NUUTSTE BYDRAES

Gedagtes vir elke dag

Of lees almal by Gedagtes vir elke dag

Daar is net een beproefde raad teen eensaamheid – reik na ander uit.  Daarmee slaan jy die duiwel vir ‘n ses!  Satan wil hê dat jy in jou eensaamheid mure om jou moet bou. God wil hê dat jy eerder brûe na ander bou. ‘n Mens wat sy hart vir ander oopmaak, kan nooit eensaam wees nie.

ROBEY LEIBBRANDT VERTEL SELF (22)

  Outobiografie van Robey Leibbrandt:

GEEN GENADE

Lees reeks by Robey Leibbrandt vertel self

Indien lesers die ware weergawe oor die nasionalisme, geloof en waagmoed van Robey Leibbrandt wil weet, moet u hierdie reeks nie misloop nie. Daar het onlangs ‘n liberale weergawe verskyn waarvan die skrywer in ‘n TV-onderhoud op die vraag waarom hy oor Leibbrandt geskryf het, geantwoord het: “’n Mens kan nie net oor goeie mense skryf nie”. Die suggestie wat hy laat dat Leibbrandt ‘n ‘slegte mens’ was, kom ooreen met die liberale inhoud van sy boek.

Die polisie skiet op my

Omstreeks nege-uur die oggend van 7 Oktober 1941 het ek vir die tweede keer slaags geraak met die polisie. Hierdie keer het agt speurders en een polisiesersant opgedaag om my in hegtenis te neem. Hoe die speurders so gou op my spoor gekom het, weet ek vandag nog nie.

Die pastorie van die Krokodildrif-gemeente was in die bosse sowat 250 tree van die pad tussen Pretoria en Brits geleë.

 

My niggie Violet en ek het hand-aan-hand by die agterdeur uit na die lemoenboord gestap — sy met die mandjie aan haar arm gehaak. Digte struike het ons uitsig op die teerpad versper. Aan dreigende onheil het ek nie gedink nie. Toe ons die rondawel bereik wat by die plaashek staan, kom 'n motor skielik dig by ons tot stilstand. Die enjin van die motor was afgeskakel. Ek het half geskrik en ietwat teruggedeins. Die eerste gedagte wat my te binne ge­skiet het, was dat dit gemeentelede is wat die dominee kom besoek. Gelukkig het die persoon voor in die motor en naaste aan my, 'n polisie-uniform aan­gehad.

Dinge het hierna vinnig gebeur. Die manne het uit die motor gespring en ek het na my Walther-pistool in my broek se agtersak gegryp. My vingers het skielik dom geword van senuweeagtigheid en ek kon die pistool nie uitkry nie.

Sowat dertig tree van die hek het 'n tweede polisiemotor stilgehou. Vier ge­wapende manne het wild in my rigting gestorm. Uiteindelik het ek daarin ge­slaag om die Walther uit te kry. Ek het hom stewig in my regterhand vasge­klem. Ek moes iets doen, maar die tyd was min. Iets doen, behalwe weghard­loop, want dit sou my innerlike trots my nie toelaat nie.

Een van die vier aanstormende geregsdienaars het geskreeu: "Robey, as jy beweeg, skiet ons!"

Ek het vinnig na regs gekyk en die haan van my pistool teruggetrek. "As julle skiet, moet julle raak skiet. Ek waarsku julle," het ek op my beurt laat hoor.

Meteens het 'n skoot links van my geknal. Die koeël het rakelings by my kop verby gevlieg.

Ek het my gesig in die rigting van die skoot geswaai.

"Wie het geskiet? Wie het geskiet? Praat, of ek skiet julle almal vrek," het ek woedend uitgeroep. Niemand het geantwoord nie.

Ek het darem in hierdie benoude oomblikke die floue troos gehad dat 'n bloedgeswore kameraad van my in die omgewing was en ek het enige oomblik verwag dat hy die geregsdienaars sou verras. Ek sou eers later uitvind dat hy geweeg en te lig bevind is. Later was hy selfs te lig vir die interneringskamp.

Op daardie moment het ds. W.R. Joyce op die toneel verskyn. Onderskraag deur die teenwoordigheid van 'n man op wie ek kon staatmaak, het ek op my bors geslaan en uitgeroep: "Skiet hierdie Afrikanerhart. Hy's groot genoeg. Dit sal meer as een koeël verg om hom stil te maak."

