NUUTSTE BYDRAES

Gedagtes vir elke dag

Of lees almal by Gedagtes vir elke dag

Ons maak so dikwels die fout om tug as genadelose straf te sien. Geen klein kindjie of kind van God kan egter sonder tug 'n verstandige 'grootmens' word nie. Die doel van tug is tog positiewe verandering, groei, bekering, verbetering, en dit vind altyd plaas in 'n gees van sagmoedigheid en liefde. Laat ons ons kinders tugtig sodat hulle gebalanseerde volwassenes sal word, en laat ons ons as volwassenes ons deur die Woord van God betugtig sodat ons ons sonde sal bely en laat staan.

ROBEY LEIBBRANDT VERTEL SELF (37)SLOT

Outobiografie van Robey Leibbrandt:

GEEN GENADE

Lees reeks by Robey Leibbrandt vertel self

In die arena van moed, durf en daad, het, kan en sal die Suid-Afrikaner sy man staan teen die beste in die wêreld. Waarom gryp Duitse en Engelse skry­wers my oorlogsavonture aan om sensasiebeluste lesers te bevredig? Waarom skrywe hulle nie oor hulle eie mense nie? Is my avonture dan so fantasties dat dit altyd afgewater, verdraai en uit verband geruk moet word? Waarom moet daar in boeke, tydskrifte en nuusblaaie gedurig gelieg word oor wat ek gedoen en nie gedoen het nie? Selfs hier in my vaderland is daar sekere nonentiteite wat twyfel aan die waarheid van my skrywe. Is dit onbeteuelde haat of verag­telike jaloesie? Of is dit die vrug van 'n inherente minderwaardigheidskom­pleks wat altyd neig om alles en almal af te bring na hulle eie nederige niveau?

Dit is gewoonlik hierdie lafhartige en minderwaardige idiote wat gedurig kompensasie soek vir hulle eie tekortkominge deur ander op neerhalende wyse aan te val. Die aanvalle het, met weinige uitsondering, altyd 'n party­politieke kleur. So word genl. Hertzog deur hierdie kreature voortdurend bestempel as 'n verraaier. Wie, wat, hoe en waar hy die verraad gepleeg het, weet nugter alleen. Hulle bewysredes hoort tuis in 'n malhuis. Selfs daar sal dit verwerp word. Indien so 'n groot Afrikaner op skaamtelose wyse be­swadder word, het ek, van alle mense, die minste rede om te kla.

Hoe hoog genl. Smuts as leier bo die ander uitgetoring het, kon duidelik gedurende die oorlogsjare gesien word. Hy was 'n reus. Aan die militêre front was hy die groot veldheer. Aan die politieke front was hy die onverskrokke leier en argitek. Sy woord was wet en orde. Hy was die stukrag, die inspirasie en brein van bykans heel Suid-Afrika. Hy en hy alleen kon sy politieke vyande sonder slag of stoot ontwapen.

Hy het hulle ontwapen op 'n wyse ongekend in die geskiedenis van volkere. Daardie ontwapening het my diep getref. Vir my was dit 'n vernedering, 'n weergalose ontering, 'n onvergeetlike skande. Nie genl. Smuts nie, maar die sogenaamde leiertjies van die ontwapendes was skuldig hieraan. Sonder genl. Smuts sou dit ook nooit gebeur het nie. Sy dinamiese persoonlikheid het gelyktydig respek afgedwing en vrees ingeboesem. Sonder hom sou die Suid­-Afrikaanse oorlogspogings soos 'n kaartehuis inmekaar getuimel het. Sonder ­hom sou duisende lede van die O.B. tot ontnugtering gekom het. Sonder hom sou daar chaos in die land ontstaan het. In hierdie lig het ek sake gesien. Dit was ook die slotsom van my ontleding. Ek het onwrikbaar geglo in my siening. Duisende Suid-Afrikaners het in die Noorde 'n heroïese stryd gestry vir wat hulle geglo het is reg. Menigeen lê vandag in die woestyn begrawe. Genl. Smuts het sy verpligtinge teenoor die Geallieerdes nagekom. Sonder sy toe­doen het Kommunistiese Rusland hom in die stryd teen Nasionaal-Sosialis­tiese Duitsland gewerp. Kommunistiese Rusland het plotseling'n bondgenoot van Suid-Afrika geword.

