Nuutste bydraes

GEDAGTES VIR ELKE DAG

Of lees almal by Gedagtes vir elke dag

Al voel dit ook vir jou asof die lewe jou breek om nooit weer op te staan nie, moet jy weet dat God in staat is om jou bokant al jou ellendes te laat uitstyg.

GEVANGENIS- BEDIENING

Ds Andrè vd Berg

Mt.25:31-46

En wanneer het ons U siek gesien of in die gevangenis, en na U gekom? En die Koning sal antwoord en vir hulle sê: Voorwaar Ek sê vir julle, vir sover julle dit gedoen het aan een van die geringstes van hierdie broeders van My, het julle dit aan My gedoen”(Mt.25:39,40).

Wat is jou motor werd? Daar is ʼn boekie wat motorwaardes aangee en ʼn bedrag bepaal kan word.  

Wat is jou huis werd? Benewens die munisipale waardasie kan ʼn eiendomswaardeerder dit ook vir versekeringdoeleindes vasstel. So het alles wat ons besit waarde. Dit kan nagevors en bepaal word.

Wat is jou vryheid vir jou werd? Jy weet nie, totdat jy dit verloor het! Dis soos gesondheid - jy weet nie wat dit vir jou werd is alvorens jy dit eenmaal verloor en dit baie meer waardeer nie. Ja, wanneer die put droog is, besef ’n mens eers die waarde van water. Dis dieselfde met vryheid.

Maar hoe verloor ʼn mens jou fisieke vryheid? Wanneer jy tronk toe gaan. En dit gebeur maklik! Ek werk al vir 27 jaar met gevangenes en die meeste sê vir jou dat hulle nooit kon droom hulle in ʼn tronk sou beland nie. Maar hulle het!

Die tronkdeure staan vir enigeen oop. Ek het al verskeie beroepsmense in die tronk bedien – ʼn landdros, ‘n skoolhoof, prokureurs, tandartse, mediese dokters, lektore, skoolsielkundiges, burgemeesters, politici, pastore en selfs ʼn gewese NG leraar van Pretoria. Niemand is te goed om nie te val nie. Paulus waarsku: “Daarom, wie meen dat hy staan, moet oppas dat hy nie val nie” (1 Kor.10:12).

Gelowiges moet wetsgehoorsaam leef. Dis God se wil, want as ons die aardse wette verbreek, hoe kan ons die hemelse wette gehoorsaam? Nogtans gebeur dit dat mense die wet verbreek en beboet of tronkstraf opgelê word. En dit gebeur dikwels in ʼn oomblik van waansin.

ʼn Senior lektor in Landbou aan Tukkies wat sy vrou weens egbreuk doodgeskiet het, vertel dat dit op daardie oomblik swart om hom geword het. Dis ʼn oomblik van waansin! Dis nie net slegte, brutale mense wat moord pleeg nie, maar ook doodgewone mense wat net vir ʼn oomblik kop verloor het.

Wat ervaar iemand wat in die tronk beland? Berou, verwerping, magteloosheid, frustrasie! Jy kan vir jou geliefdes daarbuite niks doen nie. Hulle kry swaar en jy wil hulle graag help, maar jou arms strek net sover as die tralies jou toelaat en niks verder nie. Dis ʼn onbeskryflike magteloosheid!

As ʼn persoon tronkstraf opgelê word, dien sy naasbestaandes dit as’t ware saam met hom uit. Hulle kry swaar en moet ander mense vir hulp en onderhoud in die oë kyk. En die stigma wat aan so ʼn gesin kleef, is soos ʼn merk van Kain. Almal kry swaar – gevangenes, vrouens, kinders en ander gesinslede.

Die gevangene kry uiteraard die swaarste. Hy het oortree, hy moes van beter geweet het, hy het sy gesin in die penarie laat beland, hy, hy, hy! En die grootste seer van almal – hy het God bedroef; ʼn ontsettende berou.

