Gedagtes vir elke dag
Of lees almal by Gedagtes vir elke dag
Ons tyd is kort; die Bybel sê nêrens dat ons die hele tyd moet preek nie, wel dat ons die hele tyd moet bid. Laat ons dan minder met mense praat en meer met God.
VREDE, VREDE? NEE, DIS OORLOG!
"Daar is ’n vrede wat die dood is en daar is ’n oorlog wat die lewe is. Die volk wat nie waardes het nie, wat geen geloof het nie, so ’n volk gee oor, want hy het niks om voor te veg nie en niks om te verdedig nie. So ’n volk word in oneer van die aarde afgevee."
Hierdie diepdeurdenkte woorde van Jaap Marais moet 'n keer goed deur reggeaarde volksgenote oordink word: dan sal ons dalk die erns van ons huidige toestand begin besef en ophou om die doodsheid waarin ons volksgees verkeer as 'n vredestoestand sien, en ons sal begin besef dat ons uit hierdie doodsheid moet uitbeur juis nie om sogenaamde vrede nie, maar om 'n weerstandsoorlog te voer wat weer vir ons lewe in hierdie land sal bring. Dan sal ons begin verstaan; en dan sal ons glo dat as ons dit nié doen nie, ons reeds oorgegee en ons niks meer het om voor te veg nie. En dán moet ons weet dat ons in geheel as 'n volk van hierdie aardbol afgevee gaan word – ons sal onthou word as die volk met die kortste bestaan van alle volkere voordat hy verdwyn het.
VERKEERDE OUERVOORBEELD
Ds AE vd Berg
“Maar sy moeder antwoord hom: Laat jou vloek op my wees....!” (Gen.27:13)
Hoe nader die einde van die wêreld kom, hoe meer gaan godsdiens, kultuur, volkswaardes en die gesinslewe agteruit. Die gehalte van ʼn volk se lewe hang ten nouste van sy gesinsleweaf. Waar dinge in ʼn gesin verkeerd loop, word dit nie sommer daarbuite reggestel nie omdat die gesin die smidswinkel is waar lewenswaardes op die aambeeld van die lewe gevorm word.
By geleentheid het ʼn direkteur van ʼn Amerikaanse maatskappy afgetree en geweet dat ʼn klompie jong bestuurders sy pos beny het. By sy afskeidsfunksie het hy gesê: “ My dogter is verlede week getroud. Toe ek met haar na die kansel loop, het ek met ʼn skok besef dat ek nie eens die naam van haar strooi-meisie geken het nie. So ook nie die naam van die laaste boek wat sy gelees het of wat haar gunsteling kleur was nie. Dis die prys wat ek vir hierdie werk betaal het. As julle bereid is om dieselfde prys as ek te betaal, kan julle dit gerus kry!”Ja, die prys van welvaart ten koste van gesinslewe is altyd te hoog!
1650: VERVERSINGSPOS AAN DIE KAAP GESTIG
KULTUURDAGBOEK 22 AUGUSTUS
Lees volledig by Kultuurdagboek
Hierdie besluit het gelei tot die vestiging van die blankes in Suid-Afrika. Verskeie geografiese en politieke faktore het gelei tot hierdie belangrike besluit. Vir die handelskepe van die VOC op hul maandelange seereise na die Ooste was 'n verversingspos 'n vereiste. So 'n pos was nodig vir die inneem van vars water, groente en vrugte en kon aan die siek en vermoeide seevaarders 'n kans bied om uit te rus en te herstel.
Aangesien die seilskepe verplig was om van die heersende winde gebruik te maak was Tafelbaai die aangewese plek vir 'n 'n 'halfwegstasie'. Lank voor 1650 het Nederlandse vlote Tafelbaai gebruik om vars water in te neem en slagvee van die Khoi te ruil.
