AL WEN ONS NET DIE BAKLEIERY!

KORSIES OP DIE RUGBYVELD (33)
(Die hele pastei by: Korsies van Pastei)

Die voor 1995 rugblyklub, die Verwoerdburgse RVK in Pretoria, het maar 'n nederige begin in 1947 gehad as die Lytteletonse RVK. Dit het eers in 1970 die Verwoerdburg RVK geword.

In 1955 het die kommandowurms en droogte hulle rugbyveld so beskadig dat die manne verkies het om eerder langs die veld te speel en hulle het baie nederlae gely.

Sommer so terloops, die voormalige voorsitter van die Vleisraad, Fanie van Rensburg, alombekend as Meneer Rooivleis, het op sy dag vir die klub gespeel, so ook oudminister Adriaan Vlok, later jare bekend as die Voetewasser...

Een Saterdagmiddag het die kaptein, Paul Cilliers, voor 'n wedstryd gou 'n kort gebedjie soos gewoonlik gedoen maar was hierdie dag ook maar baie bekommer na alles wat oor 'n lang tyd nie baie goed vir hulle verloop het nie. Toe bid hy: "Ag, Heer, bewaar ons asseblief en help ons tog ook as daar 'n fight uitbreek dat ons dít darem sal wen".

In 1995, nadat ons land in 1994 op 'n skinkbord aan 'n kommunistiese owerheid oorhandig is, het selfs eens stoere Boere met klein dingetjies soos naamsveranderinge net so maklik gekapituleer as om die land weg te gee, en het die Verwoerdburg RVK hulself toe die Centurion RVK gedoop.