Ek wil hê dat u vanoggend iets van hulle berou saam met my beleef. As ek vir hulle elke Maandagoggend diens hou, sing hulle graag die volgende liedere:

“Straf tog nie in ongenade my misdade, Heer, verdra my met geduld. Wil tog nie in toorn ontbreek nie en U wreek nie op my sonde en sondeskuld. Ver van my, uit diep mishae vir my plae, het my vriende weggegaan. Selfs verwante wil nie bly nie naby my nie, maar hul staar van ver my aan. Wil my Heer, in hierdie lewe nie begewe; wees nie ver van my gebed! Hoor die roepstem van ʼn lyder, o Bevryder wat my altyd uit wou red”(Beryming Ps.38:1,10,17).

“Uit dieptes, gans verlore, van redding ver vandaan, waar hoop se laaste spore in wanhoop my vergaan; uit diep van donker nagte roep ek, o Here, hoor, en laat my jammerklagte tog opklim in u oor! (Beryming Ps.130:1).

“Liefdevolle Hemelvader tot U nader ek met diep verslae hart. Troos my tog in al my lyding; gee bevryding uit my angste nood en smart.   Gee my lig in donker dae, ook waar vrae dikwels nog my hart laat beef. Laat my volg u Gees se leiding tot bevryding - van die kwaad wat in my leef”(Beryming Ges.310:1,3).

Gevangenisbearbeiding is egte Evangelisasie. Die APK onderskei as volg tussen Sending en Evangelisasie:

  • Sending is die bring van die Evangelie aan diegene wat nog nooit van Jesus gehoor het nie.
  • Evangelisasie is die bring van die Evangelie aan hulle wat nie meer van Christus wil hoor nie – kerklosse, kerklose en ongeërgde mense.

Baie van diegene wat in die tronk beland en my dienste bywoon, erken dat hulle jare laas in ʼn kerk was. Van hulle kom ook in die tronk tot bekering. In 1991 bid ʼn gevangene, seun van ʼn NG predikant as volg: “Dankie Here, dat ek in hierdie plek beland het anders sou Ek U nooit as my Verlosser en Saligmaker leer ken het nie!

Só het ʼn gewese burgemeester ook sy hart aan die Here gegee. ʼn Mens se verleentheid is so dikwels God se geleentheid!

Die tronk is nie net droefheid nie – daar is ook humor. By geleentheid het ek vir Lood van Schalkwyk, ʼn ouer man in die gevangenis, bedien. Hy is ook in die tronk oorlede. Ek het sy begrafnis waargeneem. ʼn Tyd daarna vra een van die outjies in my groep my waarom Lood in die tronk beland het. Ek vertel hom toe dat Lood vir ʼn jong Kommunistiese Jood in Pietermaritzburg ʼn rekenaar met plofstof daarin gestuur het. “O, nou verstaan ek!” het die outjie gesê, “Toe die Jood enter toe exit hy!” So is daar baie grappige staaltjies wat ek met u kon deel as ons die tyd daarvoor gehad het.

Tronkstraf kan ook positief aangewend word. Talle gevangenes maak van die geleentheid gebruik om hul matriek te skryf, ʼn graad te verwerf of vir ʼn ambag te bekwaam. My loodgieter was bv. 23 jaar in die tronk en het homself daar bekwaam. Die lektor wat sy vrou doodgeskiet het, het sy doktorsgraad in sitiologie in die tronk klaargemaak.  Ek ken ook ʼn aspirant APK predikant wat sy doktorsgraad in die tronk voltooi en selfs met lof geslaag het. Daar is vir almal ʼn kans om te verbeter.   Desondanks is en bly die tronk ʼn plek waar niemand wil wees nie.

Die grootste probleem met gevangenskap is nie dat jy net jou vryheid verloor nie, maar so maklik ook jou menswaardigheid. Daar gaan bitter lelike dinge in tronke aan waarteen wal gegooi en die Here om krag gebid moet word.

Daarom is dit belangrik dat ons hierdie mense nie in ons gebede en waar moontlik ook nie in besoeke vergeet nie. Mense is soms baie veroordelend en sê: “Dis net sy eie skuld dat hy sit waar hy nou sit!” Dis waar, maar dit kon net sowel die een wat veroordeel gewees het, en dan?!

Dis maklik om te veroordeel, maar saliger om meegevoel te toon. Daarom roep Jesus ons in Mt.25 tot medelye op. Wie dit aan noodlydendes betoon, doen dit in effek ook aan Hom: “Voorwaar Ek sê vir julle, vir sover julle dit gedoen het aan een van die geringstes van hierdie broeders van My, het julle dit aan My gedoen”.