Ek het so hard gekonsentreer op die beweging van die speurders dat ek skaars gehoor het toe ds. Joyce sê: "Moet asseblief nie van my perseel 'n bloedbad maak nie." Aangevuur deur hierdie woorde, het ek dreigend uitge­roep: "Wie is in bevel julle klomp d...?" Ek het my vraag herhaal. Speurder­sersant Otto, die man wat my amper raakgeskiet het, het met 'n huiwerige vinger na hoofkonstabel De Kock gewys, wat regs van my aan die punt van die gevormde halfmaan gestaan het.

"H ... h ... hy," het hy stotterend gesê.

Ek het vinnig na die hoofkonstabel gekyk: "Ek gee jou drie tellings om die bevel te gee om te skiet. Net drie tellings, hoor!"

"Een! het ek desperaat gesê en 'n pas na vore gegee. My linkervoet was amper teen die polisiemotor. "Twee!" en ek het noodgedwonge na regs in die rigting van die hoofkonstabel getree. Soos verskrikte wild het die speurders uitmekaar gespat. Hulle het gehardloop - een klomp in die rigting van die dammetjie en verby die geparkeerde polisiemotor tot agter die vrag doring­hout wat daar opgestapel gelê het. 'n Sekere sersant, die lafaard wat later vir Hendrik Erasmus geskiet het, kon ek aan die voorpunt sien. Met pistool in die lug het hy gehardloop dat sy baadjiepunte styf staan.

Die ander klomp het rieme neergelêe in die rigting van die bosse. Konstabel Els, die enigste speurder wat geen pistool in sy hand gehad het nie, het met sy arms oor sy bors gevou gestaan en geen poging aangewend om pad te gee nie. Hy het my vol in die oë gekyk en gepleit: "Moet tog asseblief nie na my kollegas skiet nie."

Ek wou my eers vererg vir die astrante klein mannetjie wat beslis geweier het om aan die wedren deel te neem. Vir my was dit 'n geval van lewe of dood, want in tyd van stryd is daar geen genade nie. Dit was alleen die paaiende woorde van ds. W.R. Joyce en speurderkonstabel Els wat my weer­hou het om op die vlugtende geregsdienaars los te brand.

Een van die retirerende speurders het by die geparkeerde polisiemotor met­eens in sy spore vasgesteek. Hy het die agterdeur van die motor oopgeruk en 'n geweer uitgepluk. Ek het luid gewaarsku: `Los die geweer of ek skiet!" Die geweer het met 'n dowwe geluid uit sy hand geval en hy het vinnig agter die stapel hout, waar ook Spengler veiligheid gesoek het, verdwyn.

"Kom hier!" het ek na die hoofkonstabel geroep wat sowat 'n honderd tree verder tot stilstand gekom het.

"Nee! Oorhandig eers jou pistool aan die dominee," het hy geantwoord.

"0 so, en wat is daardie blink affêre in jou hand? Is dit nie ook 'n pistool nie?" het ek kwaad geroep.

In plaas van my pistool aan ds. Joyce te oorhandig, het ek dit weer in my ag­tersak gesteek. Ds. Joyce het my tot by die hoofkonstabel vergesel. Die ander speurders het een-een uit die bosse en van agter die hout gekom om onder die boom by ons aan te sluit.

Die hoofkonstabel het my 'n lang en oninteressante sprokie vertel enmy probeer oorreed dat ek moet saamgaan. Met wilde handgebare het ek my verbasing oor die belaglike versoek uitgespreek.

"Wat sal die kolonel sê as ons sonder jou daar aankom?" wou die hoofkonstabel weet.

"Na die duiwel met die kolonel. Ek daag hom uit om my hier te kom haal. Gee my 'n potlood en 'n stuk papier sodat ek self my saak aan die kolonel kan verduidelik."

Een van die speurders het gedwee voor my kom buk sodat ek sy rug as skryfblok kon gebruik en ek het die papier van een van die speurders se sakboekies gebruik en soos volg geskryf:

Geagte lt-kol. Verster,

Ek verstaan u posisie, asook dig van die mede Afrikaners wat u na my gestuur het om my in hegtenis te neem, maar ek vra u om my as draer van die ware nasionalisme van Jong Suid Afrika in sy volle betekenis te erken en as sodanig weier ek voor my God en voor my volk om my ooit oor te gee. My dooie liggaam sal in kloue van die Regering val, maar ek as vryheidsvegter nooit!

