NUUTSTE BYDRAES

Gedagtes vir elke dag

Of lees almal by Gedagtes vir elke dag

‘n Volk met ‘n gelowige leier is baie geseënd.   Sy gees is te edel om die volksvyand te bevoordeel en sy liefde vir sy volk te groot om hulle leed aan te doen.   So ‘n leier sterf in werklikheid nooit nie, maar bly vir altyd in die gees van sy volk voortleef.

AS DIE BOEMERANG TERUGKEER!

Ds Andrè vd Berg

Kyk, seuns is ʼn erfdeel van die Here; die vrug van die moederskoot is ʼn beloning. Soos pyle in die hand van ʼn held, so is die seuns van die jeug. Gelukkig is die man wat sy pylkoker daarmee gevul het!”(Ps.127:3-5).

En vaders, moenie julle kinders vertoorn nie, maar voed hulle op in die tug en vermaning van die Here” (Efes.6:4)                                          

Ps.127 is ʼn bedevaatslied van Salomo; die enigste wat in Psalms opgeneem is. Dis wysheidsliteratuur en leer ons om opreg te leef.   Ps.127 handel oor die oneindige vreugde en genoegdoening wat gelowige kinders hul ouers bied.

Van al God se gawes is ouerskap van die grootstes omdat kinders die enigste is wat ons hemeltoe kan vat; alle ander dinge word na ons dood op die aarde gelaat.   Daarom is min dinge belangriker as oueropvoeding. Dis egter nie maklik nie. Die lewe is soos ʼn boemerang; dit wat jy daarheen gooi, keer later na jou toe terug, soms met hartseer gevolge waarvoor net jyself te blameer is.

Probleemkinders het gewoonlik probleemouers. Hulle word nie so gebore nie, maar eerder so gemaak. Daarom steek die dorings van die bos wat ouers geplant het, altyd die seerste!

Min min dinge is tans so in Satan se spervuur as kinderopvoeding. Daarom lê die Bybel klem op ouers se geestelike versorging van hul kinders. Wie kinders sonder eerbied vir God en sy gebod opvoed, maak slim duiwels groot! Wie kinders geestelik reg opvoed, stuur eerbare mense die lewe in. As die fontein skoon is, sal die stroompies ook skoon wees. Giftige bronne het egter nooit vars stroompies nie.

Geestelike kinderopvoeding begin by ouers wat oor die sieleheil van hul kinders besorg is. Let op die treffende voorbeeld van Job:

“En elke keer as die dae van die maaltye om was, het Job gestuur en hulle geheilig. Dan maak Job die môre vroeg klaar en bring brandoffers vir elkeen van hulle; want Job het gedink: Miskien het my kinders gesondig en God in hulle hart geseën! So het Job altyd gedoen” (Job.1:6).

Gelowige ouers is padwysers na die hemel. Hulle maak daagliks deposito's in die geheue-bank van hul kinders. Onthou, kinders kyk baie krities na hul ouers. Ouers se lewens is die handboek waaruit kinders leer hoe om te leef. Kinders is soos ongeslypte diamante en ouers die slypers. As ouers kinders nie teleur stel nie, sal kinders ouers nie sommer teleur stel nie. Dit sny na twee kante.

ʼn Kind aanvaar God makliker as sy hemelse Vader as hy iets van God in sy eie vader se lewe sien. Geesteswaardes word egter nie aangeleer as hulle niks daarvan by hul ouers sien nie en onreg wat in ouerhuise gedy, word nie daarbuite reggestel nie. Jy kry nie heel eiers in onderstebo neste nie!

Kinders volg hul ouers se voorbeeld. Die appel val nie ver van die boom nie. Die verhaal word vertel van die man wat by die krap kom en hom vra waarom hy so skeef loop. “My pa loop skeef en my ma loop skeef. Waarom sal ek dan anders wil loop?” antwoord die krap hom.

Deut.6 onderstreep geestelik verantwoordelike oueropvoeding baie sterk:

“Hoor, Israel, die HERE onse God is ’n enige HERE. Daarom moet jy die HERE jou God liefhê met jou hele hart en met jou hele siel en met al jou krag. En hierdie woorde wat ek jou vandag beveel, moet in jou hart wees; en jy moet dit jou kinders inskerp en daaroor spreek as jy in jou huis sit en as jy op pad is en as jy gaan lê en as jy opstaan” (Deut.6:4-7).

