Nuutste bydraes

GEDAGTES VIR ELKE DAG - druk f5 op u rekenaar vir 'n nuwe gedagte

Of lees almal by Gedagtes vir elke dag

Elke mens is uniek maar elkeen het 'n diepe eensaamheid binne hom wat nog altyd daar was en altyd daar sal wees.  Elke mens leef sy eie lewe en elke mens sterf sy eie dood – alleen. Ons is wel nie altyd so bewus van hierdie eensaamheid wanneer geliefdes by ons is nie maar dis nog daar. Al wat dit draaglik maak is ons binding met die Gees van God, ons liefde vir Hom omdat Hy ons eerste liefgehad het.

DIE BYBEL (29)

Lees reeks by DIE BYBEL

Dr JP Botha

Die Nuwe Testament   (3)

Die gelowiges begin die boodskap uitdra

Verskeie faktore het daartoe gelei dat die evangelie nie net in Palestina verkondig is nie.  Dit het vinnig deur die destydse wêreld versprei.

*    Een rede was sekerlik dat die Christene nie kon stilbly oor die evangelie nie.  (Hand 4:19-20).

*    ‘n Ander rede was dat God mense geroep en gestuur het om van sy nuwe verlossing te gaan vertel.  (Matt 28: 19-20).

*     Dan was daar ook die vervolgings van die gelowiges deur die Jode.  Dit het veroorsaak dat die gelowiges moes vlug (lees hiervan in Handelinge 8 of 12),  met die gevolg dat hulle oor die hele destydse bekende wêreld versprei het.

Die boek Handelinge vertel vir ons wat gedurende die eerste sowat 30 jaar na Jesus se dood met die kerk gebeur het.  Daarin lees ons van die vestiging van die kerk, die sendingreise waardeur die evangelie uitgedra is, asook van die lotgevalle van die eerste sendelinge,  soos Petrus en veral Paulus.

Die evangelie van Jesus Christus is nou in gebiede verkondig waar daar baie ander gode was om mee te kompeteer, soos Sirië, Turkye, Griekeland en Italië.  Die boodskap oor Jesus het egter helder weerklink. Hy is die Woord van God wat gekom het om God hier op  aarde aan mense bekend te maak  (Joh 1: 1, 18).  Die nuwe era is hier waarin God sy mense verlos het en weer as sy nuwe Israel, sy koninklike familie, versamel het.  Mense word uitgenooi om hierdie boodskap aan te neem.  In die ou tyd het God deur profete gepraat, maar nou het Hy direk deur sy Seun kom praat (Heb 1:1-2).  Dit is egter nie net woorde nie; elkeen wat glo, ervaar ook die teenwoordigheid van die lewende Here deur sy Gees.  Mense se lewe het en moes verander, want hulle het God leer ken.  Daarom lees ons ook in so baie van die boeke van die Nuwe Testament wat die Here verwag van mense wat in Hom glo.

Mense moet egter nie te lank wag om Hom te leer ken nie want Hy kom weer maar hierdie keer as Regter.  Hy sal sy mense saam met Hom laat leef, maar die mense wat Hom nie ken nie,sal veroordeel word.  Maar ook hierdie deel van die boodskap was baie duidelik.

Die toekoms lê oop voor

Gelowiges kan jubel en bly wees, want hulle is wenners en hulle toekoms is verseker.  Die nuwe Jerusalem wag, want dit het God beloof.  Daar gaan hulle vir ewig in die teenwoordigheid van God leef.  Die koning van die wêreld sal voor God en sy kinders kom buig.  Hulle sal erken dat God die Vader en Jesus die Koning van die konings is.  Uit hierdie woorde wat gebruik word, kan ons sien dit verwys na die profete.  Hulle het mos gesê dat God weer  sy tempel gaan oprig in Jerusalem en dat Hy sy vyande gaan verslaan.  Die laaste boek van die Bybel, Openbaring, vertel ons hiervan.  Christene het ‘n toekoms, dit is verseker.

