Nuutste bydraes

GEDAGTES VIR ELKE DAG

Of lees almal by Gedagtes vir elke dag

'n Vrolike mens is 'n gesonde mens, 'n neerslagtige mens raak uitgeput. So lees ons in Spreuke 17:22. En wie van ons ken nie daardie uitputting nie! Wees dan vrolik sodat jy ook jou medemens kan opbeur.

RAMAPHOSA SE HOEKIE

Cyril Ramaphosa draai homself al hoe vaster

Meinhard Peters

Lees meer by OORSIG EN REPLIEK           

Skryf in vir die gereelde gratis volledige uitgawes by Hierdie e-posadres word van Spambotte beskerm. Jy moet JavaScript ontsper om dit te lees.

Soos ons berig het in die uitgawe van Oorsig & Repliek Nommer 5, het die ANC se topleiding die politieke bande met die Anglo-Amerikaanse magte weer stewiger gebind. Ons ontleding in die vorige uitgawe van OORSIG is onder-streep deur die besoek van Cyril Ramaphosa aan Brittan-je waar hy deur koningin Elizabeth II hartlik ontvang is. Die Britse koningshuis het vir dekades lank geen blanke regeringsleier uit Suid-Afrika ontvang nie, behalwe vir FW de Klerk nadat hy die ANC en die SA Kommunistiese Party ontban het. Nelson Mandela is natuurlik met groot gulhartigheid en uitspattige vreugde ontvang. Koningin Elizabeth II het Mandela selfs in Suid-Afrika besoek.

Ramaphosa het pas van die Britse regering ’n belofte van geldelike hulp ontvang wat R850 miljoen bedra. Dit sal oor die volgende vier jaar glo in SA investeer word. Hierdie bedeltoer van Ramaphosa was in werklikheid ’n internasionale vernedering vir Suid-Afrika. Dat Rama-phosa bakhand in Brittanje moes gaan staan vir geldelike steun is ’n skande. Geen blanke regering het na 1948 dit ooit nodig gehad om ons land so te verneder nie. Dit is natuurlik betekenisvol dat die Britse regering meen hulle moet Ramaphosa met geld huistoe stuur. Dit is naakte omkooppolitiek, en goed moontlik nog ’n beloning vir politieke dienste.

Ramaphosa moes egter sy bedeltoer vinnig kortknip toe daar onluste in die Noordwes-provinsie uitgebreek het. Dit het sy glans-en-glorie-toer bederf. Op die tuisfront (waar sy aandag na regte moes wees) het dinge sedert die begin van sy termyn begin skeef loop. Binne die eenparty-opset is Suid-Afrika sigbaar onstabiel as gevolg van faksies, korrupsie en vreemde groeperinge wat uit die Zuma-era dateer. ’n Uitgerekte politieke stryd word steeds binne leiersgeledere van die ANC gevoer. Van die faktore waarmee Ramaphosa nou te doen kry, is die volgende:

(1) Voortslepende verdeeldheid en faksiestryde in die KZN-provinsie. Een politieke kommentator het verklaar dat die provinsie tans leierloos is. Dit is waar baie Zoeloes nog met smeulende Zuma-wraaksug vervul is. Ramaphosa moes in Februarie die Zoeloe-koning gaan paai toe laasgenoemde bekommerd geraak het dat sy trustgronde sonder vergoeding onteiein sal word. Onteiening sonder vergoeding word deur baie stamhoofde as ’n bedreiging gesien. Die stamhoofde of “konings” is sedert 1994 almal omgekoop deur middel van subsidies, toelae en verspotte salarisse. Dit hou hulle polities passief. Politieke sluipmoorde onder die ANC en IVP-lede kom gereeld in KZN voor en die ANC moes reeds ’n spesiale kommissie aanstel om die voortslepende geweld te ondersoek.

(2) In die Mpumalanga-provinsie is moeilikhede met grootskaalse korrupsie nog lank nie bygelê nie. Dié provinsie is al geruime tyd gelede onder administrasie geplaas. Dit beteken dat die provinsiale regering onbevoegd verklaar is. Dit is ’n klinkende getuigskrif vir mislukte regering onder swart leierskap. Julius Malema se EFF sorg vir sporadiese proteste en direkte botsings met die ANC se provinsiale gesag en met die sentrale regering. Dit is juis Malema se ambisie om hierdie provinsie vir die EFF te verower.

