8 JANUARIE 2021

Of lees almal by Gedagtes vir elke dag

Die Bybelse uitdrukking "Werp jou brood op die water..." het veel dieper betekenis as wat meestal geag word. Dit het suiwer te doen met die saak dat ons sonder om iets terug te verwag goeie dade aan mekaar sal doen. Ons is ewig besig om te wonder watter voordele daarin vir mý is wanneer ek iets goeds aan my medemens doen. Die voorskrif is egter om dit te doen sonder enige verwagting. En dán sal die tweede deel van Prediker 11:1 ook vir jou waar word: "... want ná verloop van baie dae sal jy dit vind." Só sal God self jou vergoed al het ons geen aanspraak daarop nie.