Hy wys ons Hy het geklop op 'n dag;
vir jare hou Hy aan, dag en nag;
Ons Meester so geduldig bly Hy wag en staan
om by ons hart se deur in te kan gaan.

Ons het Hom beskuldig en blameer
dat Hy nie wou help en dit keer
wat alles verkeerd in ons lewe gebeur;
geglo Hy het dit alles goedgekeur.

Dis ook waar, maar Hy het geweet
ons was vir baie nog nie gereed;
baie trane moes loop en ons moes verdrukking ly
dat die Pottebakker ons lewensklei gereed kon kry.

Want as ons klei sag is kan Hy
dit met sy Hande brei en ons anders kry;
is ons soos klip, graniet en rots
móét sy hamer en beitel mos met ons bots!