NUUTSTE BYDRAES

Gedagtes vir elke dag

Of lees almal by Gedagtes vir elke dag

Here, ek weet nie wat ek van U moet vra nie. U alleen weet wat ek nodig het. U het my liewer as wat ek myself kan hê. Vader, gee asb aan u kind wat hy self nie weet hoe hy dit van u moet vra nie. Ek bring maar net my hart na U en maak dit voor U oop. Amen.

DIE HEMEL IS WERKLIK (16)

Todd Burpo

Lees reeks by Die hemel is werklik

TWEE SUSSIES

Soos die groen somersdae plek gemaak het vir 'n pragtige herfs, het ons af en toe met Colton oor die hemel gepraat. Maar een gesprek het deurlopend plaasgevind: Toe Colton Jesus in die hemel gesien het, hoe het Hy gelyk? Die rede waarom die onderwerp so dikwels ter sprake gekom het, is omdat ek as leraar baie tyd in hospitale, Christenboekwinkels en ander kerke deurgebring het - almal plekke waar daar baie tekeninge en skilderye van Jesus is. Sonja en die kinders was baie keer saam met my; dus het dit 'n tipe speletjie geword. Wanneer ons op 'n prent van Jesus afgekom het, sou ons Colton vra: "Wat van die een? Lyk Jesus so?"

Colton sou sonder uitsondering 'n oomblik na die prent kyk en dan sy koppie skud. "Nee, die hare lyk nie reg nie," of "Nee, sy klere is nie reg nie."

Dit sou dosyne male oor die volgende drie jaar gebeur. Of dit nou 'n plakkaat in 'n Sondagskoolklaskamer was, 'n uitbeelding van Christus op 'n boekomslag of 'n afdruk van 'n ou meester se skildery op 'n ouetehuis se muur, Colton se reaksie was altyd dieselfde. Hy was te klein om te verwoord wat presies fout was met elke prent; hy het net geweet dit was nie reg nie.

Een Oktoberaand het ek aan die kombuistafel 'n preek voorberei. Sonja was om die hoek in die sitkamer, besig om die besigheid se boeke na te gaan, bestellings na te gaan en rekeninge uit te sorteer. Cassie het by haar voete met Barbie-poppe gespeel. Ek het Colton se voetstappe in die gang gehoor en vlugtig gesien hoe hy om die bank loop en reg voor Sonja stelling inneem.

"Mamma, ek het twee sussies," het Colton gesê.

Ek het my pen neergesit. Sonja het nie. Sy het aanhou werk.

Colton het homself herhaal. "Mamma, ek het twee sussies."

Sonja het opgekyk van haar papierwerk en haar kop liggies geskud. "Nee, jy het jou sussie, Cassie, en ... bedoel jy jou niggie, Traci?"

"Nee." Colton het die woord met mening uitgespreek. "Ek het twee sussies. Mamma het 'n babatjie gehad wat in Mamma se maag dood is, nê?"

Op daardie oomblik het tyd in die Burpo-huishouding stil gaan staan en Sonja se oë het gerek. 'n Paar sekondes tevore het Colton sonder sukses sy ma sover probeer kry om na hom te luister. Nou kon ek selfs van die kombuistafel af sien hy het haar onverdeelde aandag gehad.

"Wie het jou gesê ek het 'n babatjie gehad wat in my maag dood is?" het Sonja ernstig gevra.

"Sy het, Mamma. Sy het gesê sy het in Mamma se maag doodgegaan."

Toe draai Colton om en begin wegloop. Hy het gesê wat hy wou sê en was reg om aan te gaan. Maar na die bom wat hy laat val het, wou Sonja baie meer weet. Voor ons seun nog om die bank geloop het, het Sonja se stem hard opgeklink: '‘Colton Todd Burpo, kom onmiddellikhier!"

Colton het omgeswaai en na my gekyk. Sy gesig het gevra: Wat het ek verkeerd gedoen?

Ek het geweet hoe my vrou moes voel. Om daardie baba te verloor, was die pynlikste ervaring van haar lewe. Ons het dit al aan Cassie verduidelik; sy was ouer. Maar ons het Colton nie vertel nie omdat ons gedink het dit was bo 'n vierjarige se vuurmaakplek. Ek het vanaf die kombuistafel stil die emosies op Sonja se gesig dopgehou.

