NUUTSTE BYDRAES

HEMEL OF HEL? MAAK JOU KEUSE! (1)

Ds AE vd Berg

Lees reeks by HEMEL OF HEL? MAAK JOU KEUSE!

IS DAAR WERKLIK 'N HEL?

Skrif:  Luk.16:19-31

“En hy roep en sê: Vader Abraham, wees my barmhartig en stuur Lasarus, dat hy die punt van sy vinger in water kan insteek en my tong verkoel; want ek ly smarte in hierdie vlam”  (:24)

Daar is min woorde wonderliker as 'redding.'   Jy bevind jou bv. op ‘n skip wat sink en ‘n reddingsvaartuig daag ter elfder ure op.  Jy word in ‘n brandende gebou vasgekeer en ter nouer nood deur brandweerpersoneel gered.  Waarvan is jy gered?  Van ‘n gewisse dood.  Jy moes eintlik gesterf het, maar jy lewe - teen die verwagting in!

Wat is die wonderlikste redding denkbaar?  Om van die ewige dood gered te word.   Daar is drie tipes van dood. 
(i)  Die geestelike dood.  Dis as mense nie in ‘n lewende verhouding met Jesus staan nie en soos geestelike lyke is. 
(ii)  Die tydelike dood.  Dit gebeur as jy sterf en ‘n skeiding tussen liggaam en siel ontstaan. 
(iii)  Die ewige dood.  Dis as die band finaal met God verbreek word en die ongeredde mens vir ewig en altyd in die hel beland sonder enige omdraaikans.

Watter een is die wonderlikste redding?   Om van die ewige dood gered te word.  Dit gebeur as God my in sy genade uit die see van vernietiging red amper soos wat Jesus een stormnag vir Simon Petrus op die See van Galilea van gewisse verdrinking gered het.   God het Jesus soos ‘n brandweerman gestuur om ons van ‘n vlamme-ewigheid te red wat kortweg die hel genoem word.

Die hel – wat ‘n vreeslike woord!   Dit verwek vrees en afkeur by baie mense. Vrees omdat dit as die weersinswekkendste plek beskou word om in te wees en afkeur by diegene wat dit as die produk van ‘n siek verbeelding afmaak.   Dan is daar ook mense wat sinies daaroor lag en die hel as ‘n bangmaak-simbool beskou wat deur die ou Jode bedink is om mense te verhoed om verkeerd te leef.

Die hel is ‘n werklike plek net soos wat die hemel ‘n werklike plek is.  In Joh.14:1 sê Jesus vir sy dissipels dat Hy vir hulle plek gaan berei om vir ewig by Hom in die hemel te kan wees.  Dis ‘n belofte vir alle gelowiges.   Die hel is die plek vir diegene wat nie daar gaan wees nie.  Na jou dood gaan jy in een van die twee plekke wees!

Baie leraars preek nie oor die hel nie omdat hulle bang is dat dit mense kan ontstel.   Hoe durf ‘n leraar nalaat om mense oor die naderende oordeel te waarsku?  As leraars meer oor die ewige redding en ewige verderf preek, kan daar selfs minder misdaad wees!  Miskien kan die groot verval in Suid-Afrika ook teruggevoer word na die feit dat daar nie meer oor die hemel of die hel gepreek word nie!

Baie mense glo nie aan ‘n hel nie omdat dit nie met hulle idee van ‘n liefdevolle God strook nie.   Dit maak nie saak wat mense sê nie, die hel is en bly ‘n werklikheid!   Dis die ontstellendste feit van die lewe en die grootste vraagstuk waarmee ‘n ongelowige te kampe het totdat dit met sy bekering opgelos word.

Andersyds is daar min Bybelse leerstellings wat onverskilliges al so tot hul sinne gebring het soos die leer oor die hel.   Vrees vir die dood en die hel het menige sondaar van sy verkeerde pad laat wegswaai en aan die voet van die kruis gebring.  Desondanks moet geen mens hom bekeer omdat hy bang is vir die hel nie.

