NUUTSTE BYDRAES

Gedagtes vir elke dag

Of lees almal by Gedagtes vir elke dag

As bekeerdes in Christus verkeer ons elke dag op die gevaarlikste van alle slagvelde waar versoekings ons grootste geveg uitmaak. Boonop is daardie 'ou ek' my verraderlikste vyand. Hoe vermy ek versoekings? 1). Wees met jou hele hart en verstand lief vir die HERE. 2). Fokus weg van jouself na buite met Christus in die senter. 3). Gebruik die nuwe lewe in Christus ten volle – dit kan nooit weer weggevat word nie. 4). Weet en glo dat God jou beskerm en dra sodat jy nie hoef toe te gee aan versoekings nie.

KORT VERTELLINGE - JAN SPIES (14)

Lees reeks by Kort vertellinge - Jan Spies

Nasmaak van ’n lang draai

’n Kêrel wat op die spoorweë ’n swaarvragmotorbestuurder was, vertel my dat hy en ’n paar van sy makkers enkele jare gelede ’n stuk of twee klipmeule van ’n fabriek in Johannesburg af tot anderkant Silva Porto, dis glo ’n ent by Nova Lisboa verby, in Angola moes neem waar die vergruisers by ’n brugbouery benodig is.

En die firma wat die goed gelewer het en die Angolese paaiedepartement en alle ander instansies wat by die saak betrokke was, het glo alles gereël. En toe val die manne hier in die pad. Vier bestuurders, hulle assistent en ’n verkeersman met ’n begeleidingsvoertuig. By Upington om, deur Suidwes op boontoe.

Tsumeb is die laaste plek waar die voertuie gediens kon word en die manne kos vir die lang pad verder in die hande kon kry. En om hulle totaal onbekend was met die geriewe in Angola, het hulle heelwat proviand opgelaai en vir die wis en die onwis sommer nog ag dromme brandstof ook.

Op ’n Donderdag spring hulle toe daar weg en kom die namiddag laat by die grenspos op Osjikango aan die noordgrens van Owamboland aan. Dit was toe reeds te laat om oor die grens te kom en daarom slaap hulle toe maar die nag daar.

Die Vrydagmôre is hulle vroeg op en toe die pos aan die Suidweskant van die grens oopmaak, begint gaan hulle deur.

Alles vlot goed en nie lank nie of hulle beweeg oor die stukkie niemandsland van so 'n honderd tree tot by die Portugese pos aan die noordekant van die grens. En daar val  hulle in ’n klomp onnodige besonderhede vas. Om in Angola te kan ingaan, het hulle visums nodig. En dit het hulle nie. Vir die ekstra brandstof het hulle permitte nodig, en ook dit het hulle nie. En nog ’n spul nonsens.

Toe is daar ’n oor-en-weer-gesukkel. Die Portugese pos praat per radio met Luanda, dié gesels met Windhoek. Windhoek soek raad by Pretoria; Pretoria wonder wat Lissabon aan die hand kan doen. Lissabon raadpleeg Luanda,  weer die grenspos; die een grenspos na die ander grenspos.

Die ander grenspos kontak weer vir Pretoria; dis weer die Portugese konsul in Johannesburg; hy op sy beurt die fabriek; dié weer vir die spoorweë. Hulle slaan draad na Pretoria toe. En later gaan die son vir die konvooi tussen die twee grensposte onder. Hulle val uit die stukkie niemandsland terug tot weer duskant die Suidwes-grenspos, want daar was 'n paar lekker koeltebome vir die naweek se sit (Saterdae en Sondae sou ‘n man nog met die grenswagte ’n plan kon maak maar Luanda, Lissabon, Pretoria en Windhoek is dan buite aksie). Maandag sou die oorlegpleëry verder voortgesit word.

Die Saterdag maak die manne toe ’n voorraadopname.

Vir die naweek sou hulle genoeg kos hê, maar dit sou vorentoe kon lol. Die enigste uitweg sou wees om oor die naweek te spaar ten einde die week beter tegemoet te kon gaan. Daarom besluit hulle om hulle ingemaakte kosse te spaar en iewers in Owamboland ’n slagding te koop. So gesê so gedaan. En hulle maak 'n draai met die begeleidingsvoertuig. By ‘n Owambokraal koop hulle ’n lekker vet bokkapater en wy hom die Saterdagaand saam met ’n stywe pot pap in. Sondag pak hulle hom verder aan, want dis warm en die bok sou nie ’n trae etery verdra nie.