Genl. Smuts was 'n groot leier, maar ongelukkig geen groot staatsman nie.

Die ateistiese Kommunis was die Suid-Afrikaanse soldaat se wapenbroer. Ek glo stellig dat genl. Smuts ons dapper seuns uit die Noorde sou laat terugkeer het as hy maar net kon. Helaas, dit was te laat. Daar was geen keuse meer nie. Die begonne stryd moes tot sy verderflike einde deurgevoer word.

Ek wou die bondgenootskap met Kommunistiese Rusland beëindig. Ek wou my deel bydra om te voorkom wat vandag werklikheid geword het. Wees dapper, wees ridderlik en wees opreg. Lees die skrif aan die muur en erken ek was reg. Kommunistiese Rusland gaan seëvier.

Ywerig het ek die lede van die Nasionaal-Sosialistiese Rebelle meegedeel hoe om brand-, brisant- en tydbomme te vervaardig. Ek het oor horlosies beskik wat sewe dae kon loop. Die dinamietlading sou op 'n gegewe uur en tydstip ontplof. Die verbindingslinies na die Noorde moes opgeblaas word. Die publiek en spoorwegpersoneel moes vroegtydig gewaarsku word. Daar sou geen bevel vir so 'n optrede wees nie. Ek en ek alleen sou die teken gee. Wat die teken sou wees, het niemand geweet nie. Dit sou nie nodig wees om te raai nie. Die teken sou Suid-Afrika tot in sy fondament skud. Die hele wêreld sou dit verstaan. Die reuse-leiersgestalte van genl. Smuts sou op die regte sielkundige moment soos 'n geweldige eikeboom neergevel word. Ek as leier van die Nasionaal-Sosialistiese Rebelle sou hierdie vreeslike daad pleeg. Sonder hulp en sonder bystand sou dit geskied. Nie in donker gange of langs beskutte weë nie, maar in die openbaar en in die teenwoordigheid van sy volgelinge. Hy sou op die verhoog en ek op die vloer gesterwe het. Hy deur 'n nietige stukkie lood in 'n koeël gegiet. Ek sou gehang gewees het.

My getroue kameraad Johannes van der Walt sou my plek as leier ingeneem het. Nou kan almal verstaan waarom ek sê dat die klag van hoogverraad teen my hopeloos vals geformuleer was. Nou kan iedereen begryp waarom my toespraak in die Hooggeregshof, toe ek ter dood veroordeel is, doelbewus vervals is. Advokaat Lutge — die hoofstaatsaanklaer tydens my verhoor — se artikel in Die Brandwag in 1959 was misleidend vaag. Hy erken dat daar geen soliede saak teen my was nie en tog is ek gevonnis om die hoogste tol aan die galg te betaal.

Hoewel adv. Lutge se optrede in die hantering van my saak nie altyd ridderlik was nie, is hy desnieteenstaande 'n besonder knap regsgeleerde. Aan sy assistent, wyle adv. Barret, kom die hoogste lof toe vir die wyse waarop hy hom van sy taak gekwyt het.

Van al die regsgeleerdes wat 'n aandeel gehad het in hierdie opspraakwekkende hoogverraadsaak, gaan die lourierkrans aan adv. C.P. Bresler. Hy het kop en skouers bo die ander uitgetoring. Geen wonder dat hy later een van ons land se knapste regters geword het nie.

