Gedagtes vir elke dag
Of lees almal by Gedagtes vir elke dag
Mens, jy is meer werd as jou geld. Jou waarde is nie te meet in terme van geld en goed nie. Met geld alleen is jy nie 'n sent werd nie...
DIE LAASTE POUS (11)
Andrè van den Berg
Lees reeks by Die Laaste Pous
PROTESTANTISME
"Diegene wat by die Ryksdag van Spiers (1529) teen die dekrete van die Roomse Kerk beswaar gemaak het, is destyds Protestante genoem en in ‘n baie slegte lig geplaas. Dieselfde het later in Suid-Afrika gebeur toe mense wat teen die NG Kerk se vrysinnige beleidsverandering beswaar gemaak het as beswaardes geëtiketeer is."
11.1 Geen nuwe kerk nie
Roomse Katolisisme is ‘n reuse sisteem van hervormde afgodery wat deur die eeue miljoene siele in die ewige verdoemenis laat beland het. Christus het egter verhoed dat die waarheid van God se Woord geheel en al in die stortvloed van Roomse afgodery wegspoel. “En die aarde het die vrou te hulp gekom en die aarde het sy mond oopgemaak en die rivier opgesluk wat die draak uit sy bek uitgegooi het” (Openb.12:16).
Hy het sy Kerk deur klein groepies Skrifgetroue gelowiges wat die Evangelie suiwer verkondig het, eeue lank bewaar. Soos die 7000 Israeliete wat in die tyd van Elia die knie nie voor Baäl gebuig het nie (1 Kon.19:18), het hulle hul nie met Roomse afgodery besoedel nie. Dit het later tot die vestiging van Protestantisme gelei.
Protestantisme is in werklikheid geen nuwe geloof wat met Luther en Calvyn se optredes begin het nie, maar eerder ‘n geseënde herlewing van die oorspronklike Christelike kerk soos deur die apostels gestig is. Ten spyte daarvan dat die Satan dit op afgodiese syspore wegrangeer het, het Christus gesorg dat daar altyd gelowiges was wat die Bybel as die enigste kenbron van hulle geloof geleer en gehandhaaf het. “gebou op die fondament van die apostels en profete, terwyl Jesus Christus self die hoeksteen is” (Efes.2:20).
‘n Kerk is net suiwer indien haar leer op die Bybel gegrond is. “Want niemand
Gedurende die eerste drie eeue het gelowiges hul geloof alleenlik op die Bybel gegrond. Eers nadat keiser Konstantyn die Christendom in 324 nC tot staatsgodsdiens verklaar het, het dinge begin skeefloop. Duisende heidene het t.w.v die fisiese voordele die kerk binnegestroom en bloot op grond van hulle doop en nie hul bekering nie, tot die kerk toegelaat. Dit was ‘n fatale fout!
Konstantyn het nooit tot bekering gekom soos voorgegee word nie. Hy was tot en met sy dood ‘n sonaanbidder wat die Christendom misbruik het om sy magsbasis uit te brei. Gevolglik het hy die Christendom oneindige skade berokken. Die gekerstende heidene was nie met die eenvoud van die oorspronklike Christendom gediend nie en het spoedig vreemde gebruike in die kerk gevestig ten einde die Christendom meer aanvaarbaar te maak. Heidengebruike is van Christelike name voorsien en die kerk besoedel.
