Lees reeks by Afrika se Wit Reus

DIT IS DIE JAAR 1989...

Mites en Waarheid (...vervolg)

"Die Kanadese arts Dr. Kenneth Walker skryf oor Soweto: '... in Soweto het ek baie huise gesien wat 100 000 dollar gekos het met 'n BMW voor die garagedeur. Alle huise daar is enkelverdieping. Baie is onlangs geverf. Baie het blombakke in die vensters en grasperke voor die deur. Net 2% is krotgeboue. As ek die keuse sou hê om of in Soweto te woon of in die vervalle woonstelgeboue van New-York, Chicago of Detroit, waar daar so baie misdaad voorkom, dan sou ek geen minuut aarsel nie voor ek Soweto kies.

'Die Kanadese sal seker geskok wees as ek sê dat ek liewers in Soweto beseer wil word of siek wil wees as in baie Kanadese stede. In Soweto is daar agt klinieke wat deur die regering onderhou word en baie private dokters. Daar vind 'n mens ook die Baragwanath-hospitaal, 'n uitstekende universiteitshospitaal... waarin in 1982 nie minder as 898 hartoperasies gedoen is. Die Baragwanath is die grootste en veelsydigste hospitaal op die hele Afrikakontinent. Langsaan is die St. John-oogkliniek geleë. Dit is wêreldberoemd weens behandeling van gloukoom, losgaande retinas, traumatiese oogbeserings en seldsame tropiese siektes.

'Die reusagtige Baragwanath-hospitaal in Soweto, gebou deur Blankes se belastinggeld, is 'n bewys van die welvaart van en gesindheid jeens Swartes in Suid-Afrika. Die hospitaal met 3000 beddens is een van die grootste en modernste hospitale in die wêreld. Sy 23 operasieteaters is voorsien van die modernste toerusting wat daar in die wêreld beskikbaar is. Die onderhoudskoste van hierdie hospitaal, waarin Swart pasiente vir 'n nominale bydrae van R2 (daar is geen staatsversorging van siekes in Suid-Afrika nie) vir 'n onbeperkte tyd behandel en geopereer word en herstelbehandeling ontvang, is hoër as die jaarlikse staatshuishouding van die kleiner ledelande van die Verenigde Volke. Die hospitaal het 8000 mense in diens, waarvan 450 voltyds aangestelde dokters is en dit behandel jaarliks meer as 112 000 binnepasiente en 1 620 000 buitepasiente. Dit is interessant dat 90% van hierdie hospitaal se bloedskenkers Blanke Suid-Afrikaners is'. (Dit sal insiggewend wees om 2013 se statistiek van hierdie hospitaal te vergelyk met 1978, nou onder die huidige wanbewind van die ANC en ná verarming van die Blankes in die land – maar daar is geen statistiek beskikbaar nie..."

10. "Die Suid-Afrikaanse tuislande is verlate onvrugbare gebiede waarin die Swartes 'n karige bestaan moet voer".

Hieroor kan 'n mens nie swyg nie dat die Swartes eeue gelede hierdie gebiede self vir hulle uitgesoek het tydens hulle trek na die suide. Boonop kan 'n mens sê dat dit alles behalwe skraal, onvrugbare gebiede is.

In Bophuthatswana, die onafhanklike tuisland van die Tswanavolk, lê die rykste platinumneerslae van die hele subkontinent. In die groot myne word as neweproduk ook baie goud gevind.

Die hoofminister van die tuisland Lebowa het op die vraag of dit waar is dat sy mense in 'n waardelose gebied ingeprop is, geantwoord: "Nee, dit is nie waar nie. Ons besit hier alle grondstowwe behalwe diamante en olie. Ons het alle ander minerale. Wat die landbou betref, besit ons baie ryk dele van die Republiek van Suid-Afrika met goeie reënval en vrugbare grond. Ek glo ons veeteeld behoort tot die beste en die potensiaal vir koring- en mielieproduksie is hoog. Diegene wat gesê het dat ons in droë en verlate streke ingedruk is, het dit seker nie ons bedoel nie; hulle moet seker ander mense in die oog hê."

