NUUTSTE BYDRAES

Gedagtes vir elke dag

Of lees almal by Gedagtes vir elke dag

As jy 'n negatiewe gebeurtenis as 'n uitdaging beskou, sal jy 'n positiewe gesindheid behou en nie toelaat dat omstandighede jou onderkry nie.

DOPPERS EN FILISTYNE (3)

SY WEN (2)

Lees reeks by Doppers en Filistyne - Langenhoven

('n Kostelike sketsreeks met groot lewenswaarhede deur Langenhoven in die naam van sy sogenaamde neef Stoffel)

Dit wat ek verlede keer ook nie aan my leser kon vertel nie, het ek ook nie aan my vroutjie gesê nie want ons was te lank getroud.  Om jou aan te gord om 'n redenasie met 'n vrou op te tel kos 'n baie groot tekortkoming aan ondervinding. Hoe slimmer jy ook al is by 'n woordewisseling – en vir daardie soort slimmigheid wed ek altyd op die ander perd – maar hoeveel slimmer jy ook al mag wees, hoe minder help dit jou want hoe minder verstaan sy wanneer sy doodgesit is. Sy hou maar aan asof al jou redenasies eerder nog haar standpunt ondersteun het. Nie dat stilbly jou uiteindelike nederlaag verhinder nie, o nie! Sy kry tog maar haar sin. Maar jy sal uitvind dis die goedkoopste.

My swyge hier het ook maar net soveel gehelp as wat my teëpraat sou gehelp het. Ek moes my ou plasie en al wat daarop was op vendusie sit.

"Kan ons nie maar die huisraad hou en saamneem dorptoe nie, Soetlief? Anders moet ons ons goedjies verniet weggee en ander duur gaan koop."

"Hierdie Noag-se-ark-meubels? Wat makeer jou, Stoffel?

Sal daar ooit 'n mens by my kom op die dorp as ek hierdie ou goed daar in my huis het? Hulle sal hulle skaam om daarop te gaan sit. Verbeel jou, hierdie ou riempies-en-stinkhout rusbank daar op die dorp in my voorkamer! Dan bly ek net so lief hier op die plaas."

'n Mens sou sweer dit was ek wat dorptoe gedwing het.  En so was dit ook met die duur van tyd, ná die ontnugtering. Nes daar iets verkeerd gaan op die dorp word vir my voorgehou "jy wou mos dorptoe trek".

Op die ou einde het ek my rot en kaal gereneweer, my goed verniet weggegee met nog 'n groot eetmaal aan die vendusiegaste wat die goed daar kom haal het; my ou huis met die dikke mure en die heerlike koele rietdak verlaat, en in 'n moderne ongerieflike verspotterigheid gaan intrek wat jy kon omstoot buiten dat die uitgeknipte blikversierseltjies jou hande sou stukkend sny; waar die son deur gebak het en die winde deur gefluit het en wat so gelek het in die reën dat jy moes uitgaan buitetoe om nie so nat te word nie; 'n ding met geweltjies en draaitjies en hokkies en hoekies, en nergens gemak of rus nie. En in plaas van my stewige en degelike huisraad, nuwerwetse bogtery wat kraak as jy daarop gaan sit, en in die nag sommer vanself net soos 'n spooknes, en vir tienmaal die prys. Blink bedrog, nes al die dorpse gedoentes.

Al wat ek uitgehou en en saamgeneem het dorptoe, was my pak kisklere (en dit het ek nie bly behou nie...), en vir Soetlief (en dié het ek bly behou). Die dogter Grietjie is weg na 'n hoë skool in die Kaap om te gaan verleer.

Ek weet nie of ek dit reeds gemeld het nie – as ek dit nie gedoen het nie dan doen ek dit nou – Soetlief het rooi hare. Met 'n rooihaarding – of jy hom ruil of koop of aanteel of trou, hoe jy hom ook kry – steek jy jou in 'n waag. As hy goed is dan is hy baie, baie goed, beter as enige ander kleur hoegenaamd. As hy nie goed is nie is hy nie goed nie.