Wie hul kinders laat doop, het ʼn verbondsverpligting teenoor God en beloof om hul kinders in die vrese van God op te voed. Hierdie belofte bly tot hul dood van krag en verval nie as so ʼn kind huis eendag die huis verlaat nie. Daarom is dit tragies as ouers van hul kinders toelaat om in ʼn fophuwelik saam te bly. Waar is die doopbelofte? Is dit dan nie ʼn skans teen sedeloosheid nie?

Ons gemeenskapslewe tel bitter vinnig spoed op - weg van Bybelse sedeleer. En dit begin by ouerhuise. Gebrekkige geestelike opvoeding baar gebrekkige sedes. Daarom word die gat in ons volk se morele osoonlaag al hoe groter. En kerke werk lustig saam! Van die 22 beskawings wat al tot ʼn val gekom en van die wêreldtoneel verdwyn het, het 19 weens sedelike verval verdwyn.

In meetkunde is ʼn reguit lyn die kortste afstand tussen twee punte. So ook in die sedelike lewe. Daar is nie ompaaie nie. Dis reguit! ʼn Sedelose lewe is soos ʼn gebuigde sleutel; dit sluit nie die slot van vreugde oop nie.

Ouers wat God’s water oor God’s akker laat loop is bang kinders beskou hulle as pretbederwers. Gevolglik het ouers wat te bang is om hul voet neer te sit, gewoonlik kinders wat op hul tone trap. Hulle vrees hul kinders meer as God.

Ouers het soms brille nodig om te sien wat onder hul neuse aangaan. Dink maar aan Eli: ”Maar die seuns van Eli was deugniete; hulle het die HERE nie erken nie. En die sonde van die jongmanne was baie groot voor die aangesig van die HERE, want die mense het die offer aan die HERE verag” (1 Sam.2:9).Was Eli werklik onbewus van hul booshede?“ ...Waarom doen julle sulke dinge, dat ek van hierdie hele volk julle slegte dinge moet hoor?” (1 Sam.2:22).

Eli was daarvan bewus, maar het niks daaraan gedoen nie. God het Eli daarvoor aanspreeklik gehou: “Waarom verag julle my slagoffer en my spysoffer wat Ek in my woning beveel het, en eer jy jou seuns meer as vir My ...” (1Sam.2:29).Mislukte kinderopvoeding stuur kinders hel toe!

In die vroeë 70er jare is Rodney Axe, ʼn 19 jarige jongman, weens moord ter dood veroordeel. Hy was die produk van mislukte oueropvoeding. Toe hy die doodstraf opgelê is, het regter Baker vir sy pa gesê: “Ek moes jóu na reg vandag ter dood veroordeel het!”Rodney was deel van ʼn bose kringloop.

Kinderopvoeding is soos ʼn aflosresies. ʼn Paar mense neem daaraan deel en gee die aflosstokkie vir mekaar aan. Dit verwissel van hande, maar die hele span wen. So ook met kinderopvoeding! Ouers gee die stokkie aan.

Ons volkslewe val uitmekaar. Die herstel van ons gesinslewe is al wat dit nog kan keer.   Ons moet by die kleinste gemene deler begin – die gesin - en keer wat verkeerd loop. Jy kan ʼn kers doodblaas, maar nie ʼn vuur nie.

Ouers is soos Moses. Alhoewel hy geweet het dat hy nooit die beloofde land sou binnegaan nie, het hy sy mense vir ʼn lewe voorberei wat hy self nie sou beleef nie. So is dit ook met ouers en hul kinders.

Kinders is die lewende boodskappe wat ouers die toekoms instuur vir ʼn tyd wat hulle self nie gaan beleef nie. Wees daarom versigtig om so besig te wees om vir jou kinders die stoflike dinge te gee wat jy as kind nie gehad het nie en in die proses vergeet om hulle die geestelike dinge wat jy wel gehad het, te gee!

Daar is vir ouers min dinge aangenamer as voorbeeldige, gelowige kinders. So ook vir grootouers. Dis soos ʼn aflosresies wat gewen word. Wie geestelike atlete nalaat, sterf eintlik nooit nie. Sulke ouers leef in hul nakomelinge se gedagte voort. Wie ergerlike kinders kweek, sterf in werklikheid voor hul dood.

