VOLKSSTUDIE (3/4)

Lees reeks by Volksstudies

Ds. André van den Berg

"Terwyl volksvyandiges die Boerevolk se erfenis soos sprinkane begin verteer het, het kerklike saboteurs duisende volksgenote tot oorgawe oorreed... Die volksvyand se einddoel was om die ANC in Suid-Afrika aan bewind te plaas.  Swartes is uiteraard makliker stukke op die kommuniste se skaakbord as blankes. ‘n Swart regering moes die Boerevolk met ‘n ketting wat in Rusland gesmee is, verwurg!... Nou vra ek: Hoe kon kerke hierdie gevaar nie voorsien het nie? "

4.1       Wagters op die mure

Die Christelike kerk is geroepe om soos ‘n wag van ouds op ‘n stadsmuur diens te doen.  Daarvoor het God die kerk ‘n besondere gawe gegee - ’n profetiese visie.  Wanneer die gevaar dreig, moet die kerk, soos die wag, betyds alarm maak en die inwoners teen die aankomende gevaar waarsku.  Hierdie gawe is geen bykomstigheid nie, maar eerder onontbeerlike standaardtoerusting.  Daarsonder is die kerk soos ‘n horlosie sonder wysers.  Sy raak aan die vyand gedienstig en verloor haar roeping!

4.2  Vanuit kerklike loopgrawe

Voordat die getygolf van liberalisme die Suid-Afrikaanse kerklike toneel getref het, het die meeste Afrikaanse kerke hierdie genadegawe vertroetel en volksgenote betyds gewaarsku. Dit was uiters noodsaaklik omdat die volksvyand selfs vanuit kerklike loopgrawe op ons volksinstellings begin vuur het.  Die omstrede kerkeberaad wat na die Sharpeville-voorval in 1960 deur die Wêreldraad van Kerke te Cottesloe belê is, was een so ‘n aanval. Tydens hierdie beraad is ons polisiemag se doeltreffende, koersvaste optrede teen die oproeriges skerp veroordeel.  Afrikaanse kerke het hulle egter nie van stryk laat bring nie, maar met hulle goddelike gawe die organiseerders se verskuilde Marxistiese agenda betyds en baie duidelik ontbloot.   Dit was in die goeie ou dae!

Wat het intussen van hierdie gawe geword?  Te oordeel aan die radikale ommekeer en Babelse verwarring op kerklike gebied, het die meeste Afrikaanse kerke dit verloor.  Ten spyte van herhaalde waarskuwings, het hulle hul deur volksvyandige drukgroepe laat oorrompel en meevoer om die rug op hul volksgenote te keer.  In plaas van ‘n klankbord vir hul volk te wees, het hulle aan duistere magte gedienstig geraak.

Die volksvyand het meesterlik daarin geslaag om behoudende kerke in die drukgang van die liberale politiek in te dwing.  Dit het hulle uiteraard die krag en die wil om die bose teen te staan, laat verloor.  Daar was etlike gevalle waar hulle selfs met volksvyandelikes saamgespan en die volksmure help platslaan het in die hoop dat die plunderaars darem net die kerkmure sou spaar!

Kerke wat die kommunistiese ideologie jare lank heftig teengestaan het, het teologies bollemakiesie geslaan en tot groot vermaak van al wat links, liberaal en magshonger was, skote op apartheidsinstellings begin vuur.  Daardeur het hulle hulself in ‘n persoonlikheidskrisis gedompel – dit was nie meer seker of hulle vir of teen kommunisme was nie.  Hulle teologiese stompsinnigheid het uiteraard die volksvyandige veldtog ‘n allemintige hupstoot gegee.  Hulle het die een duiwel verdryf, net om sewe ander in sy plek toe te laat!

4.3       ‘n Vreemde rol

Kerklui het hulself die rol van agente-vir-verandering aangematig en dit wat vir die Boerevolk kosbaar was, vir die verfoeilike lensiesop van internasionale aanvaarding begin verruil.  Apartheid was die eerste wat onder skoot gekom het.  Kerke het God se skeppingsorde van afsonderlike ontwikkeling (Gen.11; Deutr.32:8; Hand.17:26,27) goedsmoeds as sonde veroordeel en rassegelykheid- en vermenging as evangelie begin verkondig.  Dit het die horlosie se wysers onmiddelik laat afval!