Ek het altyd vosperde aangehou. Eén was heeltemal goed, deur en deur, en nog so 'n perd was daar in die land nie te kry nie. Sy naam was Belie. Die ander was elkeen net so goed – op éen nuk na; en elkeen had sy besonderse nuk. Eén van hulle was Tjalie – nie die Engelse naam nie, ons het hom na sy pragtige maanhare wat oor sy skof gehang het so genoem. Tjalie se manier was nes jy van die werf af wegtrek dan neem hy met die kar en die ander perd die loop en geen knakstang kon hom hou nie. Ek het naderhand die nuk so goed geken dat ek eers alleen opklim en dan jaag ons met 'n groot sirkel die plaas om teen omtrent honderd myl in die uur tot weer voor die deur. Dan laat ek vir Soetlief en Grietjie opklim en met die tweede maal se vat gaan dit mooi bedaard en fatsoenlik. (As daar van Soetlief se familie was om te kuier het ek hulle altyd die eerste maal al laat opklim.) 'n Ander vos wat ek gehad het (sy naam was Jintle – ook nie 'n Engelse naam nie maar ek weet nie meer na wat ek hom laat heet het nie) het altyd die holgate deeskant-in gejaag om 'n vaarte te hê teen die opdraend oorkant uit. Nóg een – hy had 'n pragtige ster voor die kop en wit maanhare nes ou Vader Krismis, en jy moes hom voel pasgang loop het as jy lus het om te galop – had die gebruik om onder die saal of in die tuig altyd dwars te loop nes 'n krap; jy moet gedurig die éen teuel of die éen leisel rem, anders draai hy uit. Een oggend moes ek vroeg te perd dorptoe jaag om die dokter te haal – en ek was al dood van die vaak van snags waak by die siekte wat ons had – en halfpad moet ek aan die slaap geraak het. Toe ek wakker word hou ons weer voor my stal stil. Dan het ek 'n ou sweetvos gehad, Steenbok, wat 'n steeks nuk uitgehaal het en dan kon jy 'n trein se enjin aan hom sit en hy sou hom nie beweeg nie; en 'n ander een, Kaasja (ook nie 'n Engelse naam nie) met 'n rooi oog, wat die gewoonte gehad het as jy vir hom kaf gooi in plaas van hawer, om nes jy van die krip af wegdraai, jou van agter te bevlie en jou te kap, en nog een, Siemon, wat jou gebyt het as jy hom beslaan. Ek moes hom naderhand laat kaalvoet loop, ek kon nie meer 'n smid kry nie. En so kon ek nog 'n stuk of tien-twaalf noem. Onder al daardie klomp was daar éen goeie. Nou kan die leser by homself uitsyfer wat die kanse is wanneer 'n man 'n rooihaarding aanskaf.

Neelsie, my neef, wat my spelling vir my regmaak omdat hy nie ander raad met sy hoë geleerdheid weet nie, het ook  'n rooihaarvrou. Hy noem haar Vroutjie en hy bly nog altyd verspotverlief op haar (of hy hou hom maar so want hy het in sekere rigtinge 'n baie fyner verstand as wat 'n mens gewoond is om by soveel geleerdheid aan te tref.) Eenmaal het hy 'n Engelse gediggie teëgekom wat vir hom so mooi was dat hy dit vertaal het. Hy vra my om dit hier by te sit want hy kan daardie goedjies self nie op die mark kry nie – die mense wil nie meer sy boekies koop nie, en ek is my nie verwonder daaroor nie. Nou sit ek dit maar by onder die verstandhouding dat dit hier uitdrukkelik verklaar word dat ek nie vir sulke bogtery aanspreeklik is nie:

DIE NOOIENTJIE MET DIE SPROETE
Jong, ek raai jou loop tog wakker:
Daardie sproetnooi is 'n rakker -
Sy's 'n skelm en 'n strik en 'n gevaar;
Sy verlok jou met haar laggies,
Net soos klokkies soet en saggies,
Met die sonskyn in die goudglans van haar haar.

Sy is fyntjies en sy's liefies, met twee ogies soet en wyd-
Soeter ogies is daar nergens maar so vol van listigheid!
Daar's vonkels in haar ogies wat so diep daarbinne woon-
O, die stoute kleine vonkels, stout en skelmpies, wonderskoon,
Dansend, glansend in haar ogies al die tyd!

Soos haar sproete aardig fluister van die goue somergloed,
Soos die sonskyn uit haar goue hare straal,
Is daar somer in haar lewensvuur en gloed-
Is daar sonskyn om haar heen in owervloed-
Is daar warmte in haar skoonheid en haar praal.

Maar ek seg jou vlug van daardie soet-verleidelike lag-
Ja, al is dit ook so helder en so vriend'lik soos die dag:
Want sy kom met 'n geruisie soos die windjie deur die lower
Maar jou hartvuur sal sal sy aanblaas en jou siel sal sy betower-
Jy sal val soos ek geval het in haar mag.