Afgesien daarvan dat die posisie in die ander tuislande soortgelyk is, sou mens die Blankes tog nie daarvoor kan verantwoordelik hou as dit nie so was nie.

11. "Teen die Swartes in Suid-Afrika word gediskrimineer".

Wat beteken dit dan? As ons "diskrimineer" (Latyn "discriminare" = onderskei, onderskeid tussen verskillendes) dan erken ons die feit dat die ander een van ons verskillend is, van ons onderskei kan word.

As my vrou sukkel om 'n swaar ysterplaat weg te dra en ek dit by haar neem omdat ek sterker is, dan "diskrimineer" ek want ek onderskei myself as die sterkere.

As ek my liewers deur 'n Blanke arts as deur 'n Swart toordokter laat behandel, dan "diskrimineer" ek want ek onderskei myself as 'n Blanke met 'n voorkeur vir my eie.

As in die leër van Suidwes-Afrika uitsluitlik Boesmansoldate as spoorsnyers aangestel word, maar geen Blanke soldate nie, dan word daar teen die Blankes "gediskrimineer" want die Boesmans onderskei hulself as spoorsnyers.

Hierdie enkele voorbeelde toon reeds hoe die woord "diskrimineer" onnadenkend gebruik word sonder inagneming van sy eintlike inhoud. Dit is maar net nog 'n woord wat die geldmag en kommuniste op hul sogenaamde "demokratiese" woordelys geplaas het om die massas te mislei.

Sekerlik word daar dan ook teen die Swartes gediskrimineer, MAAR NIE OMDAT HULLE SWART IS NIE, slegs omdat hulle in baie opsigte juis anders is as Blankes.

Wie die veelvuldige "verskillendheid" in begaafdhede en aanleg tussen alle lewende wesens raaksien, moet noodwendig diskrimineer - sonder dat dit uiteraard as iets negatiefs vertolk moet word.

Dit word gesê dat daar van 'n psigiater dié uitspraak kom: "Die sekerste teken van swaksinnigheid is dat iemand nie meer in staat is om te diskrimineer nie." 1

12. ”Suid-Afrika se anti-terrorisme-wetgewing tas die menseregte aan".

Wie Suid-Afrika se wette en veral die wette teen terrorisme met dié van ander lande vergelyk, sal verbaas wees oor die ooreenkoms tussen hulle.

• Die wet op "verhindering van terrorisme", wat in 1974 deur die Britse parlement aangeneem is, is 'n tweelingboetie van die Suid- Afrikaanse wetgewing wat deelname aan of ondersteuning van amptelik verbode organisasies onwettig verklaar.
• Die Britse wet bepaal verder, dat 'n persoon wat vir so 'n oortreding onder verdenking kom tot 7 dae sonder verskyning in 'n hof gevange gehou kan word. Vir so 'n saak is daar op 'n keer 566 persone deur die polisie van Merseyside opgesluit.
• In Nederland kan iemand onder verdenking tot 12 dae opgesluit word voor hy voor 'n regter moet verskyn. As hy aangekla word, kan hy tot soveel as 'n verdere 3 maande gevange gehou word, voordat 'n hofsaak moet begin.
• In die Duitse Bondsrepubliek is daar in 1983 'n wet aangeneem wat die polisie magtig om demonstreerders te verdryf, ongeag of hulle aan 'n gewelddadige demonstrasie deelneem of nie. Elkeen wat so 'n polisieopdrag nie uitvoer nie, kan soveel as 'n jaar gevangenisstraf opgelê word.
• Op grond van historiese ervaring en Suid-Afrikaanse werklikhede, beklemtoon Suid-Afrika se wetgewing, meer as dié in Europa, voorkomende maatreëls, soos langer gevangehouding vir ondersoek. Onder sulke maatreëls tel ook wetgewing t.o.v. inperking met beperkte bewegingsvryheid of plasing van persone onder huisarres. In Augustus 1985 was daar in Suid-Afrika 170 persone wat hierdeur geraak is teenoor 1560 gevangenes in Noord-Ierland.

