die skatkis gooi. En baie rykes het veel ingegooi.En daar kom een arm weduwee en gooi twee geldstukkies in, dit is ’n oortjie.Toe roep Hy sy dissipels na Hom en sê vir hulle: Voorwaar Ek sê vir julle, hierdie arm weduwee het meer ingegooi as almal wat in die skatkis gegooi het.” (Markus 12:41-43).
1853: NED HERVORMDE KERK IN SITTING MET VOLKSRAAD
KULTUURDAGBOEK 22 NOVEMBER
Lees volledig by Kultuurdagboek
Die rol van die Kerk was deur alle tye heen so 'n integrale deel van die volk en sy politiek dat dit die logiese hoofinstrument was wat deur die Geldmag gebruik is om die Afrikanervolk later jare op sy knieë te dwing. Vandag is die rol van die Kerk in die vernietiging van die Afrikanervolk meer deursigtig as ooit en het talle Afrikaners reeds hulle kerke verlaat.
Op hierdie dag het die Algemene Kerkvergadering van die Ned Hervormde Kerk saam met die Volksraad van die ou ZAR op Potchefstroom vergader. Dit was 'n besondere gebeurtenis en het daarna nooit weer plaasgevind nie.
Hierdie vergadering het weer gegaan oor die vraag of die selfstandige Transvaalse Kerk deel van die Kaapse kerklike organisasie moet word. Met hierdie vergadering was die kerkraadslede en die Volksraadslid vir Lydenburg, wat nie die Algemene Vergadering op Rustenburg op 3 Augustus 1853 bygewoon het nie, ook nou teenwoordig.
1968: ONS VIER VOORTREKKER- MONUMENTE
KULTUURDAGBOEK 21 NOVEMBER
Lees volledig by Kultuurdagboek
Die Afrikaner het vroeg reeds die behoefte gevoel om 'n waardige monument ter ere van die Voortrekkers op te rig, maar hierdie strewe het eers sy finale beslag gekry toe die Sentrale Volksmonumentekomitee (SVK) op 4 April 1931 in Bloemfontein gestig is. Die hoofdoel van die SVK was om hom vir die oprigting van 'n nasionale Voortrekkergedenkteken vir die Voortrekkereeufees in 1938 te beywer. Daarna sou hy ook die oprigting van ander goedgekeurde volksmonumente onderneem.
Die SVK se eerste taak was die oprigting van die Voortrekkermonument by Pretoria, maar die komitee het ook verantwoordelikheid vir die oprigting van drie ander Voortrekkermonumente aanvaar. Die hoogpunte van die SVK se werksaamhede was dus die onthulling van die Bloedriviermonument op 16 Desember 1947, die inwyding van die Voortrekkermonument by Pretoria op 16 Desember 1949, die onthulling van die Voortrekkermonument in Pietermaritzburg op 6 April 1962 en dié van die Voortrekkermonument by Winburg op 19 Oktober 1968.
STEL DIE DOODSTRAF WEER IN
Ds. A.E van den Berg
Inleiding
Die skrikwekkende toename in plaasmoorde en ander geweldsmisdade eis ʼn spoedige herinstelling van die doodstraf in Suid-Afrika. ʼn Eerbare regering skuld sy burgers immers ʼn vreedsame bestaan wat slegs deur doeltreffende wetgewing moontlik is en die doodstraf noodsaak.
1.Eerste voorskrif
Die eerste Bybelse voorskrif rakende die doodstraf word al so vroeg as in Gen.9:6 gevind:
“Hy wat die bloed van ’n mens vergiet, sy bloed sal deur die mens vergiet word; want God het die mens na sy beeld gemaak”.
God motiveer dit self,iets wat by geen ander godsdiens gevind word nie. Omdat die mens na die beeld van God geskape is, is moord eerstens ’n vergryp teen God self. Hy gee lewe sodat die mense sy Beeld kan vertoon. Hierdie bepaling is lank voor die ontstaan van Israel gegee wat sê dat God dit vir alle tye gebied. Nadat Israel dit later in haar amptelike regeringsbeleid opgeneem het, is dit vollediger omskryf.
