Gedagtes vir elke dag
Of lees almal by Gedagtes vir elke dag
Christelike vryheid is nie losbandigheid nie. Gelowiges is nie vry om te sondig nie (Rom.6). Christus het hulle juis vrygemaak om nie weer deur sondes gebind te word nie. Wie rein leef, is waarlik vry al verrig hy ook die eenvoudigste werk. Wie onrein leef, bly ‘n slaaf, al is hy ook koning. Een slaaf kan nie ‘n ander een lei nie. “En as ‘n blinde ‘n ander blinde lei, sal al twee in die sloot val” (Mt.15:14).
CORPUS CHRISTI...
... WEER ONDER DIE LOEP
“En as ‘n man met ‘n manspersoon gemeenskap het, soos ‘n mens met ‘n vrou het, het hulle al twee iets gruweliks gedoen. Hulle moet sekerlik gedood word” - Lev.18:22 en 20:13
Daar word die afgelope tyd weer 'n e-pos oor die omstrede film Corpus Christi: Playing with
Redemption, kruis en dwars oor die wêreld gestuur om mense bewus te maak van hierdie godslasterlike produksie. Hierdie film is in 2012 vrygestel maar dis verblydend om weer die heftige reaksie van Christene hierop te sien. Daar was ook navrae hieroor en daarom hierdie inligtingstuk.
Corpus Christi is sogenaamd 'n passiespele wat die verhaal van 'n homoseksuele Jesus en sy dissipels in die 1950's in Texas uitbeeld. Dit is in 1997 deur Terrence McNally geskryf en die eerste keer in 1998 in New York opgevoer. Die Manhatten Teater in New York het egter die opvoering in 1998 verban nadat hulle verskeie bom- en doodsdreigemente ontvang het. Ongelukkig is daar as gevolg van druk uit kunstenaarsgeledere weer gekapituleer. Die heropening het darem 2,000 woedende betogers buite die teater opgelewer.
Tot in 2006 het daar talle produksies van die spele gevolg wat hul pad na verskeie gemeenskappe oopgebaan het om sogenaamde menseregte met betrekking tot geslagsgelyke huwelike, VIGS, skeiding van kerk en staat ens, te probeer regverdig. Dié produksie het in werklikheid net een doel voor oë gehad, naamlik om as voertuig te dien vir positiewe gesindheidsverandering teenoor en aanvaarding van die homoseksuele gemeenskap.
Die vrystelling van die film wat op die spele gebaseer is, het op 28 April 2012 in San Fransisco plaasgevind. Die doel van hierdie film in die woorde van James Brandon, een van die '108-Productions'- produksiespan en ook akteur daarin:
"Ons poog hiermee om die godsdiens-leuens wat afforseer word en fobies in mense van alle ouderdomme en vlakke van ons samelewing veroorsaak, teen te staan en mense (homoseksuele) te leer om hulself lief te hê vir wie hulle is. Soos wat daar onverdraagsaamheid oor die wêreld gepredik word, so sal ons aanhou om die liefde te bly verkondig."
In die film word Jesus as 'n homoseksueel uitgebeeld wat dan ook 'n homoseksuele huwelik tussen twee van sy dissipels voltrek. Nog skreiende godslastering in die film is die leuen dat Judas Jesus verloën het as gevolg van seksuele jaloesie. Die tonele speel af in 'n moderne tyd met selfs televisie, in Texas, Amerika.
Daar was al soveel teenkanting teen hierdie onbeskryflik lasterlike film dat persoonlike aanvalle gemaak is op lede van '108-Productions', selfs op die skoonma van die regiseur. Hierdie sterk vorm van afkeur deur Christene word ongelukkig nou teen hulle aangewend om hulle sogenaamde 'liefdeloosheid' verder te 'bewys'.
Daar is oral op internet toegang tot petisies waar mense hulle misnoë kan gaan gee onder andere Facebook se '1,000,000 people against the movie Corpus Christi', You-Tube se Corpus Christi: Playing with Redemption Promo waar u uself ook kan vergewis van die inhoud, en America Needs Fatima, 'n katolieke blad waar 'n reeds ingevulde vurm slegs onderskryf kan word – die inhoud soos volg:
" I strongly protest against the showing of the blasphemous play Corpus Christi,which includes a Christlike figure who reportedly has sexual relations with his apostles, and of the movie which promotes it, Corpus Christi: Playing with Redemption. The Person of Jesus Christ is Sacred and untouchable. To portray Him as a homosexual, or even to insinuate it, is an unspeakable blasphemy which I reject with all my soul."
As u 'n gelowige kind van die HERE is, moet u doen wat u moet doen – ons kan sekerlik nooit ophou om aan die wêreld te wys dat daar 'n ware God is nie!