Die doeltreffendheid van Suid-Afrikaanse wetgewing teen terrorisme word deur die volgende voorbeelde getoon (die huidige noodtoestand (1989) word hier buite berekening gelaat):

In 1982 was daar in die RSA 39 gevalle van terrorisme in vergelyking met 51 in die VSA. Slegs in die voorafgaande 30 maande was daar in Frankryk 112 voorvalle. In Noord-Ierland was daar 382 skietvoorvalle met terroriste, daarvan 219 bomontploffings. Boonop nog 580 gewapende rooftogte wat gelei het tot die dood van 97 persone waarvan 57 burgerlikes was.

13. "Suid-Afrika probeer om sy bure te 'destabiliseer'."

Altyd wanneer Suid-Afrika met klein beperkte kommando-ondernemings oorkant sy grense terroristebasisse opruim wat van daar af - dikwels met medewete van die betrokke regerings - teen Suid-Afrika opereer, word die RSA aangekla van "destabilisering" van sy buurstate, ten spyte daarvan dat Suid-Afrika se optrede volgens internasionale volkereg volkome toelaatbaar is.

Indien Suid-Afrika sy bure - en nuttige handelsgenote - werklik sou wou destabiliseer, is dit darem 'n baie eienaardige strategie wat nou aanwend word?

• Die Suid-Afrikaanse uitvoere aan voedsel alleen oortref verreweg een miljard Rand per jaar. Sonder hierdie voedsellewerings sou die buurlande aan hongersnood blootgestel wees wat elkeen van die regerings nog veel meer onstabiel sou maak as wat hulle nou reeds is.
• In die finansiële jaar 1982/83 het Suid-Afrika 314 miljoen Rand uitbetaal aan Botswana, Lesotho en Swasieland en 341 miljoen Rand aan die Transkei, Bophuthatswana, Venda en die Ciskei ter uitvoering van die tolunie-ooreenkomste met hierdie lande. Die betekenis van die inkomste uit Suid-Afrika vir die ekonomiese stabiliteit van hierdie lande blyk ook duidelik uit die feit dat die begroting van Lesotho vir die jaar 1983/84 R304,7 miljoen bedra het en dat nie minder nie as R109 miljoen daarvan uit die tolunie-ooreenkoms met Suid-Afrika kom.
• Daarby kom dan nog dat werk in die RSA aan ongeveer 1,5 miljoen gasarbeiders uit die buurlande 'n heenkome gee en dat ‘n groot deel van hulle verdienste aan die buurlande oorbetaal word.

Die hulp wat Suid-Afrika op alle gebiede gereeld aan die buurlande gee bewys onweerlegbaar dat die sogenaamde destabilisering 'n kwaadwillige leuen is en dat die behoud van die buurlande juis deur Suid-Afrika  bewerkstellig word.

14. “Die Swartes bewoon agterbuurtes en moet in 'ghettos' soos Soweto woon”.

In die eerste plek moet dit duidelik gestel word: niemand word gedwing om na Soweto, die groot Swart stad naby Johannesburg, te trek nie wanneer hy heeltemal vrywillig sy tuiste in die tuislande verlaat. En tweedens is Soweto geen agterbuurt of ghetto nie, soos dié wat ons ken in Suid-Amerika, Indië, die ander Afrikalande en selfs die VSA nie.

Wie eenmaal deur hierdie reusestad gery het, sal weet dat 'n mens daar soos orals 'n arm groep, 'n middelklas en ook rykes kry. Miljoenêr-villas met versorgde tuine en bediendepersoneel wissel in verskillende stadsdele af met vuurhoutjiedoos-huisies wat vir 'n gesubsidieerde huursom van ongeveer R40 per maand vir die meeste Swartes betaalbaar is.

