Gedagtes vir elke dag
Of lees almal by Gedagtes vir elke dag
"As ons ooit sou moes veg vir ons voortbestaan en ons vaderland, laat geen mens en geen staat daaroor twyfel hê dat ons dit sal doen nie. Dit is ons land, ons erfenis, waarmee al ons verwagtings en ons verlangens diep verbonde is en waarin ons onder leiding van die Almagtige al die probleme sal oplos op ons eie manier tot almal se voordeel en geluk." – Dr HF Verwoerd 1963
MET SÚLKE ‘VRIENDE’ – WIE HET VYANDE NODIG!
16 Desember –Wonder van God! ...
...en Carl Boshoff van Orania vier ‘Versoeningsdag’ met ANC!
Met die 16de Desember pas afgeloop is die gebeure van daardie wonderdag in ons volk se geskiedenis weer helder in die geheue opgeroep. ‘n Dag van stryd – ‘n onmoontlike, onewe stryd waarvan die uitslag volgens menslike oordeel maklik voorspel kon word. Op die slagveld van die vyand, met ‘n oormag van sowat 2 teen 800.... . ‘n Slag wat nie alleen op fisiese vlak sou uitspeel nie. Nee, inderdaad ook ‘n stryd tussen Lig en Duisternis.
Aanslae teen Geloftedag
Oor die afgelope dekades, veral sedert die verval van die Nasionale Party vroeg nadat dr. Verwoerd uit die weg geruim is, is verskeie aanslae geloods teen die herdenking en viering van hierdie aller heilige dag in ons volksgeskiedenis. Ons moes van “kenners” en teoloë hoor dat ons as nageslag van die Trekkers eintlik nie deur die Gelofte gebind word nie. Selfs dat dit rassisties is om dié dag te vier. Later nog moes ons hoor dat die dag eintlik ‘n geleentheid vir Afrikaners is om hulle skuld te bely en eerder versoening met die vyand na te jaag.
2025-viering – grootste skande!
Maar met die pas-afgelope herdenking is sekerlik die felste aanslag nóg teen Geloftedag ontplooi. En dit nogal vanuit ‘n oord waarvandaan dit nie allerweë verwag is nie. Carel Boshoff van Orania het ‘n uitnodiging van die ANC-regering aanvaar om hul Versoeningsdagviering nogal by die Bloedrivier-terrein by te woon! Daarmee is sekerlik die grootste slag vir die vyande van die herdenking van die Gelofte geslaan.
Boshoff vier Versoeningsdag saam met die Swartes
Beide GaytonmcKenzie, kleurling-minister van Sport en Kultuur enRamaphosa self verheug hulle oor Boshoff se verteenwoordiging van die Afrikanervolk aldaar en verklaar albei dat voortaan net een gesamentlike Versoeningsdagfees vir al die rasse gehou moet word.
Só speel Boshoff gerieflik in die hand van die vyand. Net soos met sy verraderlike rol voor 1994 om die Nasionale Party te help om mag na die ANC oor te dra met sy deelname aan die IDASA-komplot en daaropvolgende Afrikaner-akkoord en sy aanwysing tot lid van die (mislukte) Volkstaatraad.
Boshoff aangehaal:
In sy toespraak by die Swart vieringe verklaar hy die volgende:
“Daarom, wanneer ons versoen (rekonsilieër) oor sake wat ons die naaste aan die hart lê: die opvoeding van ons kinders, die rustigheid van ons bejaardes, die veiligheid van ons boere, die geleenthede van ons arbeiders, die volhoubaarheid van ons belegging van tyd en middele, doen ons dit introspektief, maar ook interaktief met diegene wat hierdie ruimte en tyd met ons deel.”
Ek dink dit is vir enige denkende persoon kristalhelder dat ons die Swartes nie met ‘n enkele een van hierdie sake kan vertrou nie. Het drie dekades se mislukking dit nie onteenseglik bewys nie? In watter werklikheid leef professor Boshoff?
Wat gebeur tans met die opvoeding van ons kinders, veral met die inwerkingstelling van die BELA-wet?
Is Boshoff tevrede met die onsekere toekoms wat ons bejaardes tegemoetgaan noudat die ANC-regering sy lang vingers begin lê op hulle swaarverdiende pensioenfondse? Wil hy om daardie rede hieroor met hulle “rekonsilieër”?
Die veiligheid van ons boere. Wanneer laas het u nuus gekyk prof. Boshoff? Hieroor wil u met die ander inwoners van die land “konsilieër. Werklik?!