2. Doodstrafoortredings
Die wette wat God vir Israel gegee het, het 21 oortredings bevat waarvoor die doodstraf opgelê kon word en in vier basiese groepe verdeel:
1930: FAK KONDIG HANDHAAF- EN-BOU-REEKS AAN
KULTUURDAGBOEK 20 NOVEMBER
Lees volledig by Kultuurdagboek
Die FAK het van sy stigting af voortdurend by die Afrikaner aangedring op die suiwer gebruik van Afrikaans, maar het besef dat van baie Engelse woorde, die Afrikaanse ekwivalent nie bekend is nie.
Die noodsaaklikheid van woordelyste is besef en daar is aan die werk gespring om woordelyste, wat geen wetenskaplike vakwoordeboeke moes wees nie, saam te stel.
Op 20 November 1930 is aangekondig dat die eerste woordelys in die Handhaaf-en-Bou-reeks, soos dit bekend gestaan het, beskikbaar is. Dit was die Woordelys van Motor-terme.
WES-KAAP WIL AFSTIG
Is die afstigting van die Wes-Kaap werklik ‘n haalbare opsie?
Dr Danie Theron
(Gelofteland deel nie skrywer se siening oor afstigting van ‘n gebied vir ‘n Afrikanerstaat nie. In hierdie artikel is daar egter baie ander interessanthede en plaas ons dit.)
Dr Corne Mulder van die VF Plus het onlangs in ‘n toespraak by die KaapstadsePersklub gestel dat “ons” toekoms in ‘n onafhanklike Wes-Kaap lê. Meer bepaald dan dat daardie provinsie selfbeskikking deur middel van sesessie (afstigting) moet oorweeg en ‘n onafhanklike staat moet word.
Hy het aangevoer dat 71% van die inwoners nie wil hê dat die ANC oor hulle moet regeer nie en dat die ANC maar hoogstens 36% van die mense aldaar sedert 1994 kon oorreed om vir hom te stem, ‘n persentasie wat intussen kleiner geword het.
Ek het reeds in ‘n vorige artikel daarop gewys dat afstigting van ‘n gebied (en daarmee saam onafhanklikheid) die tussentydse aangewese opsie vir die Afrikaner is. (Gelofteland het dit goedgedunk om nie die vorige artikel te plaas nie – Red). Of die Wes-Kaap, soos hy tans daar uitsien, egter die oplossing is, kan bevraagteken word. Dit vanweë die etniese samestelling van die provinsie.
1926: BALFOUR- VERSLAG AANVAAR
KULTUURDAGBOEK 19 NOVEMBER
Lees volledig by Kultuurdagboek
Die aanvaarding van die Balfourverslag deur die Britse Rykskonferensie van 1926 is 'n reusebaken in die staats- en volkeregtelike onafhanklikwording van Suid-Afrika. Die argitek was genl JBM Hertzog, wat as Premier na Londen gegaan het met die doel om enige sprake van Suid-Afrika se onderhorigheid aan Brittanje uit die weg geruim te kry.
Nadat hy die saak aangeroer het, is dit na 'n komitee verwys wat op 27 Oktober onder voorsitterskap van lord Balfour met sy werk begin het. Hertzog se pleidooi om die uitreik van 'n gesaghebbende verklaring oor die vryheid en onafhanklikheid van die Britse Dominiums is dadelik teengestaan. LS Amery, Britse minister van dominiale sake, was van oordeel dat die Rykskonferensie nie bevoeg was om 'n "deklarasie van regte" uit te reik nie.