ONS KULTURELE SELFMOORD
Wanneer die reg van 'n volk se voorkeure in sy kultuurlewe van hom ontneem word soos dit nou met die Afrikanervolk gesteld is sodat daar nie meer een voorkeur vir 'n bepaalde beginsel bestaan nie, dan word dit 'n lewe sonder beginsels en dán verval 'n volk in 'n beginsellose pad na selfvernietiging. Geen wonder daar is onder ons volksgenote soveel gevalle van depressie, selfmoord, en veral volksverraad nie want 'net dalk is daar uitkoms aan die anderkant' van die spreekwoordelike draad!
Dit was Richard Weaver wat gesê het dat daar nie iets soos internasionale "wortels" met betrekking tot kultuur bestaan nie. Hy het hom sterk uitgespreek oor die verskansing, die beskerming van 'n volk se eie kultuurwaardes wat soos 'n heiligdom bewaar moet bly indien die volk nie verdring en vertrap, vermoor en totaal uitgewis wil word nie.
Ons volk het volkome kulturele selfmoord gepleeg wat uiteindelik gelei het tot politieke selfmoord, en as ons nie omdraai nie, sal dit lei na volkome volksmoord. En die mens wat hierdie twee geïntegreerde sake van mekaar wil skei is 'n dwaas.
1912: GELUKWENSING VAN ROBERTS AAN VERLOOPTE LOUIS BOTHA
KULTUURDAGBOEK 21 AUGUSTUS
Lees volledig by Kultuurdagboek
Genl Louis Botha is in 1912 tot erevolle generaal in die Britse leër bevorder – wat 'n skande vir die Boerevolk!
Dit het tot op daardie stadium nog nooit in die Britse militêre geskiedenis gebeur nie. Vir Botha moes dit as 'n besondere eer gedien het maar daar was talle Afrikaners wat hierdie verlooptheid nie so gesien het nie – kwalik tien jaar nadat die Britte die Boerevolk op eie bodem kom probeer uitwis het, 27 000 onskuldige vroue en kinders vermoor het, plase en alle besittings soos barbare verwoes en afgebrand het, en ons land daarna met 'n vernietigende agenda beheer het, het nie in die reggeaarde volksgenote se geheue verdwyn nie.
1655: WALVISVANGERY VERBIED
KULTUURDAGBOEK 21 AUGUSTUS
Lees volledig by Kultuurdagboek
Kommandeur Jan van Riebeeck het in sy pogings om die verversingspos aan die Kaap te vestig onder meer aan die NOIK se Kamer van Sewentien voorgestel dat grootskeepse walvisvangery aangepak word.
Op 21 Augustus 1655 laat die Kamer egter aan Van Riebeeck weet dat die voorstel oorweeg is maar "ons meen dat ons niks meer winsgewend vir die Kompanjie aan die Kaap kan vind nie as die insameling van robvelle wat die uitgawes voldoende sal bestry.
DIE AFRIKANER EN DIE SLAWEKWESSIE
Hierdie artikel word geplaas met dank aan die Afrikaner Nasionalistiese Beweging
Die verdrukking en onderdrukking van die Swartes in Suid-Afrika word voor die deur van die Afrikanervolk gelê. Die Afrikaner word vandag wêreldwyd voorgestel as die slawehandelaar wat geweier het om die slawe vry te laat – die moordenaar van duisende slawe en Swartes in Suid-Afrika. 'n Grondrower wat grond gesteel het van die wettige eienaars en hulle in slawerny gedompel het tot vandag toe. Wat is die waarheid hieroor?
Die Engelse wêreld, in besonder Brittanje, hou hul voor as die bevryders van die Swartes en die slawe. Die opspraakwekkende boek, Kaap van Slawe (2012), deur Marthinus van Bart, het weer die onderwerp van slawehandel, en die leuen wat vandag so skaamteloos in slawemuseums as die waarheid voorgehou word, na vore gebring en ontbloot. In die hedendaagse Suid-Afrikaanse geskiedskrywing en geskiedenisleerplanne van skole, word die betrokkenheid by slawehandel tydens die Britse besettingstydperke van 1795-1803 en 1806-1910 verswyg of net oppervlakkig daarna verwys. Die winsgewendheid van die slawehandel en die ware betrokkenheid van die Britte word nie geopenbaar nie!
