Nuutste bydraes

GEDAGTES VIR ELKE DAG

Of lees almal by Gedagtes vir elke dag

As jy jou bekeer, Israel (SA?), spreek die HERE, bekeer jou tot My; en as jy jou verfoeisels van my aangesig af verwyder, hoef jy nie rond te swerwe nie – Jeremia 4:1

DIE WIT HORISON (8)

EERSTE SA ANTARTIKA-EKSPEDISIE

                                DESEMBER 1959 - JANUARIE 1961

             Gebeure neergepen deur dr André le R vd Merwe wat as dokter die reis meegemaak het

Lees reeks by Die Wit Horison - 1e SA Antartika-ekspedisie 1960

Die Eerste Suid-Afrikaanse Nasionale Antarktiese Ekspedisie (SANAE 1) het uit die volgende 10 lede bestaan waarvan drie nog leef en tans (2017) in hul tagtigerjare is:

Hannes la Grange – Leier - Oorlede
Marten du Preez - O/leier en Radio-ingenieur  (Tans woonagtig in Waverley, Pta)
Dr Andre v d Merwe – Dokter - Oorlede
Victor von Brunn  - Geoloog - Oorlede
Dick Bonnema - Senior weerkundige - op 27/02/2017 oorlede
Theo van Wyk
Weerkundige (Tans woonagtig in Birchleigh, Kemptonpark)
George Strauss – Weerkundige - Oorlede
Blackie de Swardt – Weerkundige - Oorlede
Chris de Weerdt - Dieselwerktuigkundige (Tans woonagtig in Silwerlakes, Pta)
Niek Erasmus- Radio-operateur - Oorlede

Die leser sal met verdrag ook lees van ander Suid-Afrikaners wat slegs as waarnemers die volle reis meegemaak het asook van 'n hele aantal Noorweërs teenwoordig.

WIT MAANHARE - AANKOMS

Twee keer het die voorstewe met ’n harde slag teen ysblokke gestamp, vir ’n oomblik het die boot op sy agterpote gestaan soos ’n perd wat voor ’n versperring deins, wild gekantel om sy balans te herwin, en tussen die gebarste ysblokke neergeplons.

Die kleiner stukke het hy onder die grotes laat induik of bo-oor geskuiwe. Die wakkerskud het jou net vir ’n oomblik laat luister of die ys weer teen die ysterplate klap. Wanneer jy dit en die gedreun van die motore hoor, het jy geweet jy hoef nie op te staan om ysblokke te gaan wegstoot nie. Met ’n gevoel van tevredenheid en selfvoldoening het jy omgedraai en die komberse stywer om die nek getrek om die sluimering van die slaap nie te verloor nie.

Hoe lank ek geslaap het, weet ek nie. Toe ek in die verdwalende donker van die kajuit wakker skrik, het ek dofweg die dreuning van die motore gehoor, maar geen ysgeklap teen die voorstewe nie. Vir ’n oomblik het ek gedink dat dit maar weer tyd was om ys te gaan wegstoot. Ek het gehoop dat daar al genoeg buite op die ysplaat was om dit te doen.

John Venables het opgewonde die kajuit binnegestorm. Toe hy die lig aanskakel, het sy gesig nuuswaardig geskitter en kon ek sien dat dit oor iets besonders was.

"Dis oop see net waar jy kyk. Dis net te ongelooflik!” het hy gesê.

Hy was verheug oor die aanvang van ’n nuwe strekking in sy nuusberigte. Toe het ek fyner geluister. Die water het gesuis soos die boeg daardeur speel. Ek het my na die voordek gehaas.

Die golwende oseaan het weer eens om ons gestrek. Wit maanhare het langs die boeg gestaan. Die seebries het prikkelend in my neus opgestu. Die skroef het lustig vleismeul gespeel en agter aan albei kante ’n golf uitgemaal tot wie weet waar. Na die wekelange gevoel asof jy op ’n skotskar oor klippe deur ’n wit Karoo stamp, was jy weer eens bewus dat jy op ’n boot staan wat werklik water kon klowe.