1876: JOHANNA BRANDT
KULTUURDAGBOEK 18 NOVEMBER
Lees volledig by Kultuurdagboek
Johanna Brandt, die jongste dogter van ds NJ van Warmelo, is op hierdie dag op Heidelberg gebore waar sy ook haar kinderjare deurgebring het. Tydens die Tweede Vryheidsoorlog het sy en haar moeder hulle in Pretoria bevind waar hulle ná die besetting van die Hoofstad deur die vyandelike magte, gehelp het om die Boerespioenasiediens aan die gang te hou.
Van haar ondervindings in hierdie tyd het Johanna 'n dagboek gehou wat sy later verwerk het in haar bekende boek, Die Kappiekommando, wat in 1913 verskyn het.
Tydens die oorlog was sy ook verpleegster in die Irene-konsentrasiekamp.
1497: DA GAMA SEIL OM KAAP
KULTUURDAGBOEK 18 NOVEMBER
Lees volledig by Kultuurdagboek
Manoël I, Koning van Portugal, het Vasco da Gama aangestel as die opperbevelhebber van die ekspedisie wat Dias se werk moes voltooi, naamlik die ontdekking van die seeroete na Indië.
Die eskader van vier skepe het in Julie 1497 uit Portugal vertrek, op 18 November is Tafelberg gewaar, en in Mei 1498 het hulle Kalikoet aan die Malbarkus van Indië bereik.
Na baie wedervaringe word Da Gama teen die einde van Augustus 1499 as held in Lissabon terugverwelkom. Vanweë hierdie epiese ontdekkingsvaart is die Islamitiese monopolie van die speseryhandel van die Ooste verbreek. Vir die Portugese vorstehuis het dit groter rykdom en mag beteken, en dit sou ook aanleiding gee tot Europese oorheersing in die Ooste.
ONTMASKER DIE MASKER...
Nege maande ná die COVID-19-pandemie duur die bittere konflik oor die dra van maskers in elke land nog voort. Die meeste van ons hou nie van die ding oor ons gesig nie maar daar is diegene wat glo dat die dra daarvan noodsaaklik is. En dit word steeds deur owerhede op die publiek afforseer te midde van die feit dat alle navorsing sover aantoon dat die dra van maskers nie die verspreiding van virale siektes voorkom nie.
In ‘n video voer Robert F. Kennedy Jr., stigter van Children's Health Defense, 'n onderhoud met die ondersoekjoernalis Jeremy Hammond - bekend vir sy talle artikels oor buitelandse beleid, finansies, inentstowwe en meer onlangs oor pandemiese reaksiemaatreëls.
In die onderhoud het hulle 'n reeks vrae bespreek, waaronder:
• Wat is die einddoel van wêreldwye maatreëls soos inperkings en die dra van maskers?
• Gaan dit regtig om die beskerming van die volksgesondheid, of is daar 'n ander agenda?
• Wat sê die wetenskap oor die doeltreffendheid van maskers teen virussiektes? Is daar nadele, soos gevolge vir slegte gesondheid? Moet kinders maskers dra, alhoewel hul risiko vir die opdoen van COVID-19 feitlik nie bestaan nie?
• Wat is die groter samelewingsgevolge van die dra van maskers?
Wat sê die wetenskap?
1939: FAK EKONOMIE INSTITUUT GESTIG
KULTUURDAGBOEK 17 NOVEMBER
Lees volledig by Kultuurdagboek
Die FAK is op sy eerste Ekonomie Volkskongres, wat van 3 tot 5 Oktober 1939 in Bloemfontein gehou is, versoek om 'n Ekonomie Instituut in die lewe te roep om uitvoering te gee aan die kongresbesluite en om sodanige verdere stappe te doen as wat hy bevorderlik ag vir die ekonomiese opheffing van die Afrikaner – 'n benarde ekonomiese toestand waarin die Afrikaner daardie tyd verkeer het.
