Gedagtes vir elke dag
Of lees almal by Gedagtes vir elke dag
Hulle wat nie met hul daaglikse brood alleen tevrede is nie maar met 'n onbeteuelde hebsug na grenslose besittings jaag, en dan nietemin God met bede aanroep vir hul daaglikse brood, doen niks anders nie as om Hom te bespot. Want om te bid vir dinge wat hulle eintlik verfoei – die eenvoudige daaglikse brood – is huigelagtig.
HOU OP TYD MORS OP ZUMA!
KRIEWELKOP
Aanvanklik het ek gedink geen ingeligte mens lewer kommentaar op Zuma se goedkoop manier van stemwerwing nie want dis mos maar eie aan sy kultuur. Wat kan dan nou nuuswaardig daaromtrent wees? Dis mos nie die eerstemaal dat dié Swart Afrikaleier stemme vir die ANC probeer werf deur met die hel te dreig nie. En in wese is die hel vir sy nasie nie juis 'n bedreiging nie.
Zuma het die vorige keer selfs Angus Buchan se hulp ingeroep wat toe aan sy duisende toehoorders gepredik het "God sê julle moet gaan stem." Hy kon netsowel sy sin voltooi het met "...want anders gaan julle hel toe." Want ons moet God mos gehoorsaam wees. Wat is die verskil tussen wat Buchan gesê het toe almal vir hom handegeklap het, teenoor wat Zuma nou gesê het – so stukkie partypolitiek?
DIE BESTAAN VAN AFRIKAANS (3)
TAALOORNAME OF -VERPLASING
Dr JC Steyn
Die proses waarvolgens 'n groep mense hul eie taal laat vaar en 'n nuwe taal aanneem, noem ons taaloorname of ook genoem taalverplasing. Taalverplasing hoef nie gepaard te gaan met kulturele of sosiale assimilasie nie. Dit word getoon deur 'n raaiselagtige geval van taalverplasing in Suid-Afrika.
Die Damaras van Suidwes-Afrika het hulleself genoem "swart mense" (Nu Khoen). Dis ook die Namas se benaming vir hulle, terwyl die Herero's van die 'swart slawe' (Ovazoro) praat. Hierdie 'swart mense' praat dieselfde taal as die 'rooi mense', soos hulle die Namas noem. Ondertrouery en sosiale vermenging het selde plaasgevind in die eeue wat verloop het nadat die Damaras die taal van die Namas aangeneem het.
DIE BELOOFDE LAND (2)
(Lees reeks by Die Beloofde Land)
DIE KUSVLAKTE
Dr JP Smuts
Die kusvlakte strek vanaf die rivier die Litany (Leontes) in die noorde tot aan die Rivier van Egipte in die suide. Hierdie kus was onherbergsaam, rotsagtig en ongeskik vir die seevaart. Nie alleen het dit geen natuurlike hawens besit nie, maar dit is ook 'n lysy-kus, dws, die winde waai daarteen, nie daarvandaan nie. Aan die ander kant was dit 'n groot beskerming vir die land, omdat dit geensins vir 'n vyand gerade was om die land van die seekant af aan te val nie, wat ook nooit gebeur het nie.
Om dieselfde rede het die Israeliete self ook nooit 'n seevarende volk geword nie. Wel het Salomo 'n handelsvloot opgebou, maar dit was nie van blywende aard nie. Des te meer moet ons die prestasies van die Fenisiërs roem wat tog daarin geslaag het om die groot handelsvolk van die ou tyd te word.
NUUSKIERIG TOT DIE DOOD TOE
KORSIES VAN PASTEI
(Die hele pastei by: Korsies van Pastei)
Gedurende die depressiejare was patrone maar ‘n skaars en duur item, veral in Suid-Wes waar die manne allerhande soorte planne gemaak het om ‘n stukkie vleis in die pot te kry. Ons wou nie ons kosbare patrone op tarentale mors nie want hulle is tog maar net voëls, maar ons het allerhande soorte planne probeer om tarentale te vang, of om hulle met mielies te verlei. Ons het maar min sukses gehad totdat ons uiteindelik hulle swakpunt agtergekom het.