Dit was ongelooflik na die wekelange stroewe gesukkel deur die ys. Ek het gedink aan die koddige ysfiguurtjies wat by Bouvet- eiland op die water gewieg het. Aan die pieringys en die groot blokke wat in al hoe groter stukke saamgesweis het hoe verder ons gekom het, totdat hulle een aanmekaar plaat gemaak het, en die neus van die boot wat die wit veld omgedolwe het soos ’n ploegskaar sooie op ’n saailand. Daarna die homperige heuwelrigheid waarvan die son die skaduwees verander het, en waar die dag en nag in mekaar gesmelt en ’n ryke kleurtoneel afgespeel het. Ek het gedink aan die gesoek na waterbane en die welkome vonds van ’n poeletjie water waar die pikkewyn soos ’n swart gans op die water geseil en waar die wasem van die jagwalvis se stink asem hoog in die lug opgestoom het.

Dit alles was so ’n nuwe ervaring dat jy lank daarvan wou geniet. Maar toe jy versadig was, het jy die drang gewaar om die oop waters te sien, jou vaart te versnel en jou bestemming te bereik.

Dit was bykans ongelooflik.

Uiteindelik was ons in die tien myl bree kusstrook water wat deur die landwind oopgestoot word. Ons was in die oostelike strook, wat weswaarts skiet na die Weddellsee, wat kort anderkant wes begin en strek tot waar Grahamland ver wes uitboog.

Gemengde gevoelens het hulle van ons meester gemaak. Ek was bly oor die vooruitsig van die aanvang van ’n nuwe fase en die verwerkliking van die ondememing. Daar was ook rede om jammer te wees, jammer oor die naderende afskeid van vriendelike, hulpvaardige en waardige waarnemers wat ons vergesel het, en nadat hulle ons gehelp het om voorrade af te laai en te karwei, weer moes terugdraai.

Daar was Kosie met sy ronde gesig en kaalkop en sy altyd seevierende glimlag en gevatte opsomming van netelige situasies. Chappie met sy swart pet hoog op sy voorkop teruggestoot wanneer hy uit sy herinneringe opdiep en vertel van die aangename swaarkrydae as vlieënier in sy eskader. Lorrie met sy wipneuslaggie en onomwonde uittrap van iemand wanneer hy meen dat die persoon horn anders behandel het as wat hy verdien het. Die pligsgetroue Klei, wat weer sy "wecht” sal terugkry wanneer Chris op die ysland atgergelaat is, en wat reeds op jeugdige leeftyd sy weg in die lewe so vol vertroue en met sekerheid gevind het. Jannie se sonnige glimlag en stralende oë wanneer hy beskeie vertel van sy fotografiese prestasies. Die kommandeur met sy vaderlike lewenswysheid en glasie in die hand. Die admiraal met sy "Hi, you chaps”-benadering en sy ondervinding met twee pikkewyne op die Antarktiese ysvelde.

Daar was Gawie, eerlik en opreg, ’n man wat jy kon vertrou. Altyd gewillig en gretig om te doen en te help en na jou stories te luister asof hulle werklik belangrik is. John van die pers, dikwels ontstoke wanneer sy "scoop” sy trefferwaarde verloor het omdat die radiosender oorlaai was of die atmosferiese steurings betydse versending verongeluk het.

Hulle was geen grootmenere of leeglêers, grootpraters of lyfwegstekers nie. Hulle grootsheid het geen plek vir kleinlikheid gelaat nie. Die herinneringe aan hulle sal vir ons geselskap bly.

