Lees reeks by Siener van Rensburg, die mens

NOG VISOENE VAN SIENER REEDS IN VERVULLING

Die Depressiejare

Kort  voor sy dood  het  die  Siener  'n  gesig gehad  wat nogal  sterk herinner  aan  die droom  van die Farao  van Egipte  in verband  met die sewe vet koeie en die sewe maer  koeie:

Ek sien twee wit perde  in die more in die vlei kom wei. Hul wei met  hul koppe  na mekaar  toe, en in die middag  draai  hulle  van mekaar  weg. Hulle  is maer  en uitgeteer.  Toe kom nog een by wat net soos die ander twee lyk en hulle was drie.

In Oktober  1929 stort  die aandelemark  van New York in duie. Bankrotskappe    en  selfmoorde   het  gevolg.  Skielik  was  daar  nie meer geld in om loop nie. Die Depressie  het begin. En vir die daaropvolgende  drie jaar beleef Suid-Afrika  die kwaaiste  droogte in sy geskiedenis.

Die Tweede  Wêreldoorlog In een van sy briewe  skryf mnr. Boy Mussmann:  'n Paar  jaar ná die  beëindiging   van  die  Eerste   Wêreldoorlog,   het  'n   Duitse artilleris aan  iemand  in Schweizer-Reneke  gesê dat ná die stillegging van Krupp  se wapenfabriek  volgens die bepaling van  die vredesverdrag   van  Versailles,   was  die  beste Duitse deskundiges  in Russiese wapenfabrieke  werksaam,  en het  hulle toe reeds die voortsetting van die oorlog in die vooruitsig  gestel.
"Na  aanleiding hiervan  het  ons toe  met  die  eerste geleentheid besoek  by Nieklas  van Rensburg  afgelê  en hom gevra  of hy miskien  iets sien wat op 'n samewerking  tussen  Duitsland  en Rusland kan uitloop.  Hy deel ons toe die volgende  mee:
"Ek sien  spanne,  spanne  osse  uit die verre  noorde  van Europa afkom  na die suide,  elk met twee blou voorosse."
Hieruit  het  ons dadelik  afgelei  dat genoemde  twee lande  wel  eendag  gesamentlik  sou optree en dat Duitse offisiere (blou voorosse) die rou, ongeletterde  Russiese  troepe sou aanvoer. En toe die Vriendskapsverdrag   op 23 Augustus 1939 tussen Duitsland en Rusland  onderteken is, was daar verder ook niks meer aan te twyfel nie. Die gesig het later letterlik en op die presiese  plek in vervulling getree -   net soos oom Nieklas dit gesien  het.
Van die noordelike Yssee tot aan die Swart See in die suide was Duitsland  met die Russe in 'n stryd gewikkel.  Hulle (die blou voorosse)  het die inisiatief  en militêre leiding  geneem teen die Russiese  troepe  en nie oor  hulle nie; en die Roemene, Hongare, Slowake,  Finne, Hollanders,  Franse, Spanjaarde,   Italianers,  ens. (spanne,  spanne  osse)  is almal teen wil en dank  deur Duitsland  in die oorlog  ingesleep.

Boere in 'n drukgang

In Suid-Afrika  sou  die  Boerenasie  andermaal   in 'n  drukgang  geplaas word  wanneer  Jan  Smuts se oproep  kom om die wapen vir die Britse Empire  op te neem.  Oom Nieklas het dit meer as twee dekades  gelede reeds voorsien  en gesê dit sal weer wees soos  voor die Eerste Wêreldoorlog  toe die einste Smuts en Louis Botha  oorlog teen Duitsland  verklaar  het. Maar nou sal Botha nie meer daar wees nie en sou Smuts sy hoop  op genl. J .B.M. Hertzog  moes vestig. Oom  Nieklas het die ook volk gewaarsku  om nie agter Smuts aan te loop nie, en het gesê dat genl. Hertzog  nie enduit by Smuts sou  bly  nie  en dat dit die einde van Hertzog politieke loopbaan sal beteken.

Mnr. Mussmann  skryf: "Maar ons volk slaan nie ag op die waarskuwings  nie. Destyds op Senekal het ek ook oom Nieklas se woorde aangehaal:  Ons volk sal ongewapen wees en verdeeld. Hy het verder gesê: Nadat genl. Smuts in 1924 in Pretoria-Wes uitgeval het, het genl. Hertzog hom die Standerton-setel onbestrede gegee (net soos genl. Botha Losberg gekry het). Oom Nieklas  se woorde was drie keer: Generaal Smuts is generaal Hertzog se val!