Ek wil nie met vreesprediking u in die hemel probeer indwing nie.  Ek preek nie oor die hel omdat ek dit geniet nie, maar omdat Jesus daaroor gepraat het.  Ek wil u enersyds waarsku om nie daar te beland nie.   Andersyds wil ek u ook bemoedig met die woorde van Christus aan die gemeente in Smirna: “.....Wees getrou tot die dood toe, en Ek sal jou die kroon van die lewe gee” (Openb.2:10).

Mense is lief om mekaar bang te maak.  Ja, selfs om vrees vir die hel onder mekaar aan te wakker!   Die filosoof Dante (geb.1265) het bv. in sy verbeeldingryke boek Inferno ‘n vreesaanjaende hel van rooi duiwels met drietandvurke in ‘n vuuroond beskryf.   Mense wat die boek gelees het, was amper te bang om te gaan slaap!   Ja, ongelowiges weet maar al te goed van die hel en hulle sidder vir die oordeel!

Vir baie is die hel nie ‘n werklikheid nie, maar ‘n spreekwyse.  Iemand sal bv. sê: “My huwelik is hel!” of: “Hy het my hel op aarde gegee”  Baie mense meen dat hulle geen hel in die hiernamaals sal smaak omdat hulle dit alreeds op aarde ervaar het.  Wat ‘n onaangename verrassing wag daar nie op hulle nie!

Is daar werklik ‘n hel?   Wat sê kerke?  Talle staan deesdae skepties daaroor, veral van die ontspoorde kerke.   Nie lank gelede nie was daar in ‘n NG Kerk Sinode ‘n hewige debat daaroor wat selfs die koerantopskrifte gehaal het.   Etlike teoloë glo nie meer aan ‘n hel nie!

Wat glo u?  Ek het vir u goeie en slegte nuus.  Die slegte nuus is dat daar wel ‘n hel is.   Die goeie nuus is dat gelowiges nie daarin beland nie!  “Al wat die Vader My gee, sal na My toe kom; en Ek sal hom wat na My toe kom, nooit uitwerp nie” (Joh.6:37).   Uitwerp hou met die hel verband.  In die gelykenis van die talente sê die teleurgestelde werkgewer: “En werp die nuttelose dienskneg uit in die buitenste duisternis...” (Mt.25:30).  Die kind van God het die heerlike versekering dat dit nie met hom sal gebeur nie.   In Jesus Christus word hy van ‘n ewige hel gered!

Maar waarvan word ons eintlik gered?   Van God se toorn.   Sonde maak God kwaad!   Ons het oortree en moet boet.  Dit word nie sito-sito oorgesien nie.  God se heiligheid en geregtigheid laat dit nie toe nie net soos ‘n regter ‘n misdadiger nie oorsien nie omdat die wet straf vereis.   Dis geen vreemde gedagte nie.  Bybel is vol daarvan. “Want die dag van die Here is naby oor al die nasies; soos jy gedoen het, sal aan jou gedoen word, jou daad sal op jou hoof neerkom” (Obad 1:15).  In sy profesie teen Babel skryf Jeremia: “Vergeld hom na sy werk, doen met hom net soos hy gedoen het, want hy was vermetel teen die Here....” (Jer.50:29).

Oor een ding moet ons nooit bedenkinge hê nie nl. dat daar wel ‘n hel is en dat ‘n oordeelsdag in aantog is.   Dis nie verbeelding of ‘n gogga-maak-vir-baba-bang storie nie; dis ‘n werklikheid!   Die vraag wat ons onsself moet afvra, is: Is ek van God se toorn gered?  Wie nie daarvan gered is nie, het die grootste probleem denkbaar!

Ten spyte daarvan dat alles in die lewe van tydelikheid getuig, dink mense nie graag aan ewige dinge nie.   Miskien is dit een van die groot redes waarom dit so sleg met die mensdom gaan.  Die mens het, soos die ryk man van Luk.16 sy ewigheidbesef verloor.   Hy is op die hier en die nou ingestel, en dit maak hom geestelik stiksienig.