In die Instituut is verteenwoordiging gebied aan die FAK se Uitvoerende Komitee en sy Ekonomiese Kommissie, en aan Afrikaanse finansiers, nyweraars, handelaars, boere, arbeidersorganisasies, universiteite en handelsopleidingskolleges en die Armesorg-organisasies van die Afrikaanse kerke.
DIE WONDER VAN GOD SE WOORD (4)
DIE BOODSKAP VAN DIE BYBEL
Die Bybel is in hoofsaak met die verhaal van God se verlossing in Jesus Christus gemoeid. As ons die Bybel lees, maar die verhaal van verlossing mis, mis ons die boodskap en betekenis van die Bybel. Die verhaal van Jesus is in feitlik elke boek van die Bybel te vinde. Hy is die volgende:
Genesis: Die Saad van die vrou
Exodus: Die Paaslam
Levitikus: Die versoenende Offer
Numeri: Die geslane Rots
Deuteronomium: Die Profeet
Josua: Aanvoerder van die Here van die leërskare
Rigters: Die Een wat skuld aflos.
Rut: Die heilige Familielid
Samuel, Konings en Kronieke: Die beloofde Koning
Nehemia: Herbouer van die volk
Ester: Die Advokaat
Job: Die Verlosser
Psalms: Ons Alles
Spreuke: Ons Voorbeeld
Prediker: Ons Doel
Hooglied: Ons Tevredenheid
Die profete: Die komende Vredevors.
Die Evangelies: Hy wat gekom, gesoek en gered het
Handelinge: Die opgestane Heiland.
Paulus se briewe: Die Een aan God se regterhand
En in Openbaring: Die ewige, regerende God.
1855: AANLEG VAN PRETORIA
KULTUURDAGBOEK 16 NOVEMBER
Lees volledig by Kultuurdagboek
Pretoria, genoem na kmdt-genl Andries Pretorius, het sy aanleg as hoofstad van die ZAR te danke aan die feit dat Potchefstroom en Lydenburg nie sentraal genoeg geleë was vir die vergaderings van die Volksraad nie. Die kommandante-genenaal MW Pretorius en Piet Potgieter het die Volksraad, wat in September 1853 in Lydenburg sitting gehad het, versoek om 'n sentraal geleë hoofstad vir die Republiek te stig.
MW Pretorius het in 'n bygaande brief die Volksraad ook versoek om vir die doel van die voorgestelde dorp twee plase aan die Apiesrivier naamlik Elandspoort en Daspoort, van Andries van der Walt en JJP Prinsloo aan te koop. Omdat die Volksraad sy versoek geweier het, het Pretorius vervolgens self hierdie twee plase gekoop.
DIE UURGLAS LOOP UIT (11)
Die verheerlikte bruid
“En een van die sewe engele .... het na my gekom en met my gespreek en gesê: Kom hierheen, ek sal jou die bruid toon, die vrou van die Lam”(Openb.21:9).
In die OT lees ons van Moses wat by geleentheid op ʼn berg geklim het waar God hom noukeurig voorgeskryf het hoe om die tabernakel op te rig en daarna reg in te rig. Dit moes as ʼn sigbare simbool van God se inwoning onder sy volk dien en almal wat dit besoek het, moes weet dat God op besondere wyse hier te vind was.
In Openb.21 word Johannes ook deur die Gees na ʼn hoë berg meegevoer om hom te wys hoe die woonplek van God onder die mense op die nuwe aarde gaan lyk. Die eerste tabernakel het net een poort aan die oostekant gehad. Die laaste een het 12 poorte; drie in elke windrigting en kan van alle kante af binnegekom word.
Johannes sien die name van die 12 stamme van Israel op die stadspoorte en die name van die 12 apostels op die stadsfondamente. Dis die simbool van die apostels se uitdra die evangelie van verlossing aan alle volke, tale en nasies. Dis die ware kerk en bruid van Christus deur die eeue. Johannes sien die eindproduk.
