Gedagtes vir elke dag
Of lees almal by Gedagtes vir elke dag
Jesus het ons vry kom maak van alle onnodige aardse voorskrifte en rituele. Leef dan soos 'n bevryde mens in sy liefde en beskerming met dankbaarheid en gehoorsaamheid aan sy Gebooie.
DIE BLANKES VAN SUID -AFRIKA
DIE BLANKES VAN SUID -AFRIKA
Stephanus Hennig
Met die aankoms van die blankes in hierdie land, gedryf deur die omstandighede en soeke na vryheid, het die Here ook sy Woord hierheen gestuur om sy gesag te vestig. Hierdie gebeurtenis was nie net die gevolg van omstandighede nie, maar 'n ewige besluit van God, die Almagtige, vooraf. Van ewigheid af het God reeds die lot en erfenis van elke nasie bepaal. Daarom is hierdie gebeurtenis ook gekenmerk deur die soewereine mag van God. God het hierdie land as erfenis vir die wit volk afgebaken.
Die geskiedenis van hierdie land en Amerika, sowel as baie ander lande, is in baie opsigte dieselfde as dié van Israel. Gelowiges het hierheen gekom en net heidene gevind wat afgode aanbid en gedien het.
Maar die vraag is nou:
Waarom het hierdie erfenis nie vir die blankes gerealiseer nie, net soos die erfenis van Israel tot vandag toe nie gerealiseer het nie?
Net so vêr as wat dit vir Israel gerealiseer het, so het dit ook vir die Suid-Afrikaner gerealiseer. En hier moet ons gaan soek na die antwoord! God gee Israel sy Wet en beveel dat hulle sy Wette en bevele moet handhaaf, dan sal Hy die land as hul erfenis bevestig. Maar as 'n volk het hulle die verbond verbreek, en tot vandag toe ly hulle as gevolg van hul ongehoorsaamheid sowel as dié van hul vaders.
Verder het hulle ook nie die geloof van Abraham, Isak en Jakob geopenbaar nie, hulle het die erfenis geskend, en die arme man en die wees en die weduwee is uit hul erfenis verdruk. Dit het Abraham, Isak of Jakob nie gedoen nie, maar het as vreemdelinge in 'n vreemde land vertoef. Abraham en lsak het die mag gehad om sekere dele van die land in besit te neem, maar hulle het dit nie gedoen nie; waarom nie? Hulle het geweet dat God hierna vir hulle iets beters wou gee as hierdie somber, oorloggeteisterde wêreld. Deur die geloof het hulle gehoop op iets beters. Lees die woorde van Heb.11: 13-16 –
"Hulle het almal in die geloof gesterwe, sonder om die beloftes te ontvang, maar hulle het dit van vêr af gesien en is daarvan oortuig en het hulle omhels en bely dat hulle vreemdelinge en pelgrims was op die aarde.
“Want hulle wat sulke dinge sê, verklaar duidelik dat hulle 'n land soek. En waarlik, as hulle gedink het aan die land vanwaar hulle kom, sou hulle moontlik die geleentheid gehad het om terug te keer. Maar nou begeer hulle 'n beter land, dit wil sê 'n hemelse: daarom skaam God Hom nie om hulle God genoem te word nie, want Hy het vir hulle 'n stad voorberei."
Net soos Israel, so het die blanke volk van Suid-Afrika God ook gefaal en die toorn van die Heilige God oor hulle gebring.
Julle was nie bereid om as vreemdelinge in hierdie vreemde land te bly nie, maar julle het die erfenis geskend en al die sondes van Israel herhaal, en daarom het God die erfenis van hierdie land aan ander oorgegee. En net soos Jesaja van Israel gesê het, so is dit, en gebeur ook vandag met hierdie volk - moedswillige mense regeer hulle!
Soos vroeër, rig God ook die versoek aan Julle, o blanke Suid -Afrikaners, om Julle te bekeer en reg en geregtigheid te doen, dan sal God die land genees en Julle daarin vestig.
Maar het Julle nie al herhaaldelik bewys dat Julle harte verhard is, net soos Israel en hulle voorvaders? Omdat Julle weier om hartlik te bekeer van Julle hoerery en egbreuk, Julle wêreldse plesier en stokperdjies, Julle voorkeur tot aardse voorspoed, terwyl die een die ander onderdruk, daarom sal die Here Julle aanhou slaan en erger dinge as hierdie met Julle laat gebeur, totdat daar net 'n oorblyfsel oorbly wat God in waarheid sal soek en Hom met 'n opregte hart sal dien - Lev.26: 14-40.
Waarom wil Julle voortgaan met Julle wederstrewigheid en kerklike dogmas? Kan Julle dan nog steeds nie verstaan dat Julle kerke en Julle politiek Julle verdeel het sonder enige voordeel nie? Verlaat Jul kerklike en politieke sienings en bekeer Julle tot die Een God van geregtigheid, dan sal God hoor en genadig wees oor die oorblyfsel van hulle wat in die land oorgebly het.
Kyk, die einde kom vinnig, dan sal die Heilige God van Abraham, Isak en Jakob die sondaars verdelg en die goddelose doodmaak, en die erfenis van die land sal aan sy gunstelinge uitgedeel word.
Nadat die toorn van die Here oor die blankes uitgewoed het, sal God met die swart nasies van hierdie land afreken, omdat hulle in wreedheid geheers en hulle sondes groot en wyd opgehoop het, soos 'n hooiberg wat, as daar 'n vonk sou ontstaan, in vlamme opgaan en afbrand voordat iemand die vlamme kan blus. Hierdie nasie is strooi, en soos kaf word hulle voor die wind in die vuur gedryf, en hulle einde sal 'n swart, afgebrande land wees.
Dán sal Hy alles herstel; die hele aarde sal met gejubel uitbreek! As die oorheersing van die goddelose op die dag van die Here afgesny is, sal die oorblyfsel die land as 'n ewige erfenis ontvang; al die nederiges sal op dáárdie dag opgehef word en al die trots van die mense sal neergebuig word, terwyl die nasies die heerlikheid van God uit die hoogste sal sien verskyn.
Kom nou, Suid-Afrika, erken dat daar 'n Skepper is en laat vaar die leuen van evolusie en humanisme, waardeur die nasies van geregtigheid vervreem is. Bekeer julle en verlaat die valse leraars en herders wat die volk met leuens en bedrog verhoed om waarlik te bekeer deur sogenaamde regverdige temas en prediking wat altyd die verkeerde hart ondersteun het in sy doelbewuste sondes.