Effens senuweeagtig het Colton teruggeloop om die bank en weer voor sy ma gaan staan, die keer versigtiger. "Dis oukei, Mamma. Sy is oukei. God het haar aangeneem."

Sonja het van die bank afgegly en voor Colton gekniel sodat sy hom in die oë kon kyk. "Bedoel jy nie Jesus het haar aangeneem nie?"

"Nee, Mamma! Sy Pappa het!"

Sonja het omgedraai en na my gekyk. Sy het my later vertel dat sy in daardie oomblik probeer kalm bly het, maar dat sy oorstelp was. Ons baba ... was - is - 'n dogtertjie, het sy gedink.

Sonja het op Colton gefokus en ek kon hoor dat sy sukkel om die bewing uit haar stem te hou. "Hoe het sy gelyk?"

"Sy het baie soos Cassie gelyk," het Colton gesê. "Sy is net 'n bietjie kleiner en haar hare is donker."

Sonja se donker hare.

'n Mengsel van pyn en blydskap het oor my vrou se gesig gespoel. Cassie en Colton het my blonde hare. Sy het al selfs skertsenderwys by my gekla: "Nadat ek al twee kinders elk nege maande binne my ronddra, lyk hulle steeds na jou!" Nou was daar 'n kind wat na haar gelyk het. 'n Dogter. Ek het gesien my vrou se oë raak nat.

Colton het verder vertel sonder aanmoediging. “'n Klein dogtertjie het in die hemel na my toe gehardloop en sy wou nie ophou om my vas te druk nie." Sy stemtoon het duidelik gewys dat hy glad nie die vasdrukkery deur 'n dogtertjie geniet het nie.

"Sy was dalk net gelukkig dat iemand van haar gesin daar was," het Sonja gesê. "Meisies gee drukkies. Wanneer ons gelukkig is, gee ons drukkies."

Colton het nie oortuig gelyk nie.

Sonja se oë het verhelder toe sy vra: "Wat was haar naam - die dogtertjie s'n?"

Dit het gelyk of Colton eers weer van die aaklige dogtertjie-drukkies vergeet het. "Sy het nie 'n naam nie. Julle het haar nie 'n naam gegee nie."

Hoe het hy dit geweet?

"Jy's reg, Colton," het Sonja gesê. "Ons het nie eens geweet sy was 'n sy nie."

Toe sê Colton iets wat steeds in my ore weerklink: "Ja, sy het gesê sy kan nie wag dat Mamma en Pappa hemel toe moet kom nie."

Ek kon sien Sonja sukkel om haar emosies te beheer. Sy het Colton gesoen en gesê hy kon maar gaan speel. Toe hy uit die vertrek is, het die trane oor haar wange gestroom.

"Ons baba is oukei," het sy gefluister. "Ons baba is oukei."

Van daardie oomblik af het die wond van een van die pynlikste episodes van ons lewens - om 'n kind te verloor wat ons bitter graag wou hê - begin genees. Dit was vir my 'n vreeslike slag toe ons ons kind verloor het. Maar Sonja het my vertel dat die miskraam haar nie net bedroef gelaat het nie, maar dat dit ook soos 'n persoonlike mislukking gevoel het.

"'n Mens doen al die regte goed, eet al die regte goed, en bid vir jou baba se gesondheid, maar steeds sterf die baba binne jou," het sy my eenmaal vertel. "Ek voel skuldig. Met my kop weet ek dit was nie my skuld nie, maar daar is steeds hierdie skuldlas."

Ons wou glo ons ongebore kind het hemel toe gegaan. Al is die Bybel baie vaag daaroor, het ons dit in geloof aanvaar. Nou het ons egter n ooggetuie gehad. 'n Dogter wat ons nooit ontmoet het nie, het gretig op ons gewag in die ewigheid. Van toe af het ek en Sonja begin grappe maak oor wie eerste hemel toe sou gaan. Daar was verskeie redes hoekom sy altyd langer as ek wou leef. Om maar een te noem: 'n Leraarsvrou word gereeld ter illustrasie in preke gebruik. Sy het gesê as ek eerste sou doodgaan, sou sy eindelik die geleentheid kry om die gemeente al haar stories oor my te vertel.

Maar nou het Sonja 'n rede gehad om eerste die he­mel te wou bereik. Toe sy swanger was met die kind wat ons verloor het, het ons al 'n seunsnaam uitgekies gehad - Colton - maar ons kon nooit saamstem oor 'n dogtertjienaam nie. Ek het van Kelsey gehou, en sy van Caitlin, en nie een van ons wou toegee nie.

