Die reg op verskeidenheid is ook die reg op beskerming van ons Afrikanervolk se eie identiteit. En dit is waar ons stuit teen die huidige kultus van menseregte en die Menseregte-akte, wat 'n instrument is waardeur gepoog sal word om kulture te integreer met die skyn van juridiese geregtigheid. Die slim Franse intellektueel, Alain de Benoist sê oor die menseregte: "...die ideologie van menseregte, die nuwe godsdiens van die sterwende moderniteit, funksioneer as 'n skuilplek waar die ontgogelde stryders van weleer ná hulle aftog nou rou oor hulle illusies".  Dit klink 'n bietjie ingewikkeld maar u kan die strekking daarvan volg.

Die menseregte is 'n kultus wat geskep is om veral die rassekwessie uit die gesprek uit te skakel, om die mindere rasse dieselfde rang te gee as die ander rasse en hulle uiteindelik deur getalle die oorwig te gee. Deur ras as 'n onderskeidingsfaktor te misken en uit te skakel, moet die "nuwe nasie", of liewer die fiksie van 'n 'nuwe nasie" nou gebou word. Ons sal nooit aan die werklikheid van rasseverskil ontkom nie. Dit is die grootste bedrog wat daar gepleeg word om mens sku te maak vir die feit van rasseverskille, sku te maak vir sy rasbewustheid, bang te maak dat hy beskuldig word van rassisme, en dit is dan die grootste 'vloekwoord' wat teen jou geuiter kan word. Ons moet daarvoor terugdeins om ons daardeur te ontwapen, te ontman teen die aandrang van die Swart ras.

Let op wat tans in Suid-Afrika aan die gang is - daar word nie meer op grond van die Skrif regeer nie, maar aan die hand van wetgewing wat aan die hand van die Handves van Menseregte getoets word.   In praktyk kom dit daarop neer dat daar nie deur wette nie, maar deur sogenaamde regte regeer word!   Die Hooggeregshof het byvoorbeeld die reg om alle bestaande wetgewing aan die hand van die Handves van Menseregte te toets en selfs nietig te verklaar indien dit die regte van ’n individu skaad. Kan so 'n land nog op God se hulp steun?