Wat jy met hulle moet doen, is om teen skemer in die veld te loop en rustig te gaan sit tot jy sien ‘n swerm tarentale vlieg in ‘n kameeldoringboom in om hulle daar vir die nag te gaan tuismaak. Dan wag jy tot sterk skemer en stap stadig voetjie vir voetjie nader aan die boom.
SWART VERNIELSUG ROEI WILD UIT
ONS BOEREVOLK DESTYDS
(Lees reeks by Ons Boerevolk destyds)
Eintlik gaan ons voorgeslag in hierdie artikel net toeskouers wees van hoe die swart inboorlinge veral in die 19e eeu die volop wild in ons land deur middel van georganiseerde jagpartye, uitgeroei het.
Die baie wild in die ou dae
As ons die oumense hoor vertel van al die wild wat hulle gesien het op die vlaktes en bulte van Transvaal, klink dit amper soos fabels. Hulle vertel dat die bulte “gebuig” het onder die wild, dat springbokke, blesbokke, wildebeeste en al die ander soorte onuitroeibaar gelyk het. Ons is geneig om te dink dat hulle weggetrek het in plaas van dat hulle uitgeroei is. Dit lyk onmoontlik dat so baie wild in so ‘n kort tyd doodgeskiet kon word. Maar as ons hoor hoe die swartes te werk gegaan het om wild in die hande te kry, is dit verstaanbaar dat wild vandag in ons land skaars is.
VREEMDE VLIEËNDE VOORWERP
‘N LEKKER KORSIE VAN PASTEI
U het lanklaas so ‘n interessante gelieg gehoor as hierdie een:
Ons bly tussen Swellendam en Heidelberg, teen die Langeberge, daar waar die bergwind gemaak word. Ek het my vrou belowe ek sal ‘n dak oor die voorstoep opsit en was besig om sinkplate vas te slaan, terwyl die bergwind al sterker word. So teen halfelf sê my vrou sy gaan die ketel aansit vir tee. Ek sê ek wil net gou nog die laaste sinkplaat vasslaan, dan kom ek. Na ‘n groot geskarrel is ek toe weer op die dak met die plaat besig, dakskroewe in die sak, een in die mond en die hamer in die hand. Ek skuif die plaat mooi haaks en sit kruisbeen daarop, net reg om die eerste skroef in te slaan.
Skielik skep die wind my met plaat en al en styg met my op!
ONTGINNING VAN GOUD EN ANDER MINERALE
SKOOLPROJEK
Suid-Afrika het van die rykste mineraalneerslae ter wêreld, en uitvoere van goud en verskeie ander minerale verdien jaarliks baie miljarde rande. Dít is die rede waarom Suid-Afrika buitelandse vyande in die vorm van die Internasionale Geldmag het wat baie graag hierdie land van ons wil afneem om al ons ondergrondse rykdomme vir hulself in te palm.
Mynbou het baie belangrik geword en word tegnies al hoe meer gevorderd. Vadag word rekenaars gebruik om rotsbarstings te voorspel, brande op te spoor, en myn-ingenieurs te help om myne te ontwerp.
GOUD
Bakke en ornamente van goud wat in die Transvaal gevind is bewys dat mense reeds 700 jaar gelede daar goud kon ontgin. Vroeë Europese reisigers het klein hoeveelhede goud in die Magaliesberge en by die Oranjeriviermond gevind, en in 1871 is 'n myn by Eersteling naby Potgietersrus begin. Meer goud is later ontdek, veral na die oostekant by Lydenburg, Barberton en Pelgrimsrus. Barberton was die middelpunt van die goudstormloop en meer as 20 000 fortuinsoekers het daarheen gestroom.