ʼn Tyd gelede lees ek van ʼn gelowige weduwee wat net voor Kersfees gebid het dat die Here Kersdag by haar moes kom eet. Hy stem toe in en sy berei ʼn heerlike maaltyd vir twee. Op Kersdag is daar ʼn klop aan haar deur en daarstaan ʼn uitgehongerde bedelares. Die weduwee nooi haar maar tafel toe en sy eet feitlik alles op. Gou maak die weduwee die laaste kos in haar huis gaar.

Net daarna is daar weer ʼn klop aan die deur – dié keer ʼn verhongerde ou man en sy laat hom ook maar eet.

Met ʼn paar stukke kosbare stukke silwerware gaan sy na die pandjieswinkel om geld vir nog kos te kry. Na nog ʼn poging is daar weer ʼn klop aan die deur – dié keer ʼn honger ou sendeling wat sy jare laas gesien het. En daar eet hy die kos weer op.

Toe sy daardie aand gaan lê, bid sy en vra God waarom Hy nie gekom het soos Hy beloof het nie?   Hy antwoord haar: “My kind, Ek het drie maal vandag by jou kom eet!”Hoe helder klink Jesus se woorde nie! “ ...vir sover julle dit gedoen het aan een van die geringstes van hierdie broeders van My, het julle dit aan My gedoen”. Die Bybel sê dat hy wat ʼn ander liefhet, die Wet vervul; ʼn wet wat liefde tot God en tot die naaste eis.

Jare gelede is Watchman Nee, ʼn Chinese gelowige, vir sy geloof in ʼn tronk waar dit bitter koud word toegesluit en sien hy tot sy ontsteltenis dat van sy medegelowiges in die tronk mekaar nie eens ʼn kombers gun nie. Hy skryf toe ʼn boek: If that were Christ, would you give Him your blanket?   Godsdienstigheid sonder meegevoel is huigelary!

Daar is baie van ons volksgenote in die tronk. Moet hulle nie vergeet nie. Bid vir hulle en hul geliefdes by die huis.   Vryheid is nie iets wat ons toekom nie. Dis ʼn genadegawe uit God se hand. Was dit nie vir hierdie genade nie, het u vanoggend nie in ʼn kerk gesit nie, maar iewers in ʼn tronk!

U soek na?

  • HOU VAKANSIE IN MOSSELBAAI !

    Baie netjiese vakansie-akkommodasie in Fraai Uitsig, Kleinbrakrivier, Mosselbaai Munisipaliteit. Twee kilometer vanaf Kleinbrak en Tergniet se swemstrande en ongeveer 10 kilometer vanaf Hartenbosch. Pick n Pay binne loopafstand.
    Kliek hier vir volledige inligting en foto's: OPSOEK NA BEHUISING VIR VAKANSIE?
     
    __________
     
    DIE HISTORIESE KOMPAS
    _________
     
    SKAARS BOEKE TE KOOP
    C J LANGENHOVEN 16 VOLUMES
    FAK-SANGBUNDEL 1 VOLUME
    Hierdie 16 volume Langenhoven-stel is 'n goedopgepaste kosbare versamelstuk. Dit beslaan die volledige inhoud van Langenhoven se bundels soos Sonde met die Bure; Loeloeraai; Herrie op die ou Tremspoor; Doppers en Filistyne; en al die kosbare stories uit die pen van Langenhoven.
    Die FAK-sangbundel is ook in goeie toestand en kan saam of apart van die Langenhovenstel gekoop word.
    Eienaar moet na 'n kleiner woonplek verhuis en vra 'n redelike aanbod vir sy boeke.
    Die aanbevole waardasieprys vir die Langenhovenstel is R1600.00; en vir die FAK R100.00
    Koerierkoste sal bykomend wees.
    Kontak

    Chris Carstens

    Sel no 082 954 3383

    Epos adres

    chris.carstens

    @vodamail.co.za

    ___________
    DIGBUNDELS:
      'n Versameling van 4 elektroniese bundels - 226 gedigte @R350.00:  
    Vir alle navrae  skryf aan 
    Amanda
    @waterstrome.co.za
    Uittreksel uit:
    'n Nasie in Pyn:
    ...Saam sal die hele wêreld vir hulle bid.
    Saam sal ons met pyn in ons harte sit.
    Mag hulle berus in u wil
    Mag hulle voor U verstil.
    _________
     