Kyk ‘n bietjie rondom jou.  Alles is tydelik.  Die lewe is soos ‘n eindelose begraafplaas.  Geslagte kom en geslagte gaan.  Vandag staan ons by die graf van ons ouers, môre staan ons kinders by ons s’n.  Al wat ewig is, is God die lewe hierna. “Want duisend jaar is in u oë soos die dag van gister as dit verbyskiet...(Ps.90:4).

Vir die deursnee mens is die ewigheid iets baie ver in die toekoms en nie iets om hom nou oor te bekommer nie.  Dis onduidelik, onbepaalbaar, onverstaanbaar, vaag.   Hy besef nie dat dit wat van hom ‘n unieke mens maak, slegs met ‘n nietige naelstring van sy asem aan ‘n bewustelike bestaan gekoppel is nie!   Die ewigheid kan enige sekonde vir hom aanbreek.  Net ‘n dwaas is, soos die ryk man in Luk.16, nie op die ewigheid voorberei nie.

Ons is vir ‘n kort proefperiode op die aarde.  Ons word hier getoets of ons reg is vir die hemel of nie.  Gelowiges is burgers van die ewigheid wat deur die bekering vrede met God gevind het en daarna uitsien om die ewigheid saam met Hom in die hemel deur te bring.  Ofskoon ons op die aarde is, het ons geen vaste verblyfplek hier nie.  Ons is, soos Ps.119:19 sê vreemdelinge op die aarde.

Ek het onlangs van ‘n mooi grafskrif gehoor.  Die oorledene was lief gewees om te reis.  Op sy graf verskyn die volgende woorde: “Ek was ‘n reisiger op aarde.  Die reis is verby en ek is terug!”

Die verhaal word vertel van ‘n koning wat dikwels neerslagtig geraak het.  Om hom op te beur, is ‘n hanswors aangestel wat ‘n vertroueling van die koning geword het.   Eendag het die koning ‘n goue muntstuk aan hom gegee met die opdrag: “Gaan deur my hele koninkryk.  En as jy ‘n groter gek as jyself vind, gee dit vir hom”   Die man het lank deur die koninkryk gereis, maar geen groter gek as hyself gevind nie.   Op ‘n dag het die koning baie siek geword en die hanswors laat kom. “Ek gaan op ‘n baie lang reis waarvandaan ek nie gaan terugkeer nie”  het hy vir hom gesê.  Toe vra die hanswors: “Het u vir diè reis gereed gemaak?”  Die koning het sy kop geskud: “Nee, ek het nie”, waarop die hanswors vir hom die goue muntstuk gee omdat hy ‘n groter gek as hyself gevind het!

Luk.16 vertel ook van ‘n man wat nie vir die onafwendbare reis in sy lewe reggemaak het nie.  Hy het soos die koning geleef - asof daar nooit ‘n einde aan sy lewe sou kom nie en eers tot sy sinne gekom toe dit te laat was om sy saak met die Here reg te maak.  Moenie dieselfde fout maak nie!

Opsoek na inligting?

  • BYBEL 1933/53-druk nou gratis

    Gelofteland is dankbaar om aan al ons lesers die 1933/53-uitgawe van die Bybel gratis te voorsien. Al wat u hoef te doen is om 'n e-pos na

    Hierdie e-posadres word van Spambotte beskerm. Jy moet JavaScript ontsper om dit te lees.

    te stuur met die versoek om die Bybel te ontvang, en ons sal dit aan u stuur.

     

    _____________________

     

     Laserskywe in stelle van 10 te koop

    VRYHEIDSBEDIENING

    Ds. Andre van den Berg werk sedert November 1990 weekliks met volksgenote in die gevangenis in Pretoria-Sentraal. Hy bied ʼn reeks laserskywe teen R200 (posgeld uitgesluit) per stel van 10 aan. Die opbrengs van hierdie verkope gaan vir Gevangenisbediening.