Die Voorsienigheid het dit so beplan dat ek nie gehang is nie. God het ook bepaal dat genl. Smuts 'n natuurlike dood sou sterf. Hoe anders kon dit gewees het nie! Indien ek met die val van Tobruk nog op vrye voet was, sou dit die gegewe moment gewees het om Jan Christiaan Smuts van sy troon te laat tuimel. Die moraal van sy oorlogsondersteuners het toe sy laagwatermerk bereik.

My selfopgelegde missie en vasberade plan om genl. Smuts dood te skiet durf nooit dien as navolgenswaardige voorbeeld vir selfs die grootste politieke skollie nie. My optrede moet egter gesien word in die tydsgewrig en teen 'n agtergrond wat hom miskien nooit weer in menseheugenis sal voordoen nie. Dit was trouens ook in hierdie stormagtige tye dat die Geallieerdes alles in hulle vermoë gedoen het om veldmaarskalk Rommel, die geniale Duitse veld-heer in Noord-Afrika, te vermoor. Dit is reeds geskiedenis dat die Britse geheime diens manne aangestel het om hierdie daad te pleeg.

Net soos die Geallieerdes veldmaarskalk Rommel beskou het as die leier en stukrag van die spilmagte in Noord-Afrika, het ek genl. Smuts tereg erken as die magtige militêr-politieke skakel in Suid-Afrika se bondgenootskap met die sadistiese Kommunistiese Rusland.

Hoe suiwer ek die grootheid en fenomenale bindingskrag van genl. Smuts as politieke leier gesien het, kan duidelik afgelei word van die partypolitieke patroon wat na sy dood tot stand gekom het. Sy eertydse kragtige politieke party het hom teen die rotse van vertwyfeling te pletter geloop.

Toe die gryse generaal op sy sterfbed op Irene gelê het, het ek 'n telegram aan hom gestuur. Die afskrif van hierdie telegram met die Hermanus-poskan­toorstempel daarop is nou nog in my besit. Ook die antwoord van genl. Smuts se sekretaris, mnr. Cooper, is in my plakboek te vinde. Die telegram het soos volg gelees: "Ek respekteer u as 'n groot leier, 'n moedige vegter en 'n dapper vyand. Spoedige herstel, Generaal."

Vergeet was die haat van gister. Vergeet was die lyding en pyn. Dit was 'n stryd sonder genade. Dit was my antwoord op die roepstem van Suid-Afrika.

Kort na my vrystelling uit die gevangeneskap is ek met die oulikste nooien­tjie getroud wat ek in my omswerwinge ontmoet het. Sy is intelligent, lewens­lustig en liefdevol. Ook besit sy al die basiese eienskappe vir leierskap. In 1948 was sy die hoofmeisie van die Hoërskool Goudini op Rawsonville. Saam met my het sy die stryd aangedurf teen dreigende armoede en saam het ons geseë­vier. Nooit het sy gekla of my verwyt nie. Moedig het sy haar sorge en laste gedra, getrou aan die tradisie van ons voorgeslagte in Suid-Afrika.

Uit die huwelik is vyf kindertjies gebore: Hermann, Remer, Izan, Rayna en Meyder Johannes. Klein Remertjie rus vandag in 'n graffie in Pretoria.

EINDE

Opsoek na inligting?

  • BYBEL 1933/53-druk nou gratis

    Gelofteland is dankbaar om aan al ons lesers die 1933/53-uitgawe van die Bybel gratis te voorsien. Al wat u hoef te doen is om 'n e-pos na

    Hierdie e-posadres word van Spambotte beskerm. Jy moet JavaScript ontsper om dit te lees.

    te stuur met die versoek om die Bybel te ontvang, en ons sal dit aan u stuur.

     

    _____________________

     

     Laserskywe in stelle van 10 te koop

    VRYHEIDSBEDIENING

    Ds. Andre van den Berg werk sedert November 1990 weekliks met volksgenote in die gevangenis in Pretoria-Sentraal. Hy bied ʼn reeks laserskywe teen R200 (posgeld uitgesluit) per stel van 10 aan. Die opbrengs van hierdie verkope gaan vir Gevangenisbediening.

