KORSIES VAN PASTEI

Reisigers gaan heen

Tekenaars se strepie word getrek

Diakens kom om

Ouderlinge ontslaap

Jagters gaan bokveld toe

Kokke steek die lepel in die dak

Horlosiemakers se tyd breek aan

Slagters tjop af

Valskermspringers ontval ons

Tuiniers word van die gras afgemaak

Melkboere skop die emmer

Dominees verwissel die tyd met die ewige

Onderwysers gee die gees

Skeidsregters blaas hulle laaste asem uit

Bankbestuurders verhuis

Elektrisiëns se liggies word uitgedoof

Kosters hoor die doodsklok lui

Omroepers se stemme word stil

Staatsamptenare gaan die ewige rus in

Materiaalhandelaars word van kant gemaak