Gedagtes vir elke dag
Of lees almal by Gedagtes vir elke dag
Huigelary is 'n wêreldtendens. Dit is so dat byna al die Blankes wat in die VSA teen apartheid is, in Blanke woonbuurtes woon. Thomas Jefferson, 3e president van die VSA, het geskryf dat alle mense van hulle geboorte af gelyk is, maar hyself het sy hele lewe deur slawe aangehou...
SKULD- GEVOELENS
VOLKSSTUDIE (3/5)
Lees reeks by Volksstudies
Ds. André van den Berg
"Volksvyandiges wou die Boerevolk eers verlam en daarna neutraliseer sodat hy hom nie teen swart oorheersing sou verset nie. Die maklikste was om hulle met valse skuldgevoelens te belas."
5.1 ‘n Nuwe sondebegrip
Met die ontsporing in die teologie en verwording in ons land se Afrikaanse kerke, het 'n nuwe sondebegrip in ons land posgevat nl. die sonde teen die mens. Die Bybel sê dat sonde 'n vergryp teen God is. Die Humanisme sê dat dit ‘n vergryp teen die mens is.
5.2 Ontspoorde kerklui
Verraderlike kerklui het daarin geslaag om ‘n groot deel van die Boerevolk met valse skuldbelydenisse te mislei. Dit het die meeste kerke in die maalstroom van die linkse politiek te laat beland en van hul wesensaard en grondmotief vervreem. Kerklui het met allerlei argumente van gemeenskaplike aanspreeklikheid ‘n valse skuldgevoel by duisende volksgenote opgewek sonder dat hulle aan iets boos skuldig was, daaroor ingelig of selfs geraadpleeg was.
Ontspoorde kerklui het lidmate as't ware moreel verplig om in 'n beswyming van berou te gaan waarna hulle volksliefde deur die leuen van ‘n wêreldbroederskap toegeploeg is. Vryheid, gelykheid en broederskap was al wat vir hulle saak gemaak het. Hulle aanhoudende getokkel op die snaar van wêreldbroederskap het die musiek vir 'n eie volksliefde vir sommige volksgenote later selfs wanklankig laat voorkom.
Hierdie kerklik gekweekte skuldgevoelens was ‘n baie gerieflike skild waaragter die vyand die bose werk van sy hande verskuil het. Baie van ons volksgenote het so in die net van skuldgevoelens verstrengel geraak, dat dit hulle hul selfbehoud gekos het. Dit kon ook nie anders nie. Ontspoorde herders het dan hul kuddes geleer om saam met die wolwe te huil! En op die spoor van die volkssaboteurs het die magte gevolg wat die Boerevolk wou vernietig.
Kansels is misbruik ten einde skuldgevoelens te kweek. Daar is vir lidmate gesê dat hulle eintlik nie op die voorregte wat hulle geniet het geregtig was nie. Daarmee is ons Boerevolk tot ‘n skurkevolk verlaag. Mense is aangemoedig om die verlede te versmaai en as boetedoening skuldige gewetens te kweek. Daar was genoeg kerklui om hulle daarmee te help – mense met die stem van Jakob, maar met die hande van Esau!
5.3 Bedenklike optredes
Ontspoorde kerklui het by meer as een geleentheid voor die voete van omstrede, rewolusionêre swart kerklui neergeval en hul aandeel aan apartheid in die openbaar afgesweer. Geen prys was te hoog om swartes se vergifnis te verkry nie. Sulke optredes het van kruiperige onderdanigheid gestink!
Met hulle knievalligheid het verwarde leraars hul kuddes in die drukgang van ‘n misplaaste berou geplaas. Sulke berou is nie deur die Gees van God bewerk nie, maar deur die Satan! Dit was volksverraad op sy duidelikste! Wie sy knieë voor die Allerhoogste buig, draai nooit sy gesig na die vyand toe nie. Maar hy wat voor die volksvyand buig, wys altyd sy agterstewe vir sy volk!
Die selfkastydende wyse waarop misleiers daarop uit was om namens die volk wraak op hulself te neem, is een van die hinderlikste hoofstukke in ons ganse volksgeskiedenis. Die vreesaanjaende eer en nagmerrie-ervarings wat ons land daarna te beurt geval het, sal nog lank onthou word! Apartheid is geen misdaad teen die mensdom nie, maar eerder God se orde vir vreedsame naasbestaan. Die marteling van en moord op onskuldige, weerlose burgerlikes is veel eerder ‘n misdaad teen die mensdom!
5.4 Neutralisering
Volksvyandiges wou die Boerevolk eers verlam en daarna neutraliseer sodat hy hom nie teen swart oorheersing sou verset nie. Die maklikste was om hulle met valse skuldgevoelens te belas. Mense met skuldgevoelens word doelmatig uitgeskakel.
Die Boerevolk moes tot die erkenning gebring word dat hulle lotsgebondenheid met dié van swartes saamgeval het. Leraars moes dit so aantreklik maak, dat lidmate nie kon wag om hulle volksaard op die altaar van ‘n reën-boognasiebou neer te lê nie. In hierdie skuldbeswyming moes volksgenote as’t ware daarna uitsien om hul eie laksman te wees.
Ontspoorde kerklui was so bang om uit pas met die wêreldmening en internasionale teologiese gemeenskap te wees, dat hulle nie 'n oog verroer het om dit wat vir die Boerevolk kosbaar was, te probeer afbreek nie. Hulle het die agente van die hel laat tuisvoel deur vir hulle die blanke tuin van Eden op 'n skinkbord aan te bied.
Duisende volksgenote het die skavot van ‘n Nuwe Suid-Afrika met trane van valse berou en 'n misplaaste danklied in die hart bestyg; gewillig om slagoffer sowel as laksman te wees. Dis lafhartig! 'n Volk wat sy selfhandhawing prysgee, plaas die galgtou om sy eie nek. Vir ‘n volk is daar niemand so gevaarlik as mense met teologiese kennis en 'n misplaasde hart nie. Hulle rig ‘n land groter skade as ‘n atoombom aan!
5.5 Ware berou
Die Bybel leer ons wat ware skuldvergifnis is. Elkeen wat deur die Heilige Gees gelei word om skuld te aanvaar, moet hom in sy binnekamer berouvol voor die Here verootmoedig en om vergifnis pleit. Vergrype in die naam godsdiens is 'n hartseersaak. Dis dinge wat nooit moes gebeur het nie!
Tydens die middeleeue is etlike duisende Protestante deur die Roomse Katolieke Kerk wreed om die lewe gebring. Dit word vertel dat wanneer die brandstapels aangesteek en vlamme die Protestantse martelare begin verteer het, Roomse kerklui God met aangrypende lofliedere geprys het!
Hierdie wrede openbare teregstellings was ongetwyfeld die grofste sonde van alle tye teen die mensdom en skreeu om berouvolle skuldvergifnis. Desondanks het die Roomse kerk nog nooit enige skuldbelydenis daarvoor gedoen nie. Nee, die Boerevolk durf nie op die ashoop van valse skuldgevoelens gaan sit nie. Hulle behoort daardie kerke wat hulle dit probeer oplê het, eerder onmiddellik te verlaat!