Jong, ek seg jou weer wees wakker,
Want die rooi-nooi is 'n rakker-
Vlug tog weg, terwyl dit tyd is, van haar heen
Van haar sproete en die songlans in haar haar,
Van haar laggie en haar listige gevaar-
Vlug tog weg en laat haar bly vir my alleen.

Opsoek na inligting?

  •  Indien u Gelofteland se daaglikse hoofartikel per epos wil ontvang, stuur u versoek na Hierdie e-posadres word van Spambotte beskerm. Jy moet JavaScript ontsper om dit te lees.

    _____________________

    BYBEL 1933/53-druk nou gratis

    Gelofteland is dankbaar om aan al ons lesers die 1933/53-uitgawe van die Bybel gratis te voorsien. Al wat u hoef te doen is om 'n e-pos na

    Hierdie e-posadres word van Spambotte beskerm. Jy moet JavaScript ontsper om dit te lees.

    te stuur met die versoek om die Bybel te ontvang, en ons sal dit aan u stuur.

     

    _____________________

     

     Laserskywe in stelle van 10 te koop

    VRYHEIDSBEDIENING

    Ds. Andre van den Berg werk sedert November 1990 weekliks met volksgenote in die gevangenis in Pretoria-Sentraal. Hy bied ʼn reeks laserskywe teen R200 (posgeld uitgesluit) per stel van 10 aan. Die opbrengs van hierdie verkope gaan vir Gevangenisbediening.

    Dit handel oor aktuele onderwerpe soos:

    1. Die lewe hiernamaals.
    2. Word verantwoordelik oud.
    3. Die pad na die ewigheid.
    4. Bied beproewing die hoof.
    5. Raad vir tieners.
    6. Gelowige kinderopvoeding.
    7. Oorwin depressie.
    8. Kikker jou huwelik op .
    9. Alle mense is nie gelyk nie.
    10. Homoseksualisme - ʼn gruwel vir God.

    Bestel by:

    E-pos: Hierdie e-posadres word van Spambotte beskerm. Jy moet JavaScript ontsper om dit te lees.

    Sel: 074 967 5187

    Bankbesonderhede:

    ABSA

    VRYHEIDSBEDIENING

    9062088855

    _______________

     

    Skryf in vir die gratis e-blad OORSIG EN REPLIEK

    'n Blad wat dmv verduidelikende agtergrond by die kern van ons volk se
    stryd uitkom.

    Kontak die redakteur by

    Hierdie e-posadres word van Spambotte beskerm. Jy moet JavaScript ontsper om dit te lees.

    Lees ons gereelde uittreksels daaruit hier op Gelofteland by OORSIG EN REPLIEK

    __________
     
    DIE HISTORIESE KOMPAS
    _________ 
     
    BOEKRESENSIE:

    Die Legkaart van ons Lewe – ‘n Boodskap van Hoop

    Lees meer oor dié getuienis by:

    DIE LEGKAART VAN ONS LEWE

    __________

    BOEKRESENSIE:

    DIE VOLMAAKTE REPUBLIEK – Christen-Teokratiese Separatisme

    Suid-Afrika verkeer tans in 'n kommerwekkende toestand omdat mense se kennis oor die Bybel en die Staat so verwater het dat land en volk as gevolg hiervan ten gronde gaan.

    Hierdie boek uit die pen van ds AE van den Berg, het in gedrukte vorm verskyn.  Dit bring helder perspektief oor rasseverskille en natuurlike skeiding wat sal lei tot die herstel van Suid-Afrika. Die land het 'n dringende behoefte wat landsburgers van geestelike denke sal laat verander en van onregte en gewaande vryheid sal bevry.

    Sinvolle besluite in die lig van God se Woord, en onophoudelik gebed dat bevryding spoedig verwesenlik word, is noodsaaklik. Politiek is erns en harde werk wat wet en orde handhaaf en durf nie in eerlose hande gelaat te word nie. God is 'n God van orde, en mense word aangemoedig om die koninkryk van God eerste te stel.

    U kan hierdie boek bestel by ds A E van den Berg

    Tel: 074 967 5187  of by

    vryheidsbediening

    @gmail.com

    Prys: R50-00

     
  •                                                                        ______________

     

    BOEKE TE KOOP

    ‘n Nuwe Trek: Terug na u God

    Die Oerteks van die lotsbepalende 1838-Gelofte

    J L du Toit & dr L du Toit

    'n Bundel oor die bronne vir die 1838-Gelofte is nou ook by Exclusive Books in Suid-Afrika beskikbaar: 

    Alhoewel die nuutste prys op Exclusive Books se netwerf tans R191 per boek is kan u dit vir so min as R60 per boek direk by Hierdie e-posadres word van Spambotte beskerm. Jy moet JavaScript ontsper om dit te lees.. bestel.

