Die boek handel oor die trek oor die Drakensberge na Natal, die Vrystaat en Transvaal, die oorloë tussen Voortrekkers, Zulus en Matabeles asook die rol van Britse regering in die saga, wat tot vandag toe weggesteek word.  Daar word getuienis aangebied dat die moorde op die Voortrekkers deur sekere Britse agente, sendelinge van die London Missionary Society en London-gebaseerde anti-Boergesinde filantropiese societies soos die Aborigenes Protection society in samewerking met Dingaan en Umzilikaats beplan en uitgevoer was.  Ou Voortrekker dagboeke en skrywers soos Preller en Bird bevestig dat hulle daarvan bewus was.

Die boek verskaf name van die trekkers in die verskeie trekgroepe, name van mans, vroue en kinders wat by Bloukrans en Weenen vermoor was, asook  wie aan die verskeie gevegte by Vegkop, Italeni, Veglaer, Bloedrivier, Ulundi en Kongella geveg of gesterf het.  Daar is ook heelwat foto’s van die trekkers wat by Bloedrivier geveg het.  Mense wat belangstel om die boek te koop, kontak Hierdie e-posadres word van Spambotte beskerm. Jy moet JavaScript ontsper om dit te lees.