Reeds in 1978 het Soweto gehad:

• 115 sokkervelde,
• 3 rugbyvelde,
• 4 atletiekbane,
• 1 krieketveld,
• 2 gholfbane,
• 47 tennisbane,
• 7 swembaddens (sommiges volgens Olimpiese standaarde),
• 5 rolbalsale,
• 81 korfbalvelde,
• 39 kinderspeelparke en
• tallose gemeenskapsale, bioskope en klubhuise.
• 300 kerke,
• 365 skole,
• 2 tegnikons,
• 8 klinieke,
• 63 kindertuine,
• 11 poskantore en
• dan nog sy eie vrugte- en groentemark.

Die reusagtige Baragwanath-hospitaal in Soweto, gebou deur Blankes se belastinggeld, is 'n bewys van die welvaart van en gesindheid jeens Swartes in Suid-Afrika. Die hospitaal met 3000 beddens is een van die grootste en modernste hospitale in die wêreld. Sy 23 operasieteaters is voorsien van die modernste toerusting wat daar in die wêreld beskikbaar is. Die onderhoudskoste van hierdie hospitaal, waarin Swart pasiente vir 'n nominale bydrae van R2 (daar is geen staatsversorging van siekes in Suid-Afrika nie) vir 'n onbeperkte tyd behandel en geopereer word en herstelbehandeling ontvang, is hoër as die jaarlikse staatshuishouding van die kleiner ledelande van die Verenigde Volke. Die hospitaal het 8000 mense in diens, waarvan 450 voltyds aangestelde dokters is en dit behandel jaarliks meer as 112 000 binnepasiente en 1 620 000 buitepasiente. Dit is interessant dat 90% van hierdie hospitaal se bloedskenkers Blanke Suid-Afrikaners is. (Dit sal insiggewend wees om 2013 se statistiek van hierdie hospitaal te vergelyk met 1978, nou onder die huidige wanbewind van die ANC en ná verarming van die Blankes in die land - maar daar is nie statistiek beskikbaar nie).

Die kindersterftesyfer van Soweto nl. 34,8 per duisend is laer as dié van die negerstad Haarlem by New-York.

Die Kanadese arts Dr. Kenneth Walker skryf oor Soweto: "... in Soweto het ek baie huise gesien wat 100 000 dollar gekos het met 'n BMW voor die garagedeur. Alle huise daar is enkelverdieping. Baie is onlangs geverf. Baie het blombakke in die vensters en grasperke voor die deur. Net 2% is krotgeboue. As ek die keuse sou hê om of in Soweto te woon of in die vervalle woonstelgeboue van New-York, Chicago of Detroit, waar daar so baie misdaad voorkom, dan sou ek geen minuut aarsel nie voor ek Soweto kies.

"Die Kanadese sal seker geskok wees as ek sê dat ek liewers in Soweto beseer wil word of siek wil wees as in baie Kanadese stede. In Soweto is daar agt klinieke wat deur die regering onderhou word en baie private dokters. Daar vind 'n mens ook die Baragwanath-hospitaal, 'n uitstekende universiteitshospitaal... waarin in 1982 nie minder as 898 hartoperasies gedoen is. Die Baragwanath is die grootste en veelsydigste hospitaal op die hele Afrikakontinent. Langsaan is die St. John-oogkliniek geleë. Dit is wêreldberoemd weens behandeling van gloukoom, losgaande retinas, traumatiese oogbeserings en seldsame tropiese siektes." (Uit "Globe and Mail" aangehaal in "Vox Africana" Nr. 31, Okt. 1987).

Daar is in Soweto meer as 2300 geregistreerde firmas, wat aan Swart sakemanne behoort asook 1000 private taxi-ondernemings. Van die 50 000 motorbesitters ry 3% in Mercedes-Benz karre. Die stad het meer skole, kerke, motors, taxis en sportvelde as menige onafhanklike Afrikastaat.

Dis geen wonder nie dat 'n mens orals motors sien rondry met die plakkertjie  "I love Soweto". Dieselfde geld ook vir baie ander sogenaamde "Swart ghettos" in Suid-Afrika.

Vervolg...