Gedagtes vir elke dag
Of lees almal by Gedagtes vir elke dag
Die waarheid van 'n huwelik is dat God ons verskillend gemaak het – ons kan nie eenders dink nie, maar ons moet saam dink.
HOMO- SEKSUALISME (2)
Ds AE van den Berg
Homoseksualisme is ‘n gruwel in God se oë. Daarom het die Christelike kerk dit van meet af aan veroordeel. Sy moes haar dikwels openlik teen die heidendom verset wat hierdie gruwels beoefen het. Dit word van keiser Nero vertel dat hy ’n man as huweliksmaat gehad het! Die Christendom ag reinheid baie hoog. Die OuTestament –gelowiges het reg aan die begin van die Christelike kerk die weerhouding van seksuele losbandigheid en gruwels as ’n vereiste vir bekeerlinge uit die heidendom gestel. Heidene kon alleenlik deel van ’n gemeente word indien hulle hul sondige gebruike afgesweer het.
Dis vir God baie belangrik hoe gelowiges leef. Geeneen durf homoseksualisme as normaal aanvaar nie, nie eens stilswyend nie. Verdraagsaamheid jeens hierdie gruwel is dwaalleer en dwaalleer is in wese ‘n weersin in die waarheid.
Ontspoorde kerke se pogings om homoseksualisme te ontsondig, is op geen Skrifbeginsel gegrond nie, maar op homoseksuele mense se belewenisse. Hulle laat die Bybel nie vir hulle voorskryf nie; maar besluit self oor wat reg of verkeerd is.
Alle Bybelse verwysings na homoseksualiteit word verswyg en met sondige, subjektiewe menslike ervarings vervang.Die NG Kerk het ‘n reuse fout gemaak toe hulle homoseksuele genooi het om hulle belewenis met die Algemene Sinode van 2004 te kom deel. Daardeur het die debat sy objektiwiteit geheel en al verloor! Waar Bybelse waarhede ter wille van menslike belewenisse versaak word, verwar dit mense en skaad dit die kerk. Geen sondaar het ’n finale sê oor sy seksuele norme nie!
Alle wetenskaplike ondersoeke wat gedoen word om vas te stel of homoseksuele gedrag nie dalk aan een of ander neurologiese, biochemiese of chromosoom-verskil te wyte is nie, misluk. Wetenskaplikes wat aanvanklik daarop aanspraak gemaak het dat sekere gene of chromosoom-areas met gedragspatrone te make het, het hul aansprake teruggetrek omdat dit nie wetenskaplik bewys kon word nie.
Gevolglik lê die voorkoms en ontwikkeling van homoseksualisme op ‘n ander vlak as die wetenskap. Dis in werklikheid ‘n opvoedingsfout en word gevolglik aangeleer. By mans is dit te sterk moederbindinge en by vrouens te sterk vaderbindinge.
Daar is mense wat meen dat die geslote karakter van die tradisionele huwelik te negatief is en hulle vir oop verbintenisse wat homoseksualisme insluit, beywer. Dit skep ’n supermark-atmosfeer waar elkeen vat wat hy kan, waar hy kan en soveel as wat hy kan; iets wat geensins met die Christelike lewenstyl rym nie!
Statistiek toon dat homoseksuele verhoudings selde die toets van die tyd deurstaan. Die innerlike stryd wat hierdie mense ervaar, laat hulle van die een verhouding na ’n ander een swerf. Selfmoord onder hulle is baie hoër as by natuurlike verhoudings.
Wat homoseksueles van die huwelik verstaan, verskil van die Bybelse begrip. Siviele huwelike tussen homoseksueles is geen alternatief vir die Christelike huwelik en geen kerk durf dit ondersteun nie. ‘n Huwelik is altyd tussen een man en een vrou.
‘n Gesin kan slegs in terme van ‘n verbintenis tussen een man en een vrou verwerklik. Daarom ken die Bybel net een norm vir die huwelik en gesin – heteroseksualiteit.
Homoseksualisme is walglike seksuele gedrag. Al ontstaan dit ook in ‘n atmosfeer van sg. liefde en vertroue, hef dit nie God se oordeel daaroor op nie. Die Bybel verwerp dit ondubbelsinnig as sonde.
Homoseksualisme is niks anders as gruwelike ongehoorsaamheid aan God nie. God voeg man en vrou saam; homoseksueles trek ‘n streep hierdeur. Twee koninkryke bots met mekaar - dié van God en dié van die Satan. God se komplimentêre andersheid teenoor Satan se nie-komplimentêre eendersheid!
‘n Homoseksuele persoon wat tot bekering kom, weet dat homoseksualisme opstand teen God is en staak die beoefening daarvan. Op die vraag of ’n homoseksuele persoon die ewige lewe kan beërwe, is die antwoord ’n baie duidelike JA, mits hy/sy die gruwel nie beoefen nie. Dis onmoontlik om ‘n wedergeborene te wees, die gesag van die Skrif te aanvaar, maar in ‘n homoseksuele verhouding te staan. Watter gemeenskap het die lig met die duisternis?
Kerke wat God vrees, sal geen praktiserende homoseksuele persoon as lidmaat toelaat alvorens hy of sy nie van die sonde afgesien het nie. Rom.1:32 is ‘n waarskuwing: Indien Christene hul seën oor homoseksualisme uitspreek, kondoneer hulle nie net die gruwel nie, maar ontvang hulle dieselfde straf as die oortreders!