Leer jou kinders reg en maak baie seker dat hulle Jesus as Verlosser ken en die Woord van God liefhet. Dit sal verhoed dat jy eendag met die uitgebrande as van wrede ontnugtering sit as daardie boemerang na jou toe terugkeer!

 

 

Opsoek na inligting?

  • BYBEL 1933/53-druk nou gratis

    Gelofteland is dankbaar om aan al ons lesers die 1933/53-uitgawe van die Bybel gratis te voorsien. Al wat u hoef te doen is om 'n e-pos na

    Hierdie e-posadres word van Spambotte beskerm. Jy moet JavaScript ontsper om dit te lees.

    te stuur met die versoek om die Bybel te ontvang, en ons sal dit aan u stuur.

     

    _____________________

     

     Laserskywe in stelle van 10 te koop

    VRYHEIDSBEDIENING

    Ds. Andre van den Berg werk sedert November 1990 weekliks met volksgenote in die gevangenis in Pretoria-Sentraal. Hy bied ʼn reeks laserskywe teen R200 (posgeld uitgesluit) per stel van 10 aan. Die opbrengs van hierdie verkope gaan vir Gevangenisbediening.

    Dit handel oor aktuele onderwerpe soos:

    1. Die lewe hiernamaals.
    2. Word verantwoordelik oud.
    3. Die pad na die ewigheid.
    4. Bied beproewing die hoof.
    5. Raad vir tieners.
    6. Gelowige kinderopvoeding.
    7. Oorwin depressie.
    8. Kikker jou huwelik op .
    9. Alle mense is nie gelyk nie.
    10. Homoseksualisme - ʼn gruwel vir God.

    Bestel by:

    E-pos: Hierdie e-posadres word van Spambotte beskerm. Jy moet JavaScript ontsper om dit te lees.

    Sel: 074 967 5187

    Bankbesonderhede:

    ABSA

    VRYHEIDSBEDIENING

    9062088855

    _______________

     

    Skryf in vir die gratis e-blad OORSIG EN REPLIEK

    'n Blad wat dmv verduidelikende agtergrond by die kern van ons volk se
    stryd uitkom.

    Kontak die redakteur by

    Hierdie e-posadres word van Spambotte beskerm. Jy moet JavaScript ontsper om dit te lees.

    Lees ons gereelde uittreksels daaruit hier op Gelofteland by OORSIG EN REPLIEK

    __________
     
    DIE HISTORIESE KOMPAS
    _________ 
     
    BOEKRESENSIE:

    Die Legkaart van ons Lewe – ‘n Boodskap van Hoop

    Lees meer oor dié getuienis by:

    DIE LEGKAART VAN ONS LEWE

    __________

    BOEKRESENSIE:

    DIE VOLMAAKTE REPUBLIEK – Christen-Teokratiese Separatisme

    Suid-Afrika verkeer tans in 'n kommerwekkende toestand omdat mense se kennis oor die Bybel en die Staat so verwater het dat land en volk as gevolg hiervan ten gronde gaan.

    Hierdie boek uit die pen van ds AE van den Berg, het in gedrukte vorm verskyn.  Dit bring helder perspektief oor rasseverskille en natuurlike skeiding wat sal lei tot die herstel van Suid-Afrika. Die land het 'n dringende behoefte wat landsburgers van geestelike denke sal laat verander en van onregte en gewaande vryheid sal bevry.

    Sinvolle besluite in die lig van God se Woord, en onophoudelik gebed dat bevryding spoedig verwesenlik word, is noodsaaklik. Politiek is erns en harde werk wat wet en orde handhaaf en durf nie in eerlose hande gelaat te word nie. God is 'n God van orde, en mense word aangemoedig om die koninkryk van God eerste te stel.

    U kan hierdie boek bestel by ds A E van den Berg

    Tel: 074 967 5187  of by

    vryheidsbediening

    @gmail.com

    Prys: R50-00

     
  •                                                                        ______________

     

    BOEKE TE KOOP

    ‘n Nuwe Trek: Terug na u God

    Die Oerteks van die lotsbepalende 1838-Gelofte

    J L du Toit & dr L du Toit

    'n Bundel oor die bronne vir die 1838-Gelofte is nou ook by Exclusive Books in Suid-Afrika beskikbaar: 

    Alhoewel die nuutste prys op Exclusive Books se netwerf tans R191 per boek is kan u dit vir so min as R60 per boek direk by Hierdie e-posadres word van Spambotte beskerm. Jy moet JavaScript ontsper om dit te lees.. bestel.