Vervolg...

Opsoek na inligting?

  • BYBEL 1933/53-druk nou gratis

    Gelofteland is dankbaar om aan al ons lesers die 1933/53-uitgawe van die Bybel gratis te voorsien. Al wat u hoef te doen is om 'n e-pos na

    Hierdie e-posadres word van Spambotte beskerm. Jy moet JavaScript ontsper om dit te lees.

    te stuur met die versoek om die Bybel te ontvang, en ons sal dit aan u stuur.

     

    _____________________

     

     Laserskywe in stelle van 10 te koop

    VRYHEIDSBEDIENING

    Ds. Andre van den Berg werk sedert November 1990 weekliks met volksgenote in die gevangenis in Pretoria-Sentraal. Hy bied ʼn reeks laserskywe teen R200 (posgeld uitgesluit) per stel van 10 aan. Die opbrengs van hierdie verkope gaan vir Gevangenisbediening.

    Dit handel oor aktuele onderwerpe soos:

    1. Die lewe hiernamaals.
    2. Word verantwoordelik oud.
    3. Die pad na die ewigheid.
    4. Bied beproewing die hoof.
    5. Raad vir tieners.
    6. Gelowige kinderopvoeding.
    7. Oorwin depressie.
    8. Kikker jou huwelik op .
    9. Alle mense is nie gelyk nie.
    10. Homoseksualisme - ʼn gruwel vir God.

    Bestel by:

    E-pos: Hierdie e-posadres word van Spambotte beskerm. Jy moet JavaScript ontsper om dit te lees.

    Sel: 074 967 5187

    Bankbesonderhede:

    ABSA

    VRYHEIDSBEDIENING

    9062088855

    _______________

     

    Skryf in vir die gratis e-blad OORSIG EN REPLIEK

    'n Blad wat dmv verduidelikende agtergrond by die kern van ons volk se
    stryd uitkom.

    Kontak die redakteur by

    Hierdie e-posadres word van Spambotte beskerm. Jy moet JavaScript ontsper om dit te lees.

    Lees ons gereelde uittreksels daaruit hier op Gelofteland by OORSIG EN REPLIEK

    __________
     
    DIE HISTORIESE KOMPAS
    _________ 
     
    BOEKRESENSIE:

    Die Legkaart van ons Lewe – ‘n Boodskap van Hoop

    Lees meer oor dié getuienis by:

    DIE LEGKAART VAN ONS LEWE

    __________

    BOEKRESENSIE:

    DIE VOLMAAKTE REPUBLIEK – Christen-Teokratiese Separatisme

    Suid-Afrika verkeer tans in 'n kommerwekkende toestand omdat mense se kennis oor die Bybel en die Staat so verwater het dat land en volk as gevolg hiervan ten gronde gaan.

    Hierdie boek uit die pen van ds AE van den Berg, het in gedrukte vorm verskyn.  Dit bring helder perspektief oor rasseverskille en natuurlike skeiding wat sal lei tot die herstel van Suid-Afrika. Die land het 'n dringende behoefte wat landsburgers van geestelike denke sal laat verander en van onregte en gewaande vryheid sal bevry.

    Sinvolle besluite in die lig van God se Woord, en onophoudelik gebed dat bevryding spoedig verwesenlik word, is noodsaaklik. Politiek is erns en harde werk wat wet en orde handhaaf en durf nie in eerlose hande gelaat te word nie. God is 'n God van orde, en mense word aangemoedig om die koninkryk van God eerste te stel.

    U kan hierdie boek bestel by ds A E van den Berg

    Tel: 074 967 5187  of by

    vryheidsbediening

    @gmail.com

    Prys: R50-00

     
  •                                                                        ______________

     

    BOEKE TE KOOP

    ‘n Nuwe Trek: Terug na u God

    Die Oerteks van die lotsbepalende 1838-Gelofte

    J L du Toit & dr L du Toit

    'n Bundel oor die bronne vir die 1838-Gelofte is nou ook by Exclusive Books in Suid-Afrika beskikbaar: 

    Alhoewel die nuutste prys op Exclusive Books se netwerf tans R191 per boek is kan u dit vir so min as R60 per boek direk by Hierdie e-posadres word van Spambotte beskerm. Jy moet JavaScript ontsper om dit te lees.. bestel.

