Lees reeks by Siener van Rensburg, die mens

Die sewe plae van Engeland – wat nog in vervulling moet gaan

Een van Siener van Rensburg  se mees ontstellende gesigte is ongetwyfeld  die  een  i.v.m. "Die sewe plae  wat  God  vir Engeland beskik  het".  In  die bronne beskikbaar is daar meer as 20 direkte verwysings  na hierdie vreemde  en  skrikwekkende  gebeurtenis wat,  volgens die Boereprofeet,  vroeër of later  nog Engeland  se lot gaan  wees.

Daar was by oom Nieklas nooit enige twyfel dat Engeland  se finale ondergang  die gevolg sal wees van die misdade  wat hy destyds in die Boereoorlog  teen Afrikanervroue   en  -kinders  gepleeg is nie. "Kyk,"  het hy een keer aan 'n vriend  gesê: "elke  maal  as daar 'n groot wêreldgebeurtenis kom, dan word kinders en vroue vermoor en dan volg die straf gewis. Het Farao dan nie ook die vroedvroue opdrag gegee  om al die manlike  kinders by geboorte  dood te maak nie? En die straf was dat Farao met al sy ruiters in die Roode See begrawe  is ..."

In hierdie verband  het hy dan verwys  na I Samuel 15:2-3:  "So sê die Here  van  die leërskare:  Ek het terdeë  gelet op wat Amalek  Israel aangedoen  het, dat hy hom in sy weg gestaan het by sy optog uit Egipte.  Gaan  nou en verslaan  Amalek,  en julle moet met die banvloek tref alles wat hy het; en jy mag hom nie verskoon  nie, maar jy moet  om die lewe bring  man sowel  as vrou, kind en suigeling, bees en kleinvee,  kameel  en esel..."

Daar  is min  twyfel  dat  Siener  hierdie  sonderlinge  visioen  oor "Engeland  se sewe plae" by verskeie  geleenthede  breedvoerig  met 'n paar intieme  vriende  bespreek  het:                                               .

"Ek sien 'n vrou wat met linte opgetooi  is ('n sinnebeeld van die Engelse  volk). Dan sien ek hoe die linte een vir een begin afdraai totdat  die vrou naderhand  heeltemal  kaal is -  en uiteindelik sien ek haar sterf. Dit beteken dat Engeland  met verloop van tyd al sy buitelandse besittings en kolonies gaan  verloor..." (Hierdie  deel van die visioen  is reeds bewaarheid).

Die eerste plaag:

Vorentoe  gaan dinge vir Engeland nog baie lelik skeef  loop, sê oom Nieklas: "Ek sien sewe swart wolke in die lug met druppels wat net so begin uitsak. Toe kom 'n man met 'n grys pak klere ('n geestelike leier)  by my en vra my of ek die sewe wolke aan die lug opgemerk het ­­­­­­­­­­­­­­­­­­­­­­­­­­­­­­­­­­­­­­. Ek sê toe ja, ek sien aan elke oord 'n oos, wes, en suid twee swart wolke, maar aan die noorde kant net een swart wolk. Toe sê die wese met die grys pak klere: " Kyk, dit is die sewe rampe wat God oor Engeland   gaan  uitgiet  en  wat  Engeland  sal vernietig ....'" Volgens oom Nieklas het hy op daardie  oomblik skielik weer onthou  van die Engelse  vrou wat met linte opgetooi was.

Die  tweede plaag:

Hy vertel  dan verder  dat  toe  hy in 1914  gevangene  in die Fort was, hy een nag gesien het hoedat  hy en die Rebellie-offisiere saam met hom in 'n put  staan  (dit beteken  groot  moeilikheid). Maar  by hulle in die put was daar  'n lang leer en hy (Siener)  staan met sy voet op die eerste sport van die leer. Terselfdertyd  het hy ook gesien hoe die gras in Engeland brand ('n burgeroolog woed  daar).  Die vlam slaan baie hoog uit; dit  raak  weg en  die wêreld  lyk soos 'n land wat gelyk geêg is. Toe is daar  'n put. In die put is 'n bont vark (Engeland wat in groot ellende verkeer) en hy staan teen die walle en snoep. Die vark lyk soos een wat nie kan uit nie. Oor die put lê net 'n paar  garingboomhoute.   (Engeland  sal pogings  aanwend  om sy haglike omstandighede  vir die res van die wêreld  weg te steek). Hy  sê  die  vark  is  vreeslik  honger.   Dit  wys  ook  op   n  groot hongersnood  wat Engeland  in die toekoms  gaan  tref.