    Dit handel oor aktuele onderwerpe soos:

    1. Die lewe hiernamaals.
    2. Word verantwoordelik oud.
    3. Die pad na die ewigheid.
    4. Bied beproewing die hoof.
    5. Raad vir tieners.
    6. Gelowige kinderopvoeding.
    7. Oorwin depressie.
    8. Kikker jou huwelik op .
    9. Alle mense is nie gelyk nie.
    10. Homoseksualisme - ʼn gruwel vir God.

    Bestel by:

    E-pos: Hierdie e-posadres word van Spambotte beskerm. Jy moet JavaScript ontsper om dit te lees.

    Sel: 074 967 5187

    Bankbesonderhede:

    ABSA

    VRYHEIDSBEDIENING

    9062088855

    _______________

     

    Skryf in vir die gratis e-blad OORSIG EN REPLIEK

    'n Blad wat dmv verduidelikende agtergrond by die kern van ons volk se
    stryd uitkom.

    Kontak die redakteur by

    Hierdie e-posadres word van Spambotte beskerm. Jy moet JavaScript ontsper om dit te lees.

    Lees ons gereelde uittreksels daaruit hier op Gelofteland by OORSIG EN REPLIEK

    __________
     
    DIE HISTORIESE KOMPAS
    _________ 
     
    BOEKRESENSIE:

    Die Legkaart van ons Lewe – ‘n Boodskap van Hoop

    Lees meer oor dié getuienis by:

    DIE LEGKAART VAN ONS LEWE

    __________

    BOEKRESENSIE:

    DIE VOLMAAKTE REPUBLIEK – Christen-Teokratiese Separatisme

    Suid-Afrika verkeer tans in 'n kommerwekkende toestand omdat mense se kennis oor die Bybel en die Staat so verwater het dat land en volk as gevolg hiervan ten gronde gaan.

    Hierdie boek uit die pen van ds AE van den Berg, het in gedrukte vorm verskyn.  Dit bring helder perspektief oor rasseverskille en natuurlike skeiding wat sal lei tot die herstel van Suid-Afrika. Die land het 'n dringende behoefte wat landsburgers van geestelike denke sal laat verander en van onregte en gewaande vryheid sal bevry.

    Sinvolle besluite in die lig van God se Woord, en onophoudelik gebed dat bevryding spoedig verwesenlik word, is noodsaaklik. Politiek is erns en harde werk wat wet en orde handhaaf en durf nie in eerlose hande gelaat te word nie. God is 'n God van orde, en mense word aangemoedig om die koninkryk van God eerste te stel.

    U kan hierdie boek bestel by ds A E van den Berg

    Tel: 074 967 5187  of by

    vryheidsbediening

    @gmail.com

    Prys: R50-00

     
  •                                                                        ______________

     

    BOEKE TE KOOP

    ‘n Nuwe Trek: Terug na u God

    Die Oerteks van die lotsbepalende 1838-Gelofte

    J L du Toit & dr L du Toit

    'n Bundel oor die bronne vir die 1838-Gelofte is nou ook by Exclusive Books in Suid-Afrika beskikbaar: 

    Alhoewel die nuutste prys op Exclusive Books se netwerf tans R191 per boek is kan u dit vir so min as R60 per boek direk by Hierdie e-posadres word van Spambotte beskerm. Jy moet JavaScript ontsper om dit te lees.. bestel.