Tog word die rol van die Hugenote en Dietse voorouers van die Afrikaner buite verhouding beklemtoon, hul betrokkenheid as afkeuringswaardig beskou en word die aandag daardeur afgelei van die mees onwaardige bedryf van mensehandel deur die Britte.
EN HULLE WIL DIT SOMMER NET KOM VAT?
Die land wat die swart regime nou sonder vergoeding wil annekseer en wat sal terugkeer na 'n staat van totale wildernis, is tot die sterkste staat in Afrika gemaak danksy die Afrikanervolk se wil tot eie volkskap en toewyding aan hulle vaderland. Op elke gebied dra die ontwikkeling en prestasies die stempel van die Afrikanervolk.
Ons, die Afrikanervolk, is die volk wat nou as 'n miskende en verstote "minderheid" moet aanskou hoe in gruwelike onreg hierdie vaderland wat deur ons opgebou is, geplunder en gesteel word en verval tot wat die Engelse skrywer, Paul Johnson, noem ' 'n industriële rommelhoop, beestelik, bloedig en bankrot'.
Wie daarvoor verantwoordelik is, is nie dié wat met 'n beleid van apartheid die land regeer het nie, maar anderrassiges en andertaliges wat daarná gekom het en met behulp van die hendsoppers en verraaiers soos die De Klerks, die Pik Bothas, die Roelf Meyers en hulle meelopers van hierdie eeu die land laat verval het tot die multi-kriminele staatsashoop-in-wording. Terwyl 'n klein groepie Swartes op die vet van die aarde leef en 'n klein groepie Blanke geldvrate superrykes geword het en hulle rykdom uit die land neem.
1937: EERSTE UITGAWE VAN OOSTERLIG VERSKYN
KULTUURDAGBOEK 20 AUGUSTUS
Lees volledig by Kultuurdagboek
Oosterlig, sirkulasiegewys een van die kleiner dagblaaie van Suid-Afrika, was 'n regstreekse produk van die Afrikaner se kultuurstryd. Dit is deur die Nasionale Pers Bpk (destyds nog 'n pro-Afrikaner organisasie) in Port Elizabeth in die lewe geroep om in die oorwegend Engelse Oos-Kaapland van toentertyd die Afrikanersaak te bevorder.
Die eerste uitgawe het die lig gesien in teenwoordigheid van afgevaardigdes na die kongres van die Kaaplandse Nasionale Party wat op Uitenhage in sitting was, onder andere dr DF Malan, later Eerste Minister, en hoë amptenare van die Nasionale Pers.
1892: VYANDIGE 'TRANSVAAL NATIONAL UNION' GESTIG
KULTUURDAGBOEK 20 AUGUSTUS
Lees volledig by Kultuurdagboek
Die Uitlanders se baie griewe het uitgeloop op die totstandkoming van vyandige politieke organisasies wat hulle belange behartig het. So is daar in 1890 'n politieke beweging onder die naam "Political Reform Association" gestig. Dit het egter later doodgeloop.
Op 20 Augustus 1892 is daar toe onder voorsitterskap van J Tudhope 'n groot Uitlandervergadering in Johannesburg gehou. By hierdie geleentheid is die Afrikaner-vyandige "Transvaal National Union" gestig.
GOD SELF SAL ONS LEIERS KIES
Ons weet in Suid-Afrika wat verowering, veronregting, verdrukking en verarming is. Hier is nie van die veroweraar se mense by die armblankes nie. Dis die verowerdes en verdruktes wat gedrywe word tot die geledere van die armblankes.
Die vryheidsdrang in die mens kom uit God, dit is deel van die beeld van God waarna die mens geskape is. Maar by wyse van kastyding laat die Here toe dat hul vryheid hulle ontneem word, en dat daar armoede en verdrukking kom.