"In 1924,"  skryf  mnr. Mussman  verder,  "was vier van  ons (my broer, twee Haasbroeks en ek) by oom Nieklas.  Daardie  dag het hy weer  gepraat  van ons volk se fout om altyd van sy voormanne   afgode  te maak.  My broer  sê toe aan die Siener:  Oom  Nieklas,  ek glo net aan genl.  Hertzog;  hy is ons beste  staatsman.  Waarop  ek (Boy Mussmann) laat volg:  Ek glo weer  Tielman  Roos  is ons beste  staatsman.  Die Siener  antwoord:  Broertjies,  julle  is altwee  verkeerd. Ek sien daar kom 'n tyd dat Tielman  Roos en Hertzog  kop-en-punt lê. Hulle gaan nie met ons volksaak  saam nie. Maar uiteindelik sien ek genl. Hertzog  staan op en kom terug.

"Toe ek dit op Senekal  vertel,  toe staan 'n  sekere mnr. Van Dyk in die vergadering  op en sê: 'Alles wat u van die Siener vertel  het, glo  ek; maar  dat genl.  Hertzog  sal terugkom,  glo ek nie, want  hy het ons te veel gevloek  en geskel.'  Ek het herhaal  (dit was in Feb.1938):  "Genl.  Hertzog  sal terugkom,  maar  die volk sal nie bymekaarkom  nie, nie voordat  die rooi kleihouer ons bymekaargebring het nie."

In '33 vind die samesmelting plaas. Ses jaar later breek die Tweede Wêreldoorlog   uit. Hertzog  wil neutraal  bly, maar Smuts  skaar hom  aan die kant van die Empire.  Hy wen die stryd teen Hertzog en dompel Suid-Afrika  in die bloedigste  oorlog wat die wêreld nog geken  het.

(Oom Nieklas se waarskuwing aan sy volk en genl. Hertzog was andermaal tevergeefs...).

Wit perd sonder tuig

In die Volksblad  van Vrydag 30 Sept.  1940 skryf mnr. Mussmann: "Alles wat (nou)  hier gebeur,  het die Siener voorspel. Daarom  het ek soveel moontlik  van  die  gesigte  (probeer)  onthou.  As  ek  die geheue  van ds. C.W. Retief  van Paul  Roux had,  sou min daarvan verlore gegaan het.

"Op 4 Sept. 1939 sien oom Nieklas die volgende visioen:  'n  Wit perd sonder tuig staan by Kaapstad en kyk na oorlogsmoeilikhede in  die  ooste. Die perd  is  sonder tuig. Hy verklaar  dit self: Sonder tuig beteken dat die span wat vir onsydigheid gestem het nie oor die middele beskik om dit te handhaaf  nie.

8 Jan.  1917 -   Waens met wit seile sonder osse vlug in Europa uit mekaar. (Die verwarring en angs wat in Europa  gevolg het op Hitler se Blitzkrieg).

12 Jan.  1917 -   In die Unie is waens wat  na ons kom. (Suid-Afrika tree toe tot die oorlog).   In Europa rol 'n geel steen na die Zuide.

Achier  is waens met blauw muile. (Japan tree  toe as bondgenoot van Duitsland).

19 Jan. 1917 -   In die Noord Weste is 'n emmer bloed wat omval.

21 Jan.  1917  -    'n Groot skotel mielies en die ou vrouw skep daaruit. (Jaargety)   Aan die Zuide staan 'n man met die roer aan die kop.

24 Des.  1917  -   In Weste van Europa is 'n groot oond en groot vuur brand in die oond die vlam slaat by die oond se bek.

"Die gesigte wat dateer van 19 Jan. 1917 tot 27 Jan. 1918 verwys onderskeidelik   na  die  geweldige   bloedvergieting    wat  sou  volg; skaarste  aan voedsel;  die lugbombardemente    dwarsoor  Europa  en laastens  na Hitler se inval in Rusland. In  hierdie verband  het oom  Nieklas  verder  ook  gesê:  Toe  kom in Europa 'n groot, blou steen (Duitsland) uit. Hy rol eers na die westekant toe, draai om en rol na die ooste en toe draai hy na die noorde...

"In die weste het die 'steen'  eers Holland, België  en Frankryk  verower;  daarvandaan   swaai  hulle na die ooste en word  die Balkanstate platgerol.  Vervolgens draai hulle noordwaarts en so begin een van die roemrykste  veldslae  van die 2e Wêreldoorlog:  Die maandelange  stryd tussen  die Duitse  Sesde  Leër onder  bevel van genl. Paulus  en die Russiese  magte. Die Duitsers het tot op die walle van die  Wolga  gevorder.  Die  finale  oorwinning  was  reeds  in sig toe hulle met die aanslag teen Stalingrad begin het. Maar die Russe het verbete  vasgebyt, en hoewel  hulle meer as 'n miljoen  soldate verloor het, het hulle uiteindelik die oorhand  gekry en Hitler sy eerste groot  neerlaag  toegedien.

In die weste van Europa kom 'n vrou met swart syrok (ryk mense),  swaar in rou. (Selfs die welgesteldes sou die verskrikking van  die Tweede  Wêreldoorlog   nie kon ontvlug  nie). In die Unie staan ook 'n vrou in rouklere en kyk na die slagvelde van Europa (ons sou ook betrokke wees).

