Lees volledig by Kultuurdagboek

1751: Ds HH van der Veen word verbied om die kansel te bestyg. In die kerkraadnotule van die NG Gemeente Malmesbury is daar 'n verwysing na ds Herman Haike van der Veen wat verbied is om die kansel in hulle leraar, ds Voltelen, se afwesigheid te bestyg. Dit is gedoen om die goeie orde-ontwil en tot stigting van die gemeente. Ds Van der Veen was eintlik oppad na Batavia en het om gesondheidsredes 'n tydperk eers aan die Kaap oorgebly. Maar aan die Kaap was hy spoedig 'n kerklike verleentheid omdat hy sterk piëtistiese neiging geopenbaar het en op erge dramatiese wyse gepreek het. Daarom is hy nie toegelaat om langer in Kaapstad te preek nie. Hy het toe ander geleenthede probeer aangryp maar sy reputasie het hom telkens gestuit. Die betrokke voorval het Van der Veen egter by elke moontlike gesagsliggaam laat beswaar aanteken maar hy het telkens die swakste daarvan afgekom. Goew. Tulbach het hom ten einde raad verplig om die Kaap te verlaat, maar dit was eers met bedreiging van militêre geweld dat hy inderdaad 'n skip na Batavia gehaal het. Met sy vertrek het hy nietemin 'n hartroerende boodskap vir 'n dertigtal ondersteuners gelewer en hulle vermaan om in die geloof te volhard, ongeag die vervolging wat ook hulle – soos hy reeds ondervind het – kon verwag. 

Hannes Ollewagen

Spr. 28:1-28

“’n Betroubare man is ryk aan seëninge; maar hy wat haastig is om ryk te word, sal nie ongestraf bly nie.” (:20).

Hoeveel betroubare mense ken u? Dit is eintlik skrikwekkend, né? Wanneer u op hierdie oomblik dink aan al die honderde, dalk duisende mense met wie u bekend is en hoe min name na vore kom wanneer u na ‘n betroubare karakter moet wys.

Wanneer ek hoor van betroubaarheid, van getrouheid, is die bekende gesegde van CJ Langenhoven dikwels in my gedagtes:

“Gee my ‘n man wat sê wat waar is as die duiwel daar is; wat doen wat reg is as die regter weg is; wat trou by sy gewete bly as hy straf in plaas van beloning kry.”

Hierdie tipe mense is yl gesaai. En dit is juis hierdie soort manne, betroubare manne wat ‘n volk nodig het om hom stewig te anker. Dit is betroubare manne wat in ‘n volkshuishouding ‘n goeie voorbeeld stel en sterk leiding neem.

... DIE MAGTE AGTER DIE VIRUS WEL.

Met Donald Trump se uitlating dat die Covid-19 virus sy ontstaan in’n laboratorium in Wuhan, Sjina het, beweeg ons dalk nou nader aan die waarheid. Maar dalk is die volle waarheid dat dit wel in ‘n laboratorium sy ontstaan het, maar afkomstig uit die VSA! Hopelik sal die “volle” waarheid wel aan die lig gebring word in die maande en jare wat voor ons lê.

Intussen sal die hoofstroom-media in die westerse wêreld uiteraard vir Sjina blameer. Die virus sou daar ontstaan het, hulle het versuim om die WHO betyds in kennis te stel, hulle weerhou die feite, ensomeer. Maar wat indien dit juis Amerika is wat die outeur (ontwerper) van die virus was? Wat Sjina (wat Amerika as ekonomiese reus onttroon het) op sy knieë wou bring en toe so bietjie nalatig was in die proses? U weet, die boemerang-effek…

Een kommentator het dit baie goed opgesom:

KULTUURDAGBOEK 2 MEI

Lees volledig by Kultuurdagboek

Op 30 en 31 Mei 1918 het CJ Langenhoven in sy woning, Arbeidsgenot op Oudtshoorn, die woorde van die eerste drie verse van Die Stem van Suid-Afrika gedig en terselfdertyd 'n melodie vir die woorde gekomponeer. Albei is kort hierna uitgegee, en het ook in Die Burger verskyn onder die skuilnaam KRN.