Behalwe die Malema-kopseer het Ramaphosa in Mpumalanga te doen met die eertydse Zuma-ondersteuner, David Mabuza. Mabuza het ’n greep op Ramaphosa omdat hy in die doodsnikke van die ANC se leierstryd sy steun van Nskosazana Dlamini-Zuma onttrek het en dit aan Cyril Ramaphosa toegesê het. Dit het die skaal in die guns van Ramaphosa geswaai. Ramaphosa mag hierdie feit natuurlik nie vergeet nie, en hy moes David Mabuza as vise-president in die regering aanstel.

David Mabuza is ’n magshonger politikus met ’n verdoemende agtergrond. Forensics for Justice het in hulle spesiale ondersoek aangetoon dat Mabuza en sy “sakevennoot”, Sonnyboy Maphanga, valse grondeise ingedien het toe eersgenoemde nog lid van die uitvoerende komitee vir landbou in Mpumalanga was.

(3) Terwyl Cyril Ramaphosa in Aprilmaand in Londen gekuier het, het geweld skielik in Mahikeng in die Noordwes-provinsie uitgebreek. Ramaphosa moes inderhaas terugkeer na Suid-Afrika. Swart betogers het die strate ingevaar en winkels begin plunder; in baie gevalle is die winkels van buitelanders (Indiërs, en andere) vernietig en aan die brand gesteek. Die geweld het oor die hele Noordwes-provinsie versprei en byna in elke dorp is eiendom beskadig of paaie gesluit.

Die rede wat deur die media vir die geweld aangegee word is “wye ontevredenheid met die premier….” Die betogers sou dan opgetree het teen korrupsie in die provinsie. Dit was egter duidelik dat daar baie meer agter die wekelange betogings gesit het. Betogers het toegesak op die winkels van “buitelanders”. Hierdie handelaars is blankes, Indiërs, Sjinese en swartmense uit ander Afrikalande. Skielik het die openbare media die woord “xenofobiese geweld” vergeet. Xenofobiese geweld is per definisie rasse- of etniese geweld. Om sulke gedrag te beklemtoon sou die natuurlik die mislukking van sosiale integrasie onderstreep — die rampspoedige gevolge van die vermenging van rasse, volke en kulture. En dit mag nie! Daaroor mag daar nie gepraat word nie!

Om dit as “rassistiese geweld” in te klee pas die media nie. Twee sake wat uit die gesprekke geweer word is:

           (a) Die klaarblyklike neiging tot vandalisme, barbaarse optrede en anargisme tydens die politieke proteste. Dié beskrywing pas die massamedia nie, want hulle mag nie swartmense beledig op grond van hulle gedrag nie. Alles word gerasionaliseer as “politieke verset teen die premier”, Supra Mahumapelo.

           (b) Die tweede aspek wat liefs verswyg word is die voortslepende verdeeldheid binne die ANC. Die leierstryd tussen die Zuma-faksies en die Ramaphosa-faksies het nog nie oorgewaai nie. Dit is onderliggend aan die ontevredenheid in Noordwes, aangesien die premier, Supra Mahumapelo, tydens die leierstryd vir Nskosazana Dlamini-Zuma teen Ramaphosa gesteun het.

Die ANC-regime het nou opdrag gegee dat die Noordwes-provinsie onder administrasie geplaas word, en ’n ministeriële komitee is aangestel om die klagtes van die inwoners te ondersoek. In die besonder moet hulle kyk na die verval van mediese dienste, die klagtes oor korrupsie en die ontevredenheid met die premier. Opvallend genoeg was Ramaphosa nie bereid om Supra Mahumapelo dadelik af te dank nie. Ramaphosa het dus aangekondig dat die provinsie vir minstens ses maande onder die nasionale regering se gesag geplaas moet word. Intussen weier Mahumaphelo hardkoppig om te be-dank, nadat die ANC hom versoek het om te gaan.

(4) In die Wes-Kaap het onluste en anargie terselfdertyd op verskeie plekke uitge-breek. In Phillipi is motors met klippe bestook en het die polisie 30 mense in hegtenis geneem. Ook hier kan verskeie faktore aangedui word as oorsake. In die meeste gevalle is daar sprake van gebrekkige dienslewering, maar etniese botsings was duidelik deel van die prentjie. In Mitchellsplein het ontstelde Kleurlinge in opstand gekom teen die geweld en anargie wat uit naburige swart plakkerskampe aangestig word. Van die Kleurlingleiers het gesê dat die swart proteste tot gevolg het dat hulle kinders nie skooltoe kan gaan nie en dat dienste en besighede wat vir almal bedoel is afgebrand of vernietig word – onder andere vulstasies, klinieke, kafees en ATM-masjiene. Oral in die Kaapse skiereiland spring swart plakkerskampe op en dan word daar betoog vir elektrisiteit, vars water, behuising, riolering en ander dienste. Kleurlinge sê nou reguit: “genoeg is genoeg!”. Ook hierdie protesaksies en konflikte word nie in die media as etniese botsings of rassekonflik beskryf nie, alles ter wille van politieke korrektheid.