Bruide doen altyd groot moeite om hulle vir hul troudag mooi te maak. Geen bruid vergelyk egter met die skoonheid van die bruid wat hier beskryf word nie. Volgens die Bybel was Moses ʼn aantreklike man. Toe hy destyds na die opdrag om die tabernakel in te rig, van die berg gekom het, het sy gesig so geskitter dat mense nie na hom kon kyk nie. Hy moes ʼn sluier moes dra (Ex. 34).
1911: UNIE-STAAL- KORPORASIE GESTIG
KULTUURDAGBOEK 15 NOVEMBER
Lees volledig by Kultuurdagboek
Die Unie-Staalkorporasie van Suid-Afrika is gestig om staal uit skroot te vervaardig. Binne twee jaar na die stigting is die eerste staal in Suid-Afirka vervaardig en baan USCO sodoende die weg vir 'n gevestigde staalbedryf wat in die jare wat sou kom, vir Suid-Afrika groot aansien in die oë van die wêreld verwerf het.
1855: MW PRETORIUS PRESIDENT VAN ZAR
KULTUURDAGBOEK 15 NOVEMBER
Lees volledig by Kultuurdagboek
Transvaalse leiers het geglo dat 'n nuwe grondwet die verdeeldheid wat gedurende die vroeë vyftigerjare van die vorige eeu in die Oorvaalse gebied geheers het, sou beëindig, en daarom is 'n grondwetkommissie, onder voorsitterskap van Jacobus Stuart (1803 – 1878), benoem.
Hierdie kommissie, wat in Oktober 1855 op Potchefstroom vergader het, het hoofsaaklik die Bataafse konstitusie van 1798, die Vrystaatse grondwet en die grondwet van die Verenigde State van Amerika as modelle geneem en 'n konsepgrondwet opgestel waarin die beginsel van skeiding van wetgewende en uitvoerende magte ingevoer is.
As opsteller van hierdie grondwet, wat later byna onveranderd aanvaar is, het Stuart 'n blywende diens aan die Zuid-Afrikaansche Republiek gelewer.
OM ONS NAASTE LIEF TE Hê
Hannes Ollewagen
Markus 8:28-34
“En die tweede, hieraan gelyk, is dit: Jy moet jou naaste liefhê soos jouself. Daar is geen ander gebod groter as dié nie.” (:31).
Die naasteliefde – so ‘n kosbare deug waaraan ons samelewing ‘n geweldige gebrek het; en het dwaalleraars grootlik bygedra in die vernietiging daarvan. Hoe groter die verkondiging word van ‘n skewe “God is NET LIEFDE”-teologie, hoe kleiner word die mens se liefde vir God en vir sy naaste. Ja, hierdie kettery dat jy onder die “sogenaamde liefde van God” maar elke begeerte wat in jou hart opkom kan uitleef en dat daar géén skepsel so kosbaar en dierbaar as jy is nie is soos petrol op die vuur wat ons liefde vir God en die liefde vir ons naaste verteer. Ja, daardie vuur van selfsug en selfliefde wat ‘n spoor van verwoesting agterlaat.
Geliefdes, hoeveel liefde sien ons wanneer ons rondom ons kyk? U wonder dalk hoe ons dan liefde kan raaksien – dit is tog iets diep binne in ‘n mens. Maar dit wat in ons hart en gedagtes aangaan, word tog eindelik deur ons optrede vergestalt. En beskryf die Woord van God tog nie so mooi hoe die liefde lyk nie?
"Die liefde is lankmoedig en vriendelik; die liefde is nie jaloers nie; die liefde praat nie groot nie, is nie opgeblase nie, handel nie onwelvoeglik nie, soek nie sy eie belang nie, word nie verbitterd nie, reken die kwaad nie toe nie, is nie bly oor die ongeregtigheid nie, maar is bly saam met die waarheid. Dit bedek alles, glo alles, hoop alles, verdra alles.” (1 Kor. 13:4-7).