U vra om bloed luitenant-kolonel, maar onthou asseblief dat ek as Afrikaner nie geroof, gemoor of sabotasie gepleeg het nie, maar ek staan as eerlike burger voor u vir reg en geregtigheid.

Ek sal veg en val soos ek is ... 'n Afrikaner in murg en been.

Die Vierkleur Hoog!

Ek het die briefie aan die hoofkonstabel oorhandig en gesê: "De, hier is julle pas."

Vandaar het ek oor die pad gestap na waar nog drie speurders gestaan kajuitraad hou het. Ek het speurdersersant Otto voor die bors gegryp gevra: "Na wie het jy geskiet?"

"Ek wou jou maar net afskrik," het hy bedremmeld gesê. "Maar luister Robey, netnou kom luitenant Strauss met 'n pantsermotor en vyftig man, wapen met masjiengewere, handgranate en traangasbomme. Jy moet tog asseblief nie skiet nie. Ek is 'n getroude man met twee jong bloedjies en jy weet die Orphans' Fund (Weesfonds) betaal nie veel nie."

Ek het die speurder gestampstoot dat hy amper met sy sitvlak in 'n doringbos beland het.

Onverwags het my tante met 'n skinkbord op die toneel verskyn. Sy het die speurders lemoensap en handtertjies aangebied. Toe sy terugstap huis toe, ek by haar ingehaak.

Op 28 April 1942 het die volgende berig in Die Transvaler verskyn: "Leib­brandt-verhoor. Pantsermotor en 50 man in gereedheid om hom te vang.

"Die feit dat die polisie in Pretoria 'n pantsermotor en vyftig man in gereed­heid gehou het om Robey Leibbrandt, die Afrikaanse kampioen-vuisvegter, in hegtenis te neem, is gister deur gewese hoofkonstabel De Kock aan die lig gebring toe die voorlopige verhoor van Robey Leibbrandt en 17 ander op aan­klag van hoogverraad voor mnr. CA. Backeberg in die Pretoriase gevangenis voortgesit is."

In Die Transvaler van 25 April 1942 verskyn die volgende in banierskrif: "Leibbrandt moes dood of lewendig gevang word. Inhoud van brief op Brits geskryf.

"Die boodskap wat Robey Leibbrandt aan kolonel Verster gestuur het toe nege speurders hom by die pastorie van ds. Robey Joyce op Brits vasgekeer het en wat hy op die rug van die speurders geskryf het, is gister by die voor­lopige verhoor van Robey Leibbrandt in die hof ingedien." En verder:

"In ant­woord op vrae aan adv. Cillie het speurdersersant Els verklaar dat Otto eers uit die motor geklim het voordat hy op Leibbrandt geskiet het. Die opdrag van gewese hoofkonstabel C. de Kock, nadat hy van kol. Verster gekom het, was om Leibbrandt dood of lewendig te vang."

In die hof het die speurders gesê dat hulle net geretireer het toe ek op hulle afstorm. Die belangrikste getuienis oor hierdie Brits-episode is gelewer deur gewese hoofkonstabel C.G. de Kock en speurderkonstabel Els. Omrede De Kock en sy makkers nie daarin geslaag het om my dood of lewendig te vang nie, is De Kock in rang gedegradeer. As gevolg van hierdie uiters onregver­dige behandeling het De Kock sy ontslag uit die SA. Polisie gekoop. Indien sy hoofde dan gereken het dat hulle beter kon doen, waarom het hulle dan nie self so 'n poging aangewend nie? Eers toe hulle tussen veertig en vyftig man bymekaar was, het twee kolonelle dit gerade geag om self die bevel oor te neem. Ons sal aanstons by hierdie heldedaad kom.

Speurderkonstabel Els was deurgaans dapper en hy het nie nodig gehad om enige papbroekigheid met leuens te verdoesel nie.

My doel met hierdie vertelling is geensins daarop gemik om die SA. Polisie te verkleineer nie. Ek was self 'n lid van die mag en ek is trots daarop. Alles wat ek hier op skrif stel, word gestaaf deur getuienis in die hof. Die koerant­verslae oor al hierdie gebeure is in my plakboek te vinde.