    Lees meer by: 'N NUWE TREK: TERUG NA GOD

    _______________

    ONDERSTEUN U VOLKSGENOTE IN DIE GEVANGENIS

    Wil u meer oor aktuele onderwerpe lees of vir iemand 'n besondere geskenk gee? Goeie voornemens;  Dink reg, leef reg; Moenie bekommer nie; Leuens; Woestyngedagtes, en Niks ontbreek nie, is van die aktuele onderwerpe wat in twee besondere preekbundels behandel word. Vir slegs R60 elk of R100 vir beide kan u 'n waardevolle bydrae maak vir u volksgenote in die gevangenis. Ondersteun hulle asseblief en bestel nou hierdie preekbundels by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

                                                                           ________________

     

    GOD PRAAT MET DIE BOEREVOLK – DEEL 2

    Hierdie bundel, net soos deel I, is saamgestel uit twintig van die beste boodskappe wat sterk op ons volkslewe gerig is. Die inhoud bestaan uit aktuele onderwerpe wat die daaglikse lewe van elke Christen raak. Die koste beloop slegs R60 (posgeld uitgesluit) en is 'n uitstekende geskenk vir die regte persoon. Die inkomste gaan in geheel aan gevangenisdiens vir ons volksgenote.
    Plaas u bestelling per e-pos by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

    of skakel hom by 074 967 5187

    ________________

    Bestel 'n uitstekende digbundel deur BOERIUS
    Volledige besonderhede hier:

    Gietoffers van my Siel


    _________________

    Hierdie e-posadres word van Spambotte beskerm. Jy moet JavaScript ontsper om dit te lees.

     
  •  

    DIE CHARISMATIESE GEVAAR
    Mense word so maklik deur dwaalleringe mislei. In hierdie boek word talle kwelvrae beantwoord.

VERGADERING-

PROSEDURES

(GRATIS)

Daar is min mense wat nog die waarde van 'n ordelike byeenkoms bedink en kan uitvoer. Sonder hierdie kennis en orde en gedissiplineerde toepassing daarvan sal 'n byeenkoms in wanorde verval en die doel van die vergadering nie bereik word nie. Die boekie kom handig te pas in alle omstandighede waar 'n vergadering van persone plaasvind, ongeag die sakelys of doel van die byeenkoms.

Klik hier om die boekie wat u op hoogte kan bring van korrekte vergaderingprosedures, gratis af te laai. Indien u van Windows 10 gebruik maak sal die inhoud outomaties onder die lêer "Downloads" geberg word en kan dit daar gehaal en gebêre word waar ookal dit maklik gevind kan word.

 

GRATIS E-BOEKE EN VERSBUNDELS OM AF TE LAAI:

 

As God volke aan hul eie lot oorlaat

Die waarheid oor ons volk en die Nuwe SA

Volksverraad geskryf deur adv. P.J. Pretorius

'n Oorblyfsel... deur genade alleen

Christen-Teokratiese Separatisme

Verse van Verset

Vreedsame Naasbestaan = Afsonderlike Ontwikkeling

No Ships in the Harbour

Ons heilsverhaal in die Ou Testament

Daniel

Evolusie - kan ek dit glo?

Petrus, die rots

Romeo en Juliet

Ester

Apokriewe - By modderpoele of suiwer fonteine?

Midsomernagdroom - Shakespeare in Afrikaans

Die Openbaring van Henog

Die Derde Tempel

Macbeth - Shakespeare in Afrikaans

Met ryperd en mauser

Goue strate het nie stof nie

Derdepoort

Die Laaste Pous

Josef

Rut

Drie Eeue van Onreg

Ons Geskiedenis

Engelse skandvlekke

Voortrekker-Pioniers in Oos-Transvaal

_______________

 

 

1919: VRYHEIDSDEPUTASIE KEER TERUG

1800: GRAAFF- REINETSE REBELLE GEVONNIS

1917: OOM JAPIE HELPMEKAAR

SKERP SLAGSPREUKE

(Lees die reeks by SKERP SLAGSPREUKE)

                                                                         __________________

 

AFRIKAANSE IDIOME EN GESEGDES

(Lees by AFRIKAANSE IDIOME EN GESEGDES - die hele reeks

                                                                         __________________                                                                  

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Besoekers aanlyn

Ons het 751 gaste aanlyn