(5) Bo en behalwe die bogenoemde voorvalle het grondbesettings die afgelope twee weke in Johannesburg voorgekom. Swartes daag eenvoudig op met voertuie vol goedkoop boumateriaal soos pale en sinke, en hulle rig dan binne ’n enkele dag ’n groot getal hutte en pondokke op. Dit word onder andere deur leiers van die EFF en die Black First Land First-beweging (BLF) aangemoedig en georganiseer. Enersyds plaas dit groot druk op die ANC en die DA op plaaslike vlak, en andersyds word dit die verskoning vir die ANC op nasionale vlak om grondonteiening te bespoedig.

Die bogenoemde kwellinge wat die ANC onder Ramaphosa in die gesig staar is besig om deur te werk na die ekonomiese terrein waar sakelui die euforiese verwagtings wat hulle in Januarie 2018 gekoester het vinnig begin aanpas. Die ANC het boonop te doen met ’n reeks van ondersoeke wat nuwe skandale stuk-stuk oopvlek, onder andere die ondersoeke na die Guptas se wydverspreide korrupsie. Ses verskillende ondersoeke vind tans in Eskom plaas, en daar is nuwe ondersoeke na wanbestuur in die SA Lugdiens. Al hierdie aksies sal in die volgende maande groot skandes op die lappe bring wat die ANC-regering in die verleentheid gaan stel en dit sal sy verkiesingsveldtog vir 2019 beslis benadeel.

U soek na?

  •  BYBEL 1933/53-druk nou gratis

    Gelofteland het so dikwels navrae ontvang van lesers wat 'n behoefte aan die Bybel het, spesifiek die 1933/53-uitgawe. Soms het van ons ander lesers in hul behoefte kon voorsien wanneer ons navraag gedoen het.

    Nou is Gelofteland dankbaar om aan al ons lesers daardie Bybel gratis te voorsien. Al wat u hoef te doen is om 'n e-pos na Hierdie e-posadres word van Spambotte beskerm. Jy moet JavaScript ontsper om dit te lees. te stuur met die versoek om die Bybel te ontvang, en ons sal dit aan u stuur.

    ___________

     

    Skryf in vir die gratis e-blad OORSIG EN REPLIEK

    'n Blad wat dmv verduidelikende agtergrond by die kern van ons volk se
    stryd uitkom.

    Kontak die redakteur by

    Hierdie e-posadres word van Spambotte beskerm. Jy moet JavaScript ontsper om dit te lees.

    Lees ons gereelde uittreksels daaruit hier op Gelofteland by OORSIG EN REPLIEK

    _________

    HOU VAKANSIE IN MOSSELBAAI !

    Baie netjiese vakansie-akkommodasie in Fraai Uitsig, Kleinbrakrivier, Mosselbaai Munisipaliteit. Twee kilometer vanaf Kleinbrak en Tergniet se swemstrande en ongeveer 10 kilometer vanaf Hartenbosch. Pick n Pay binne loopafstand.
    Kliek hier vir volledige inligting en foto's: OPSOEK NA BEHUISING VIR VAKANSIE?
     
    __________
     
    DIE HISTORIESE KOMPAS
    _________
     
    SKAARS BOEKE TE KOOP
    C J LANGENHOVEN 16 VOLUMES
    FAK-SANGBUNDEL 1 VOLUME
    Hierdie 16 volume Langenhoven-stel is 'n goedopgepaste kosbare versamelstuk. Dit beslaan die volledige inhoud van Langenhoven se bundels soos Sonde met die Bure; Loeloeraai; Herrie op die ou Tremspoor; Doppers en Filistyne; en al die kosbare stories uit die pen van Langenhoven.
    Die FAK-sangbundel is ook in goeie toestand en kan saam of apart van die Langenhovenstel gekoop word.
    Eienaar moet na 'n kleiner woonplek verhuis en vra 'n redelike aanbod vir sy boeke.
    Die aanbevole waardasieprys vir die Langenhovenstel is R1600.00; en vir die FAK R100.00
    Koerierkoste sal bykomend wees.
    Kontak