Speurdersersant Otto het aan die regters in die Hooggeregshof vertel dat hy net in 'n moeilike posisie in die motor gesit het, anders sou hy my morsdood geskiet het. Ook by hom was dit 'n geval van lewe en dood. Nie een van die ander getuies het hierdie storie van Otto gestaaf nie en ek ag dit ook nie nodig om verder daarop voort te borduur nie.
Vervolg...

Opsoek na inligting?

  • BYBEL 1933/53-druk nou gratis

    Gelofteland is dankbaar om aan al ons lesers die 1933/53-uitgawe van die Bybel gratis te voorsien. Al wat u hoef te doen is om 'n e-pos na

    Hierdie e-posadres word van Spambotte beskerm. Jy moet JavaScript ontsper om dit te lees.

    te stuur met die versoek om die Bybel te ontvang, en ons sal dit aan u stuur.

     

    _____________________

     

     Laserskywe in stelle van 10 te koop

    VRYHEIDSBEDIENING

    Ds. Andre van den Berg werk sedert November 1990 weekliks met volksgenote in die gevangenis in Pretoria-Sentraal. Hy bied ʼn reeks laserskywe teen R200 (posgeld uitgesluit) per stel van 10 aan. Die opbrengs van hierdie verkope gaan vir Gevangenisbediening.

    Dit handel oor aktuele onderwerpe soos:

    1. Die lewe hiernamaals.
    2. Word verantwoordelik oud.
    3. Die pad na die ewigheid.
    4. Bied beproewing die hoof.
    5. Raad vir tieners.
    6. Gelowige kinderopvoeding.
    7. Oorwin depressie.
    8. Kikker jou huwelik op .
    9. Alle mense is nie gelyk nie.
    10. Homoseksualisme - ʼn gruwel vir God.

    Bestel by:

    E-pos: Hierdie e-posadres word van Spambotte beskerm. Jy moet JavaScript ontsper om dit te lees.

    Sel: 074 967 5187

    Bankbesonderhede:

    ABSA

    VRYHEIDSBEDIENING

    9062088855

    _______________

     

    Skryf in vir die gratis e-blad OORSIG EN REPLIEK

    'n Blad wat dmv verduidelikende agtergrond by die kern van ons volk se
    stryd uitkom.

    Kontak die redakteur by

    Hierdie e-posadres word van Spambotte beskerm. Jy moet JavaScript ontsper om dit te lees.

    Lees ons gereelde uittreksels daaruit hier op Gelofteland by OORSIG EN REPLIEK

    __________
     
    DIE HISTORIESE KOMPAS
    _________ 
     
    BOEKRESENSIE:

    Die Legkaart van ons Lewe – ‘n Boodskap van Hoop

    Lees meer oor dié getuienis by:

    DIE LEGKAART VAN ONS LEWE

    __________

    BOEKRESENSIE:

    DIE VOLMAAKTE REPUBLIEK – Christen-Teokratiese Separatisme

    Suid-Afrika verkeer tans in 'n kommerwekkende toestand omdat mense se kennis oor die Bybel en die Staat so verwater het dat land en volk as gevolg hiervan ten gronde gaan.

    Hierdie boek uit die pen van ds AE van den Berg, het in gedrukte vorm verskyn.  Dit bring helder perspektief oor rasseverskille en natuurlike skeiding wat sal lei tot die herstel van Suid-Afrika. Die land het 'n dringende behoefte wat landsburgers van geestelike denke sal laat verander en van onregte en gewaande vryheid sal bevry.

    Sinvolle besluite in die lig van God se Woord, en onophoudelik gebed dat bevryding spoedig verwesenlik word, is noodsaaklik. Politiek is erns en harde werk wat wet en orde handhaaf en durf nie in eerlose hande gelaat te word nie. God is 'n God van orde, en mense word aangemoedig om die koninkryk van God eerste te stel.

    U kan hierdie boek bestel by ds A E van den Berg

    Tel: 074 967 5187  of by

    vryheidsbediening

    @gmail.com

    Prys: R50-00

     
  •                                                                        ______________

     

    BOEKE TE KOOP

    ‘n Nuwe Trek: Terug na u God

    Die Oerteks van die lotsbepalende 1838-Gelofte

    J L du Toit & dr L du Toit

    'n Bundel oor die bronne vir die 1838-Gelofte is nou ook by Exclusive Books in Suid-Afrika beskikbaar: 

    Alhoewel die nuutste prys op Exclusive Books se netwerf tans R191 per boek is kan u dit vir so min as R60 per boek direk by Hierdie e-posadres word van Spambotte beskerm. Jy moet JavaScript ontsper om dit te lees.. bestel.