Boshoff leef in ‘n droomwêreld
Dis asof professor Boshoff vir die werklikheid afgestomp geraak het. Of ly hy aan die Stockholm-sindroom?
Dis tog duidelik dat alleen die Afrikaner die beste sal omsien na sy eie belange. Die geskiedenis onder Swart bewind het deur-en-deur bewys dat die Swarte glad nie hiermee vertrou kan word nie. Tog voel Boshoff hom dit genope om Ramaphosa se uitnodiging na sy Versoeningsdagviering aan te neem en daar te gaan pleit/kruip vir versoening van hierdie belangrike sake. En natuurlik is dit maar net die dekmantel. Sy teenwoordigheid daar basuin dit uit dat hy die beginsel van versoening met die vyand van Bloedrivier hoër ag as die eer van God vir die wonderwerk by Bloedrivier gedaan in 1838.
Hy raak verder die volgende onsinnigheid kwyt:
“Ons wil julle almal erken en ondersteun as deelnemers in ‘n gedeelde gesamentlike toekoms en ‘n opbouende gesindheid, en so verwag ons om ook deur julle erken te word. Daarom ondersteun ons hierdie spesifieke geleentheid.”
Afrikaner-“vriende” is dikwels die grootste vyande van ons volk
Ons moet besef dat prof. Boshoff, soos al sy meelopers in die kringe waarin hy beweeg– Solidariteit, die Broederbond, SAAI, Akademia, en Afriforum - daarby berus dat die Afrikaner nou maar ‘n klein minderheid is in die land wat eens as sy alleen-eiendom beskou is. Maar hierdie land is die Afrikaner se Godgegewe erfenis waarvoor sy voorsate deur geweldige ontberinge en selfs met lewensverlies betaal het. Die ganse Groot Trek en spesifieke gebeurtenisse soos dié by Vegkop en Bloedrivier bevestig juis dít! Maar, volgens hierdie verloopte leiers moet die Afrikaner as sodanige “klein minderheidjie” voortdurend loop en bedel vir krummels wat van die ANC-“fat cats” se tafels val. Baie dankbaar om tog net erken te word.!! Al pleitende vir die genade van die Swart meerderheid – dat hulle tog maar die ontferming sal vind om die Afrikaner te duld en ‘n baie klein deeltjie aan hom sal gun. Siestog!
Boshoff het die volk in 1994 ook verraai
Die ware vryheidstryder sien egter die Afrikaner as die wettige en regmatige eienaar van hierdie land. Hy is bewus van die verraad wat agter die skerms afgespeel het in die negentigjare met die IDASA-komplot – hierdie verraad waaraan professor Boshoff inderdaad ook aandadig was as ‘n aktiewe deelnemer aan die komplot. Daardie stuk verraad was die oorsaak dat die Afrikaner die politieke mag oor sy eiendom verloor het.
Behou u trots en die reg op u nalatenskap!
As volk mag ons nooit soos hierdie sogenaamde Afrikanerleiers glo dat ons maar daarin moet berus dat ons ‘n onderhorige tweedeklas-burgerlike posisie moet inneem nie. Dat ons moet aanvaar dat hierdie volslae gemors waarin ons leef maar eintlik genoegsaam is en dat ons maar die oë styf moet toeknyp vir die verval, die verguising, die verkragting en uitmoor van ons volksgenote, nee! Dat ons maar moet probeer om die beste van ‘n slegte saak te maak, maar self moet inspring (ja, “ons sal self”) en doen en probeer om darem sodoende vir ons ‘n half-leefbare tweedeklasburger-bestaan in ons onderhorige posisie uit te kap.
Nee, ons is ‘n volk met ‘n eie reg, En al is daardie reg ons deur hulle verraad ontneem sal ons steeds aandring op die erkenning daarvan. Hierdie land is ONS eiendom, en is internasionaal so erken. As volk wat hierdie eiendomsreg het neem ons daardie volkerereg op. Daarvoor sal ons stry totdat die onreg ons aangedoen, ongedaan gemaak is en ons as die regmatige eienaars van hierdie land herstel is met volle poltieke mag en seggenskap daaroor!
Boshoff word met minagting verwerp
Aan prof. Boshoff – ons verwerp u laakbare optrede by die Ncome Museum. Gaan bepaal u eerder by u volkstaatspeletjies in Orania.
U het bewys dat u nie destyds, en ook nie nou, met ons volk se toekoms vertrou kan word nie!