    Chris Carstens

    Sel no 082 954 3383

    Epos adres

    chris.carstens

    @vodamail.co.za

    ___________
    DIGBUNDELS:
      'n Versameling van 4 elektroniese bundels - 226 gedigte @R350.00:  
    Vir alle navrae  skryf aan 
    Amanda
    @waterstrome.co.za
    Uittreksel uit:
    'n Nasie in Pyn:
    ...Saam sal die hele wêreld vir hulle bid.
    Saam sal ons met pyn in ons harte sit.
    Mag hulle berus in u wil
    Mag hulle voor U verstil.
    _________
     
    BOEKRESENSIE:

    Die Legkaart van ons Lewe – ‘n Boodskap van Hoop

    Lees meer oor dié getuienis by:

    DIE LEGKAART VAN ONS LEWE

    __________

    BOEKRESENSIE:

    DIE VOLMAAKTE REPUBLIEK – Christen-Teokratiese Separatisme

    'n Boek getiteld DIE VOLMAAKTE REPUBLIEK - Christen Teokratiese Separatisme, uit die pen van ds AE van den Berg, het  in gedrukte vorm verskyn. 
    Suid-Afrika verkeer tans in 'n kommerwekkende toestand omdat mense se kennis oor die Bybel en die Staat so verwater het dat land en volk as gevolg hiervan ten gronde gaan.  
    DIE
    VOLMAAKTE REPUBLIEK - Christen Teokratiese Separatisme, bring helder perspektief oor rasseverskille en die natuurlike skeiding van rasse wat sal lei tot die herstel van Suid-Afrika. Die land het 'n dringende behoefte aan geestelike transformasie wat landsburgers van denkrigting sal laat verander en van al die sogenaamde polities-korrekte onregte en gewaande vryheid waarmee hulle belas word, sal bevry.
    Lesers word aangemoedig om hulle daadwerklik vir 'n Christen-teokrasie in 'n volmaakte republiek te beywer deur sinvolle besluite te neem in die lig van God se Woord, en onophoudelik te bid dat dit spoedig hier aan die suidpunt van Afrika verwesenlik word. Politiek is 'n saak van erns en harde werk waardeur wet en orde gehandhaaf word en durf nie in eerlose hande gelaat word nie. God is 'n God van orde, en mense word aangemoedig om die koninkryk van God eerste te stel, iets wat op staatkundige gebied slegs in 'n Christen-teokratiese bestel tot sy reg sal kom.

     

    U kan hierdie boek bestel by
    ds AE van den Berg
    Tel: 074 967 5187  of by

    vryheidsbediening

    @gmail.com
    Prys: R50-00

     
  • BOEKE TE KOOP

    ‘n Nuwe Trek: Terug na u God

    Die Oerteks van die lotsbepalende 1838-Gelofte

    J L du Toit & dr L du Toit

    ('n Bundel oor die bronne vir die 1838-Gelofte is nou ook by Exclusive Books in Suid-Afrika beskikbaar: 'n Nuwe Trek (Exclusive Books) Prys: ZAR180

    Alhoewel die nuutste prys op Exclusive Books se netwerf tans R191 per boek is by http://tinyurl.com/lx9vrs8

    ... en loot.co.za dit verkoop teen R169 http://tinyurl.com/l26h6jl

    ... kan u dit vir so min as R60 per boek direk by Hierdie e-posadres word van Spambotte beskerm. Jy moet JavaScript ontsper om dit te lees.. bestel.

    Lees meer by: 'N NUWE TREK: TERUG NA GOD


    ONDERSTEUN U VOLKSGENOTE IN DIE GEVANGENIS

    JULIE 2013

    Wil u meer oor aktuele onderwerpe lees of vir iemand 'n besondere geskenk gee? Goeie voornemens;  Dink reg, leef reg; Moenie bekommer nie; Leuens; Woestyngedagtes, en Niks ontbreek nie, is van die aktuele onderwerpe wat in twee besondere preekbundels behandel word. Vir slegs R60 elk of R100 vir beide kan u 'n waardevolle bydrae maak vir u volksgenote in die gevangenis. Ondersteun hulle asseblief en bestel nou hierdie preekbundels by ds Andrè van den Berg by Hierdie e-posadres word van Spambotte beskerm. Jy moet JavaScript ontsper om dit te lees. 