Maandag kuier Luanda, Lissabon, Pretoria en Windhoek verder, en die manne eet bok.

Dinsdagvoormiddag ook nog.

En Dinsdagnamiddag kom hulle uiteindelik deur die twee grensposte. By die eerste dorpie anderkant die grens maak hulle aand en eet die laaste van die bok, behalwe ’n stukkie blad wat oorskiet. Dié sit hulle in ’n pot sodat die deksel kan help teen die vlieë.

Die Woensdagmôre is hulle vroeg op die been en laai alles wat hulle vir die aand en die nag afgehad het. Wat uit die son gehou moes word, kom nou in die kajuite van die vragmotors want die begeleidingsvoertuig word hier agtergelaat - die Portugese voorsien hulle eie gidsmotor en -beampte. Maar behalwe die Portugese padwyser moet daar ook ’n veiligheidskêrel saam, en hy moet glo op een van die vragmotors ry. Hulle besluit toe dat twee van die bestuurders in die een vragmotor en die kêrel wat my die storie vertel het en die wag in die ander vragmotor sou ry, met die res van die span in die gidsvoertuig.

Volgens my segsman het dit die môre met die laaiery maar taamlik dol gegaan, maar hulle het darem na ’n rukkie alles op en daar gaan hulle. Maar hy sê al die voorsorg was toe onnodig, want kort-kort kom hulle op ’n gehuggie af en aan kafees en hotels is daar geen gebrek nie. Die etery is toe heel gemaklik.

En alles gaan voorspoedig, sê hy, maar die Woensdagmiddag toe kom hy agter hy sal met die Portugees wat saam met hom ry, by water moet uitkom. Want daar’s aan die kerel so ’n ligte klankie.

Maar hulle ry dan nou maar voort en die aand trek hulle van die pad af en slaap. En die Donderdag ry hulle verder. Hy sê en hy dink: “Ai dierbaarheid, Portugees.” En later kan hy die kraak nie meer uithou nie en hy hou stil en loop na van sy maters toe, toe hulle ook tot stilstand kom. En hy sê vir hulle: “Julle moet vir my help; ek kan dit nou nie meer by daardie Portugees uithou nie.” En hy is buitendien ook nie die enigste bestuurder vir daardie vragmotor nie.

Die ander vra wat dit dan is en of hy moeg is.

Hy sê: “Nee, moeg is ek nie; dis vir my lekker om te bestuur. Maar darie Porra se voete kom ’n lang pad sonner water; hulle het al ’n geskiedenis.”

Die ander sê nee, dan is dit die beste dat hy dit maar probeer uithou en die Portugees dit aan die verstand moet probeer bring dat hy ’n slag sy voete moet was — want hy en die goor mannetjie ken tog nou al mekaar.

En hulle ry weer. En hulle kom later by ’n stroompie water. En hy hou weer stil. Hy dink toe hy sal nou maar die Portugees in die goeie voorgaan en voete was. Miskien volg die Portugees hom daarin. Maar die het geen erg aan die wassery nie. En die man beduie vir hom hy moet sy voete ook was, maar die Portugees skud sy kop. Hy wys net na die son en die weste en dan na sy voete. Of dit toe beteken hy sal die aand ook voete was en of dit beteken dat hy die vorige aand sy voete gewas het en of dit beteken dat dit saans voetewastyd is, weet die kêrel toe nie.

En hulle ry weer. Maar toe kry die Portugees ook lewe, want dit lyk of iets hom ook pla. Hy wys na sy neus en dan na sy voetekant of na die boom van die kar toe, en dan trek hy ’n vies gesig. Wat dit beteken, was uit die aard van die saak nie duidelik nie - sy voete kon van nature ondraaglik wees, of hy kon bedoel dat dit nie sy voete is wat so praat nie, of hy kon beduie dat die fout dalk by een van hulle se neuse lê.

En die aand trek hulle weer van die pad af. Maar toe slaan daar al ’n walm uit die kajuit. En die kêrel sê hy stoot die trok se deure heel oop en hy laat staan hulle so. En die anderdagmôre, dis toe Vrydag, is hulle weer vroeg op en hulle skakel die voertuie aan en laat hulle ’n rukkie luier om werkverrigtingshitte te kry.

