VREEMDE KOS... VREEMDE TAAL!

KORSIES OP DIE RUGBYVELD (22)
(Die hele pastei by: Korsies van Pastei)

Op die 1960-toer deur die Britse Eilande het daar vir die Springbokke met hulle aankoms in Wallis 'n groot ontvangs gewag en moes hulle in die hotel in Porthcawl middagete saam met vooraanstaande Britse rugbylui geniet.
Toe die hoofgereg bedien word sien Frik du Preez die kelners skep sulke klein, groen balletjies in hulle borde. Dit het hy nie geken nie maar omdat sy Engels toe nie te waffers is nie por hy vir Fanie Kühn aan om te vra wat dit is.
Fanie vra toe een van die Engelse aan hulle tafel: "Excuse me sir, but what are these?"
"Oh, it's Brussels sprouts. Don't you get in in your country?"
"Oh yes,", antwoord Fanie, "but we sommer call it cabbage!"