Maar dan kom die vryheidsdrang tot ontwaking. God plant die vryheidsdrang in elke mens se siel, maar dis deur verdrukking wat die vryheidsdrang wakker word en tot aksie kom.
APOKRIEWE BOEKE
WAT IS APOKRIEWE BOEKE EN WAAROM HET DIT ONSTAAN?
Op hierdie webblad het ons al gepraat oor die apokriewe boeke van die Bybel. Nou gaan ons meer breedvoerig daaroor gesels omdat talle mense nie weet wat dit is, waar dit vandaan kom en hoe om hierdie geskrifte te plaas nie. Daarby is dit 'n baie interessante onderwerp wat veral Christene sal verryk as hulle die boeke self lees.
Die betekenis van die woord 'apokrief' wat natuurlik 'n Griekse woord is, is 'om iets weg te steek." Dit beteken nie noodwendig om iets fisies te verberg nie maar eerder dat hierdie boeke nie bedoel was vir almal om te lees nie, moontlik net vir 'n klein groepie gelowiges wat die amper verborge waarhede daarin sou raaksien en verstaan. Heel moontlik is dit ook fisies weggehou van diegene wat tot verkeerde gevolgtrekkinge hieruit sou raak – veral die Nuwe-Testamentiese apokriewe blyk in hierdie kategorie te val.
Maar laat ons eers kyk na wat apokriewe eintlik is en waar dit vandaan kom.
Die heel eerste Christene het net soos ons vandag, ook lus gehad om te skryf en daar is talle verhale geskryf met 'n Christelike boodskap, briewe van bemoediging aan mekaar, en dokumentasie ter uitruil van inligting.
1930: STIGTING AFRIKAANSE TAAL- EN KULTUUR- VERENIGING
KULTUURDAGBOEK 19 AUGUSTUS
Lees volledig by Kultuurdagboek
Die dertigerjare van die vorige eeu het die Afrikanervolk op feitlik alle lewensterreine met kultuurproduksie en lewenstyle wat vreemd is aan die tradisionele lewenstyl van die volk, gekonfronteer. Hierdie toedrag van sake is sterk in die hand gewerk deur die feit dat die Engelse taal en kultuur op feitlik alle lewensvlakke voorkeur geniet het (feitlik soos nou in 2011 weer. Toe was dit 'n erfenis uit die tyd van Rhodes, Milner, Smuts en Botha – min dinge het sedertdien verander: die aanslag teen ons volk word steeds internasionaal geloods en behoorlik toegepas deur die swart kommunistiese regime vandag. )
GELOOFS- GEMEENSKAP
Ds AE vd Berg
“En met groot krag het die apostels getuienis gegee van die opstanding van die Here Jesus, en groot genade was oor hulle almal” (Hand.4:33).
Mense se ware kleure kom gewoonlik onder druk te voorskyn. Dis maklik om oor geloof te praat as die son in jou lewe skyn, maar wanneer onweerswolke saampak, is dit nie altyd so maklik nie - vra vir Job.
Die wonder van ware geloof, is dat dit in sulke situasies opbloei. Let op die getuienis van gelowiges agter die eertydse ystergordyn. Dis aangrypende verhale van gelowiges wat ter wille van hul geloof gely en selfs gesterf het. Van hulle het selfs in hul uur van droefheid vir Westerse gelowiges gebid!
Omdat Satan vir God haat, sal die kerk van Christus altyd teenstand van die wêreld ervaar. Satan gebruik mense, organisasies en selfs regering om dit te probeer dooddruk. Handelinge vertel daarvan; ʼn Bybelboek wat oor die vervolging en uitbreiding van die Christen-kerk handel.