    BOEKRESENSIE:

    Die Legkaart van ons Lewe – ‘n Boodskap van Hoop

    Lees meer oor dié getuienis by:

    DIE LEGKAART VAN ONS LEWE

    __________

    BOEKRESENSIE:

    DIE VOLMAAKTE REPUBLIEK – Christen-Teokratiese Separatisme

    'n Boek getiteld DIE VOLMAAKTE REPUBLIEK - Christen Teokratiese Separatisme, uit die pen van ds AE van den Berg, het  in gedrukte vorm verskyn. 
    Suid-Afrika verkeer tans in 'n kommerwekkende toestand omdat mense se kennis oor die Bybel en die Staat so verwater het dat land en volk as gevolg hiervan ten gronde gaan.  
    DIE
    VOLMAAKTE REPUBLIEK - Christen Teokratiese Separatisme, bring helder perspektief oor rasseverskille en die natuurlike skeiding van rasse wat sal lei tot die herstel van Suid-Afrika. Die land het 'n dringende behoefte aan geestelike transformasie wat landsburgers van denkrigting sal laat verander en van al die sogenaamde polities-korrekte onregte en gewaande vryheid waarmee hulle belas word, sal bevry.
    Lesers word aangemoedig om hulle daadwerklik vir 'n Christen-teokrasie in 'n volmaakte republiek te beywer deur sinvolle besluite te neem in die lig van God se Woord, en onophoudelik te bid dat dit spoedig hier aan die suidpunt van Afrika verwesenlik word. Politiek is 'n saak van erns en harde werk waardeur wet en orde gehandhaaf word en durf nie in eerlose hande gelaat word nie. God is 'n God van orde, en mense word aangemoedig om die koninkryk van God eerste te stel, iets wat op staatkundige gebied slegs in 'n Christen-teokratiese bestel tot sy reg sal kom.

     

    U kan hierdie boek bestel by
    ds AE van den Berg
    Tel: 074 967 5187  of by

    vryheidsbediening

    @gmail.com
    Prys: R50-00

     
  • BOEKE TE KOOP

    ‘n Nuwe Trek: Terug na u God

    Die Oerteks van die lotsbepalende 1838-Gelofte

    J L du Toit & dr L du Toit

    ('n Bundel oor die bronne vir die 1838-Gelofte is nou ook by Exclusive Books in Suid-Afrika beskikbaar: 'n Nuwe Trek (Exclusive Books) Prys: ZAR180

    Alhoewel die nuutste prys op Exclusive Books se netwerf tans R191 per boek is by http://tinyurl.com/lx9vrs8

    ... en loot.co.za dit verkoop teen R169 http://tinyurl.com/l26h6jl

    ... kan u dit vir so min as R60 per boek direk by Hierdie e-posadres word van Spambotte beskerm. Jy moet JavaScript ontsper om dit te lees.. bestel.

    Lees meer by: 'N NUWE TREK: TERUG NA GOD


    ONDERSTEUN U VOLKSGENOTE IN DIE GEVANGENIS

    JULIE 2013

    Wil u meer oor aktuele onderwerpe lees of vir iemand 'n besondere geskenk gee? Goeie voornemens;  Dink reg, leef reg; Moenie bekommer nie; Leuens; Woestyngedagtes, en Niks ontbreek nie, is van die aktuele onderwerpe wat in twee besondere preekbundels behandel word. Vir slegs R60 elk of R100 vir beide kan u 'n waardevolle bydrae maak vir u volksgenote in die gevangenis. Ondersteun hulle asseblief en bestel nou hierdie preekbundels by ds Andrè van den Berg by Hierdie e-posadres word van Spambotte beskerm. Jy moet JavaScript ontsper om dit te lees. 

