GEBEDEBOEK VIR DIE BOEREVOLK (3)
Lees reeks by GEBEDEBOEK VIR DIE BOEREVOLK
Ds.Andrè van den Berg
O, Heilige Gees, U ken my van A tot Z en wil my elke oomblik van my lewe vir Christus afsonder. Ek sou Hom nie as Verlosser geken het as U my nie tot die wonderbare lig geroep het nie. Ek is so baie aan U verskuldig. Selfs my behoefte om tot God te bid, kom nie van myself nie, maar getuig van u wonderbare werking in my lewe. Daarsonder sou ek geen behoefte aan ‘n Hoërhand of gebed gehad het nie. As U my nie aanraak en vervul nie, sal ek geestelik stagneer en soos ‘n vuurtoring sonder lig en ‘n seiljag sonder wind wees.
Ek loof U omdat U my, ten spyte van al my swakhede en tekortkominge mildelik seën. U maak my geestelik sterk, bemoedig my vir die lewe en verhoed dat negatiewe dinge my geestelik lamlê. U maak my ryk in my armoede en sterk in my fisiese swakheid.
Dankie, o Heilige Gees, dat U my gereeld van sonde oortuig. U laat my nooit van my sondes vergeet nie, maar herinner my daaraan sodat ek vergifnis
Help my om U altyd lief te hê en Jesus onophoudelik te verheerlik. Uit myself sou ek net so min liefde vir U gehad het as ‘n misdadiger vir ‘n geregsdienaar. Daarom is ek dankbaar dat U my soos ‘n verkeerskonstabel op die besige lewenspad voorgekeer en tot stilstand gebring het. U het my hart deursteek en genoegsame liefde gegee om U na reg te eer en soos ‘n koning te verheerlik. Ek sou geen snars van God se liefde verstaan het indien U my nie uit my sondeduister gehaal en in die wonderbare lig van God se genade laat staan het nie.
Lei my, o Heilige Gees, op die pad van die lewe. Help my dat ek altyd die geeste sal
Amen.