    GOD PRAAT MET DIE BOEREVOLK – DEEL 2 NOU BESKIKBAAR

    Hierdie bundel, net soos deel I, is saamgestel uit twintig van die beste boodskappe wat sterk op ons volkslewe gerig is. Die inhoud bestaan uit aktuele onderwerpe wat die daaglikse lewe van elke Christen raak. Die koste beloop slegs R60 (posgeld uitgesluit) en is 'n uitstekende geskenk vir die regte persoon. Die inkomste gaan in geheel aan gevangenisdiens vir ons volksgenote.
    Plaas u bestelling per e-pos by ds Andrè van den Berg by Hierdie e-posadres word van Spambotte beskerm. Jy moet JavaScript ontsper om dit te lees.
    of skakel hom by
    074 967 5187


    Bestel 'n uitstekende digbundel deur BOERIUS
    Volledige besonderhede hier:

    Gietoffers van my Siel


    Hierdie e-posadres word van Spambotte beskerm. Jy moet JavaScript ontsper om dit te lees.

     
  • Kliek op DIE CHARISMATIESE GEVAAR om meer oor hierdie boek te wete te kom Lees verder...  
  • FILM OOR DR HF VERWOERD

    Kyk by hierdie skakel http://youtu.be/TcO3zPF8998

      na die kort film oor dr HF Verwoerd.   
    Dit kan ook direk bestel word by Riaan: +27823712682 of by Hierdie e-posadres word van Spambotte beskerm. Jy moet JavaScript ontsper om dit te lees.

     
     

SKERP SLAGSPREUKE

(Lees die reeks by SKERP SLAGSPREUKE)

 

'N BIETJIE LANGENHOVEN:

Ek sê nie al die suur mense is Fariseërs nie, maar naastenby al die Fariseërs is suur. In alle geval, solank hulle onthou om Fariseërs te wees. Want dis ook 'n inspanning.
Verbeel jou 'n wêreld sonder 'n skaterlag, sonder eens 'n glimlag. 'n Hemel op aarde, sal die Fariseër sê. Uit so 'n hemel sou ek wou wegloop hel toe.

Die man wat ek na soek, is nie dié wat die minste foute maak nie, maar dié wat die meeste foute régmaak.

Slaap laat solank as jy jou eie baas is en daar sal 'n tyd kom wanneer 'n 'n baas jou sal laat vroeg opstaan.

Ontydige vlyt is die merk van die luiaard. Dis sy verskoning vir ontydige rus.

Ons reken ons geluk vir ons loon en ons straf vir ons ongeluk.

Welvaart is die  dogter van matigheid en die moeder van weelde.

My swaarste pad trap ek self vir my plat, en die swaarste is die wat my voete nooit vat.

Daar is geen kuns by sukkel en geen sukkel by kuns.

Die boer wat nie saai nie sal nie misoeste kry nie, maar hy sal geen goeie ook kry nie.

Het die daeraad lief en die dag sal jóu liefhê.

'n Man wat werklik oor homself baas is, is nooit die kneg van 'n ander nie.

Dis die flukse perd wat flou word. Meer moeite as wat die vlytige het vir sy loon, het die luiaard verniet.

Op die ou end werk die vlytige man vir homself, die luiaard vir 'n ander.

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Kla net oor jou kooi as dit 'n ander is wat dit vir jou opgemaak het.

Hoe korter jy jou kuier maak, hoe gouer sal jy weer genooi word.

Om my naaste lief te hê is vir my 'n sware gebod. Met die mense daargunter kry ek dit nog op 'n manier reg.

Jy sê "ja" waar jy moes "nee" gesêhet omdat jy die ander nie wil aanstoot gee nie. Maar eken hoe het hy jou aanstoot gegee met sy versoek!

Aan 'n nuwe wa kan jy sien of dit 'n goeie skilder was; aan 'n oue of dit goeie wamaker was.

Trek liewer vir jou vriend jou broek uit as om vir hom vir 'n baadjie borg te staan. Anders loop julle naderhand albei nakend.

Die vriendskap wat jy moet koop is 'n duur artikel. Jy sal nie weer jou prys kry as jy dit van die hand wil sit nie.

Moenie vriendskap en besigheid meng nie – jy bederf albei.

'n Man wat nie vyande het nie deug nie vir 'n vriend nie.

Maak jou vriendelikheid goedkoop en hou jou vriendskap duur.