Naby aan stuurboord het ’n hele broeisel eenderse ysberge gelê, en so ’n bietjie eenkant die moeder van die klomp, maklik twee myl lank. Dit het gelyk soos ’n eend wat haar ses-en-twintig kleintjies vir hul eerste swemles neem. Almal nuwe tafelberge, waarvan twee ’n afgesaagde poot gehad het en aan die kantel was om aanstons speel-speel bolmakiesie te slaan. Ver weg op die noordelike horison het die rand van die pakys ’n blink streep oor die blou water getrek.

’n Entjie voor ons was die laaste smal strokie ys om deur te beur. ’n Mens sal hierdie versperring mis. Die spoed neem skielik af. Versigtig nader die boot, ’n ligte stampie, ’n gerammel van ys, die boot waggel effens, en die kaptein trap weer die versneller weg. Dit was die laaste onegalige gang van die Polarbjorn op sy vaart na Suidpoolland.

’n Keiserpikkewyn het agter die naaste homp uit verskyn en vriendelik-aarselend sy stompievlerke geklap. Toe net weer die sagte streling van die water teen die voorstewe. Die son het so helderwarm soos nooit tevore nie geskyn. Die temperatuur was maar minus 1.7 grade. Aan die suidekant het die glimmende ysbankfront, soos ’n ringmuur om die vesting van die Suidpool, waterpas uit die skoon donkerblou water opgeduik. Langs die ysmuur het ons ooswaarts aangehou, skuins teen die suidoostewind, wat met sy vier-en-twintig knope teen ons gewaai het. Dit was fris soos ’n Karooplaas se oggendlug.

Jy het die nuwe gesig waarna jy so lank uitgesien het, betrag en bewonder, nie dat hy afwisselend was nie, maar omdat hy iets nuuts was. Die grootste afwisseling was in jou gemoedstemming. Die een oomblik was jy ingenome met die toneel, dan eensklaps was dit asof iets jou beklem en jou onseker maak oor wat voorlê. Twaalf maande lank sal ons tien op die sneeuvelde saamboer, elkeen elke dag met dieselfde nege. Tussen ons mag dit eensaam word. Die eensaamheid sal bekoring en nuwe waardes moet ontwikkel.

Twee ysinhamme het ver oos verskyn. Die kaptein het vir die verste een, Polarsirkelbukta, gemik. Die ysveld het daar skuins na die waterkant gesak om die aflaaiery maklik te maak.

Ons het mense en ’n trekker op die sneeu sien staan. Dit was die Nore, van wie party al drie jaar by die basis was, en wat later vertel het dat hulle graag langer sou wou bly. Intussen het nog ’n rooi voertuig oor die bult aangestorm gekom dat die sneeu so staan, en langs die ander stilgehou.

Lustig skel die trompettoeters van die twee voertuie, en nog lustiger antwoord die fluit van die robbeboot, wat nou soos ’n grootmeneer deur die water hardloop asof hy nog nooit in sy lewe in ys vasgesit het nie.

Ons was bly en opgewonde en die kaptein was ingenome, want nou sou hy sy manne betyds vir die robbeseisoen by Newfoundland kon bring. Ons het gewaai en geskree en hulle ook, hoewel ons mekaar se stemme bo die geskal van die trompette en geblaas van die bootfluit nie kon hoor nie.

Die arms van die inham het die wind vasgevat en die water was spieelglad en die lug bewegingloos blou. Die sonlig het skoon op die wit satyn gelê. Alles stil in afwagting.

Die boot het sy neus versigtig teen die ysmuur gestamp en geskuur en ’n oorhangende stuk ys die water laat intuimel om vaster en veiliger aflaaiplek vir die nuwe trekker en die duisende kiste en brandstofkonkas te maak.

Dit was tien minute voor twee die middag, Vrydag, 8 Januarie 1960, ses-en-dertig dae ons afskeid van die gawe mense op die Kaapse kaai. Die boot het sy kant teen die ys ingevroetel, en ’n leer is oorgelaat. Die ysvlak was gelyk met die boonste rand van die voordek, sodat die leer as gelyke voetpad gedien het om "aan sneeu” te stap. Magnar was eerste daar. Ander matrose het gevolg om die boot vas te meer. Agt Nore en een poolhond het stil op die ys gestaan.