    Dit handel oor aktuele onderwerpe soos:

    1. Die lewe hiernamaals.
    2. Word verantwoordelik oud.
    3. Die pad na die ewigheid.
    4. Bied beproewing die hoof.
    5. Raad vir tieners.
    6. Gelowige kinderopvoeding.
    7. Oorwin depressie.
    8. Kikker jou huwelik op .
    9. Alle mense is nie gelyk nie.
    10. Homoseksualisme - ʼn gruwel vir God.

    Bestel by:

    E-pos: Hierdie e-posadres word van Spambotte beskerm. Jy moet JavaScript ontsper om dit te lees.

    Sel: 074 967 5187

    Bankbesonderhede:

    ABSA

    VRYHEIDSBEDIENING

    9062088855

    _______________

     

    Skryf in vir die gratis e-blad OORSIG EN REPLIEK

    'n Blad wat dmv verduidelikende agtergrond by die kern van ons volk se
    stryd uitkom.

    Kontak die redakteur by

    Hierdie e-posadres word van Spambotte beskerm. Jy moet JavaScript ontsper om dit te lees.

    Lees ons gereelde uittreksels daaruit hier op Gelofteland by OORSIG EN REPLIEK

    __________
     
    DIE HISTORIESE KOMPAS
    _________ 
     
    BOEKRESENSIE:

    Die Legkaart van ons Lewe – ‘n Boodskap van Hoop

    Lees meer oor dié getuienis by:

    DIE LEGKAART VAN ONS LEWE

    __________

    BOEKRESENSIE:

    DIE VOLMAAKTE REPUBLIEK – Christen-Teokratiese Separatisme

    Suid-Afrika verkeer tans in 'n kommerwekkende toestand omdat mense se kennis oor die Bybel en die Staat so verwater het dat land en volk as gevolg hiervan ten gronde gaan.

    Hierdie boek uit die pen van ds AE van den Berg, het in gedrukte vorm verskyn.  Dit bring helder perspektief oor rasseverskille en natuurlike skeiding wat sal lei tot die herstel van Suid-Afrika. Die land het 'n dringende behoefte wat landsburgers van geestelike denke sal laat verander en van onregte en gewaande vryheid sal bevry.

    Sinvolle besluite in die lig van God se Woord, en onophoudelik gebed dat bevryding spoedig verwesenlik word, is noodsaaklik. Politiek is erns en harde werk wat wet en orde handhaaf en durf nie in eerlose hande gelaat te word nie. God is 'n God van orde, en mense word aangemoedig om die koninkryk van God eerste te stel.

    U kan hierdie boek bestel by ds A E van den Berg

    Tel: 074 967 5187  of by

    vryheidsbediening

    @gmail.com

    Prys: R50-00

     
  •                                                                        ______________

     

    BOEKE TE KOOP

    ‘n Nuwe Trek: Terug na u God

    Die Oerteks van die lotsbepalende 1838-Gelofte

    J L du Toit & dr L du Toit

    'n Bundel oor die bronne vir die 1838-Gelofte is nou ook by Exclusive Books in Suid-Afrika beskikbaar: 

    Alhoewel die nuutste prys op Exclusive Books se netwerf tans R191 per boek is kan u dit vir so min as R60 per boek direk by Hierdie e-posadres word van Spambotte beskerm. Jy moet JavaScript ontsper om dit te lees.. bestel.