En die kêrel kom by die ander terwyl die karre so staan en werk. Hy sê vir hulle: “Mense, die hele nag se lug het darie Portugees se nagedagtenis nie uit darie trok gewaai gekry nie.”

En hulle ry. En hy sukkel die hele dag saam met die Portugees in darie galbittere kajuit deur. En hy’s vies, en die Portugees lyk trug vies - ent-ent sit hy eintlik met sy neus teen die wind deur die oop venster.

Maar hulle haal die aand. En toe is dit gelukkig ook by hulle bestemming, en die Saterdagmôre laai hulle af en draai om. Toe ruik die kajuit groen.

En hulle kom later by ’n plekkie waar hulle moet aandoen vir brandstof. En solank as hulle buite om die voertuie besig is met die brandstofintappery, tonnel die Portugees voor in die dik kajuit. Dit lyk amper soos ’n meerkat wat daar nesskrop. En skielik peul hy daar uit. En toe hy grondvat, toe hol hy - eers ’n ent met die straat langs en toe om ’n hoek, skoon weg.

Hulle wis toe nie wat aangaan nie, en wag so ’n rukkie. En daar kom die polisie.

Maar die Porra is nie by nie.

Gelukkig kon een van die poeliesmanne ’n bietjie Engels praat sodat alles nie op ’n beduiery hoef af te loop nie. En die verduidelik toe dat die veiligheidsbeampte nie verder hoef saam te ry nie omdat sy werk as toesighouer oor die vrag afgehandel is. Hulle sou net graag sy kooigoed wou hê.

“Met plesier,” se die arme man wat al die dae die stank moes verduur. En hy loop haal die Portugees se slaapbondel van die trok af. Hy sê en hy dra dit doer ver van sy lyf af en hy gaan goi dit agter op die poeliesjiep.

Maar terwyl hy daarmee besig was, vertel hy, was dit vir hom of die een poeliesman so op ’n distansie by die trok se deur wou inloer en of hy so onderkant die wind langs die lug opneem. En toe lyk dit of hy met sy maters ruggespraak hou.

En dit moes waarskynlik ook wees wat gebeur het, want die woordvoerder kom beduie toe dat hulle reken dat dit selfs nie meer nodig is dat die gidsvoertuig hulle verder hoef te vergesel nie.

En so loop die weë van die spoorwegmanne en die Portugese daar uitmekaar.

Voor in elke voertuig kom daar toe drie man te lande. Maar voor die wegtrek nog, toe klim die twee nuwelinge in die stink trok al uit. Nee, sê hulle, om die dooie dood,

Die kêrel sê en hyself het nog tot darie middag probeer; toe smaak dit die lug word loog.

En hy hou stil en wag dat die ander trok bykom.

“Kyk,” sê hy, “van darie Portugees is nou nog net die leë sitplek en moontlik die stof wat hy laans my ingetrap het, oor. Maar wragtag, as julle nie nou vir my ’n gasmasker kan uittoor nie, moet julle kom help skoonmaak.”

En dit was toe met die uitpak om die kajuit ’n slag heeltemal leeg te kry en te sien of hulle hom nie dan op ’n manier uitgevars kon kry nie, dat een van hulle op die potjie met die bok se stukkie oorskot afkom, en die deksel lig.

Na hulle tot verhaal gekom en die nodigste gedoen het, het die ongure gebeurtenis ’n ander smaak begin kry.

Die spoorwegman sê vir my hulle het daar gelag tot die kajuit al hoeka neutvars gewaai was. Want toe wonder hulle wat die Portugees alles moes gewonder het. En wat hy alles vir sy vriende by die polisiestasie vertel het.

En dié moes natuurlik ook oor hulle ander makkers in die konvooi begaan gewees het. Daarom was die begeleiding kwansuis skielik nie meer nodig nie - veral na die een van hulle self ’n draai onderkant die wind gemaak het.

Maar terug by die Potugesie self: die verdenking tussen hom en die bestuurder moes wedersyds gewees het, totdat hy die eerste was om agter te kom dat geen voete tot so iets in staat kon wees nie en dat die benoudheid ’n ander oorsaak moes hê.

Met sy rondvroetelry voor in die kajuit terwyl die ander manne by die vulstasie besig was, moes hy natuurlik ’n kyk in die pot gekry het. En toe moes hy geweet het dat die beproewing vorentoe tot by die grens vir sy weerstand te veel sou wees.

En sy grootste vrees was waarskynlik dat hulle hom dalk vir ete mog nooi ...