Heidentempels is in kerke omskep en afgodery voortgesit. Beeldediens, offers, heilige waters en ander heidengebruike het kort voor lank van die kerk ‘n karikatuur van die oorspronklike Evangeliese kerk gemaak. Ironies genoeg het die Roomse Kerk deur die eeue die vrome leuse semper idem (altyd dieselfde) gehad. Dis ‘n leuen! Sy het eeue gelede die eenvoud van die Evangelie verlaat en in ‘n anti-Evangeliese kerk ontaard. Gevolglik was Protestantisme ‘n welkome terugkeer na die ware Christendom met sy geseënde eenvoud; die kerk wat
11.2 Terug na die Bybel
Satan het die Bybel van meet af teengestaan en met leuens en tradisies probeer afwater. Die meeste hiervan was van Babiloniese oorsprong. In die tyd van Christus was Judaïsme baie sterk. Kerkleiers het tradisie feitlik net so hoog as die Skrif aangeslaan. Hulle het nie net die plaaslike Romeinse owerheid beïnvloed nie, maar ook die Joodse volk. Hulle was as’t ware die gewete van die volk en vir hulle gedink. Die Jode moes nie dink nie, maar slegs volg; iets wat later in die Roomse Kerk herhaal sou word.
Gelowiges se aangetekende misnoë met die Roomse Kerk dateer so ver terug as 1140 met die eerste hervormingsbeweging. Tydens en na die groot Hervorming (1517) het miljoene mense die Roomse Kerk verlaat. Die gevoel was so sterk, dat ‘n sekere John Clark in 1524 'n plakkaat teen 'n kerkdeur in Melden vasgespyker het waarin hy die pous openlik die Antichris genoem het!
Diegene wat by die Ryksdag van Spiers (1529) teen die dekrete van die Roomse Kerk beswaar gemaak het, is destyds Protestante genoem en in ‘n baie slegte lig geplaas. Dieselfde het later in Suid-Afrika gebeur toe mense wat teen die NG Kerk se vrysinnige beleidsverandering beswaar gemaak het as beswaardes geëtiketeer is.
Protestante het destyds teen die leer van die Roomse Kerk beswaar gemaak en ‘n dringende terugkeer na die onbesoedelde eenvoud van die Nuwe Testamentiese kerk en Bybel as geheel bepleit. Met hierdie terug-na-die-Bybel beweging het die ware kerk met krag deurgebreek en aan ‘n magdom soekendes ‘n onbesoedelde geestelike tuiste gebied.
Die Hervorming het die Roomse Kerk tot in haar fondamente geskud. Gelowiges is opgeroep om na die Bybel terug te keer en te ontdek hoe verkeerd die aanbidding van beelde, heilige waters, die misoffer, prediking in verborge taal (Latyn) en talle ander heidengebruike was. Protestantisme was ‘n vars bries in ‘n bedompige kamer!
Nadat Protestante die Bybel as die hoogste kenbron in ere herstel het, het baie mense met die Roomse Kerk gebreek. Hulle het vir die eerste keer die Bybel in hulle eie taal ontvang en is aangemoedig om dit te lees. Dit het nooit in die Roomse Kerk gebeur nie. Die Roomse Kerk het lidmate verbied om die Bybel te lees omdat dit hulle kwansuis sou verwar. Die Bybel is tydens die Konsilie van Valencia (1229) selfs op die lys van verbode boeke geplaas, waar dit vir etlike eeue gestaan het. Vir miljoene wat die naam van Christen gedra het, was dit ‘n verseëlde boek.
Die verbod om die Bybel te lees, het die despotiese mag van Roomse kerklui aansienlik versterk. Deur priesters die alleenverklaarders van die Bybel te maak, het die Roomse Kerk priesters gebruik om mense van die saligmakende kennis van God te beroof. Die Roomse Kerk verbied tot vandag toe nog alle Bybels wat nie deur die Roomse Kerk gedruk is nie. Slegs Roomse Bybels met die nodige verklarende aantekeninge mag gelees word - kerklike despotisme!
Protestante se lewenskoers verskil ingrypend van diè van Katolieke. Daarom getuig baie mense wat die Roomse Kerk verlaat het dat hulle die Evangelie vir die eerste keer werklik lees en verstaan. Protestante se lewenskoers word deur die Bybel bepaal. Roomse Katolieke s’n deur die kerk, by name die pous. Daarom moedig die Roomse Kerk as sulks nie Bybelstudie aan nie. Is sy bang dat mense dinge in die kerk sal vind wat nie met die Bybel strook nie?