    Lees meer by: 'N NUWE TREK: TERUG NA GOD

    _______________

    ONDERSTEUN U VOLKSGENOTE IN DIE GEVANGENIS

    Wil u meer oor aktuele onderwerpe lees of vir iemand 'n besondere geskenk gee? Goeie voornemens;  Dink reg, leef reg; Moenie bekommer nie; Leuens; Woestyngedagtes, en Niks ontbreek nie, is van die aktuele onderwerpe wat in twee besondere preekbundels behandel word. Vir slegs R60 elk of R100 vir beide kan u 'n waardevolle bydrae maak vir u volksgenote in die gevangenis. Ondersteun hulle asseblief en bestel nou hierdie preekbundels by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

                                                                           ________________

     

    GOD PRAAT MET DIE BOEREVOLK – DEEL 2

    Hierdie bundel, net soos deel I, is saamgestel uit twintig van die beste boodskappe wat sterk op ons volkslewe gerig is. Die inhoud bestaan uit aktuele onderwerpe wat die daaglikse lewe van elke Christen raak. Die koste beloop slegs R60 (posgeld uitgesluit) en is 'n uitstekende geskenk vir die regte persoon. Die inkomste gaan in geheel aan gevangenisdiens vir ons volksgenote.
    Plaas u bestelling per e-pos by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

    of skakel hom by 074 967 5187

    ________________

    Bestel 'n uitstekende digbundel deur BOERIUS
    Volledige besonderhede hier:

    Gietoffers van my Siel


    _________________

    Hierdie e-posadres word van Spambotte beskerm. Jy moet JavaScript ontsper om dit te lees.

     
  •  

    DIE CHARISMATIESE GEVAAR
    Mense word so maklik deur dwaalleringe mislei. In hierdie boek word talle kwelvrae beantwoord.

VERGADERING-

PROSEDURES

(GRATIS)

Daar is min mense wat nog die waarde van 'n ordelike byeenkoms bedink en kan uitvoer. Sonder hierdie kennis en orde en gedissiplineerde toepassing daarvan sal 'n byeenkoms in wanorde verval en die doel van die vergadering nie bereik word nie. Die boekie kom handig te pas in alle omstandighede waar 'n vergadering van persone plaasvind, ongeag die sakelys of doel van die byeenkoms.

Klik hier om die boekie wat u op hoogte kan bring van korrekte vergaderingprosedures, gratis af te laai. Indien u van Windows 10 gebruik maak sal die inhoud outomaties onder die lêer "Downloads" geberg word en kan dit daar gehaal en gebêre word waar ookal dit maklik gevind kan word.

 

GRATIS E-BOEKE EN VERSBUNDELS OM AF TE LAAI:

 

As God volke aan hul eie lot oorlaat

Die waarheid oor ons volk en die Nuwe SA

Volksverraad geskryf deur adv. P.J. Pretorius

'n Oorblyfsel... deur genade alleen

Christen-Teokratiese Separatisme

Verse van Verset

Vreedsame Naasbestaan = Afsonderlike Ontwikkeling

No Ships in the Harbour

Ons heilsverhaal in die Ou Testament

Daniel

Evolusie - kan ek dit glo?

Petrus, die rots

Romeo en Juliet

Ester

Apokriewe - By modderpoele of suiwer fonteine?

Midsomernagdroom - Shakespeare in Afrikaans

Die Openbaring van Henog

Die Derde Tempel

Macbeth - Shakespeare in Afrikaans

Met ryperd en mauser

Goue strate het nie stof nie

Derdepoort

Die Laaste Pous

Josef

Rut

Drie Eeue van Onreg

Ons Geskiedenis

Engelse skandvlekke

Voortrekker-Pioniers in Oos-Transvaal

_______________

 

 

1919: VRYHEIDSDEPUTASIE KEER TERUG

1800: GRAAFF- REINETSE REBELLE GEVONNIS

1917: OOM JAPIE HELPMEKAAR

SKERP SLAGSPREUKE

(Lees die reeks by SKERP SLAGSPREUKE)

                                                                         __________________

 

AFRIKAANSE IDIOME EN GESEGDES

(Lees by AFRIKAANSE IDIOME EN GESEGDES - die hele reeks

                                                                         __________________                                                                  

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Besoekers aanlyn

Ons het 707 gaste aanlyn