Toe hy dit sien, het hy dadelik  geweet  dat hulle groepie  daar in die Fort  en ook die Boerevolk  nog uit die moeilikhede van die Rebellie en die nasleep  daarvan  - die eise van duisende ponde wat teen Rebelle ingestel  is  -  gered  sal word.  Maar by daardie bont vark  was  daar geen reddingsmiddel (leer)  te sien nie,  en dit het gewys dat Engeland se ondergang aaklig gaan wees.  Ook op ekonomiese  gebied:                                                                           .

"Ek het gesien hoe die varke  oor 'n damwal  harloop.  Die dam word  leeg en dan sit daar 'n groot voël onder  op die straatklippe. 'n Klein voëltjie kom toe aangevlieg,  maar word byna dadelik deur die grote  ingesluk."  Hy het  die gesig  self  as volg  verklaar:  "Die dam water is Amerika  wat geld aan Engeland  gaan leen, en dit sal uiteindelik  tot gevolg  hê dat Engeland  finansiëel  gebreek word."

Die  derde plaag:

Hongersnood en geldskaarste sal in daardie tyd oor Engeland kom. Dan sal groot troppe swart beeste (mense uit Afrika  en Indië) die land van die oostekant  af binnehardloop.  Die een bees sal nog vassteek en terugkyk. Oom Nieklas sê dit dui aan van watter kant af die gevaar kom: al die gekleurde  rasse uit Sy Majesteit se voormalige kolonies sal na Engeland toe stroom en groot rasseprobleme tot gevolg hê – want in Afrika en die Ooste sal daar verskriklike ellendes heers en desperate hordes siek en verhongerde  Indiërs  en swartes gaan in Engeland en ander  dele van Europa 'n heenkome soek.

Die vierde plaag:

Hy sien dit as 'n pot wat op die vuur staan. In Engeland  en Frankryk is gewone potte op die vuur. Dit dui op burgeroorloë.   Maar in Rusland sien hy 'n seeppot  op 'n gloeiende  vuur  -   dit beteken dat  'n ontsaglike  burgeroorlog   daar  sal  woed.  Dan  staan Duitsland en Amerika bymekaar  en hul  beveg Rusland.

Oor hierdie  slagting sê Siener:  "In 1914 was dit so donker dat ek nie my perd se maanhare  mooi kon sien nie. Maar dié keer sal dit so donker  wees  dat mens nie eens jou  hand voor  jou oë kan sien. Dog vir ons wat weet wat gaan gebeur  en hoe die redding  kom, sal dit nie so donker  wees as vir die wat nie weet nie ... "

Die vyfde plaag:

Siener vertel dat hy in die Eerste  Wêreldoorlog  gesien het hoe die Britse vloot die Duitsers by Jutland aanval. Daar het hy Kitchener sien sterf,  en toe was  die  Britse vloot soos skaalbakkies op die water.  "Dit meen hulle het kragte  gemeet  en is  te  lig bevonde ..." Maar in die verre toekoms sien hy die Britse vloot soos leë kassies koersloos  op  die  see ronddobber.   Hulle  is nutteloos   en  doelloos, "want watter nasie kan veg as hy burgeroorlog en  hongersnood beleef?

Die sesde plaag:

Hy sê aan  Boy Mussmann:  "Ek sien 'n man op 'n swart perd die water inry. Ek sien hom net soos ek jou nou daar sien; ek sien hoe die water spat en hoe dit  oor  hom slaan. Perd en ruiter verdwyn onder die water.  Dit sal met Engeland  se weermag  gaan presies soos met Farao  se ruiters wat die Israeliete in die Rooi See agtervolg het."

Die sewende plaag:

Die  laaste plaag wat Engeland gaan tref,  sien hy as  volg: "Daar staan 'n bont vark. Ek  plaas my een hand om die voorpote en die ander hand om die agterpote  en met een slag pluk ek sy pote onder hom uit dat die vark omval. En, dit is dan ons (die Boerenasie se aandeel aan die ondergang  van Engeland ..."

Gedurende  die eerste dekade van hierdie eeu was dit in 'n sekere deeI van Transvaal  algemeen bekend dat 'n baie vooraanstaande predikant net na afIoop van die Driejarige  Oorlog (1902)  'n vloek oor Engeland  uitgespreek   het. Sy woorde  was glo: "Wat julle aan ons vrouens en kinders  gedoen  het, gaan julle  vrouens en kinders ook nog tref!").

Vervolg...