ONS GROEIENDE EKONOMIE VOOR '94
DIE AFRIKANER EN SY EKONOMIE
Dr H.A. Sloet
"'n Volk, of volksgroep, kan nie opgehef word deur 'n enkele reddingsdaad nie. Ons sal moet bereid wees om vir baie jare hard te werk, op te offer en te ontbeer... maar daardie ontbering... moet 'n vrywillige offerande wees wat as besieling het die vaste geloof in eie waardiger volksbestaan."
"Die Afrikaner sal weer moet terugkeer na sy eie goed toe... en in die besonder sal die Afrikaner hom moet bevry van sy ekonomiese knegskap deur... ook doelbewus beslag te lê op die magtige stedelike rykdomsbronne van handel en industrie. Daarvoor is nie nodig 'n anti... beweging nie – al wat nodig is, maar dit sal volle kraginspanning vereis – is dat die Afrikanerdom die Afrikanerbesigheid sal ondersteun deur samesnoering van hul koopkrag, hul kapitaalkrag en hul besigheidsvernuf."
Omdat ek 'n Afrikaner is, stel ek 'n groter en steeds stygende bydrae van die Afrikaner op ekonomiese gebied voorop. Dit is vir my duidelik dat die Afrikaner reeds 'n baie belangrike bydrae gelewer het tot die ekonomiese voorspoed in Suid-Afrika.
HERODUS VAN KERSFEES 2010
Ons lees in die Skrif wat alles plaasgevind het voor, tydens en ná daardie unieke
gebeurtenis met die geboorte van die Here Jesus 2010 jaar gelede, wat ons tereg die eerste Kersfees kan noem, toe engelesang oor die velde van Bethlehem weerklink het, die herders hul hulde aan die Kindjie gebring het, die wyse manne gekom en gegaan het en Josef gereed gemaak het om met Maria en Jesus na Egipte te vlug, toe Herodus die Kind se lewe bedreig het.
Wie was hierdie Herodus die Grote en waarom het hy dit gedoen? Hy was bevriend met drie Romeinse keisers, Julius Caesar, Antonius en keiser Octavianus, wat ook bekend was as keiser Augustus. Die Romeine het hom beskou as 'n lojale vriend en bondgenoot. Hy het sommer van jongs af al groot militêre en administratiewe bekwaamheid besit en as gevolg daarvan het hy die titel "koning van die Jode" verwerf, wat aan hom groot mag besorg het, ook oor die lewens van mense. Hy het nie net in sy eie land nie, maar selfs ook in Athene groot bouwerke opgerig en twee pragtige stede laat herbou, wat hy Sebaste en Caesarea aan die See genoem het, ter ere van keiser Augustus.
DIE "GOD IS DOOD!" -SLAGSPREUK
Dr JP Botha
In die jare sestig het hierdie slagspreuk deur die wêreld geklink, aangehef deur teoloë, “godgeleerdes”! Hierdie teoloë sê die moderne lewensgevoel staan lynreg teenoor die tradisionele Christendom. Die beweging is meer filosofie as teologie. Dit staan krities en negatief teenoor die gangbare gestalte van die Christendom. Dit wil in elke opsig “radikaal” wees, maar is as geheel dikwels inkonsekwent, verward, fragmentaries, eksperimenteel en onsistematies.
Die voorstanders van hierdie beweging aanvaar dat slegs dit wat bewys kan word, ter sake en sinvol is. Dit lei tot verset teen enige buitewêreldse werklikheid, soos God en die hemel, en ook teen die dinge wat tot die verlede of geskiedenis behoort, soos die Bybel, belydenisskrifte, ens.
Hulle hooftema is dan dat God dood is. Watter God? Eerstens die gode wat ons self gemaak het, soos dié van die filosofie, dié wat ons slegs in tye van nood aanroep, gode wat ons goed ken en kan hanteer omdat hulle ons eie maaksels is. Hiermee kan ons nog saamstem, maar gladnie verder met hulle bewering dat God dood is nie. Hulle sê in ons tyd het God oorbodig geword en godsdiens ‘n onnodige luukse. Die persoonlike lewende God is glo ‘n fiksie.