Daar was geen uitbundige verwelkoming nie. Sonder om hul landgenote te groet, het hulle gehelp om die kabels styf te trek en aan ’n draadlus wat om twee versonke brandstofkonkas, wat betonhard onder die oppervlakte vasgeys was, vas te maak. Toe eers het een van hulle Magnar se hand geskud.

Dit was so anders as die gesellige en rumoerige kaai van die Kaap. Toe die gedreun van die motore ophou, was die stilte oorweldigend. Kosie hier langs my het met gedempte stem gesê: "Ja, hier is ons.”

Meer kon hy op dié oomblik nie sê nie.

Vervolg...

U soek na?

  • HOU VAKANSIE IN MOSSELBAAI !

    Baie netjiese vakansie-akkommodasie in Fraai Uitsig, Kleinbrakrivier, Mosselbaai Munisipaliteit. Twee kilometer vanaf Kleinbrak en Tergniet se swemstrande en ongeveer 10 kilometer vanaf Hartenbosch. Pick n Pay binne loopafstand.
    Kliek hier vir volledige inligting en foto's: OPSOEK NA BEHUISING VIR VAKANSIE?
     
    __________
     
    DIE HISTORIESE KOMPAS
    _________
     
    SKAARS BOEKE TE KOOP
    C J LANGENHOVEN 16 VOLUMES
    FAK-SANGBUNDEL 1 VOLUME
    Hierdie 16 volume Langenhoven-stel is 'n goedopgepaste kosbare versamelstuk. Dit beslaan die volledige inhoud van Langenhoven se bundels soos Sonde met die Bure; Loeloeraai; Herrie op die ou Tremspoor; Doppers en Filistyne; en al die kosbare stories uit die pen van Langenhoven.
    Die FAK-sangbundel is ook in goeie toestand en kan saam of apart van die Langenhovenstel gekoop word.
    Eienaar moet na 'n kleiner woonplek verhuis en vra 'n redelike aanbod vir sy boeke.
    Die aanbevole waardasieprys vir die Langenhovenstel is R1600.00; en vir die FAK R100.00
    Koerierkoste sal bykomend wees.
    Kontak

    Chris Carstens

    Sel no 082 954 3383

    Epos adres

    chris.carstens

    @vodamail.co.za

    ___________
    DIGBUNDELS:
      'n Versameling van 4 elektroniese bundels - 226 gedigte @R350.00:  
    Vir alle navrae  skryf aan 
    Amanda
    @waterstrome.co.za
    Uittreksel uit:
    'n Nasie in Pyn:
    ...Saam sal die hele wêreld vir hulle bid.
    Saam sal ons met pyn in ons harte sit.
    Mag hulle berus in u wil
    Mag hulle voor U verstil.
    _________
     
    BOEKRESENSIE:

    Die Legkaart van ons Lewe – ‘n Boodskap van Hoop

    Lees meer oor dié getuienis by:

    DIE LEGKAART VAN ONS LEWE

    __________

    BOEKRESENSIE:

