Gedagtes vir elke dag
Of lees almal by Gedagtes vir elke dag
Hoor hoe praat iemand uit die hel: “Vader Abraham, ontferm u oor my. Stuur tog vir Lasarus dat hy net die punt van sy vinger in water kan steek en my tong afkoel, want ek ly verskriklik in hierdie vuur” (Luk.19:24). Dit was so onnodig vir hierdie jongman. Hy kon dit deur sy bekering afgewend en soos die verlore seun uit sy sonde opgestaan en na sy vader omgedraai het. Hy kon die U-draai gemaak het, maar hy het nie!
STRYD TEEN VREEMDE OORHEERSING (2)
LW Bienedell
Lees reeks by Stryd teen vreemde oorheersing
“Die Geskiedenis is ‘n volk se geheue. Dit vertel aan hom wie hy is en vanwaar hy kom. Sonder ‘n sterk historiese sin is ‘n volk soos ‘n mens wat aan geheueverlies ly: hy weet nie wie hy is, vanwaar hy kom en waarheen hy op pad is nie”. [Aanhaling 92 in die boek AFSPRAAK MET DIE TOEKOMS: DIE STEM VAN JAAP MARAIS EN AFRIKANER- NASIONALISME.
Onder die huidige Afrikanervyandige bewind word alles in werking gestel om die Afrikaner sy geskiedenis te laat herinterpreteer om in ooreenstemming te kom met die sienswyse van die Kommuniste, die liberaliste en die NG Kerksinode. Daar word byvoorbeeld na die NP bewind van 1948 tot 1994 verwys as “Die Apartheidsregering”. Dit is ‘n doodgewone leuen. Reeds tydens die bewind van PW Botha het daar ‘n gemengde regering tot stand gekom bestaande uit blankes Kleurlinge en Indiërs.
Tydens die Botha-bewind is ook die ontugwet en die wet op gemengde huwelike afgeskaf, en natuurlik ‘n hele reeks ander rasseskeidingswette. PW Botha het verklaar dat hy ‘n beleid van “Magsdeling” volg en nie apartheid nie. Sy voorganger, Vorster het verklaar dat hy ‘n beleid volg met die betiteling “Wegbeweeg van Diskriminasie”. Hy het ook verklaar dat apartheid ‘n slegter sisteem as Kommunisme is. Hy verkies dus Kommunisme bo apartheid. Indien die rasseskeidingswette van 1910 tot 1948 bestudeer word, dan sou dit nader aan die waarheid wees om na die regerings van 1910 tot 1966 te verwys as die apartheidsregerings. Maar dit wil die Kommuniste die liberaliste en die NG Kerksinode nie doen nie, want dan het hulle nie ‘n stok om die Afrikaner mee te slaan nie. Hierdie stok geld slegs vir die oningeligtes en die misleides, omdat die fiksie spesiaal vir hulle ontwerp is. Verder sou hulle verantwoordelikheid moes aanvaar vir al die misstande wat in Suid-Afrika ontstaan het sedert die moord op Verwoerd. Nadat Verwoerd verwyder is, is sy politieke opponente se beleide geïmplementeer met katastrofiese gevolge. Maar hulle wil nie die verantwoordelik daarvoor dra nie. Nee dit word alles op die rekening geplaas van “Die Apartheidsregering van 1948-1994.” So asof, ‘n man soos HF Verwoerd, wat bewysbaar nooit ;n enkele leuen vertel het nie, oor die dieselfde kam geskeer kan word met sy opvolgers wie se aand en morepraatjies selde ooreengekom het.
Die implikasie is dus duidelik. Die fiksie wat ontstaan a.g.v. die politieke leuen moet die Afrikaner aan die spreekwoordelike geheueverlies laat ly: hy moet nie weet wie hy is nie, vanwaar hy kom en waarheen hy op pad is nie. Die Afrikaner moet polities lamgelê word. Vir altyd. Al die partye wat beman word deur mense met Afrikaanse name skel saam met die Kommuniste op apartheid, waarvan die werklike funksie is om die herontwaking van Afrikaner-nasionalisme in die kiem te smoor. Hulle is dus niks anders as kommunistiese handlangers nie.
Dit is egter nie ‘n nuwe verskynsel nie. In die vorige eeu, en nou weer word die term objektiwiteit ingespan om die geskiedenis te verdraai en nuwe fiksies te skep. Gustav Preller het die lokval reg ingesien toe hy geskryf het: “Die bedoeling van objektiwiteit is dat ‘n mens daarby so los moet bly staan van jou stof, van die ‘objek’ of geskiedenisbrok wat jy beskryf, dat jy, by wyse van spreke, rondom die ‘ding’ moet kan loop om dit van alle kante te betrag!” Dan voeg Preller betekenisvol by: “Wat ons van die sogenaamde ‘objektiwiteit’ in die geskiedenis van Suid Afrika te sien gekry het, is net die teenoorgestelde daarvan, naamlik ‘n subjektiwiteit wat in staat moet wees om alles wat die Afrikaanssprekende Afrikaner aangaan, te verkleineer en te beswadder met ‘n eeue-oue Engelse vooroordeel.” Bron: Preller Gustav - Die Voortrekkers van Suidwes p. 6-7, gepubliseer 1941.
Die leser word verwys na ‘n hoofstuk in hierdie boek onder die titel “NP se Advies aan Amptenare - Kry hulle Moedeloos en Praat hulle Bang”. Dit is ‘n verlengstuk van Preller se beskrywing van ‘objektiwiteit’. Jammer vir die goedgelowige slagoffers wat van die wal in die sloot gehelp is, maar soos John Wayne gesê het “Life is tough, but it is tougher if you are stupid”.