In ‘n paar sinne

Jesus het gekom en God se nuwe wêreld,  sy nuwe koninkryk, kom openbaar, soos die profete ook lank voor die tyd geprofeteer het.  Hy het kom vertel van God se nuwe koninkryk waarin liefde,vrede, vreugde en baie ander goeie dinge die reëls vir burgerskap uitmaak.  Hy het kom wys dat Hy van God af kom en dat sy boodskap waar is deur te doen wat God alleen kan doen,  naamlik om te sterf en weer lewend te word.  Die God van lewe was dus by Hom.

Sy volgelinge het sy boodskap van God se nuwe koninkryk waaraan ons deel kan hê, die wêreld ingedra.  Hulle het nie alleen vertel wat Jesus gesê het nie,  maar ook wat dit vir hulle as gelowiges beteken het.  Die nuwe era saam met God het inderdaad aangebreek.  God was besig om sy familie op aarde bymekaar te maak, op pad na die hemelse koninkryk, die nuwe Jerusalem.  Nou reeds kan elke gelowige die vreugde van die nuwe lewe ervaar. Gelowiges moet nou reeds leef soos mense wat deel van God se familie op aarde is. Die Gees is immers nou reeds in en by elke gelowige. Die wonderlike ervaring van God se teenwoordigheid is vir gelowiges die waarborg van wat nog moet kom.  Met die wederkoms van Jesus sal gelowiges vir ewig na die huis van die Vader geneem word.

Waar pas die Bybelboeke in hierdie verhaal in?

Die Nuwe Testament is die hoofbron vir die beskrywing van die ontwikkeling van die verhaal van Jesus en die vroeë kerk.  Hoe hang die Nuwe Testament en die boodskap saam?

*    Jesus het sy boodskap verkondig,. maar self niks neergeskryf nie. Aanvanklik het sy dissipels ook niks neergeskryf nie, want dit was nie destyds die gebruik nie. Die dissipels het egter alles wat Jesus hulle geleer het, baie goed in hulle geheue ingeprent.  Hulle sou later die  “biblioteek” van Jesus se woorde en dade word.

*    Die eerste “Christelike dokumente” was die briewe van Paulus.  Op sy tweede sendingreis in die middel van die eerste eeu het hy briewe begin skryf vir die gemeentes wat hy gestig het (soos die Tessalonisense en Galasieërs).  Hy het bly skryf tot net voor sy dood in die sestiger jare van die eerste eeu.  Afhangend van hoe ‘n mens die briewe van Jacobus en 1 Petrus sien, kon hulle ook in hierdie tyd geskryf gewees het.

*    Markus was waarskynlik die eerste Evangelie wat geskryf is, moontlik net voor die val van die tempel in 70 nC.  Dit is egter baie moeilik om presiese datums uit te werk. Dit beteken egter nie dat Markus toe eers “ontstaan”  het nie.  Dit beteken net dat die boek toe neergeskryf is.  Die boodskap het in die herinnerings van die apostels en die lewens van die gelowiges geleef, al was dit nie neergeskryf nie.  Dit is die geval met al die Evangelies.

*    In die ongeveer 20 jaar ná die val van die tempel  (70nC) is die ander twee Evangelies (eers  Matteus en toe Lukas) neergeskryf..  Handelinge het kort daarop gevolg.

*   Die Johannes-dokumente  (Evangelie van Johannes, die briewe en Openbaring) het waarskynlik eers in die laaste dekade van die eerste eeu (90-100nC) die lig gesien.  Dit geld ook vir  sommige van die ander briewe soos 2 Petrus en Judas.

Uit die kort uiteensetting blyk dit dat die verhaal van Jesus en sy volgelinge oor ‘n periode van 70 jaar neergeskryf is.  Die boeke is ook nie presies in volgorde neergeskryf waarin hulle in die Bybel opgeneem is nie.  Dokumente uit die pen van die Christene wat na hierdie periode geskryf is, is nie meer as “outentiek” beskou nie.  Die apostels wat alles onthou het, was almal al dood en daar was geen manier om te kontroleer of die inhoud van hierdie latere dokumente regtig waar was nie.  Daarom is dit ook nie in die kanon opgeneem nie.

