Die dag sal kom... soos by Vereeniging

Dr Harry Mocke

Lees reeks by 1994: Slag van Meintjeskop

Verkragting van die reënboog

Op 'n stadium in ons geskiedenis het die Boerevolk en ons kerke die "Roomse gevaar" as 'n enorme bedreiging gesien. Daarna het die terroristegevaar, die kommunistiese gevaar, die liberalistiese gevaar en vele ander gevare, die Roomse gevaar laat vervaag.

Maar die "Roomse gevaar" het ook sy humor opgelewer. Die "Roomse" self was oorbewus daarvan dat hulle as 'n bedreiging beskou is.

Gcdurende die tyd van my loopbaan toe ek inspekteur van onderwys was, het my pligte my ook na kloosters, waaraan skole verbonde was, geneem. Die betrokke priesters het ook soms by ons op kantoor besoek afgelê om skoolsake te bespreek.

By een van hierdie kloosters, wat aan 'n Belgiese Orde behoort het, was 'n sekere priester wat 'n persoonlikheid van sy eie gehad het. Hy was onder meer erg geselserig sonder dat hy self veel te sê gehad het. Hy het jou dan soms besoek, sy sake afgehandel en homself dan in die stoel oorkant jou reggeskuif vir 'n laaang geselsie. Terwyl jou eie stoel brand en die werk jou van die tafel af aangluur, sit hy en wag dat jy die geselskap aan die gang moet hou. Hy is nie meer met ons nie.

Op 'n dag daag hy weer onaangemeld op. Ons handel die amptelike sake af en hoofstuk twee begin. Na 'n uur was ek radeloos van haas. Toe kom my kans. Hy verneem hoe dit met ds Greyling gaan. Op daardie stadium was ds Greyling, later dr Greyling, inspekteur vir Godsdiensonderwys. Ek verseker hom dat dit met die dominee goed gaan en verneem haastig of hy hom dalk wou spreek. Hy antwoord bevestigend en binne sekondes was ons op pad, die gang af.

Toe die vader die deur oopstoot, sit die verbaasde dominee voor hom. Toe kom dit: "Dag, Dominee, hier kom die Roomse gevaar."

Gelukkig is die dominee waaroor ek hier skryf, een van die flinkste denkers wat ek ken. Hy maak vinnig die situasie bymekaar en groet vriendelik. As dr Greyling hier klaargelees het, ken hy nou ook my jarelange gehelm en wil ek my dank aan hom oordra dat hy daardie dag deel van my beproewing gedra het. Dit is mos waarvoor 'n dominee daar is.

Daardie selfde vader het my een middag, teen my sin, saam met hom laat ry,terwyl ek vir 'n paar dae by die skool doenig was. Terwyl ons teen 30 km op die hoofpad 'voortspoed' in sy dieselbakkie, begin hy rustig en ernstig gesels. Hy hou die stuurwiel, maar kyk deurentyd na my. Ek hou die pad dop, wat heen en weer onder die bakkie slinger. Dan gaan die bakkie al stadiger. Die vader vergeet dat hy die brandstofpedaal moet trap om die ding aan die loop te hou.

Al stadiger, 30-20-10-vrek! In die middel van die grootpad staan ons.

Hy beduie vir my dat ons die gesprek vir 'n oomblik moet staak. Daar is ander pligte wat sy aandag vereis. Hy skakel die enjin weer aan die gang, trek met 'n vaart weg, wissel die versnellings tot bo en ontspan dan. Nou begin hy weer gesels en na my kyk, terwyl ek die walle langs die pad vir hom dophou.

30-20-10-vrek!

So gaan ons voort, heen en terug!

Ons kom darem veilig terug. Ek besluit vas en verseker: nooit weer nie. Ek moet ook mos 'n bietjie senuwees oorhou.

Terwyl al die ander gevare by ons gebly het, en nog 'n klomp in die nuwe Suid-Afrika bygekom het, het 'n groot gevaar stil-stil verskyn: Uit die Ooste het 'n dikker-wordende geel strOOm soos 'n kronkelende geelslang die land binne gekom. Sjinese!

Die "geel gevaar".

Om die komplikasies van hierdie "reënboogland" verder te kompliseer en nog 'n boog in die "reënboog" (wat 'n belediging vir die reënboog!) by te sit, kom nog 'n geel volk by.

