Mediaverklaring

HERSTIGTE NASIONALE PARTY

Besef Afrikaners wat besig is om met die Afrikanervolk te gebeur in die sogenaamde “democracy” in Suid-Afrika?

 Die foto hierbo is geneem toe dié drie lede van Julius Malema se EFF in die ANC-parlement ingehuldig is as parlementslede, m.a.w wetmakers van Suid-Afrika. Die twee rewolusionêre leiers, Malema en Shivambo, is saam met ’n werklose vrou uit ’n plakkerskamp by Marikana as parlementslede ingehuldig.

 Behalwe vir die EFF se minagtende optrede in die parlement, is dié mense nou die wetmakers van ons land. Hulle gaan beslis oor die dag tot dag bestaan van die Afrikanervolk en die toekoms van die Afrikanerkind.

 Die HNP stel dit baie duidelik dat dit onaanvaarbaar is. Daarom het die HNP nie aan dié geklike bestel op 7 Mei deelgeneem nie.

 Die Afrikanervolk moet onder die hiel van die kommunistiese ANC en EFF uitkom. Ons moet ons volk se vryheid herstel waar ons mense met die nodige intellek oor ons mense kan regeer. Daarvoor beywer die HNP as ’n vryheidsbeweging vir die Afrikanervolk hom en tot hierdie vryheidstryd word elke Afrikaner opgeroep.