Opsoek na inligting?

  •  Indien u Gelofteland se daaglikse hoofartikel per epos wil ontvang, stuur u versoek na Hierdie e-posadres word van Spambotte beskerm. Jy moet JavaScript ontsper om dit te lees.

    _____________________

    BYBEL 1933/53-druk nou gratis

    Gelofteland is dankbaar om aan al ons lesers die 1933/53-uitgawe van die Bybel gratis te voorsien. Al wat u hoef te doen is om 'n e-pos na

    Hierdie e-posadres word van Spambotte beskerm. Jy moet JavaScript ontsper om dit te lees.

    te stuur met die versoek om die Bybel te ontvang, en ons sal dit aan u stuur.

     

    _____________________

     

     Laserskywe in stelle van 10 te koop

    VRYHEIDSBEDIENING

    Ds. Andre van den Berg werk sedert November 1990 weekliks met volksgenote in die gevangenis in Pretoria-Sentraal. Hy bied ʼn reeks laserskywe teen R200 (posgeld uitgesluit) per stel van 10 aan. Die opbrengs van hierdie verkope gaan vir Gevangenisbediening.

    Dit handel oor aktuele onderwerpe soos:

    1. Die lewe hiernamaals.
    2. Word verantwoordelik oud.
    3. Die pad na die ewigheid.
    4. Bied beproewing die hoof.
    5. Raad vir tieners.
    6. Gelowige kinderopvoeding.
    7. Oorwin depressie.
    8. Kikker jou huwelik op .
    9. Alle mense is nie gelyk nie.
    10. Homoseksualisme - ʼn gruwel vir God.

    Bestel by:

    E-pos: Hierdie e-posadres word van Spambotte beskerm. Jy moet JavaScript ontsper om dit te lees.

    Sel: 074 967 5187

    Bankbesonderhede:

    ABSA

    VRYHEIDSBEDIENING

    9062088855

    _______________

     

    Skryf in vir die gratis e-blad OORSIG EN REPLIEK

    'n Blad wat dmv verduidelikende agtergrond by die kern van ons volk se
    stryd uitkom.

    Kontak die redakteur by

    Hierdie e-posadres word van Spambotte beskerm. Jy moet JavaScript ontsper om dit te lees.

    Lees ons gereelde uittreksels daaruit hier op Gelofteland by OORSIG EN REPLIEK

    __________
     
    DIE HISTORIESE KOMPAS
    _________ 
     
    BOEKRESENSIE:

    Die Legkaart van ons Lewe – ‘n Boodskap van Hoop

    Lees meer oor dié getuienis by:

    DIE LEGKAART VAN ONS LEWE

    __________

    BOEKRESENSIE:

    DIE VOLMAAKTE REPUBLIEK – Christen-Teokratiese Separatisme

    Suid-Afrika verkeer tans in 'n kommerwekkende toestand omdat mense se kennis oor die Bybel en die Staat so verwater het dat land en volk as gevolg hiervan ten gronde gaan.

    Hierdie boek uit die pen van ds AE van den Berg, het in gedrukte vorm verskyn.  Dit bring helder perspektief oor rasseverskille en natuurlike skeiding wat sal lei tot die herstel van Suid-Afrika. Die land het 'n dringende behoefte wat landsburgers van geestelike denke sal laat verander en van onregte en gewaande vryheid sal bevry.

    Sinvolle besluite in die lig van God se Woord, en onophoudelik gebed dat bevryding spoedig verwesenlik word, is noodsaaklik. Politiek is erns en harde werk wat wet en orde handhaaf en durf nie in eerlose hande gelaat te word nie. God is 'n God van orde, en mense word aangemoedig om die koninkryk van God eerste te stel.

    U kan hierdie boek bestel by ds A E van den Berg

    Tel: 074 967 5187  of by

    vryheidsbediening

    @gmail.com

    Prys: R50-00

     
  •                                                                        ______________

     

    BOEKE TE KOOP

    ‘n Nuwe Trek: Terug na u God

    Die Oerteks van die lotsbepalende 1838-Gelofte

    J L du Toit & dr L du Toit

    'n Bundel oor die bronne vir die 1838-Gelofte is nou ook by Exclusive Books in Suid-Afrika beskikbaar: 

    Alhoewel die nuutste prys op Exclusive Books se netwerf tans R191 per boek is kan u dit vir so min as R60 per boek direk by Hierdie e-posadres word van Spambotte beskerm. Jy moet JavaScript ontsper om dit te lees.. bestel.

