DIE BYBEL BLY VIR ALTYD STAAN

Eeue kom en eeue gaan

Tog bly die Bybel voortbestaan

Koninkryke kom en heerskappye wyk

Nogtans word die Bybel deur mense gebruik

 

Al word dit ook deur mense bespot

Bly dit vir gelowiges die hoogste gebod

Storms van haat oorweldig dit nie

Voor God buig eendag elke knie

 

Al word die waarheid ook hoe verbuig

Sal gelowiges altyd van die Woord getuig

Al word die Woord ook hoe misbruik

Laat kom God steeds sy koninkryk

 

Die Bybel is daar, maak dit jou eie

Dit staan vas al verander die tye

Lees dit gereeld, leef volgens die Gees

Dan sal jou lewe ‘n sieraad wees!