U soek na?

BOEKE TE KOOP

DIE VOLMAAKTE REPUBLIEK – Christen-Teokratiese Separatisme

'n Boek getiteld DIE VOLMAAKTE REPUBLIEK - Christen Teokratiese Separatisme, uit die pen van ds AE van den Berg, het pas in gedrukte vorm verskyn. 
Suid-Afrika verkeer tans in 'n kommerwekkende toestand omdat mense se kennis oor die Bybel en die Staat so verwater het dat land en volk as gevolg hiervan ten gronde gaan.  
DIE
VOLMAAKTE REPUBLIEK - Christen Teokratiese Separatisme,  bring helder perspektief oor rasseverskille en die natuurlike skeiding van rasse wat sal lei tot die herstel van Suid-Afrika. Die land het 'n dringende behoefte aan geestelike transformasie wat landsburgers van denkrigting sal laat verander en van al die sogenaamde polities-korrekte onregte en gewaande vryheid waarmee hulle belas word, sal bevry.
Lesers word aangemoedig om hulle daadwerklik vir 'n Christen-teokrasie in 'n volmaakte republiek te beywer deur sinvolle besluite te neem in die lig van God se Woord, en onophoudelik te bid dat dit spoedig hier aan die suidpunt van Afrika verwesenlik word. Politiek is 'n saak van erns en harde werk waardeur wet en orde gehandhaaf word en durf nie in eerlose hande gelaat word nie. God is 'n God van orde, en mense word aangemoedig om die koninkryk van God eerste te stel, iets wat op staatkundige gebied slegs in 'n Christen-teokratiese bestel tot sy reg sal kom.

U kan hierdie boek bestel by
ds AE van den Berg
Tel: 083 230 5686  of by vryheidsbediening @gmail.com
Prys: R50-00

 

BOEKE TE KOOP

‘n Nuwe Trek: Terug na u God

Die Oerteks van die lotsbepalende 1838-Gelofte

J L du Toit & dr L du Toit

('n Bundel oor die bronne vir die 1838-Gelofte is nou ook by Exclusive Books in Suid-Afrika beskikbaar: 'n Nuwe Trek (Exclusive Books) Prys: ZAR180

Alhoewel die nuutste prys op Exclusive Books se netwerf tans R191 per boek is by http://tinyurl.com/lx9vrs8

... en loot.co.za dit verkoop teen R169 http://tinyurl.com/l26h6jl

... kan u dit vir so min as R60 per boek direk by josefdutoit@gmail.com. bestel.

Lees meer by: 'N NUWE TREK: TERUG NA GOD


ONDERSTEUN U VOLKSGENOTE IN DIE GEVANGENIS

JULIE 2013

Wil u meer oor aktuele onderwerpe lees of vir iemand 'n besondere geskenk gee? Goeie voornemens;  Dink reg, leef reg; Moenie bekommer nie; Leuens; Woestyngedagtes, en Niks ontbreek nie, is van die aktuele onderwerpe wat in twee besondere preekbundels behandel word. Vir slegs R60 elk of R100 vir beide kan u 'n waardevolle bydrae maak vir u volksgenote in die gevangenis. Ondersteun hulle asseblief en bestel nou hierdie preekbundels by ds Andrè van den Berg by vryheidsbediening@gmail.com 

GOD PRAAT MET DIE BOEREVOLK – DEEL 2 NOU BESKIKBAAR

Hierdie bundel, net soos deel I, is saamgestel uit twintig van die beste boodskappe wat sterk op ons volkslewe gerig is. Die inhoud bestaan uit aktuele onderwerpe wat die daaglikse lewe van elke Christen raak. Die koste beloop slegs R60 (posgeld uitgesluit) en is 'n uitstekende geskenk vir die regte persoon. Die inkomste gaan in geheel aan gevangenisdiens vir ons volksgenote.
Plaas u bestelling per e-pos by ds Andrè van den Berg by vryheidsbediening@gmail.com
 


Bestel 'n uitstekende digbundel deur BOERIUS
Volledige besonderhede hier:

Gietoffers van my Siel


vryheidsbediening@gmail.com

 

Kliek op DIE CHARISMATIESE GEVAAR om meer oor hierdie boek te wete te kom
...
 