O, BOEREPLAAS
Woorde: C.F. VISSER
O boereplaas, geboortegrond!
Jou het ek lief bo alles.
Al dwaal ek heel die wêreld rond,
waar so gelukkig, so gesond?
O boereplaas, geboortegrond!
Jou het ek lief bo alles.
O moederhuis, waar ooit so tuis?
Jou het ek lief bo alles.
Die wêreld, rykdom, prag en praal
kan jou verlies my nooit betaal.
O moederhuis, waar ooit so tuis?
Jou het ek lief bo alles.
O moedertaal, o soetste taal!
Jou het ek lief bo alles.
Van al die tale wat ek hoor,
niks wat my siel ooit so bekoor.
O moedertaal, o soetste taal!
Jou het ek lief bo alles.
VEG TEEN ONS VERKNEGTING!
Dr JP Botha
Drie eeue gelede het die Here ‘n klein volkie hier in Suid-Afrika in aansyn geroep, wat te midde van baie beproewings gegroei en gedy het in sy swaarverowerde vaderland. Maar ons volk het deur verraad sy land kwytgeraak en verkeer tans in die ellende van ‘n Egiptiese verslawing deur ‘n groepie heidense terroriste wat oor hul heers.
Wees sterk en vol moed,
wees nie bevrees of verskrik nie;
want die Here jou God is oral met jou,
oral waar jy heengaan - Josua 1:9
Met hierdie woorde het die Here self vir Josua verseker dat Hy die volk die land sal laat erf wat Hy hulle vaders met ‘n eed beloof het om aan hulle te gee. Die Here het Abraham in die jaar 2090 vC geroep om die beloofde land in besit te gaan neem, maar 215 jaar later moes Jakob noodgedwonge met die wordende Israelitiese volkie hul beloofde land verlaat om in die vreemde Egipteland as slawe verkneg te word.
Ná hierdie beproewing wat 440 jaar geduur het, het die Here vir Moses as leier gebruik om sy verbondsvolk weer uit die knellende bande van Egiptiese slawerny te lei, op pad na die land wat hulle nie meer besit het nie.
Na Moses se dood het die Here vir Josua geroep om die volk weer die verlore land binne te lei en die vreemdelinge wat dit onregmatig bewoon het, te verdryf.
Vir hierdie groot taak het die Here hom van geesteskrag voorsien, hom moed ingepraat en van sy Hulp verseker. Josua het moed geskep en aanhou veg en die stryd volgehou totdat Israel weer sy verlore Kanaän herower en in besit geneem het.
Maar soos vir Josua, sê die Here ook vir ons volk dat Hy ons weer uit die hand van ons talryke vyande sal verlos: “Skep moed en verset julle teen hierdie onwettige dwingelandy. Hou aan veg tot die oorwinning aanbreek... Wees nie bevrees nie, want Ek is met jou!”
ANTWOORD NIE 'N DWAAS
Ons volkie word daagliks onderwerp aan beledigings en pogings om ons te verkleineer. Die media poog baie hard om ons volksnasionalisme as agterlik en outyds af te maak. Soms is dit moeilik om nie op dieselfde wyse terug te reageer op vernederende aantygings en skeltaal teenoor ons nie. Maar in Spreuke 26:4 lees ons: “Antwoord ‘n dwaas nie na sy sotheid nie sodat jy ook nie net soos hy word nie.”
Laat daar geen vuil woord
uit julle mond uitgaan nie,
maar net ‘n woord wat goed
is vir die nodige stigting, sodat
dit genade kan gee aan dié wat dit hoor. - Efésiërs 4:29
Toe Paulus hierdie ernstige vermaning aan die gelowiges gerig het, was dit seker vir elkeen van hulle duidelik dat hulle nie meer hierdie lelike heidense gebruik moet beoefen nie.