    Lees meer by: 'N NUWE TREK: TERUG NA GOD

    _______________

    ONDERSTEUN U VOLKSGENOTE IN DIE GEVANGENIS

    Wil u meer oor aktuele onderwerpe lees of vir iemand 'n besondere geskenk gee? Goeie voornemens;  Dink reg, leef reg; Moenie bekommer nie; Leuens; Woestyngedagtes, en Niks ontbreek nie, is van die aktuele onderwerpe wat in twee besondere preekbundels behandel word. Vir slegs R60 elk of R100 vir beide kan u 'n waardevolle bydrae maak vir u volksgenote in die gevangenis. Ondersteun hulle asseblief en bestel nou hierdie preekbundels by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

                                                                           ________________

     

    GOD PRAAT MET DIE BOEREVOLK – DEEL 2

    Hierdie bundel, net soos deel I, is saamgestel uit twintig van die beste boodskappe wat sterk op ons volkslewe gerig is. Die inhoud bestaan uit aktuele onderwerpe wat die daaglikse lewe van elke Christen raak. Die koste beloop slegs R60 (posgeld uitgesluit) en is 'n uitstekende geskenk vir die regte persoon. Die inkomste gaan in geheel aan gevangenisdiens vir ons volksgenote.
    Plaas u bestelling per e-pos by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

    of skakel hom by 074 967 5187

    ________________

    Bestel 'n uitstekende digbundel deur BOERIUS
    Volledige besonderhede hier:

    Gietoffers van my Siel


    _________________

    Hierdie e-posadres word van Spambotte beskerm. Jy moet JavaScript ontsper om dit te lees.

     
  •  

    DIE CHARISMATIESE GEVAAR
    Mense word so maklik deur dwaalleringe mislei. In hierdie boek word talle kwelvrae beantwoord.

VERGADERING-

PROSEDURES

(GRATIS)

Daar is min mense wat nog die waarde van 'n ordelike byeenkoms bedink en kan uitvoer. Sonder hierdie kennis en orde en gedissiplineerde toepassing daarvan sal 'n byeenkoms in wanorde verval en die doel van die vergadering nie bereik word nie. Die boekie kom handig te pas in alle omstandighede waar 'n vergadering van persone plaasvind, ongeag die sakelys of doel van die byeenkoms.

Klik hier om die boekie wat u op hoogte kan bring van korrekte vergaderingprosedures, gratis af te laai. Indien u van Windows 10 gebruik maak sal die inhoud outomaties onder die lêer "Downloads" geberg word en kan dit daar gehaal en gebêre word waar ookal dit maklik gevind kan word.

 

GRATIS E-BOEKE EN VERSBUNDELS OM AF TE LAAI:

 

As God volke aan hul eie lot oorlaat

Die waarheid oor ons volk en die Nuwe SA

Volksverraad geskryf deur adv. P.J. Pretorius

'n Oorblyfsel... deur genade alleen

Christen-Teokratiese Separatisme

Verse van Verset

Vreedsame Naasbestaan = Afsonderlike Ontwikkeling

No Ships in the Harbour

Ons heilsverhaal in die Ou Testament

Daniel

Evolusie - kan ek dit glo?

Petrus, die rots

Romeo en Juliet

Ester

Apokriewe - By modderpoele of suiwer fonteine?

Midsomernagdroom - Shakespeare in Afrikaans

Die Openbaring van Henog

Die Derde Tempel

Macbeth - Shakespeare in Afrikaans

Met ryperd en mauser

Goue strate het nie stof nie

Derdepoort

Die Laaste Pous

Josef

Rut

Drie Eeue van Onreg

Ons Geskiedenis

Engelse skandvlekke

Voortrekker-Pioniers in Oos-Transvaal

_______________

 

 

1919: VRYHEIDSDEPUTASIE KEER TERUG

1800: GRAAFF- REINETSE REBELLE GEVONNIS

1917: OOM JAPIE HELPMEKAAR

SKERP SLAGSPREUKE

(Lees die reeks by SKERP SLAGSPREUKE)

                                                                         __________________

 

AFRIKAANSE IDIOME EN GESEGDES

(Lees by AFRIKAANSE IDIOME EN GESEGDES - die hele reeks

                                                                         __________________                                                                  

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Besoekers aanlyn

Ons het 2188 gaste aanlyn