Gedagtes vir elke dag
Of lees almal by Gedagtes vir elke dag
Geld is kosbaar, 'n huis ook goed, maar die allerbeste is 'n goeie vriend, in donker dae gee hy jou moed. Groete aan al ons vriende in die geloof!
WAT BETEKEN DIE NUWE “NORMAAL”?
Meeste, indien nie almal van ons nie, kan nie wag dat alles weer na “normaal” terugkeer nie. Daardie dag wat ons weer met ons lewens kan voortgaan soos wat ons dit goeddink. Wat ons weer op Sondae kerktoe kan gaan, ons beroepe onbelemmerd kan beoefen, ons kinders weer soos voorheen skooltoe kan gaan, ons aan sport kan deelneem en na ons gunsteling sport op televisie kan kyk. Ons sien reikhalsend uit dat alles sal terugkeer na “normaal”.
Steeds verbysterd oor wat met ons gebeur het en te midde van ‘n oorvloed van leuens wat aan ons opgedis is en steeds word, glo ons steeds daar sal ‘n dag kom wat alles weer sal wees soos voorheen. Maar nou hoor ons dat ons in “fases” regeer sal word en dat “ongehoorsaamheid” kan beteken dat jy en jou stad of dorp sommer gou weer na ‘n “erger” fase verplaas kan word. Ons is dus wat ons bewegings betref, volkome afhanklik van ‘n regering wat in 26 jaar alles waarop hulle hulle hande gelê het, vernietig het. Hulle sal bepaal hoe ons vryheid gaan lyk. Wat “normaal” is aan ‘n toestand wat deur die grille en giere van ‘n onbevoegde en korrupte regering bepaal word, is bitter moeilik om in te sien. Dit word boonop gedoen terwyl niemand kan aandui wanneer ons van die “virus” ontslae gaan wees nie. Intussen moet ons blykbaar op die bona fides van ‘n regering staatmaak wat juis nie vertrou kan word oor enige saak nie.
Dit is duidelik dat hierdie regime (so genoem weens hulle onwettigheid) soveel genot uit hierdie tirannieke maatreëls put dat hulle kwalik daarvan sal wil afstand doen. Wat is dan lekkerder vir ‘n magsugtige regime as om, sonder debat, en onder die vaandel van “the virus kills”, regulasie na regulasie uit te vaardig. Boonop, met ‘n winter op hande, onbeholpe toetsing, areas wat onbeheerbaar is vanweë die opeenhoping van mense in dikwels haglike toestande, en ‘n entstof wat as ons redding beskou word, maar wat klaarblyklik eers oor 12 tot 18 maande beskikbaar gaan wees, kan daar nie sprake wees van normaliteit wat gaan terugkeer in die maande wat voorlê nie.
Mense besef nog nie dat hulle met die aanvanklike grendeltydperk (‘lockdown”) toestemming gegee het vir ‘n toestand wat nie sonder grootskaalse verset reggestel sal kan word nie. En boonop is niks van dit wat deur die regime onderneem is, bereik met die aanvanklike 3 weke en enige tydperk daarna nie. Paniek en vrees het goeie en gesonde verstand en logika eenvoudig verdring. Sou ons byvoorbeeld na fase 3 beweeg en daar is ‘n toename in infeksies (veral by skole), sal ‘n verskrikte publiek (sonder veel teenstand) eenvoudig soos skape weer na fase 4 en selfs 5 gelei word. Solank hulle maar net by die huis kan rook en drink … Dat hulle en hulle kinders se immuniteit juis verswak het terwyl hulle in hulle huise weggekruip het, het by meeste verbygegaan. Dat elke mens die reg, die plig en die verantwoordelikheid het om te werk, het eweneens by meeste verbygegaan. Nee, nou is ons uitgelewer aan die genade van ‘n magshonger ‘elite’ en het ons die wil om ons eie toekoms te bepaal, klaarblyklik verloor.
Wat ingesien moet word is dat hierdie “pandemie” beplan is. Daarvan is daar ‘n oorwig van getuienis. Bill Gates, die WHO en Big Pharma het, in samewerking met ander rolspelers ‘n troefkaart gespeel waarvan hulle dalk self nie kon dink dat dit so suksesvol sou wees nie. Nie net enkele state nie, maar die ganse wêreld het geval vir die leuen dat ons te doene het met die “dodelikste” virus wat die heelal nog getref het en dat dit die drakoniese maatreëls regverdig wat nou lukraak aan elkeen opgelê word. Nou word ons tot in die fynste besonderhede gemonitor met “apps” en selfone in ‘n polisiestaat waar krygswet geld en van menseregte dadels gekom het.