    Lees meer by: 'N NUWE TREK: TERUG NA GOD

    _______________

    ONDERSTEUN U VOLKSGENOTE IN DIE GEVANGENIS

    Wil u meer oor aktuele onderwerpe lees of vir iemand 'n besondere geskenk gee? Goeie voornemens;  Dink reg, leef reg; Moenie bekommer nie; Leuens; Woestyngedagtes, en Niks ontbreek nie, is van die aktuele onderwerpe wat in twee besondere preekbundels behandel word. Vir slegs R60 elk of R100 vir beide kan u 'n waardevolle bydrae maak vir u volksgenote in die gevangenis. Ondersteun hulle asseblief en bestel nou hierdie preekbundels by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

                                                                           ________________

     

    GOD PRAAT MET DIE BOEREVOLK – DEEL 2

    Hierdie bundel, net soos deel I, is saamgestel uit twintig van die beste boodskappe wat sterk op ons volkslewe gerig is. Die inhoud bestaan uit aktuele onderwerpe wat die daaglikse lewe van elke Christen raak. Die koste beloop slegs R60 (posgeld uitgesluit) en is 'n uitstekende geskenk vir die regte persoon. Die inkomste gaan in geheel aan gevangenisdiens vir ons volksgenote.
    Plaas u bestelling per e-pos by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

    of skakel hom by 074 967 5187

    ________________

    Bestel 'n uitstekende digbundel deur BOERIUS
    Volledige besonderhede hier:

    Gietoffers van my Siel


    _________________

    Hierdie e-posadres word van Spambotte beskerm. Jy moet JavaScript ontsper om dit te lees.

     
  •  

    DIE CHARISMATIESE GEVAAR
    Mense word so maklik deur dwaalleringe mislei. In hierdie boek word talle kwelvrae beantwoord.

VERGADERING-

PROSEDURES

(GRATIS)

Daar is min mense wat nog die waarde van 'n ordelike byeenkoms bedink en kan uitvoer. Sonder hierdie kennis en orde en gedissiplineerde toepassing daarvan sal 'n byeenkoms in wanorde verval en die doel van die vergadering nie bereik word nie. Die boekie kom handig te pas in alle omstandighede waar 'n vergadering van persone plaasvind, ongeag die sakelys of doel van die byeenkoms.

Klik hier om die boekie wat u op hoogte kan bring van korrekte vergaderingprosedures, gratis af te laai. Indien u van Windows 10 gebruik maak sal die inhoud outomaties onder die lêer "Downloads" geberg word en kan dit daar gehaal en gebêre word waar ookal dit maklik gevind kan word.

 

GRATIS E-BOEKE EN VERSBUNDELS OM AF TE LAAI:

 

As God volke aan hul eie lot oorlaat

Die waarheid oor ons volk en die Nuwe SA

Volksverraad geskryf deur adv. P.J. Pretorius

'n Oorblyfsel... deur genade alleen

Christen-Teokratiese Separatisme

Verse van Verset

Vreedsame Naasbestaan = Afsonderlike Ontwikkeling

No Ships in the Harbour

Ons heilsverhaal in die Ou Testament

Daniel

Evolusie - kan ek dit glo?

Petrus, die rots

Romeo en Juliet

Ester

Apokriewe - By modderpoele of suiwer fonteine?

Midsomernagdroom - Shakespeare in Afrikaans

Die Openbaring van Henog

Die Derde Tempel

Macbeth - Shakespeare in Afrikaans

Met ryperd en mauser

Goue strate het nie stof nie

Derdepoort

Die Laaste Pous

Josef

Rut

Drie Eeue van Onreg

Ons Geskiedenis

Engelse skandvlekke

Voortrekker-Pioniers in Oos-Transvaal

_______________

 

 

1919: VRYHEIDSDEPUTASIE KEER TERUG

1800: GRAAFF- REINETSE REBELLE GEVONNIS

1917: OOM JAPIE HELPMEKAAR

SKERP SLAGSPREUKE

(Lees die reeks by SKERP SLAGSPREUKE)

                                                                         __________________

 

AFRIKAANSE IDIOME EN GESEGDES

(Lees by AFRIKAANSE IDIOME EN GESEGDES - die hele reeks

                                                                         __________________                                                                  

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Besoekers aanlyn

Ons het 990 gaste aanlyn