'n Bundel verse geskryf deur E van Nantes

Lees die hele reeks by Verse van Verset en Verootmoediging

VERRAAIER

Negentien lange jare het nou reeds verloop
En al ontken jy dit, jy’t jou volk uitverkoop
Met die skyn van geloof en die heilige doop
Het jy in ons tyd van nood, eenvoudig uitgeloop

Ware leiers is deur ons volk opgelewer
Manne aan ons gestuur deur God ons Gewer Maar jy was daar as onderkruipende kewer
Met die hoofdoel om jou mense uit te lewer

Paul Kruger, geswore Boere weerstandsleier
In die vryheidsoorloë laat hy die Engelse steier
Vier keer deur sy volk verkies tot President
Want hy’t altyd sy oor tot hulle gewend

Dr. H.F. Verwoerd, hy was ons sesde premier
Glad nie bang om met die wêreld skouer te skuur
Vir sy weerstand, is ‘n dolk deur sy hart gestuur
Om hom te onthou, hoort sy naam op ‘n muur

Adv. J.G. Strijdom, hy staan Britse imperialisme teë
Leeu van die Noorde, is die naam aan hom gegee
Verklaring tot Republiek kenmerk sy treë
Sterk en doelgerig was hy in sy weë

Hierdie name laat die bloed vandag nog in ons are bruis
Manne wie nie bang was om die swaard te kruis
Hulle is die manne welkom in ons volk se huis
Maar jy, jou sal ek vergeet, jou wegsluit in ‘n kluis