Die gewoonte om vir die geringste aangeleentheid in ‘n onbedaarlike woedebui los te bars met ‘n sarsie vloekwoorde wat al swetsende na iemand anders geslinger word, is meesal ‘n openbaring van swakheid, onsekerheid en vrees by die vloeker. Dit gaan gewoonlik ook gepaard met ‘n gebrek aan selfvertroue. In die waan dat hy sy teëstander daarmee kan oorrompel of afskrik, takel hy dié dan met beledigings en gekruide taal.
In Matthéüs 15:11 sê Christus: “ Nie wat in die mond ingaan maak die mens onrein nie, maar wat uit die mond uitgaan.” Daarom is die swetsende vloeker aanhoudend besig om homself te besmet terwyl die persoon teen wie hy dit rig nie in die minste mate daardeur geraak word nie.
Ons moet voortgaan met ons Goddelike opdrag as Geloftevolk hier in ons Gelofteland waar God ons geplaas het sonder dat die vyande se pogings ons raak want ons wil nie net soos hulle word nie.
VOLKSKULTUUR IS GOD SE GESKENK
So het die Here hulle oor die hele aarde verstrooi. - Gedeeltes uit Génesis 11:6-8
Die mens het vanaf die vroegste eeue pogings aangewend om geheel en al onafhanklik van God voort te bestaan.
Onderwyl hulle die toring van Babel gebou het, het hulle onder die waan verkeer dat hulle met hul handewerk hulself teen moontlike toekomstige vloede sou kon beskerm. Hulle het daarop staat gemaak dat hulle gesamentlike, eendragtige poging, waar God heeltemal buite rekening gelaat is, sou slaag en dat hulle eerder kommerloos sou kon voortleef sonder vrees om deur ‘n tweede sondvloed uitgewis te word.
Maar God het die mens nie gemaak om in die laagte van Sinear op ‘n bondeltjie by hulle toring van Babel te sit nie. In Génesis 1:28 het Hy vir hulle gesê: “Wees vrugbaar en vermeerder en vul die aarde, onderwerp dit...” Daarom het Hy die taalverwarring laat plaasvind wat hulle uitmekaar laat spat het.
Die verskillende taalgroepe het elk op eie grondgebied ‘n eie identiteit ontwikkel met ‘n eie kultuur en nasionale bewussyn. So het die Here die ontstaan en ontwikkeling van die verskillende nasies in aansyn geroep. So het hulle as unieke aparte volke elk met sy eie taal, die aarde wat God aan hulle gegee het ontdek, verower, in besit geneem, ontwikkel en verwoes.
Maar die Antichris, wat deur al die eeue heen probeer om God se werk te vernietig, werk onverpoosd daaraan om weer ‘n eenwêreldgemeenskap met net een taal – blykbaar Engels – te skep. Hy werk deur die internasionale geldmag ofte wel Illuminati, wat daarna streef om alle grense en verskille tussen volke uit te wis en die hele aarde dan in ‘n “One World Government” te regeer.
Laat ons weer ons taal, kultuur en nasionale bewussyn waardeer en bewaar as die geskenk wat God aan ons gegee het.
VREES NIE DIE AFGODEDIENAARS
Ons leef in ‘n tyd van verval op sosiale, ekonomiese, politiese en veral geestelike gebied, en dit het ons gebring by die punt waar alles wat ons rustige voortbestaan verseker omgekeer is. Vir hierdie chaos in die wêreld is die owerhede te blameer, regerings wat voor mammon geswig het. Deur die hele wêreld het die konings of te wel leiers presies soos Psalm 2 daarop wys saam teen die HERE beraadslag, het die wêreldgeldmag die bande met Hom losgemaak en kon Satan sy vernietigingswerk met gemak uitvoer soos ook in Suid-Afrika waar Christene nou ‘n kritieke en gevaarlike fase beleef.