    GOD PRAAT MET DIE BOEREVOLK – DEEL 2 NOU BESKIKBAAR

    Hierdie bundel, net soos deel I, is saamgestel uit twintig van die beste boodskappe wat sterk op ons volkslewe gerig is. Die inhoud bestaan uit aktuele onderwerpe wat die daaglikse lewe van elke Christen raak. Die koste beloop slegs R60 (posgeld uitgesluit) en is 'n uitstekende geskenk vir die regte persoon. Die inkomste gaan in geheel aan gevangenisdiens vir ons volksgenote.
    Plaas u bestelling per e-pos by ds Andrè van den Berg by Hierdie e-posadres word van Spambotte beskerm. Jy moet JavaScript ontsper om dit te lees.
    of skakel hom by
    074 967 5187


    Bestel 'n uitstekende digbundel deur BOERIUS
    Volledige besonderhede hier:

    Gietoffers van my Siel


    Hierdie e-posadres word van Spambotte beskerm. Jy moet JavaScript ontsper om dit te lees.

     
  • Kliek op DIE CHARISMATIESE GEVAAR om meer oor hierdie boek te wete te kom Lees verder...  
  • FILM OOR DR HF VERWOERD

    Kyk by hierdie skakel http://youtu.be/TcO3zPF8998

      na die kort film oor dr HF Verwoerd.   
    Dit kan ook direk bestel word by Riaan: +27823712682 of by Hierdie e-posadres word van Spambotte beskerm. Jy moet JavaScript ontsper om dit te lees.

     
     

SKERP SLAGSPREUKE

(Lees die reeks by SKERP SLAGSPREUKE)

 

'N BIETJIE LANGENHOVEN:

Ek sê nie al die suur mense is Fariseërs nie, maar naastenby al die Fariseërs is suur. In alle geval, solank hulle onthou om Fariseërs te wees. Want dis ook 'n inspanning.
Verbeel jou 'n wêreld sonder 'n skaterlag, sonder eens 'n glimlag. 'n Hemel op aarde, sal die Fariseër sê. Uit so 'n hemel sou ek wou wegloop hel toe.

Die man wat ek na soek, is nie dié wat die minste foute maak nie, maar dié wat die meeste foute régmaak.

Slaap laat solank as jy jou eie baas is en daar sal 'n tyd kom wanneer 'n 'n baas jou sal laat vroeg opstaan.

Ontydige vlyt is die merk van die luiaard. Dis sy verskoning vir ontydige rus.

Ons reken ons geluk vir ons loon en ons straf vir ons ongeluk.

Welvaart is die  dogter van matigheid en die moeder van weelde.

My swaarste pad trap ek self vir my plat, en die swaarste is die wat my voete nooit vat.

Daar is geen kuns by sukkel en geen sukkel by kuns.

Die boer wat nie saai nie sal nie misoeste kry nie, maar hy sal geen goeie ook kry nie.

Het die daeraad lief en die dag sal jóu liefhê.

'n Man wat werklik oor homself baas is, is nooit die kneg van 'n ander nie.

Dis die flukse perd wat flou word. Meer moeite as wat die vlytige het vir sy loon, het die luiaard verniet.

Op die ou end werk die vlytige man vir homself, die luiaard vir 'n ander.

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Kla net oor jou kooi as dit 'n ander is wat dit vir jou opgemaak het.

Hoe korter jy jou kuier maak, hoe gouer sal jy weer genooi word.

Om my naaste lief te hê is vir my 'n sware gebod. Met die mense daargunter kry ek dit nog op 'n manier reg.

Jy sê "ja" waar jy moes "nee" gesêhet omdat jy die ander nie wil aanstoot gee nie. Maar eken hoe het hy jou aanstoot gegee met sy versoek!

Aan 'n nuwe wa kan jy sien of dit 'n goeie skilder was; aan 'n oue of dit goeie wamaker was.

Trek liewer vir jou vriend jou broek uit as om vir hom vir 'n baadjie borg te staan. Anders loop julle naderhand albei nakend.

Die vriendskap wat jy moet koop is 'n duur artikel. Jy sal nie weer jou prys kry as jy dit van die hand wil sit nie.

Moenie vriendskap en besigheid meng nie – jy bederf albei.

'n Man wat nie vyande het nie deug nie vir 'n vriend nie.

Maak jou vriendelikheid goedkoop en hou jou vriendskap duur.

Moenie jou vriend vergeet nie; dit sal hom seermaak. Maak jou vyand daarmee seer.

'n Skare is 'n versameling van eensames.

Stuur die luiaard na die miere, en as hy nie te lui is om te gaan nie sal hy te lui wees om weer terug te kom.