Die Sjinese het dekades lank reeds hulle oog op Afrika as 'n kolonie waar hulle van hulle eie aantelende merges ontslae kan raak. Hulle ding mos met die swartes van Afrika mee om te sien wie die vinnigste die aarde van hoek tot kant kan opvul.

Terwyl hulle nou wag dat vigs sy werk vir hulle moet doen en die ruimte vir hulle moet skep, het hulle 'n oop deur in die Suide gekry. Die ANC-regering gooi die deure van Suid-Afrika oop, sodat hierdie geel goetertjies vinniger en vinniger kan inkom. Hulle kom onder die voorwendsel dat hulle kapitaal die land inbring, om werk te skep. Hulle wriemel reeds om ons, al werkskeppende vir nog Sjinese wat inkom. Min "Africans" vind in werklikheid baat by hulle koms. Net Sjina baat.

Saam met hulle kom die rekenaarskelms,stelers van skaars visbronne, ivoorsluikhandelaars en nog vele meer.  Daarby is hulle te slim vir Afrika om hulle vas te trek. So dra hulle veel meer uit as wat hulle indra.

In ons woonbuurte trek hulle in die beste huise in en ry in luukse motors.

Saam met hulle kom die afgode. Hulle priesters is reeds besig om oor die radio "godsdiensbeurte" waar te neem en in ons huise loer hulle deur die "eenoogmonster". Op Bronkhorstspruit verrys die grootste Boeddha-tempel in Afrika, nogal deel van die inisiatief van die oud-predikant van een van die grootste "susterskerke".

Soos die vigs die getalle onder laat uitloop, sal die geelslang Afrika van bo af weer vul. Dan kan die ANC kyk na 'n geel reënboog. Hoeveel vreugde sal hulle nie daaruit put nie. Hulle hou mos van reenboë - dit is nou die van hulle wat weet wat 'n reënboog is.

Vir kind en volwassene was die reënboog in die uitspansel nog altyd iets wonderliks. Jy gaan staan om eers te kyk. Maar as daardie reënboog se stand aardkleure verkrag sou word, sal hy sy bekoring verloor.

In hierdie land is alles reeds versteur en word elke dag verder versteur en verkrag deur onverfyndes wat glad nie verstaan waarmee hulle besig is nie. Die "reënboog" met 'n geel baan.

Daar is nie swart in die reënboog nie!

Wanneer waterdruppels uit die lug val en die strale van die son hulle teen 'n bepaalde hoek tref, hang ons Skepper vir ons die grootste en pragtigste skildery denkbaar in die uitspansel.

'n Volmaakte boog met sewe kleure in die volgende volgorde daarin: Rooi, oranje, geel, groen, blou, indigo en violet. Sewe kleure. Die volmaakte getal.

As kinders het ons altyd in verwondering daarna gekyk totdat dit verdwyn. Nooit gewaag om onder die reënboog te probeer deurloop nie, want dan sou jy glo 'n dogtertjie word.

As volwassenes bewonder ons dit steeds, met meer begrip en insig. Dit bly egter 'n wonder wat net God in sy volmaaktheid kon skep.

Ons as Christene ken die reënboog nie alleen aan die uitspansel nie, maar ook uit die Woord (Gen 9). Ná die Sondvloed het God 'n verbond met die mensdom en met alles wat lewe gesluit,  dat die lewe op aarde nooit weer deur 'n watervloed uitgewis sal word nie. Hy het aan ons 'n teken van sy Verbond gegee:

"Toe het God gesê: 'Dit is die teken van die verbond tussen My en julle en die wilde diere by julle, 'n verbond wat vir alle toekomstige geslagte geld: My reënboog het ek in die wolke geplaas. Dit sal die teken wees van die verbond tussen My en die aarde. Wanneer Ek wolke oor die aarde laat saampak, en die reënboog verskyn in hulle, sal Ek dink aan My Verbond met julle en al die wilde diere volgens hulle soorte'" (Gen 9: 12 - 16).

Die wyse waarop die reënboog gevorm word, is 'n natuurwetenskaplike proses, soos die Skepper dit bepaal het. Die ligstrale dring die reëndruppels binne, word gebuig, teruggekaats van die agterkant van die druppel af, en weer gebuig as dit uitkom. Die strale buig egter nie ewe veel nie, en as hulle by die voorkant van die reëndruppel uitkom, is hulle geskei. Die gevolg is dat die ligstraal in kleure opgebreek word.

Hier kom egter nou 'n groot waarheid uit die proses voort:

Die basiese kleur wat deur die ligstrale in kleure opgebreek word, is ... Wit lig!