    DIE VOLMAAKTE REPUBLIEK – Christen-Teokratiese Separatisme

    'n Boek getiteld DIE VOLMAAKTE REPUBLIEK - Christen Teokratiese Separatisme, uit die pen van ds AE van den Berg, het  in gedrukte vorm verskyn. 
    Suid-Afrika verkeer tans in 'n kommerwekkende toestand omdat mense se kennis oor die Bybel en die Staat so verwater het dat land en volk as gevolg hiervan ten gronde gaan.  
    DIE
    VOLMAAKTE REPUBLIEK - Christen Teokratiese Separatisme, bring helder perspektief oor rasseverskille en die natuurlike skeiding van rasse wat sal lei tot die herstel van Suid-Afrika. Die land het 'n dringende behoefte aan geestelike transformasie wat landsburgers van denkrigting sal laat verander en van al die sogenaamde polities-korrekte onregte en gewaande vryheid waarmee hulle belas word, sal bevry.
    Lesers word aangemoedig om hulle daadwerklik vir 'n Christen-teokrasie in 'n volmaakte republiek te beywer deur sinvolle besluite te neem in die lig van God se Woord, en onophoudelik te bid dat dit spoedig hier aan die suidpunt van Afrika verwesenlik word. Politiek is 'n saak van erns en harde werk waardeur wet en orde gehandhaaf word en durf nie in eerlose hande gelaat word nie. God is 'n God van orde, en mense word aangemoedig om die koninkryk van God eerste te stel, iets wat op staatkundige gebied slegs in 'n Christen-teokratiese bestel tot sy reg sal kom.

     

    U kan hierdie boek bestel by
    ds AE van den Berg
    Tel: 074 967 5187  of by

    vryheidsbediening

    @gmail.com
    Prys: R50-00

     
  • BOEKE TE KOOP

    ‘n Nuwe Trek: Terug na u God

    Die Oerteks van die lotsbepalende 1838-Gelofte

    J L du Toit & dr L du Toit

    ('n Bundel oor die bronne vir die 1838-Gelofte is nou ook by Exclusive Books in Suid-Afrika beskikbaar: 'n Nuwe Trek (Exclusive Books) Prys: ZAR180

    Alhoewel die nuutste prys op Exclusive Books se netwerf tans R191 per boek is by http://tinyurl.com/lx9vrs8

    ... en loot.co.za dit verkoop teen R169 http://tinyurl.com/l26h6jl

    ... kan u dit vir so min as R60 per boek direk by Hierdie e-posadres word van Spambotte beskerm. Jy moet JavaScript ontsper om dit te lees.. bestel.

    Lees meer by: 'N NUWE TREK: TERUG NA GOD


    ONDERSTEUN U VOLKSGENOTE IN DIE GEVANGENIS

    JULIE 2013

    Wil u meer oor aktuele onderwerpe lees of vir iemand 'n besondere geskenk gee? Goeie voornemens;  Dink reg, leef reg; Moenie bekommer nie; Leuens; Woestyngedagtes, en Niks ontbreek nie, is van die aktuele onderwerpe wat in twee besondere preekbundels behandel word. Vir slegs R60 elk of R100 vir beide kan u 'n waardevolle bydrae maak vir u volksgenote in die gevangenis. Ondersteun hulle asseblief en bestel nou hierdie preekbundels by ds Andrè van den Berg by Hierdie e-posadres word van Spambotte beskerm. Jy moet JavaScript ontsper om dit te lees. 

    GOD PRAAT MET DIE BOEREVOLK – DEEL 2 NOU BESKIKBAAR

    Hierdie bundel, net soos deel I, is saamgestel uit twintig van die beste boodskappe wat sterk op ons volkslewe gerig is. Die inhoud bestaan uit aktuele onderwerpe wat die daaglikse lewe van elke Christen raak. Die koste beloop slegs R60 (posgeld uitgesluit) en is 'n uitstekende geskenk vir die regte persoon. Die inkomste gaan in geheel aan gevangenisdiens vir ons volksgenote.
    Plaas u bestelling per e-pos by ds Andrè van den Berg by Hierdie e-posadres word van Spambotte beskerm. Jy moet JavaScript ontsper om dit te lees.
    of skakel hom by
    074 967 5187


    Bestel 'n uitstekende digbundel deur BOERIUS
    Volledige besonderhede hier:

    Gietoffers van my Siel


    Hierdie e-posadres word van Spambotte beskerm. Jy moet JavaScript ontsper om dit te lees.