19 Aug.  1922 -    In die Noorde van Europa is 'n groot misvuur van uitgesteekte mis - die vlam slaat in die middel uit. Daar is drie groot stene, tussen die stene is vuur. Naderhand is die stene ook vuur of is aan die brand. Die drie groot stene verwys  na Europa, Amerika  en Japan se betrokkenheid  by die oorlog.

15 Okt. 1918 -   In die Noord Westevan Europa is een schewwe blauw  steen  en hy verander  in een ploeg  wiel  en breek  aan stukke. Duitsland  se ondergang word herbevestig.

15 Aug. 1923 -   (Aanhaling  uit 'n lang visioen  oor die Tweede Wêreldoorlog. Hierdie  aanhaling  verwys o.m. nie net na die skrikwekkende  gevolge van  die oorIog  nie, maar volgens  die Siener  se seun Kallie,  sê dit ook vir ons hoe en waar  die oorIog begin  het):   Toe is daar  'n dorp  en uit die dorp vlug mense  bosse  in. (Ek gaan in Europa  om 'n groot  huis  en  kom  in  die  volgende   huis - in  een  kamer lê osrieme). Die mense  wat die bosse  in vlug, verwys na  die dag toe Duitse magte  die Sudetenland   en Oostenryk  in 1938 binnemarsjeer   het.

25 Aug. 1922 -   Ek gaan   op na die noorde met motor. Die grond voor my  is  eers  brakagtig   toe  zanderig   en  daar is   bale  groen garingbome   en raak weg.   Ek kom toe by droë  bome en tussen is  voetpaadje.  Toe kom ek deur die bome is dit 'n pad en ek ry met my kar in die pad  en daar is nog karre agter my, ek kom by 'n hek en gaan  deur toe ek deur die hek is kom  'n klomp  boere te perd  by my verby. In Europa  is 'n nuwe, lang zinkhuis  met nieuwe  deure en vensters  en alles staan  toe  (belang  aan Duitsers).  Daar  staan 'n baksteenhuis   wat  die  voormuur   heeltemal   weggeval   het  die Agtermure   staan nog (Belang  aan Engeland.]Toe is daar  'n groot  Zinkhuis  maar  baie bouvallig  (Be lang aan Franse.)

Verklaring  (kortliks):  In die eerste maande  van die oorIog sal 'n deeglik  voorbereide  Duitsland  heeltemal  ongeskonde  bly): In Europa  is 'n lang zinkhuis met nieuwe  deure  en die staan  toe. DIe volgende  beeld:  Toe is daar 'n baksteenhuis wat  die  voor  muur helemal  weggeval  het, net die aehter murasie  staan nog - dui op Engeland  wat,  ondanks  groot  verIiese,  die  vele  aanslae  van  die Duitsers  sal oorIeef. Toe is daar ’n groot  zinkhuis  maar banja bouvallig. (Frankryk  se kaputilasie kort  na die uitbreek  van  die oorIog).

Meer breedvoerige   verklaring:  'n Motor  is geriefliker  as 'n perd en dus is die reis sonder vermoeienis.  Die brakagtige  grond en sanderige  grond  dui op 'n gebrek  aan vooruitgang  of dat daar weinig kans op sukses is op die pad wat gery word.  (Jan Smuts).  Droë garingbome  beteken 'n regering wat nutteloos  is en waarmee  die Afrikaner  geen  kontak  meer  het nie.   Die droë bome met die voetpad  is probleme  van die kant van ander lande  (klein, onbelangrike   lande).  Die voetpad  bemoeilik  vordering  totdat  die Afrikaner  uit die versperrings   en probleme  kan kom. Dan is daar 'n pad en kry die Afrikaner  rigting en koers.

'n  Hek is 'n  verandering,  ‘n deurgaan  van  een plek na 'n  ander of van een situasie  na 'n ander. Op daardie  punt kom boere te perd verby   -    die  behoudende,  konserwatiewe  Afrikaner  wat  weet waarnatoe  hy wil? (NP-bewind   1948).                                    .

Wanneer  hierdie gebeure  'n aanvang neem (1939), het Duitsland ’n nuwe   sterk regering.  (Die Nazi-party).  Alles  aan die gebou  is nuut,  en sy een  besondere   kenmerk  is dat  hy baie  dinge  in  die geheim   doen.  Daarom   is  die  deure  en  die  vensters  alles toe. Niemand sal presies weet  wat  daar in die mou  gevoer  word  nie. Die huis is egter van sink en daarom is dit 'n harde,  ongenaakbare regering.  Engeland  kry in daardie  tyd die wind  van voor en word op grootskaal  verwoes,  want die voorste  muur is weg. Heel swakste van die drie is egter Frankryk  wat nou slegs  'n bouval is. Al drie lande sou later  ‘n belangrike  rol in die Afrikaner  se toekoms  speel.

Vervolg...