https://youtu.be/LZhIWqcaUws?si=NU0aY1RHfBFvj3Za 

By die skakel hierbo gesels dr Jann Schlebusch oor volksondes en volksverootmoediging.

Die Afrikaner & Boer staan nie net voor ’n politieke of kulturele stryd nie, maar voor ’n geestelike toets. Geen volk kan voortbestaan as hy sy rug op God draai, sy eie eer soek, verdeeld leef en die waarheid van sy Woord versaak nie. Volksverootmoediging beteken daarom nie bloot emosie of simboliese gebare nie — dit is ’n volk wat saam erken: “Ons het gesondig teen God.”

Persoonlike verootmoediging gaan oor my eie hart voor die Here. Volksverootmoediging gaan verder: dit is wanneer ’n volk sy hoogmoed, liefdeloosheid, verdeeldheid, materialisme, onreinheid, geestelike traagheid en ongehoorsaamheid openlik bely en terugkeer na God se orde en waarheid.

Die Here vra nie eerstens politieke mag nie, maar gehoorsaamheid. Nie net woorde nie, maar bekering. Nie net tradisie nie, maar waarheid in die binneste. “Soek eers die koninkryk van God en sy geregtigheid...”

Mag die Afrikanervolk weer leer om op sy knieë te leef; om sy sondes te belei sonder verskonings; om vaderskap, waarheid, geregtigheid, geloof en selfdissipline te herstel; en om weer ’n volk te wees wat nie sy hoop in mense plaas nie, maar in God alleen.

“Soek eers die koninkryk van God en sy geregtigheid...”