KORSIES VAN PASTEI

(Die hele pastei by: Korsies van Pastei)

(Met apologie aan ons hardwerkende boere).

Piet Willemse het  die aftreestadium bereik en gaan kyk hoe lyk die plaas wat hy gekoop het en waarop hy die res van sy lewe wil deurbring.  Hy tref ou Jonas daar aan, wat instem om saam met hom daar te bly.

“Kyk ou Jonas, ek kom nou hier op die plaas aftree.”

“O, die baas kom nou mooi aftree hoe groot die plaas is.”

“Nee ou Jonas, dalk verstaan jy beter:  Ek kom nou hier op die plaas retire.”

“O ja, ek sien:  Die baas kom anner tyres koop for die tractor.”

“Nee ou Jonas man!  Kyk, ek sal nou vir jou mooi sê:  Ek kom hier na die plaas toe en dan kom sit ek op die stoep en koffiedrink.”

“O! Nou ek verstaan:  Die baas kom boer !!”