Moenie jou vriend vergeet nie; dit sal hom seermaak. Maak jou vyand daarmee seer.

'n Skare is 'n versameling van eensames.

Stuur die luiaard na die miere, en as hy nie te lui is om te gaan nie sal hy te lui wees om weer terug te kom.

Dis net so moeilik om maklikheid in die ou wêreld te kry as wat dit maklik is om moeilikheid te kry.

Waardeer die werk van jou vrou. Jy kan nie op die aarde 'n ander kneg kry vir dieselfde diens en dieselfde prys nie.

Met spaarsaamheid sal jy uit die kleinste inkomste iets oorhou; met verkwistery sal die grootste vir jou te min wees.

Besorg jou eie boodskap en reken die moeite teen dit wat die misverstand jou sou gekos het.

Het die ryk man nodig om so suinig te wees? Maar hy is nie 'n ryk man wat suinig geword het nie; hy is 'n suinige man wat ryk geword het.

Help jou swakke mededinger op die bene bly.  As hy tot niet gaan, kom daar dalk 'n sterke in sy plek.

AFRIKAANSE IDIOME EN GESEGDES (7)

(Lees die reeks by AFRIKAANSE IDIOME EN GESEGDES - die hele reeks

  • Die adderbyt van naberou is verskriklik (Naberou is ontstellend.)
  • Hy het hom in 'n addergebroedesel begewe (Hy was tussen 'n groep nydige, aanvallende mense.)
  • Sy het hom adieu toegeroep (Sy het vaarwel gesê.)
  • 'n Adres van adhesie is 'n geskrif waarin instemming betuig word met 'n versoek.
  • Jy is nou by die verkeerde adres (Jy soek die oorsaak van die kwaad by die verkeerde persoon.)
  • Dit was advokatery (Dit was regskundige uitoorlêery.)
  • Hy sal die werk weer afbroddel. (Hy sal knoeiwerk of slordige werk verrig.)
  • Sy wil elke takie afbrom (Sy kla die hele tyd terwyl sy werk.)
  • Jy kan nou maar afdans (Jy kan nou maar skoert.)
  • Moet hom nie op sy verdienste afdwing nie (Moet hom nie verkleineer nie.)
  • Die ou werkie draf ek gou af (Ek sal dit sommer gou afhandel.)
  • Hulle wil die rusie afdrink (Hulle wil vrede maak.)
  • Sy het soms baie affêrinkies (Sy is dikwels vol nukke en nonsens.)
  • Hy sal wel weer geld van haar affutsel (Hy sal dit op 'n oneerlike manier van haar kry.)
  • Daar kan niks van afgaan nie (Dit kan nie ontken word nie.)
  • Hy sal 'n afgehekste loesing kry ('n deeglike pak slae.)
  • Sy is 'n afgelekte meisie (Sy het al baie kêrels gehad.)
  • Jy lyk so afgesak (Jy lyk baie moeg.)
  • Hy het afgetop gelyk (Hy het verleë gelyk.)
  • As jy iets van hom wil hê sal jy dit moet afgoël (Hy is so suinig!)
  • So 'n afhaler is onnodig ('n Onnodige belediging.)
  • As dit afhang moet ons dit maar opbind (Skertsend wanneer iemand gedurig begin met "Dit hang af..."
  • Na elke partytjie is hy babalaas ( dan ly hy aan die gevolge van te veel alkohol).
  • Daar was 'n Babelse gegons van stemme (Almal het gelyktydig gepraat).
  • Dit was 'n Babelse verwarring (Dit was baie deurmekaar).
  • Hy sal weer mooi broodjies kom bak (Hy sal kom vlei en mooipraat om sy doel te bereik),
  • Hulle eet nie uit een bak nie (Hulle is nie vriende nie).
  • Sy het hom 'n bak gewys (Sy het hom onvriendelik tereggewys).
  • Gou by die bak maar lui by die vak (Hy is eerste daar waar iets te ete is maar traag as hy moet werk).
  • Hy maak sy hande bak (Hy kom bedel iets).
  • Ons moes bak staan (Ons moes hard werk).
  • Dit was sommer 'n bakerpraatjie (Dit was 'n skinderstorie).
  • Jerusalem is die bakermat van die Christelike Kerk ( Dis waar dit begin het. 'n Bakermat was 'n mandjie waarin die baker – die vrou wat 'n pasgebore baba versorg het – die kindjie op haar skoot voor die vuur versorg het).

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Besoekers aanlyn

Ons het 2901 gaste aanlyn