    Lees meer by: 'N NUWE TREK: TERUG NA GOD

    _______________

    ONDERSTEUN U VOLKSGENOTE IN DIE GEVANGENIS

    Wil u meer oor aktuele onderwerpe lees of vir iemand 'n besondere geskenk gee? Goeie voornemens;  Dink reg, leef reg; Moenie bekommer nie; Leuens; Woestyngedagtes, en Niks ontbreek nie, is van die aktuele onderwerpe wat in twee besondere preekbundels behandel word. Vir slegs R60 elk of R100 vir beide kan u 'n waardevolle bydrae maak vir u volksgenote in die gevangenis. Ondersteun hulle asseblief en bestel nou hierdie preekbundels by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

                                                                           ________________

     

    GOD PRAAT MET DIE BOEREVOLK – DEEL 2

    Hierdie bundel, net soos deel I, is saamgestel uit twintig van die beste boodskappe wat sterk op ons volkslewe gerig is. Die inhoud bestaan uit aktuele onderwerpe wat die daaglikse lewe van elke Christen raak. Die koste beloop slegs R60 (posgeld uitgesluit) en is 'n uitstekende geskenk vir die regte persoon. Die inkomste gaan in geheel aan gevangenisdiens vir ons volksgenote.
    Plaas u bestelling per e-pos by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

    of skakel hom by 074 967 5187

    ________________

    Bestel 'n uitstekende digbundel deur BOERIUS
    Volledige besonderhede hier:

    Gietoffers van my Siel


    _________________

    Hierdie e-posadres word van Spambotte beskerm. Jy moet JavaScript ontsper om dit te lees.

     
  •  

    DIE CHARISMATIESE GEVAAR
    Mense word so maklik deur dwaalleringe mislei. In hierdie boek word talle kwelvrae beantwoord.

VERGADERING-

PROSEDURES

(GRATIS)

Daar is min mense wat nog die waarde van 'n ordelike byeenkoms bedink en kan uitvoer. Sonder hierdie kennis en orde en gedissiplineerde toepassing daarvan sal 'n byeenkoms in wanorde verval en die doel van die vergadering nie bereik word nie. Die boekie kom handig te pas in alle omstandighede waar 'n vergadering van persone plaasvind, ongeag die sakelys of doel van die byeenkoms.

Klik hier om die boekie wat u op hoogte kan bring van korrekte vergaderingprosedures, gratis af te laai. Indien u van Windows 10 gebruik maak sal die inhoud outomaties onder die lêer "Downloads" geberg word en kan dit daar gehaal en gebêre word waar ookal dit maklik gevind kan word.

 

GRATIS E-BOEKE EN VERSBUNDELS OM AF TE LAAI:

 

As God volke aan hul eie lot oorlaat

Die waarheid oor ons volk en die Nuwe SA

Volksverraad geskryf deur adv. P.J. Pretorius

'n Oorblyfsel... deur genade alleen

Christen-Teokratiese Separatisme

Verse van Verset

Vreedsame Naasbestaan = Afsonderlike Ontwikkeling

No Ships in the Harbour

Ons heilsverhaal in die Ou Testament

Daniel

Evolusie - kan ek dit glo?

Petrus, die rots

Romeo en Juliet

Ester

Apokriewe - By modderpoele of suiwer fonteine?

Midsomernagdroom - Shakespeare in Afrikaans

Die Openbaring van Henog

Die Derde Tempel

Macbeth - Shakespeare in Afrikaans

Met ryperd en mauser

Goue strate het nie stof nie

Derdepoort

Die Laaste Pous

Josef

Rut

Drie Eeue van Onreg

Ons Geskiedenis

Engelse skandvlekke

Voortrekker-Pioniers in Oos-Transvaal

_______________

 

 

1919: VRYHEIDSDEPUTASIE KEER TERUG

1800: GRAAFF- REINETSE REBELLE GEVONNIS

1917: OOM JAPIE HELPMEKAAR

SKERP SLAGSPREUKE

(Lees die reeks by SKERP SLAGSPREUKE)

                                                                         __________________

 

AFRIKAANSE IDIOME EN GESEGDES

(Lees by AFRIKAANSE IDIOME EN GESEGDES - die hele reeks

                                                                         __________________                                                                  

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Besoekers aanlyn

Ons het 910 gaste aanlyn