Leraars wat aan die volksvyand gedienstig geraak het se prediking het by 'n eenrigtingverkeerversoening en verwronge siening van naasteliefde vasgehaak.  Hulle gebrek aan profetiese visie het wanopvattings, hersenskimme en vergissings soos onkruid in die kerklike akker laat opgeskiet!

Ten spyte van herhaalde waarskuwings, wou ontspoorde kerklui nie insien dat hulle ommeswaai deel van die volksvyand se plan was om Suid-Afrika in chaos en wanorde te dompel nie.  Chaos is 'n absolute voorvereiste vir ‘n Marxistiese oorname.  Daarsonder kan die Satan nie sy slag slaan nie.

Almal wat hierteen wal gegooi het, is as liefdeloos, onversoenlik en uit voeling met die tyd gebrandmerk en veroordeel.  Die drogbeelde wat sommige van hierdie kerklui van weerstandige volksgenote geskep het, het die saak van die Here oneindige skade berokken!

4.4       Die Trojaanse perd

Die ontneming van die Boerevolk se identiteit op volks-, kultuur- en godsdienstige vlak was vooraf fyn beplan.  Versoening was die Trojaanse perd wat met behulp van kerklike stukrag die volkslaer ingestoot moes word. Hierdie laakbare daad was die pynlikste in ons ganse volksgeskiedenis.  Om baie van sy eens geëerde kerklui in die koor van die Fariseërs op te merk, was vir die Boerevolk ‘n bitter pil om te sluk.  Dit was soos ‘n Judas-kus!

Aan die einde van die dag het hierdie volkssaboteurs geen steen onaangeroer gelaat om die voorstanders van apartheid as die vertrappers van broederliefde te veroordeel nie.  Wat hulle egter nie besef het nie, was dat die koersvaste optredes van die eertydse apartheidsbewind ons land van die onderdrukking, misdaad, korrupsie, onreg en wanadministrasie wat ons vandag moet ontgeld, gevrywaar het nie!

Die versoening wat die verloopte kerklui bepleit het, was sonder uitsondering altyd eenrigtingverkeer.  Blankes moes met nie-blankes versoen; nie andersom nie.  Dit het tot ‘n magsprysgawe gelei!  Almal wat hierteen wal gegooi het, is vanaf kansels skerp veroordeel.  Apartheid was die tou waarmee die Boerevolk aan ‘n kerklik ontwerpte skandpaal moes hang!

4.5       Bedenklike bondgenote

Terwyl volksvyandiges die Boerevolk se erfenis soos sprinkane begin verteer het, het kerklike saboteurs duisende volksgenote tot oorgawe oorreed.  Hulle is aangemoedig om hul vryheidstrewe vir die winkende liggies van rykdom, roem en internasionale aanvaarbaarheid te verruil.   Dit was glo vir die land se beswil.  Maar was dit?   Roem wat wederregtelik bekom is, laat op die ou einde altyd ‘n leë gevoel.

Die volksvyand se einddoel was om die ANC in Suid-Afrika aan bewind te plaas.  Swartes is uiteraard makliker stukke op die kommuniste se skaakbord as blankes.   ‘n Swart regering moes die Boerevolk met ‘n ketting wat in Rusland gesmee is, verwurg!

Nou vra ek: Hoe kon kerke hierdie gevaar nie voorsien het nie?  Het Afrika dan nie genoeg aanskouingslesse nie!   Hoe kon kerke dit geniet om die vyand se vuilwerk vir hom te doen?  Waar is hulle profetiese visie?  Hulle moes tog geweet het dat kommuniste nie bondgenote, maar slegs marionette aan lyntjies het!   Hoe kon hulle die kommuniste se sleeptoue vir reddingstoue aansien?  Kommuniste het nog nooit ‘n volk gered nie.  Hulle sleep volke eerder die verderf in.  Kerke wat aan hulle gedienstig is, besef skynbaar nie dat hulle slegs die steierwerk vir die vestiging van 'n goddelose staatsbestel is nie.  As hulle taak afgehandel is, moet hulle af!

4.6       Galgehumor

Hoe reageer die ontspoorde kerke op die ANC se alternatief vir apartheid?   Hierdie kerke is immers aandadig aan die vestiging van die ANC se skrikbewind aan die suidpunt van Afrika!  Waarom swyg hulle vandag soos die graf? Is hulle tevrede met die bisarre verloop van sake of is hulle te eerloos om te erken dat hulle ‘n bitter groot fout gemaak het?