Ten spyte van oorvloedige bewyse dat die virus in ‘n laboratorium geskep is (dus doelbewus), en dat die “pandemie” in besonderhede deur Bill Gates, die WHO en die John Hopkins Universiteit beplan is (Event 101), word sulke feite as “conspiracy theories” – die argument om alle argumente mee te beëindig - afgemaak. Die elite het hiermee groter beheer oor ons lewens gekry en alle ekonomiese kompetisie uitgeskakel. Deur boonop inligting oor die virus en die klaarblyklike infeksiekoers te beheer, sal gesorg word dat bevolkings nie uit die inperkings wat orals ingestel is, kan ontsnap nie.
Globaliste het reeds verklaar dat ons nie na “normaal” sal terugkeer nie. Intussen “juig” ons oor elke nietige verslapping van die drakoniese maatreëls, so asof dit enigsins bevryding bring. Praat van ‘n “herd mentality”!
Industrie na industrie is besig om onder te gaan. Lugrederye, die toerismebedryf met al sy vertakkinge, die drankbedryf, tabakmaatskappye, noem maar op. In ‘n kwessie van drie maande is die wêreld se ekonomie op sy knieë gedwing. En elke nuwe dag gaan die situasie vererger. So sal net die grootste maatskappye oorleef en sal alle kompetisie uitgeskakel word vir die groot monopolieë.
RW Johnson, die links-liberale politieke kenner en skrywer van verskeie boeke oor die katastrofiese nuwe Suid-Afrika skryf in Rapport van 24 Mei 2020 dat die ANC eenvoudig die res van die wêreld slaafs nagevolg het met die instel van inperkings terwyl die land nie die fiskale ruimte, openbare gesonheidstelsel en die hulpbronne het om dit te implementeer nie. So het die inperking net die infeksie vertraag en voorspel dit maande van verdere inperking. Cyril die “groot verlosser” word boonop deur elke breinlose Suid-Afrikaner geprysvir die waansin wat ons nou beleef. Johnson voorspel dat die inperking in duie sal stort. Indien dit gebeur, sal die meeste van ons juig, maar of die ANC van sy beheer sal wil afstand doen, selfs al gaan dit hoe sleg, is ‘n ander saak. Dit sal ‘n toestand van anargie en chaos meebring wat ons in een van twee rigtings sal stuur: ons kan die geleentheid gebruik om om vir ons vryheid te veg, of ons kan willoos toekyk hoe daar bo-oor ons geloop word. Ons situasie lyk dus veel anders as meeste ander state in die wêreld.
Volgens navorsing waar besighede gevra is oor die effek van die inperking, het net 6,7% aangedui dat hulle meer as drie maande se sluiting sou kon oorleef. Intussen word ons werkloosheidsyfer by die dag groter en word selfs voorspel dat 50% van alle Suid-Afrikaners werkloos gaan wees ná hierdie waansin. Feit is, ons loop ‘n tragedie tegemoet wat, indien ons dit nie self tot stilstand ruk nie, ons ekonomies gaan vernietig.
Daar is dus, of ons dit wil hoor of nie, net twee opsies vir ons oor: Onderwerping of verset. Verset is ‘n gelaaide woord en wanneer so ‘n keuse gemaak word moet dit met die uiterste versigtigheid en oorleg benader word. Om te praat teen hierdie waansin is die begin van verset. Om te betoog teen hierdie kakistokrasie is die volgende stap. So sal verset ook in “fases”gedoen moet word.
Ons kan eenvoudig nie toelaat dat ons bestaansmiddele voor ons neuse weggevat word deur‘n vyandige regime wat ‘n veer vir ons voel nie. En wanneer ons besef dat hierdie regime niks vir ons voel nie, en boonop net die agenda van die wêreld se superryk elite uitvoer, sal ons ook besef dat hulle geensins oor ons gesondheid bekommerd is nie, maar dat dit alles gaan oor beheer. So word ons dan nou beheer deur ‘n inperking wat ook ons reg op lewe, reg op vryheid, reg op ‘n bestaan en talle ander regte eenvoudig vertrap. Die geelwortel van ‘n entstof wat kwansuis ons redding gaan wees moet aangesien word vir wat dit is – ‘n metode tot verdere beheer en die uitrek van ons verslawing en vernietiging in die proses. Ons sit dus en wag vir ‘n vyandige regime en ‘n sataniese orde om ons te red. Ons sal wag en wag tot die perde horings kry!
Moet nie u hoop op ‘n “heropening” van die ekonomie vestig nie. Ook nie op makliker fases (soos fase 3) nie. Dit gaan nie hou nie. Dit is ook nie bedoel om te hou nie. Sou die eerste klomp skoolkinders die virus onderlede kry sal die juigkommando van die regime (news24.com en andere) sorg dat paniek en vrees weer alle rasionele denke verdring.
Nee, die nuwe normaal gaan ‘n lewe wees waar ons in fases van inperking hanteer sal word. Soos diere. En as ons nie tot ons sinne en in verset teen hierdie waansin kom nie, sal ons dit verdien. En maar te dankbaar wees oor elke verslapping wat ons meesters afkondig.
Wie is bereid om in so ‘n land te bly en te leef? Is u?