     
  • Kliek op DIE CHARISMATIESE GEVAAR om meer oor hierdie boek te wete te kom Lees verder...  
  • FILM OOR DR HF VERWOERD

    Kyk by hierdie skakel http://youtu.be/TcO3zPF8998

      na die kort film oor dr HF Verwoerd.   
    Dit kan ook direk bestel word by Riaan: +27823712682 of by Hierdie e-posadres word van Spambotte beskerm. Jy moet JavaScript ontsper om dit te lees.

     
     

SKERP SLAGSPREUKE

(Lees die reeks by SKERP SLAGSPREUKE)

 

'N BIETJIE LANGENHOVEN:

Ek sê nie al die suur mense is Fariseërs nie, maar naastenby al die Fariseërs is suur. In alle geval, solank hulle onthou om Fariseërs te wees. Want dis ook 'n inspanning.
Verbeel jou 'n wêreld sonder 'n skaterlag, sonder eens 'n glimlag. 'n Hemel op aarde, sal die Fariseër sê. Uit so 'n hemel sou ek wou wegloop hel toe.

Die man wat ek na soek, is nie dié wat die minste foute maak nie, maar dié wat die meeste foute régmaak.

Slaap laat solank as jy jou eie baas is en daar sal 'n tyd kom wanneer 'n 'n baas jou sal laat vroeg opstaan.

Ontydige vlyt is die merk van die luiaard. Dis sy verskoning vir ontydige rus.

Ons reken ons geluk vir ons loon en ons straf vir ons ongeluk.

Welvaart is die  dogter van matigheid en die moeder van weelde.

My swaarste pad trap ek self vir my plat, en die swaarste is die wat my voete nooit vat.

Daar is geen kuns by sukkel en geen sukkel by kuns.

Die boer wat nie saai nie sal nie misoeste kry nie, maar hy sal geen goeie ook kry nie.

Het die daeraad lief en die dag sal jóu liefhê.

'n Man wat werklik oor homself baas is, is nooit die kneg van 'n ander nie.

Dis die flukse perd wat flou word. Meer moeite as wat die vlytige het vir sy loon, het die luiaard verniet.

Op die ou end werk die vlytige man vir homself, die luiaard vir 'n ander.

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Kla net oor jou kooi as dit 'n ander is wat dit vir jou opgemaak het.

Hoe korter jy jou kuier maak, hoe gouer sal jy weer genooi word.

Om my naaste lief te hê is vir my 'n sware gebod. Met die mense daargunter kry ek dit nog op 'n manier reg.

Jy sê "ja" waar jy moes "nee" gesêhet omdat jy die ander nie wil aanstoot gee nie. Maar eken hoe het hy jou aanstoot gegee met sy versoek!

Aan 'n nuwe wa kan jy sien of dit 'n goeie skilder was; aan 'n oue of dit goeie wamaker was.

Trek liewer vir jou vriend jou broek uit as om vir hom vir 'n baadjie borg te staan. Anders loop julle naderhand albei nakend.

Die vriendskap wat jy moet koop is 'n duur artikel. Jy sal nie weer jou prys kry as jy dit van die hand wil sit nie.

Moenie vriendskap en besigheid meng nie – jy bederf albei.

'n Man wat nie vyande het nie deug nie vir 'n vriend nie.

Maak jou vriendelikheid goedkoop en hou jou vriendskap duur.

Moenie jou vriend vergeet nie; dit sal hom seermaak. Maak jou vyand daarmee seer.

'n Skare is 'n versameling van eensames.

Stuur die luiaard na die miere, en as hy nie te lui is om te gaan nie sal hy te lui wees om weer terug te kom.

Dis net so moeilik om maklikheid in die ou wêreld te kry as wat dit maklik is om moeilikheid te kry.

Waardeer die werk van jou vrou. Jy kan nie op die aarde 'n ander kneg kry vir dieselfde diens en dieselfde prys nie.

Met spaarsaamheid sal jy uit die kleinste inkomste iets oorhou; met verkwistery sal die grootste vir jou te min wees.

