Aangesien 'n nuwe soort entstof vir COVID-19 binnekort op ons afgedwing gaan word, bevraagteken meer mense die doeltreffendheid en veiligheid van die entstofprotokol. Om vreemde stowwe in die liggaam in te spuit om inflammatoriese reaksies te hiperstimuleer in die hoop dat die immuunstelsel kunsmatige immuniteit sal ontwikkel, is werklik wat dit is: HOOP; want daar is baie meer gevare aan verbonde as wat die meeste mense van bewus is .

In Amerika was daar reeds baie jare allerhande wetgewing wat mense verplig het om talle inentings te ontvang. Dis eers later wat Suid-Afrika in ‘n mate gevolg het deur kinders se inentings verpligtend te maak.

Dat die Covid-19 se entstof verpligtend sal word is verseker. Vir die Geldmag hang alles hiervan af om só die bevolking van die wêreld in hulle mag te kry. Daar is nie ‘n beter metode om die massas te verplig om ‘n mikroskyfie te ontvang nie. En sodra dit gedoen is, het Big Brother digitale toegang tot en beheer oor al die persoonlike inligting van die persoon wat die mikroskyfie saam met die inspuiting ontvang het. Maar wat nie vir die mense gesê word nie, is dat daar ook ernstige gesondheidsnagevolge aan verbonde is. Dit is reeds jare wat veral die Amerikaners al ernstiger teen inentings weerstand bied omdat hulle gesien het wat dit aan hulle gesondhede doen.

Die Sentrum vir Siektebeheer en Voorkoming en die Amerikaanse voedsel- en dwelmadministrasie hou 'n databasis van inligting oor nadelige gevolge van die toediening van entstowwe wat in die Verenigde State gelisensieer is. Die databasis heet die Vaccine Adverse Event Reporting System (VAERS), 'n federale program geskep ingevolge die Wet op Nasionale Inenting van Kinders in 1986.

Tydens een studie wat in die joernaal Neurology gepubliseer is, is data van VAERS geëvalueer om te kyk na die voorkoms van meningitis nadat entstowwe aan individue toegedien is vanaf babastadium tot 74,7 jaar oud. Verslae is van 1990 tot 2010 getrek om te kyk na die aanvang van meningitis (breinvliesontsteking) binne ses weke nadat 'n individu ingeënt is.

Hulle het 722 gevalle gevind. Hiervan het 415 (57,5%) in die eerste ses weke voorgekom en 327 (45,2%) binne die eerste twee weke. In die groep is 76% van die individue in die hospitaal opgeneem en 6,9% is gestremd nadat die infeksie hokgeslaan is. Meningitis is aangemeld ná verskeie soorte inentings. Dit sluit in:

Die navorsingspan het tot die gevolgtrekking gekom dat die verslae van meningitis in die eerste ses weke ná inenting op die moontlikheid dui dat ‘n sekere aantal gevalle deur die inenting veroorsaak word. Meningitis is ook nie die enigste nadelige gevolg van inentings nie. Met behulp van dieselfde databasis het 'n ander span 54 verslae gevind van individue wat na bewering in 2004 Guillain-Barre-sindroom (GBS) opgedoen het. Daarvan het 38 binne die eerste ses weke plaasgevind.

Die meeste individue met simptome van GBS het voorgekom by diegene wat griep-entstof ontvang het, gevolg deur 'n hepatitis-entstof. Die meeste mense is nie daarvan bewus nie en sien nooit die data van VAERS nie.

Een span navorsers het die nie-spesifieke gebeure van entstowwe gedurende die afgelope 40 jaar bestudeer. Hulle het ontdek dat sommige entstowwe individue beskerm teen ander siektes as waarteen hulle ingeënt is. Ander entstowwe weer het verband gehou met 'n hoër vlak van sterftes weens siektes wat nie met die inenting verband hou nie, soos die lys van bogenoemde entstowwe wat verband hou met meningitis.

Dr Christine Stabell Benn was 'n navorser in hierdie studie. Sy het met 'n verslaggewer van Science News gesels oor die frustrasie wat navorsers ervaar wanneer hulle hoor dat mense wat teen entstowwe gekant is, se bekommernisse geregverdig is maar hul stem nie gehoor word nie.

"Wat doen navorsers as hulle ontdek dat teenstanders teen inenting rede het om bekommerd te wees? Geen entstowwe is bestudeer vir die nie-spesifieke effek daarvan op die algemene gesondheid nie, en voordat ons dit ondersoek, kan ons nie vasstel en geensins beweer dat die entstowwe veilig is nie. Daarbenewens toon ons navorsing dat sommige entstowwe die algemene sterftesyfer verhoog, veral onder meisies, en dit is baie kommerwekkend,” het dr Benn gesê.

Die ondersoek na nie-spesifieke gebeure het in 1979 begin toe 'n kollega van Benn ontdek het dat kinders wat ingeënt is met 'n lewendige verswakte virus vir masels, 'n laer sterftesyfer van 70% gehad het as dié wat nie die inenting gekry het nie. Ander inentings het egter verhoogde mortaliteit by kinders getoon, insluitend die entstof teen difterie-tetanus-kinkhoes. Verdere ontleding het getoon dat inenting met lewende entstowwe, insluitend BCG (Bacille Calmette-Guérin vir tuberkulose-siekte), mondelinge polio en pokke, die immuunrespons op 'n verskeidenheid aansteeklike siektes verbeter en sodoende die algehele sterftesyfer verlaag.