Maar die HERE spot met die vyandelike owerhede, en Hy sal sy belofte hou om hulle in sy grimmigheid te verskrik wanneer sy kinders bedreig word, Hy sal “hulle verpletter met ‘n ysterstaf, stukkend slaan soos ‘n erdepot.” Die spul kan maar almal saam moord skree en toi-toi terwyl hulle hul afgodebeuel blaas, hulle sal nie slaag in hulle vernietigingstog nie. Solank ons op die HERE vertrou, aan Hom alleen gehoorsaam is, en Hom “dien met vrees en bewing.”
Bid dat Hy sy volk se harte sal versterk en hulle meer geloofsvertroue as ooit tevore sal gee om die pad met Hom as die Leier aan te durf. Bid ook dat Hy Suid-Afrika ‘n Christen-owerheid sal gee wat weer stabiliteit en veiligheid sal bewerk.
Waarom woel die nasies en bedink die volke nietige dinge?
Die konings van die aarde staan gereed, en die vorste hou saam raad teen die HERE en teen sy Gesalfde en sê:
Laat ons hulle bande stukkend ruk en hulle toue van ons afwerp!
Hy wat in die hemel woon, lag: die HERE spot met hulle.
Dan sal Hy hulle aanspreek in sy toorn, en in sy grimmigheid sal Hy hulle verskrik...
U sal hulle verpletter met ‘n ysterstaf, U sal hulle stukkend slaan soos ‘n erdepot.
Wees dan nou verstandig o konings; laat julle waarsku, o regters van die aarde!
Dien die HERE met vrees, en juig met bewing.
Kus die Seun, dat Hy nie toornig word en julle op die weg vergaan nie; want gou kan sy toorn ontvlam. Welgeluksalig is almal wat by Hom skuil!
Psalm 2
SKERP SLAGSPREUKE2
SKERP SLAGSPREUKE
(Lees die reeks by SKERP SLAGSPREUKE)
__________________
(Lees by AFRIKAANSE IDIOME EN GESEGDES - die hele reeks
__________________
In die sweet van sy aanskyn eet die Adamskind sy brood; in die sweet van 'n ander se aanskyn sy pastei.
Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.
'n Presiese baas hou nie nalatige knegte lank nie. Dié wat hy nie wegja nie loop weg.
Maak in die somer hout bymekaar en sit in die winter by die vuur.
Gratis af te laai
GRATIS E-BOEKE EN VERSBUNDELS OM AF TE LAAI:
As God volke aan hul eie lot oorlaat
Die waarheid oor ons volk en die Nuwe SA
Volksverraad geskryf deur adv. P.J. Pretorius
'n Oorblyfsel... deur genade alleen
Christen-Teokratiese Separatisme
Vreedsame Naasbestaan = Afsonderlike Ontwikkeling
Ons heilsverhaal in die Ou Testament
Apokriewe - By modderpoele of suiwer fonteine?
Midsomernagdroom - Shakespeare in Afrikaans
Macbeth - Shakespeare in Afrikaans
Voortrekker-Pioniers in Oos-Transvaal
_______________
1919: VRYHEIDSDEPUTASIE KEER TERUG
1800: GRAAFF- REINETSE REBELLE GEVONNIS
1917: OOM JAPIE HELPMEKAAR‘N BESONDERE VERHAAL VAN BEMOEDIGING
Rondom haar sit die groepie bekende gesigte van moeë vrouens. Net ’n paar tree verder is die hoë draad van die konsentrasie kamp. Sy slaan haar Bybel oop en begin lees. Sy het in die donker ure van die nag geworstel met God en Hom gesmeek vir ʼn boodskap om hierdie vrouens te bemoedig, want wie weet hoe lank nog . . .
Anette lees die woorde van Matt 10:29 –
“Is twee mossies nie vir ’n sent te koop nie, en tog sal nie een van hulle op die grond val sonder die wil van julle Vader nie.”
Terwyl sy besig is om hierdie woorde te lees, kom sit daar ’n vaal klein mossie op haar skouer. Die groepie vrouens staar in verbasing na wat voor hulle gebeur, en so word die mossie, die teken van hoop in die onmoontlike omstandighede van die konsentrasie kamp in Bethulie.