Gedagtes vir elke dag
Of lees almal by Gedagtes vir elke dag
Die kosbaarste besitting wat ek aan ander sou wou gee is my geloof in Jesus Christus, want by Hom alleeen kan jy gelukkig wees – al besit jy alles in die wêreld maar het Hom nie in jou lewe nie, sal nie waaragtig nie gelukkig wees nie.
DIE WERKLIKE RASSEHATERS!
SWARTES SIEN “VERSOENING” AS ‘N SWAKHEID WAT OM SLAE VRA
Vir die ANC-regime is daar skynbaar geen groter oortreding as rassisme nie en skyn selfs erger as moord, roof of verkragting te wees. Gevolglik neem baie blankes 'n apologetiese houding in van: "Noem my enigiets anders, maar asseblief net nie 'n rassis nie! " Intussen neem swart rassehaat epidemiese afmetinge in ons land aan en is die duidelikste in die werksopset te sien soos pas weer gebeur het.
Weer eens seëvier rassisme in sy ergste vorm. Dis die tweede gyselaarsdrama in net ‘n paar maande by die Gold One se Springs-myn waar swart werkers die blanke werkers vir dae lank aangehou en gemartel het. Hulle is pers en stukkend geslaan en gedwing om hulle klere uit te trek terwyl hulle uitgeskel is vir “boere”. Die blanke myners sê hulle is agv hulle ras geteiken en as pionne gebruik in die magstryd tussen vakbondleiers en die mynbase. Hulle moes 350m onder die grond luister na die sataniese planne van die swartes dat daar “genoeg blankes is om dood te maak, dan sal die mynbase luister…” Stakers het paletplanke met spykers aan mekaar vasgekap, daarmee en met pikstele en pype die blanke werkers op hulle boude, bene, arms en rue geslaan. Brandblussers is in hulle gesigte uitgespuit en is hulle gedwing om al bloeiende slagspreuke soos Viva en Amcu te skree.
Dit het verlede Donderdag begin en tot Maandag geduur toe 447 werkers uiteindelik vrygelaat en vir ernstige beserings behandel is. Natuurlik is niemand nog in hegtenis geneem nie te midde van swaar polisieteenwoordigheid gedurende die hele drama.
Blankes is oor die algemeen katvoet vir die woord rassisme. As hulle daarvan beskuldig word, slaan baie soos 'n oester toe wat natuurlik op ‘n skulderkenning neerkom. Sulke misplaaste skulderkennings doen ons volk oneindige skade aan want daardeur maak ons sagte teikens van onsself net soos nou weer in Springs gebeur het.
Rassehaat is ‘n feit soos ‘n koei en swartes die skuldigste daaraan. Die ANC-regime is ‘n sprekende voorbeeld hiervan. Eendersyds vind hulle dit skynbaar moeilik om sekere misdadigers wat aan ‘n bepaalde ras behoort te eien. Andersyds vind hulle dit geensins moeilik om rassehaters uit te wys nie, want hulle is dan almal blank!
As blankes dit waag om swartes op hulle flaters te wys, word hulle vir rassehaters uitgekryt. Swartes het al 'n refleksreaksie ontwikkel om kritiek teen hul onbevoegdheid met die teerkwas van rassehaat by te kom. Maak jy ‘n opmerking oor hulle roofkultuur en misdaadgeneigdheid, is dit 'n rashatige opmerking. Is jy oor hulle oproerige optredes en ontwrigting van skole en tersiêre inrigtings in opstand, is jy 'n rassehater!
Om blankes chronies van rassehaat te beskuldig, is natuurlik 'n gerieflike bos waaragter die ANC sy onvermoë om sinvol te kan regeer, verskuil. Swartes het ook geleer dat aanval die beste manier van verdediging is. Waar blankes altyd probeer om rassewrywing te vermy, gryp swartes weer elke geleentheid aan om dit aan te vuur.
Die enigste rassehaat wat egter in Suid-Afrika geduld, geregverdig, gewettig en aangemoedig word, is dié van swartes teenoor blankes. Daarom sal daar geen skuldige in die Springsmyn gevind word nie. Hulle kan sê net wat hulle wil, daar word niks aan hulle gedoen nie, selfs nie aan ‘n slagspreuk soos "Kill, a Boer, kill a farmer” nie!
Die swart regering ontsien nie eens eerbiedwaardige blanke regslui nie. Daar is al van baie blanke regters ontslae geraak; mense wat uitsprake gelewer het wat nie in die ANC se kraal gepas het nie. Die regering is skynbaar net met hofuitsprake gediend wat met hulle belange en eie siening van skuld of onskuld strook.
Regter L.F Weyers van die Pretoriase Hooggeregshof het ‘n paar jaar gelede die volgende gesê: "In die huidige Suid-Afrika geld dit wat 'n regter dink en besluit oor vonnisse in die atmosfeer van die verhoor, blykbaar baie min by die administratiewe burokrasie wat hulle agterna links en regs in dié vonnisse inmeng".
In 'n land wat volgens die ANC se grondwet kleurloos geword het, sien swartes nog steeds alles deur 'n kleurbril. Daar word onbeskaamd met twee maatstawwe gemeet. Daar is ‘n begunstigde een vir swartes en 'n penaliserende een vir blankes. Sedert die bewindsprysgawe gaan alles om 'n skaamtelose bevoordeling van swartes in die algemeen; in besonder vir die swart élite wat glo dat daar ‘n swaar verligting op hulle rus om hulself te verrryk.
Die verfoeilike optrede van die Waarheids- en Versoeningskommissie van ‘n paar jaar gelede was ‘n sprekende bewys van swartes se onbeskaamde rassehaat. Hierdie heksejagters het van die leuenstandpunt uitgegaan dat die Boerevolk apartheid gebruik het om onreg en wreedhede teen swartes te pleeg.
Terwyl die volksvyandige media chronies ‘n eier oor die sg. onreg van die verlede lê, word volksgenote daagliks op barbaarse wyses afgemaai. Van ware versoening is daar aan die suidpunt van Afrika hoegenaamd geen sprake nie. Ons beleef eerder ‘n smadelike veragting daarvan. Swartes sien versoening as ‘n swakheid wat om slae vra. Gevolglik het die Boerevolk slagoffers van rassehaat geword. Dis die gevolg van ‘n verkeerde ideologie wat in die hande van die verkeerde persone beland het! Daarom sal ons nog talle “Gold One”- gevalle beleef.