1855: PROF ADRIAAN MOORREES
KULTUURDAGBOEK 18 AUGUSTUS
Lees volledig by Kultuurdagboek
Adriaan Morrees het een van sy bekendse toesprake by die begrafnis van genl Christiaan de Wet gegee. Hy was 'n gedugte debatteerder asook 'n befame digter, letterkundige, prediker en dosent.
Morrees is op hierdie dag op Malmesbury gebore. Na sy vooropleiding aan die Suid-Afrikaanse Kollege in Kaapstad het hy sy teologiese kursus op Stellenbosch voltooi en vir verdere studie na Utrecht in Nederland gegaan.
In 1879 is hy bevestig as hulpprediker van die gemeente Noorder-Paarl as predikant, totdat hy in 1908 as professor na die Kweekskool beroep is.
DIE LEUEN WAARIN ONS LEWE
Ons is by een van die grootste en felste oorloë ingetrek, waarvan ons nie eens die reëls verstaan nie: 'n geestelike oorlog wat van die vroegste eeue reeds tussen die magte van die Lig en die Duisternis aan die gang is. In hierdie geestelike stryd is daar drie sleutelpunte naamlik die verstand, die hart en die mond. Die mag wat dit beheer, beheer die siel van 'n persoon. Die waarheid is dat ons slawe van 'n stelsel van ‘vrede’ geword het wat tronke van ons verstand maak. In dié stelsel is die koningskap van Satan weggesteek om ons te beheer en te verander in willose robotmasjiene in 'n geslaglose en goddelose werklikheid.
Hoe kan ons uit hierdie leuen waarin ons lewe losbreek? Ons moet ons verstand oopmaak sodat ons hart vir die Woord versag kan word. Solank ons verstand deur Satan beheer word, beheer hy ook ons harte en monde.
In Suid-Afrika, soos die blankes van baie ander lande, is ons deur vooraanstaandes mislei tot 'n werklikheid van leuens; na 'n drogbeeld van 'n valse Israel om die god van die Wêreld te dien. Byna al die strukture wat die blankes tydens die Apartheidsera daargestel het, is vinnig besig om in duie te stort. Paaie versleg, die rand verloor koopkrag, poskantore word gesluit, onderwys is ‘n klug, munisipaliteite speel bankrot, gewapende roof en moorde op boere is 'n algemene verskynsel, staatsfondse word wanbestuur, korrupsie is aan die orde van die dag, besture van skoolrade, koöperasies en maatskappye is besig om ineen te stort. Alles is nie alleen besig om na Afrika-standaarde te verlaag nie maar die land is ook besig om op 'n totale anargie af te stuur. Die vraag is, wie se skuld is dit dat ons in hierdie ellende verkeer? Ons is deur leiers soos Vorster, Botha en De Klerk mislei.
WATERBOBBEJAAN (29)
Ben Venter
Lees reeks by Waterbobbejaan
SLOT
Waterbobbejaan het af en toe in die nag na die bok in sy hok gaan kyk. Toe hy die soveelste keer daar kom, sien hy in die maanskyn die dun draad wat net bokant die grond gespan is en wat na die deur toe lei. Hy bring dinge in verband met mekaar en begin verstaan.
Toe Sakamatlakobata terug is van Rabasetsana het hy dadelik ‘n briefie geskryf waarin hy ‘n beroep op al sy jagmaats doen om die volgende oggend dagbreek by hom te wees.
“Saal ‘n perd op, Abel, en vat die notisie na al die bure toe. Maak gou!”
Daardie middag word daar nie baie in die kombuis gepraat nie. Die boer en sy seuns maak gewere skoon. Sanna en die dogters pak biltong en beskuit in die knapsakke.
Na sononder het die boer en sy seuns die bok gestel en toe aandete gaan soek.
Hulle is net weg van die vanghok af, toe stap Waterbobbejaan in die hok in. Die bok staan hom skeefweg en beloer. Waterbobbejaan trap versigtig oor die steldraad en maak die bok los. Terwyl hy dit doen, paai hy hom. Toe dra hy die bok onder sy arm na die paadjie waar wolf snags en bedags langs loop. Hy sit die bok in ‘n maanligkol neer en gaan skuil agter ‘n dik boom net suid van die bok.