FILM OOR DR HF VERWOERD

Kyk by hierdie skakel http://youtu.be/TcO3zPF8998

  na die kort film oor dr HF Verwoerd.   
Dit kan ook direk bestel word by Riaan: +27823712682 of by riaan@intellect.org.za

 
 

SKERP SLAGSPREUKE

(Lees die reeks by SKERP SLAGSPREUKE)

'N BIETJIE LANGENHOVEN:

Ek sê nie al die suur mense is Fariseërs nie, maar naastenby al die Fariseërs is suur. In alle geval, solank hulle onthou om Fariseërs te wees. Want dis ook 'n inspanning.
Verbeel jou 'n wêreld sonder 'n skaterlag, sonder eens 'n glimlag. 'n Hemel op aarde, sal die Fariseër sê. Uit so 'n hemel sou ek wou wegloop hel toe.

Die man wat ek na soek, is nie dié wat die minste foute maak nie, maar dié wat die meeste foute régmaak.

Slaap laat solank as jy jou eie baas is en daar sal 'n tyd kom wanneer 'n 'n baas jou sal laat vroeg opstaan.

Ontydige vlyt is die merk van die luiaard. Dis sy verskoning vir ontydige rus.

Ons reken ons geluk vir ons loon en ons straf vir ons ongeluk.

Welvaart is die  dogter van matigheid en die moeder van weelde.

My swaarste pad trap ek self vir my plat, en die swaarste is die wat my voete nooit vat.

Daar is geen kuns by sukkel en geen sukkel by kuns.

Die boer wat nie saai nie sal nie misoeste kry nie, maar hy sal geen goeie ook kry nie.

Het die daeraad lief en die dag sal jóu liefhê.

'n Man wat werklik oor homself baas is, is nooit die kneg van 'n ander nie.

Dis die flukse perd wat flou word. Meer moeite as wat die vlytige het vir sy loon, het die luiaard verniet.

Op die ou end werk die vlytige man vir homself, die luiaard vir 'n ander.

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Kla net oor jou kooi as dit 'n ander is wat dit vir jou opgemaak het.

Hoe korter jy jou kuier maak, hoe gouer sal jy weer genooi word.

Om my naaste lief te hê is vir my 'n sware gebod. Met die mense daargunter kry ek dit nog op 'n manier reg.

Jy sê "ja" waar jy moes "nee" gesêhet omdat jy die ander nie wil aanstoot gee nie. Maar eken hoe het hy jou aanstoot gegee met sy versoek!

Aan 'n nuwe wa kan jy sien of dit 'n goeie skilder was; aan 'n oue of dit goeie wamaker was.

Trek liewer vir jou vriend jou broek uit as om vir hom vir 'n baadjie borg te staan. Anders loop julle naderhand albei nakend.

Die vriendskap wat jy moet koop is 'n duur artikel. Jy sal nie weer jou prys kry as jy dit van die hand wil sit nie.

Moenie vriendskap en besigheid meng nie – jy bederf albei.

'n Man wat nie vyande het nie deug nie vir 'n vriend nie.

Maak jou vriendelikheid goedkoop en hou jou vriendskap duur.

Moenie jou vriend vergeet nie; dit sal hom seermaak. Maak jou vyand daarmee seer.

'n Skare is 'n versameling van eensames.

Stuur die luiaard na die miere, en as hy nie te lui is om te gaan nie sal hy te lui wees om weer terug te kom.

Dis net so moeilik om maklikheid in die ou wêreld te kry as wat dit maklik is om moeilikheid te kry.

Waardeer die werk van jou vrou. Jy kan nie op die aarde 'n ander kneg kry vir dieselfde diens en dieselfde prys nie.