Hoe kon kerke hul vir ‘n bewindsprysgawe beywer wat ‘n Christelike grondwet met 'n godvyandige een vervang het?   Die leier hiervan, ene Nelson Mandela, is in 1995 selfs na ‘n NG Sinodesitting genooi waar die aanwesiges hom “Laat Heer U seën op hom daal” toegesing het!  Hoe leef ontspoorde kerke enigsins met hulle gewetens saam?   Voel hulle miskien tevrede met die vernietiging van ons volk se vryheidsbakens?  Was hulle ernstig met hulle eertydse beloftes dat die afskaffing van apartheid vir ons ‘n wonderbedeling vol liefde, vrede en wedersydse rasse-aanvaarding sou bring?  Dis galgehumor om die minste te sê!

Wat sê die volkssaboteurs bv.van die Aborsiewet wat openlik met God, die Gewer van die lewe, die spot dryf?  Rep hulle ooit 'n woord oor die misdaadstand wat in die plek van apartheid gekom het?  Die dag is naby dat hierdie kerklui tot verantwoording opgeroep sal word!  Ten spyte van hierdie volksverraad is daar steeds volksgenote wat hierdie kerke ondersteun!  ‘n Mens wil hulle dieselfde vraag vra as wat Jesaja vir Israel van ouds gevra het: “Waar wil julle nog geslaan word, dat julle voortgaan met af te wyk…?” (Jes.1:5).

4.7       Vergelding

Wat het van die versoening geword waaroor die volkssaboteurs so gaande was?  Ons het nog niks daarvan gesien nie; slegs die teendeel daarvan!  Die ANC is baie duidelik geen verantwoordelike regering nie, maar ‘n bose vergeldingsmag wat niks wat vir ons kosbaar en edel is met rus laat nie.  Heidene val ons godsdiens, kultuur, taal, landbou, onderwys en ander lewensterreine elke dag aan.  Die ANC weet nou wel nie hoe om te regeer nie, maar hulle weet deksels goed hoe om te vergeld!

Ontspoorde kerklui het ons land oneindig meer skade as die liberale politici aangedoen.  Hulle het die vyand as’t ware gehelp om sy bose plan met Suid-Afrika tot op die letter uit te voer.  Dit gebeur wanneer wagte hul pos verlaat en die poort vir die vyand oopmaak.  Baie van hulle was so besiel met die gedagte van die afbreek van die verlede, dat hulle selfs saam met die vyand volksinstellings begin plunder het!   Hulle het volksgenote mislei om hulle vryheid en eer aan boosdoeners weg te gee wat geen geheim van hul wraaksugtige planne gemaak het nie.

4.8  Geen ommekeer nie

Ondank alles wat gebeur het, het nie een van hierdie kerke ooit ‘n greintjie berou oor hulle noodlottige vergissing getoon nie.  In hulle teologiese stompsinnigheid veroordeel hulle apartheid nog steeds as sonde en is hulle by implikasie tevrede met die huidige toedrag van sake.  En dit terwyl ons misdaadgeteisterde land in chaos en ellende versink!  Die sg.onreg van rasseskeiding weeg hoegenaamd nie teen die ellende van rassegelykheid op nie.

Na al die politieke en kerklike moddergooiery is dit ironies dat dr.Hendrik Verwoerd, die vader van apartheid, en sy regering se rekords nog steeds vlekkeloos skoon is.  Wandade wat wel deur blankes gepleeg is en deur Tutu se heksejagspan oopgevlek is, is onder ‘n ander bewind as dié van apartheid gepleeg.  Dit was onder die bewind van mense wat toe alreeds apartheid verraai, maar krampagtig aan blanke oppergesag bly vasklou het.  Dit was gruweldade wat deur die haters en verraaiers van apartheid jeens mekaar gepleeg is.

Slotopmerking

Mense besef nie watter enorme skade hierdie ontspoorde kerke ons land en volk aanrig nie.  Volksgenote durf hulle nie langer ondersteun nie.  Die Boerevolk se sentimente mag nooit swaarder as sy beginsels weeg nie.  Blinde lojaliteite is bedekte verraad!  Soos reeds gesê, is ‘n kerk sonder profetiese visie soos ‘n horlosie sonder wysers.  Dit het net so min bestaansreg soos ‘n standbeeld van Adolf Hitler in Jerusalem!  Die tyd is baie naby dat daardie kerklui wat die vyand gehelp het om die mynveld aan die suidpunt van Afrika te plant, vol selfverwyt alleen in hul verlate kerklike loopgrawe gaan krepeer!