Goddelose mense sien seksualiteit nie soos wat God dit sien nie. Gelowiges leef nie soos hulle wil nie. Die Heidelbergse Kategismus sê tereg dat ons enigste troos in lewe en in sterwe die wete is dat ons na liggaam en siel nie aan onsself nie, maar aan God behoort. Daarom moet ons met ons lewens God behaag en sonde sien soos Hy dit sien.
Christus sê in Matt.22 dat liefde tot God ook ‘n opregte liefde tot ons naaste insluit. Hierdie liefde durf egter nie so omskryf word dat dit alle soorte seksuele gedrag insluit nie. Liefde wat sonde bedek, is geen liefde nie!
Daar gaan in talle kerke al hoe meer stemme vir die aanvaarding van homoseksualisme op vir so ver dit betaamlik is. Daar word geredeneer dat heteroseksuele optredes ook onbetaamlik kan wees. Sulke argumente hou geen water nie. Kerke kan nie die klem op onbetaamlikheid laat val as homoseksualisme in wese onbetaamlik is nie. Net so min as wat ‘n kliënt in ‘n bordeel kuis kan wees, kan iemand in ‘n homoseksuele verhouding betaamlik optree!
Kerkgangers word tans onder ‘n gees van valse verdraagsaamheid toegeploeg. Die heersende waarde-sisteem binne ons ontwrigte samelewing draai sedert April 1994 nie meer om die as van die waarheid nie, maar om dié van die leuen. Die homoseksuele agenda binne die NG Kerk is skynbaar nog nie afgehandel nie. Hoe tragies dat hierdie kerk die eerste Afrikaanse kerk was wat verskoning vir sy eertydse standpunt oor homoseksualisme gevra het. Die blindelingse vertroue in die NG Kerk maak van haar ‘n omstrede meningsvormer wat die plaaslike Christendom groot skade aandoen.
Die ontsondiging van homoseksualisme noop die NG Kerk om haar deure vir pedofiele, homoseksuele huwelike, homoseksuele doopouers asook die ordening van homoseksuele leraars wyd op te maak.
Die NG Kerk het haarself baie kritiek op die hals gehaal. Nadat sy homoseksueles om verskoning gevra het, het eerw. Kenneth Meshoe, eertydse leier van die ACDP, haar oor die vingers geraps en daarvan beskuldig dat sy van die Skrif afwyk. Meshoe het die NG Kerk vermaan om eerder die waarheid te verkondig sodat homoseksueles hulle in berou tot God kon keer. Dat ‘n hoofsaaklik swart politieke party ‘n kerk moes aanspreek is tragies!
Wat dan van die VIGS epidemie wat al soveel miljoene lewens geëis het? Is liberale kerke blind daarvoor? Dis ‘n homoseksuele siekte van oorsprong. Ek glo dat VIGS God se straf op die gruwel van homoseksualisme en seksuele losbandigheid is. In die lig van die plaaslike omvang van hierdie epidemie behoort kerke eerder teen hierdie gruwel te waarsku as om dit te probeer ontsondig!
Die NG Kerk betaal vandag ‘n bitter duur prys vir haar geheul met die vrysinnige teologiese wêreldgemeenskap. Die tydsgees wat hierdie gemeenskap adem, sleur die NG Kerk soos ‘n seestroom mee en beroof haar van die krag om vir sonde nee te sê.
Dit gaan ‘n mens se verstand te bowe dat hierdie eens trotse bastion van die Boerevolk haar jare lange Bybelse standpunt jeens homoseksualisme oorboord kon gooi! Haar besluit om amptelik oor homoseksualisme onseker te wees, bluf niemand nie. ‘n Deur kan tog nie terselfdertyd oop en toe wees nie. Dis of oop of toe.
Ek kan nie begryp hoe die NG Kerk haar, met al haar teoloë, navorsers en drie teologiese skole, in die vaarwater van amptelike onsekerheid oor homoseksualisme kan bevind nie. Dis mos net nie moontlik nie! Ek kan tot geen ander gevolgtrekking kom, as dat sy blatant oneerlik is nie! Die deur is in werklikheid wawyd oop!
Die NG kerk is besig om haarself in ‘n hoek vas te verf. Sy wat vir soveel jare die draer van die volle Godswaarheid was, is op die ou einde deur ‘n volksvyandige vernietigingsplan gekelder; ’n plan wat uit twee dele bestaan – dit moes eers polities en daarna teologies geskaak word.
Die politieke skaking is afgehandel toe die NG Kerk apartheid in Okt.1986 veroordeel en haar lidmaatskap vir alle rasse oopgestel het. Dit het haar van haar behoudende lidmate vervreem – net wat Satan wou hê! Die tweede fase het met teologiese ontsporing te doen – sy moet, soos die internasionale teologiese wêreldgemeenskap, homoseksualisme ontsondig. Dit sal haar van haar Skrif getroue lidmate vervreem.
Die vraag in behoudendes se gemoed is: Gaan die NG Kerk net soos die NP op die ou einde ook haar verdiende loon vir haar ontrouheid jeens haar volk ontvang? Haar gedienstigheid aan die heidenregeerders maak dat eerbare volksgenote haar nooit weer sal vertrou nie. En daarvoor is net sy te blameer! Suid-Afrika het meer as ooit kerke nodig wat die waarheid onbevrees verkondig en die saak van die Here daadwerklik verdedig. Ek dank God vir die AP Kerk!
Lees Rom.1:18-32