1848: ANDRIES PRETORIUS VOËLVRY VERKLAAR
KULTUURDAGBOEK 17 AUGUSTUS
Lees volledig by Kultuurdagboek
Die proklamering van die Oranjerivier-soewereiniteit in 1848 was vir die Trekkers en veral vir die Winburgers onaanvaarbaar. Hulle het 'n beroep om hulp by Andries Pretorius gedoen. Hy moes sy siek vrou alleen laat en na hom Winburg haas.
Baie ontevredenes het hulle by hom aangesluit. TJ Biddulph, die Britse resident-kommisaris op Winburg, het sy pos verlaat en na Bloemfontein gevlug terwyl die Boererelanddros WH Jacobsz sake daar oorgeneem het.
Pretorius en die Boere-kommando het na Bloemfontein opgetrek waar die Britse magte onder majoor Warden oorgegee het.
1665: DS JOAN VAN ARCKEL
KULTUURDAGBOEK 17 AUGUSTUS
Lees volledig by Kultuurdagboek
Hy is in 1640 in Den Briel Nederland gebore, studeer in Teologie aan die Universiteit van Leiden (1661 – 1664) en word in 1664 tot predikant van Oos-Indië beroep.
Op 17 Augustus 1665 land hy met die skip Nieuw Middelburg aan die Kaap. Voor sy koms was daar nog geen vaste predikant aan die Kaap nie en is daar slegs gebruik gemaak van die dienste van sieketroosters en predikante wat tydelik in Tafelbaai vertoef het onderweg na Indië .
Op 23 Augustus 1665 word Van Arckel die eerste vaste predikant aan die Kaap met die hou van twee dienste in die Fort de Goede Hoop.
VERLOS ONS HERE, ONS GOD!
LAAT DIE HELE VOLK SÊ: AMEN! HALLELUJA!
Wat 'n wonderbaarlike God het ons nie! Dat Hy telkens weer sy volk Israel gered het ná elke terugval in die gruwelikste sondes, spreek van sy groot liefde en genade. Soos Ps 106:43 sê: "Hy het hulle baie keer gered, maar hulle was wederstrewig in hulle voorneme". Ps 106 vertel ook vir ons die twee redes waarom Hy hulle telkens weer uitgered het: Eerstens het Hy hulle verlos om sy Naam ontwil, om sy mag bekend te maak; tweedens het Hy hulle jammer gekry, hulle smekinge aangehoor en berou gekry oor hulle swaarkry.
Wat het die volk Israel dan gesondig? Van die ergste wat in Ps 106 genoem word is dat hulle met die heidene vermeng het in so mate dat hulle dieselfde afgode as die heidene begin dien het en as gevolg daarvan talle sondes gepleeg het – net soos wat met die Afrikanervolk gebeur het. Die toorn van die HERE het hieroor ontvlam teen sy volk, en Hy het 'n afsku in hulle gekry – dieselfde met ons volk. Daarom het Hy Israel in die hand van die heidene oorgegee en, sê Ps 106 "...hulle haters het oor hulle geheers, en hulle vyande het hulle verdruk, sodat hulle onder hul hand moes buig." Klink dit bekend in verband met ons eie haglike huidige situasie?
Elke dag hoor ons van nog blankes wat wreed en barbaars om die lewe gebring is. Waarom hou dit aan en aan? Waarom gaan dit so sleg met die Afrikanervolk onder die hand van hulle haters wat oor hul heers? Waarom in die eerste plek het ons volk in dié posisie beland? Waarom lees ons elke dag van nog moorde, verkragting en barbaarse aanvalle op ons volksgenote? Wat is die ooreenkoms van ons Afrikanervolk met die volk Israel van destyds? Ons sal verbaas wees as ons moeite doen om dit na te lees.