In teenstelling hiermee het die navorsers bevind dat entstowwe wat nie lewendig is nie, insluitend die vyf-entige entstof-, H1N1-griep-, DTP- en hepatitis B-entstowwe, die algehele sterftesyfer verhoog het, met 'n hoër persentasie onder meisies.

Die aantal entstowwe wat aan kinders en jong volwassenes gegee word neem steeds toe en teen 2020 was die aanbevole skedule in Amerika vir kinders teen die ouderdom van 18 ‘n yslike 69 dosisse van 16 entstowwe, insluitend 'n jaarlikse griepinspuiting. Alhoewel entstowwe histories slegs aan kinders gegee is, het die farmaseutiese industrie sy mark nou uitgebrei met inentings vir mense in alle ouderdomsgroepe.

Die regering beveel aan dat volwassenes elke tien jaar 'n tetanusversterker kry, waarvan die nuutste weergawe ook beskerming teen kinkhoes en difterie (Tdap-entstof) bevat. Dokters beveel ook aan dat volwassenes inenting teen griep, hepatitis A, hepatitis B, pneumokokkale en meningokokkale ontvang. Die eerste gordelroos-entstof vir volwassenes het in 2006 verskyn en 'n tweede entstof is in 2017 vrygestel wat 'n sterker inflammatoriese immuunrespons veroorsaak.

Die kern van die saak vandag is dat as iemand in die VSA 'n FDA-gelisensieerde en CDC-aanbevole entstof ontvang wat hom beseer of doodmaak, die entstofvervaardiger en gesondheidsorgbeoefenaar in die siviele hof beskerm word. Net soos in die VSA sal hier in Suid-Afrika ook niemand verantwoordelikheid vir die negatiewe gevolge van entstowwe aanvaar wanneer al hierdie inentings op ons afgedwing word nie.  

Robert Kennedy Jr., stigter en voorsitter van die direksie van Children's Health Defense, het in 'n kort video oor hierdie toestand gesels:

"Daar is geen rede om entstowwe veilig te maak nie omdat niemand kan dagvaar nie ... daar is geen gevolg as u 'n baie gevaarlike entstof ingespuit word nie; daarby is dit 'n goudmyn in die mediese bedryf.”

Soos Kennedy noem, kan een entstof soos die Covid-19 entstof volgens die CDC-skema elke jaar vir die maatskappy $ 1 miljard werd wees. Kennedy gaan voort:

"U kan hulle nie dagvaar nie; daar is geen mediese wanpraktyk nie; daar is geen groepsgedinge nie. Ter voorbereiding vir 'n moontlike noodgeval na verdere dreigemente van bio-terrorisme ná 9/11, is die Wet op Openbare Gereedheid en Noodvoorbereidheid in 2005 aanvaar. Hierdie wet beskerm ook entstofmakers teen regsgedinge weens beserings wat veroorsaak word deur entstowwe wat tydens 'n verklaarde volksgesondheid geskep en gebruik is. Die COVID-19-pandemie val in hierdie kategorie.”

Kenners gee toe dat 'n eksperimentele entstof soos COVID-19 wat teen 'warp-speed' vinnig ontwikkel is, nog nooit gedoen is nie en dat dit 'n openbare gesondheidsprobleem gaan bied. Dit kan groter wees as die beserings en sterftes wat ervaar word met inentings uit die verlede, aangesien dit basies 'n vorm van ‘genterapie' is. In 'n Harvard Besigheidskool-onderhoud het Ken Frazier, voorsitter en uitvoerende hoof van Merck & Co., gesê:

"Ek dink as mense teen die einde van 2020 aan die publiek sê dat daar 'n entstof beskikbaar is, doen hulle die publiek 'n ernstige onguns aan ... in die eerste plek neem dit baie tyd. Ek dink die rekord vir die vinnigste entstof wat ooit op die mark gebring is, was Merck in die bof-entstof. Dit het ongeveer vier jaar geneem. Ons mees onlangse entstof vir Ebola het vyf en 'n half jaar geneem ... "

Wat moet ons dan doen?

Soos die geskiedenis getoon het, is dit noodsaaklik dat almal nou betrokke raak en opstaan vir die wettige reg om vrywillige entstofkeuses te maak. Terwyl mense tans geen regshulp het na 'n entstofbesering nie, behoort dit hulle reg te wees om te weier om die entstof te neem.

In Amerika word hierdie keuses bedreig deur lobbyiste wat dwelmmaatskappye, mediese handelsverenigings en amptenare vir openbare gesondheid verteenwoordig en wetgewers probeer oorreed om die publiek te ontneem van alle vrystellings teen entstof. Maar daar kan die mense met hulle standpunt darem nog aanmeld by die NVIC-voorspraakportaal by www.NVICAdvocacy.org  en het dan onmiddellike en maklike toegang tot staatswetgewers op ‘n slimfoon of rekenaar.

Hier in Suid-Afrika verwag ons net nog groter chaos as wat reeds heers indien entstowwe op ons afgedwing sou word. Sou ‘n entstof beskikbaar gestel word en ons mense is oningelig oor die gevare, moet hulle weet daar is niemand by wie hulle agterna kan gaan huil nie.

Die wêreldwye immuniseringsproses wat binnekort bekend gestel gaan word is dus nie net ‘n gevaar waar ons onder die mag van die Nuwe Eenwêreldregering geplaas sal word nie, maar dit hou ook lewensgevaarlike gesondheidsgevolge in vir elkeen wat dit ontvang.

Sorg dat u die feite verstaan sodat u ook vriende en familie kan waarsku teen hierdie monster met die mooi masker wat op ons land en sy mense gaan toesak.