Met spaarsaamheid sal jy uit die kleinste inkomste iets oorhou; met verkwistery sal die grootste vir jou te min wees.

Besorg jou eie boodskap en reken die moeite teen dit wat die misverstand jou sou gekos het.

Het die ryk man nodig om so suinig te wees? Maar hy is nie 'n ryk man wat suinig geword het nie; hy is 'n suinige man wat ryk geword het.

Help jou swakke mededinger op die bene bly.  As hy tot niet gaan, kom daar dalk 'n sterke in sy plek.

  AFRIKAANSE IDIOME EN GESEGDES (7)

(Lees die reeks by AFRIKAANSE IDIOME EN GESEGDES - die hele reeks

  • Die adderbyt van naberou is verskriklik (Naberou is ontstellend.)
  • Hy het hom in 'n addergebroedesel begewe (Hy was tussen 'n groep nydige, aanvallende mense.)
  • Sy het hom adieu toegeroep (Sy het vaarwel gesê.)
  • 'n Adres van adhesie is 'n geskrif waarin instemming betuig word met 'n versoek.
  • Jy is nou by die verkeerde adres (Jy soek die oorsaak van die kwaad by die verkeerde persoon.)
  • Dit was advokatery (Dit was regskundige uitoorlêery.)
  • Hy sal die werk weer afbroddel. (Hy sal knoeiwerk of slordige werk verrig.)
  • Sy wil elke takie afbrom (Sy kla die hele tyd terwyl sy werk.)
  • Jy kan nou maar afdans (Jy kan nou maar skoert.)
  • Moet hom nie op sy verdienste afdwing nie (Moet hom nie verkleineer nie.)
  • Die ou werkie draf ek gou af (Ek sal dit sommer gou afhandel.)
  • Hulle wil die rusie afdrink (Hulle wil vrede maak.)
  • Sy het soms baie affêrinkies (Sy is dikwels vol nukke en nonsens.)
  • Hy sal wel weer geld van haar affutsel (Hy sal dit op 'n oneerlike manier van haar kry.)
  • Daar kan niks van afgaan nie (Dit kan nie ontken word nie.)
  • Hy sal 'n afgehekste loesing kry ('n deeglike pak slae.)
  • Sy is 'n afgelekte meisie (Sy het al baie kêrels gehad.)
  • Jy lyk so afgesak (Jy lyk baie moeg.)
  • Hy het afgetop gelyk (Hy het verleë gelyk.)
  • As jy iets van hom wil hê sal jy dit moet afgoël (Hy is so suinig!)
  • So 'n afhaler is onnodig ('n Onnodige belediging.)
  • As dit afhang moet ons dit maar opbind (Skertsend wanneer iemand gedurig begin met "Dit hang af..."
  • Na elke partytjie is hy babalaas ( dan ly hy aan die gevolge van te veel alkohol).
  • Daar was 'n Babelse gegons van stemme (Almal het gelyktydig gepraat).
  • Dit was 'n Babelse verwarring (Dit was baie deurmekaar).
  • Hy sal weer mooi broodjies kom bak (Hy sal kom vlei en mooipraat om sy doel te bereik),
  • Hulle eet nie uit een bak nie (Hulle is nie vriende nie).
  • Sy het hom 'n bak gewys (Sy het hom onvriendelik tereggewys).
  • Gou by die bak maar lui by die vak (Hy is eerste daar waar iets te ete is maar traag as hy moet werk).
  • Hy maak sy hande bak (Hy kom bedel iets).
  • Ons moes bak staan (Ons moes hard werk).
  • Dit was sommer 'n bakerpraatjie (Dit was 'n skinderstorie).
  • Jerusalem is die bakermat van die Christelike Kerk ( Dis waar dit begin het. 'n Bakermat was 'n mandjie waarin die baker – die vrou wat 'n pasgebore baba versorg het – die kindjie op haar skoot voor die vuur versorg het).

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Besoekers aanlyn:

We have 671 guests online