Besorg jou eie boodskap en reken die moeite teen dit wat die misverstand jou sou gekos het.

Het die ryk man nodig om so suinig te wees? Maar hy is nie 'n ryk man wat suinig geword het nie; hy is 'n suinige man wat ryk geword het.

Help jou swakke mededinger op die bene bly.  As hy tot niet gaan, kom daar dalk 'n sterke in sy plek.

AFRIKAANSE IDIOME EN GESEGDES (7)

(Lees die reeks by AFRIKAANSE IDIOME EN GESEGDES - die hele reeks

  • Die adderbyt van naberou is verskriklik (Naberou is ontstellend.)
  • Hy het hom in 'n addergebroedesel begewe (Hy was tussen 'n groep nydige, aanvallende mense.)
  • Sy het hom adieu toegeroep (Sy het vaarwel gesê.)
  • 'n Adres van adhesie is 'n geskrif waarin instemming betuig word met 'n versoek.
  • Jy is nou by die verkeerde adres (Jy soek die oorsaak van die kwaad by die verkeerde persoon.)
  • Dit was advokatery (Dit was regskundige uitoorlêery.)
  • Hy sal die werk weer afbroddel. (Hy sal knoeiwerk of slordige werk verrig.)
  • Sy wil elke takie afbrom (Sy kla die hele tyd terwyl sy werk.)
  • Jy kan nou maar afdans (Jy kan nou maar skoert.)
  • Moet hom nie op sy verdienste afdwing nie (Moet hom nie verkleineer nie.)
  • Die ou werkie draf ek gou af (Ek sal dit sommer gou afhandel.)
  • Hulle wil die rusie afdrink (Hulle wil vrede maak.)
  • Sy het soms baie affêrinkies (Sy is dikwels vol nukke en nonsens.)
  • Hy sal wel weer geld van haar affutsel (Hy sal dit op 'n oneerlike manier van haar kry.)
  • Daar kan niks van afgaan nie (Dit kan nie ontken word nie.)
  • Hy sal 'n afgehekste loesing kry ('n deeglike pak slae.)
  • Sy is 'n afgelekte meisie (Sy het al baie kêrels gehad.)
  • Jy lyk so afgesak (Jy lyk baie moeg.)
  • Hy het afgetop gelyk (Hy het verleë gelyk.)
  • As jy iets van hom wil hê sal jy dit moet afgoël (Hy is so suinig!)
  • So 'n afhaler is onnodig ('n Onnodige belediging.)
  • As dit afhang moet ons dit maar opbind (Skertsend wanneer iemand gedurig begin met "Dit hang af..."
  • Na elke partytjie is hy babalaas ( dan ly hy aan die gevolge van te veel alkohol).
  • Daar was 'n Babelse gegons van stemme (Almal het gelyktydig gepraat).
  • Dit was 'n Babelse verwarring (Dit was baie deurmekaar).
  • Hy sal weer mooi broodjies kom bak (Hy sal kom vlei en mooipraat om sy doel te bereik),
  • Hulle eet nie uit een bak nie (Hulle is nie vriende nie).
  • Sy het hom 'n bak gewys (Sy het hom onvriendelik tereggewys).
  • Gou by die bak maar lui by die vak (Hy is eerste daar waar iets te ete is maar traag as hy moet werk).
  • Hy maak sy hande bak (Hy kom bedel iets).
  • Ons moes bak staan (Ons moes hard werk).
  • Dit was sommer 'n bakerpraatjie (Dit was 'n skinderstorie).
  • Jerusalem is die bakermat van die Christelike Kerk ( Dis waar dit begin het. 'n Bakermat was 'n mandjie waarin die baker – die vrou wat 'n pasgebore baba versorg het – die kindjie op haar skoot voor die vuur versorg het).

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Besoekers aanlyn

Ons het 2938 gaste aanlyn