    Lees meer by: 'N NUWE TREK: TERUG NA GOD

    _______________

    ONDERSTEUN U VOLKSGENOTE IN DIE GEVANGENIS

    Wil u meer oor aktuele onderwerpe lees of vir iemand 'n besondere geskenk gee? Goeie voornemens;  Dink reg, leef reg; Moenie bekommer nie; Leuens; Woestyngedagtes, en Niks ontbreek nie, is van die aktuele onderwerpe wat in twee besondere preekbundels behandel word. Vir slegs R60 elk of R100 vir beide kan u 'n waardevolle bydrae maak vir u volksgenote in die gevangenis. Ondersteun hulle asseblief en bestel nou hierdie preekbundels by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

                                                                           ________________

     

    GOD PRAAT MET DIE BOEREVOLK – DEEL 2

    Hierdie bundel, net soos deel I, is saamgestel uit twintig van die beste boodskappe wat sterk op ons volkslewe gerig is. Die inhoud bestaan uit aktuele onderwerpe wat die daaglikse lewe van elke Christen raak. Die koste beloop slegs R60 (posgeld uitgesluit) en is 'n uitstekende geskenk vir die regte persoon. Die inkomste gaan in geheel aan gevangenisdiens vir ons volksgenote.
    Plaas u bestelling per e-pos by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

    of skakel hom by 074 967 5187

    ________________

    Bestel 'n uitstekende digbundel deur BOERIUS
    Volledige besonderhede hier:

    Gietoffers van my Siel


    _________________

    Hierdie e-posadres word van Spambotte beskerm. Jy moet JavaScript ontsper om dit te lees.

     
  •  

    DIE CHARISMATIESE GEVAAR
    Mense word so maklik deur dwaalleringe mislei. In hierdie boek word talle kwelvrae beantwoord.

VERGADERING-

PROSEDURES

(GRATIS)

Daar is min mense wat nog die waarde van 'n ordelike byeenkoms bedink en kan uitvoer. Sonder hierdie kennis en orde en gedissiplineerde toepassing daarvan sal 'n byeenkoms in wanorde verval en die doel van die vergadering nie bereik word nie. Die boekie kom handig te pas in alle omstandighede waar 'n vergadering van persone plaasvind, ongeag die sakelys of doel van die byeenkoms.

Klik hier om die boekie wat u op hoogte kan bring van korrekte vergaderingprosedures, gratis af te laai. Indien u van Windows 10 gebruik maak sal die inhoud outomaties onder die lêer "Downloads" geberg word en kan dit daar gehaal en gebêre word waar ookal dit maklik gevind kan word.

 

GRATIS E-BOEKE EN VERSBUNDELS OM AF TE LAAI:

 

As God volke aan hul eie lot oorlaat

Die waarheid oor ons volk en die Nuwe SA

Volksverraad geskryf deur adv. P.J. Pretorius

'n Oorblyfsel... deur genade alleen

Christen-Teokratiese Separatisme

Verse van Verset

Vreedsame Naasbestaan = Afsonderlike Ontwikkeling

No Ships in the Harbour

Ons heilsverhaal in die Ou Testament

Daniel

Evolusie - kan ek dit glo?

Petrus, die rots

Romeo en Juliet

Ester

Apokriewe - By modderpoele of suiwer fonteine?

Midsomernagdroom - Shakespeare in Afrikaans

Die Openbaring van Henog

Die Derde Tempel

Macbeth - Shakespeare in Afrikaans

Met ryperd en mauser

Goue strate het nie stof nie

Derdepoort

Die Laaste Pous

Josef

Rut

Drie Eeue van Onreg

Ons Geskiedenis

Engelse skandvlekke

Voortrekker-Pioniers in Oos-Transvaal

_______________

 

 

1919: VRYHEIDSDEPUTASIE KEER TERUG

1800: GRAAFF- REINETSE REBELLE GEVONNIS

1917: OOM JAPIE HELPMEKAAR

SKERP SLAGSPREUKE

(Lees die reeks by SKERP SLAGSPREUKE)

                                                                         __________________

 

AFRIKAANSE IDIOME EN GESEGDES

(Lees by AFRIKAANSE IDIOME EN GESEGDES - die hele reeks

                                                                         __________________                                                                  

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Besoekers aanlyn

Ons het 1010 gaste aanlyn