Dis net so moeilik om maklikheid in die ou wêreld te kry as wat dit maklik is om moeilikheid te kry.

Waardeer die werk van jou vrou. Jy kan nie op die aarde 'n ander kneg kry vir dieselfde diens en dieselfde prys nie.

Met spaarsaamheid sal jy uit die kleinste inkomste iets oorhou; met verkwistery sal die grootste vir jou te min wees.

Besorg jou eie boodskap en reken die moeite teen dit wat die misverstand jou sou gekos het.

Het die ryk man nodig om so suinig te wees? Maar hy is nie 'n ryk man wat suinig geword het nie; hy is 'n suinige man wat ryk geword het.

Help jou swakke mededinger op die bene bly.  As hy tot niet gaan, kom daar dalk 'n sterke in sy plek.

AFRIKAANSE IDIOME EN GESEGDES (7)

(Lees die reeks by AFRIKAANSE IDIOME EN GESEGDES - die hele reeks

  • Die adderbyt van naberou is verskriklik (Naberou is ontstellend.)
  • Hy het hom in 'n addergebroedesel begewe (Hy was tussen 'n groep nydige, aanvallende mense.)
  • Sy het hom adieu toegeroep (Sy het vaarwel gesê.)
  • 'n Adres van adhesie is 'n geskrif waarin instemming betuig word met 'n versoek.
  • Jy is nou by die verkeerde adres (Jy soek die oorsaak van die kwaad by die verkeerde persoon.)
  • Dit was advokatery (Dit was regskundige uitoorlêery.)
  • Hy sal die werk weer afbroddel. (Hy sal knoeiwerk of slordige werk verrig.)
  • Sy wil elke takie afbrom (Sy kla die hele tyd terwyl sy werk.)
  • Jy kan nou maar afdans (Jy kan nou maar skoert.)
  • Moet hom nie op sy verdienste afdwing nie (Moet hom nie verkleineer nie.)
  • Die ou werkie draf ek gou af (Ek sal dit sommer gou afhandel.)
  • Hulle wil die rusie afdrink (Hulle wil vrede maak.)
  • Sy het soms baie affêrinkies (Sy is dikwels vol nukke en nonsens.)
  • Hy sal wel weer geld van haar affutsel (Hy sal dit op 'n oneerlike manier van haar kry.)
  • Daar kan niks van afgaan nie (Dit kan nie ontken word nie.)
  • Hy sal 'n afgehekste loesing kry ('n deeglike pak slae.)
  • Sy is 'n afgelekte meisie (Sy het al baie kêrels gehad.)
  • Jy lyk so afgesak (Jy lyk baie moeg.)
  • Hy het afgetop gelyk (Hy het verleë gelyk.)
  • As jy iets van hom wil hê sal jy dit moet afgoël (Hy is so suinig!)
  • So 'n afhaler is onnodig ('n Onnodige belediging.)
  • As dit afhang moet ons dit maar opbind (Skertsend wanneer iemand gedurig begin met "Dit hang af..."
  • Na elke partytjie is hy babalaas ( dan ly hy aan die gevolge van te veel alkohol).
  • Daar was 'n Babelse gegons van stemme (Almal het gelyktydig gepraat).
  • Dit was 'n Babelse verwarring (Dit was baie deurmekaar).
  • Hy sal weer mooi broodjies kom bak (Hy sal kom vlei en mooipraat om sy doel te bereik),
  • Hulle eet nie uit een bak nie (Hulle is nie vriende nie).
  • Sy het hom 'n bak gewys (Sy het hom onvriendelik tereggewys).
  • Gou by die bak maar lui by die vak (Hy is eerste daar waar iets te ete is maar traag as hy moet werk).
  • Hy maak sy hande bak (Hy kom bedel iets).
  • Ons moes bak staan (Ons moes hard werk).
  • Dit was sommer 'n bakerpraatjie (Dit was 'n skinderstorie).
  • Jerusalem is die bakermat van die Christelike Kerk ( Dis waar dit begin het. 'n Bakermat was 'n mandjie waarin die baker – die vrou wat 'n pasgebore baba versorg het – die kindjie op haar skoot voor die vuur versorg het).

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Besoekers aanlyn

Ons het 844 gaste aanlyn