Ons hoor deesdae so dikwels van 'n "reenboognasie".

Die interessante van hierdie opmerking is dat diegene wat daarvan praat, nooit deel daarvan kan wees nie, tensy die Skepper die basiskleur en ander kleure van die reënboog verander.

Swart is nie deel van die reënboog nie!

Daar is nog 'n basiese waarheid.

Nie Mandela of Tutu of enige ander mens kan die basiese kleure en samestelling van die reënboog verander nie.

Soos God die reenboog met sy kleure en samestelling geskep net, het Hy ook volke geskep; volke waarvan die mense binne daardie volk eenders lyk, dieselfde taal praat, dieselfde kultuur het, dieselfde gebied bewoon omdat hulle bymekaar hoort en by mekaar tuis voel.

Wanneer jy swart met wit meng, kry jy grys. As jy dit met enige van die ander kleure meng, verdonker dit daardie kleure en verloor hulle hulle suiwerheid.

Om hierdie verskillende volke in mekaar in te dwing deur hulle saam te laat woon, sommige se taal, kultuur, eiendom, basiese vryheid en regte te onteien en so te probeer om 'n "nasie" te vorm, is oneerlikheid, diefstal, verslawing, onderdrukking, walglik en alles wat teen die skepping indruis. Waar die kleure van die reënboog aan mekaar raak, vermeng dit en kry ons verskillende skakerings. Die basiese kleure bly egter eeu na eeu dieselfde. Wanneer die reënboog aan die uitspansel verskyn, is die kleure dieselfde soos tydens die Sondvloed.

Waar volke in die stede aan mekaar raak, sal hulle ook by wyse van uitsondering vermeng. Die basiese volke sal egter suiwer bly omdat hulle suiwer wil bly en trots is op wat hulle is. '"n Reënboognasie."? 'n Absurditeit!

Ons sien altyd net 'n deel van die reënboog. Ons sien net 'n halwe sirkel - 'n boog. In werklikheid is die reënboog 'n volle, volmaakte sirkel. Die res word egter agter die horison verberg. Namate die son na die weste sak, trek dit die boog al hoër en sien ons al meer daarvan. In die middel van die dag is daar geen reënboog sigbaar nie. Dan verskyn slegs die boonste deel van die reënboog. Nader na die aand sien ons die grootste deel daarvan wat vir die mens moontlik is om te sien.

Swart is nie deel van die reënboog nie. Swart is die kleur van die donker en die nag! Die nag met sy donker is sonder kleure en sonder die reënboog. Dit is net alleen swart.

Toe kom Judi met groot wysheid. Na baie dink oor die saak, het sy tot die slotsom gekom dat Mandela en sy klompie wit vriende hulle tyd mors om 'n reënboognasie te probeer skep. Dit is buite hulle bereik. Sy het besluit hulle moet liewer mik na 'n "Smartienasie". Dit is vir hulle haalbaar. Hulle kan Iekker met die "smarties" speel. Hier 'n paar swartes, dan weer geles, bruines, rooies en sommer nog baie meer swartes.

Daar is nie swart in die reënboog nie, maar daar is swartes in die "Smartie"-dosie!

Die mooiste voorbeeld van die ANC se "Smartienasie" is in die parlement in Kaapstad en in die regerings van die sogenaamde provinsies. Daar sit hulle: Swart, swart, swart, swart, wit, swart, swart, swart, bruin, swart, swart, swart, swart, geel, swart, swart, swart, swart... swart.

Al die kleure en geure!

Nee! 'n Reënboog met swart in is nie alleen onmoontlik nie, maar dit sal ook onooglik wees. God laat nie peuter aan sy volmaakte skildery in die uitspansel nie. Dit moet die ANC en sy paar wit meelopers in die parlement en in die provinsiale regerings nou maar weet. Die beste wat hulle kan bereik, is 'n "Smartie"-regering en 'n "Smartienasie".

Die ANC met sy klompie wit verloopte blankes, kan maar in die "Smartie"-Suid-Afrika agterbly. Op die regte tyd sal die Boerevolk, onder die suiwer geskepte reënboog, soos ons dit al die jare ken, sonder Mandela se mense en sonder sy verloopte wit vriende, ons soewereine, vrye Boererepubliek tot stand bring (verkieslik ons hele land - red). Die basiskleur van die reënboog, wit, sal weer die kleur van ons eie land wees.