    Lees meer by: 'N NUWE TREK: TERUG NA GOD

    _______________

    ONDERSTEUN U VOLKSGENOTE IN DIE GEVANGENIS

    Wil u meer oor aktuele onderwerpe lees of vir iemand 'n besondere geskenk gee? Goeie voornemens;  Dink reg, leef reg; Moenie bekommer nie; Leuens; Woestyngedagtes, en Niks ontbreek nie, is van die aktuele onderwerpe wat in twee besondere preekbundels behandel word. Vir slegs R60 elk of R100 vir beide kan u 'n waardevolle bydrae maak vir u volksgenote in die gevangenis. Ondersteun hulle asseblief en bestel nou hierdie preekbundels by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

                                                                           ________________

     

    GOD PRAAT MET DIE BOEREVOLK – DEEL 2

    Hierdie bundel, net soos deel I, is saamgestel uit twintig van die beste boodskappe wat sterk op ons volkslewe gerig is. Die inhoud bestaan uit aktuele onderwerpe wat die daaglikse lewe van elke Christen raak. Die koste beloop slegs R60 (posgeld uitgesluit) en is 'n uitstekende geskenk vir die regte persoon. Die inkomste gaan in geheel aan gevangenisdiens vir ons volksgenote.
    Plaas u bestelling per e-pos by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

    of skakel hom by 074 967 5187

    ________________

    Bestel 'n uitstekende digbundel deur BOERIUS
    Volledige besonderhede hier:

    Gietoffers van my Siel


    _________________

    Hierdie e-posadres word van Spambotte beskerm. Jy moet JavaScript ontsper om dit te lees.

     
  •  

    DIE CHARISMATIESE GEVAAR
    Mense word so maklik deur dwaalleringe mislei. In hierdie boek word talle kwelvrae beantwoord.

VERGADERING-

PROSEDURES

(GRATIS)

Daar is min mense wat nog die waarde van 'n ordelike byeenkoms bedink en kan uitvoer. Sonder hierdie kennis en orde en gedissiplineerde toepassing daarvan sal 'n byeenkoms in wanorde verval en die doel van die vergadering nie bereik word nie. Die boekie kom handig te pas in alle omstandighede waar 'n vergadering van persone plaasvind, ongeag die sakelys of doel van die byeenkoms.

Klik hier om die boekie wat u op hoogte kan bring van korrekte vergaderingprosedures, gratis af te laai. Indien u van Windows 10 gebruik maak sal die inhoud outomaties onder die lêer "Downloads" geberg word en kan dit daar gehaal en gebêre word waar ookal dit maklik gevind kan word.

 

GRATIS E-BOEKE EN VERSBUNDELS OM AF TE LAAI:

 

As God volke aan hul eie lot oorlaat

Die waarheid oor ons volk en die Nuwe SA

Volksverraad geskryf deur adv. P.J. Pretorius

'n Oorblyfsel... deur genade alleen

Christen-Teokratiese Separatisme

Verse van Verset

Vreedsame Naasbestaan = Afsonderlike Ontwikkeling

No Ships in the Harbour

Ons heilsverhaal in die Ou Testament

Daniel

Evolusie - kan ek dit glo?

Petrus, die rots

Romeo en Juliet

Ester

Apokriewe - By modderpoele of suiwer fonteine?

Midsomernagdroom - Shakespeare in Afrikaans

Die Openbaring van Henog

Die Derde Tempel

Macbeth - Shakespeare in Afrikaans

Met ryperd en mauser

Goue strate het nie stof nie

Derdepoort

Die Laaste Pous

Josef

Rut

Drie Eeue van Onreg

Ons Geskiedenis

Engelse skandvlekke

Voortrekker-Pioniers in Oos-Transvaal

_______________

 

 

1919: VRYHEIDSDEPUTASIE KEER TERUG

1800: GRAAFF- REINETSE REBELLE GEVONNIS

1917: OOM JAPIE HELPMEKAAR

SKERP SLAGSPREUKE

(Lees die reeks by SKERP SLAGSPREUKE)

                                                                         __________________

 

AFRIKAANSE IDIOME EN GESEGDES

(Lees by AFRIKAANSE IDIOME EN GESEGDES - die hele reeks

                                                                         __________________                                                                  

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Besoekers aanlyn

Ons het 1347 gaste aanlyn