Allerweë is die woorde geprys en die musiek het kritiek uitgelok. Langenhoven besluit toe om 'n ope wedstryd aan te kondig om 'n geskikte melodie te verkry vir die gedig, wat intussen 'n vierde vers bygekry het. Talle komponiste, onder andere Emiel Hullebroeck, Gideon Fagan, Stephen Eyssen, Walter Spiethoff, Victor Potgieter en andere het in die loop van die volgende tien jaar hul pogings aan Langenhoven voorgelê; elkeen het in 'n beperkte kring 'n mate van bekendheid verwerf maar nie een het werklik by die volk as geheel ingang gevind nie.

Ons hoor die afgelope tyd knaend hoe Zorro Ramaphosa en sy bendelede beklemtoon hoe ons tydens hierdie virus-sage “almal moet saamstaan” te midde van die mees absurde maatreëls wat nou een vir een die lig sien. Of sy “Skop-en-Donnerbende” hiermee saamstem is te betwyfel. Ramaphosa se redes daarvoor en sy perspektief daaroor verskil natuurlik ook hemelsbreed van dié van u wat nou hier lees maar daar is tog sekere mense wat weet wat werklike saamstaan beteken. Ons kan iets leer uit sommige Amerikaners se reaksie op belaglike maatreëls spruitende uit die virus-sage. Lees wat skryf ‘n raadslid van Michigan:

“Kwarantyn is wanneer siek mense se bewegings ingeperk word. Tirannie is wanneer gesonde mense se beweging ingeperk word. Alle mense met verstand weet dat daar sosiale afstand in hierdie tyd moet wees maar ons het nie nodig om soos in ‘n tronk te leef nie.” - Meshawn Maddock, Michigan Konserwatiewe Koalisie, VSA.

Die gort is goed gaar in Michigan waar massas protesteerders, hoofsaaklik blankes en sommige selfs gewapen, ‘n 2e keer na die hoofstad Lansing opgeruk het om hulle goewerneur Gretchen Whitmer te spreek nadat sy verlede week ‘n 15 dae verlenging van die grendeltyd aangekondig het.

Beproewing bring genesing

Ds A.E. van den Berg

“Al gaan ek ook in ’n dal van doodskaduwee, ek sal geen onheil vrees nie; want U is met my: u stok en u staf dié vertroos my” (Ps.23:4).

Skaduwees verdwyn met die donker en keer met die lig terug. Dis ook hoe dit in die lewe gaan. Die lewe is soos ʼn klavier met wit en swart note; vreugdes en beproewings en beide noodsaaklik vir die musiek van die lewe.

Al kan gelowiges nie altyd keer wat met hulle gebeur nie, kan hulle wel verhoed dat beproewings nie hul geestes gesondheid skaad nie. Christus het immers nie na die aarde gekom om sy kinders se leed weg te neem nie, maar om hul lewens met sy teenwoordigheid te vul. Hy is in die lig sowel as in skaduwees met ons:

“En kyk, Ek is met julle al die dae tot aan die voleinding van die wêreld. Amen” (Mt.28:20).

God beproef dikwels sy kinders om hulle vir groot dinge in die lewe voor te berei. Sommige moet soms eers ʼn laagtepunt in hul lewe bereik voordat hulle ʼn les leer wat hulle andersins nie sou leer nie. Daarom val dinge vir hulle soms eers uitmekaar voordat dit in plek val. Jona is ʼn voorbeeld hiervan. Hy moes byvoorbeeld eers in ʼn groot vis beland voordat hy na God geluister en die heidene na wie God hom getuur het, hul bekeer het:

KULTUURDAGBOEK 1 MEI

Lees volledig by Kultuurdagboek

Vanweë Brittanje se verengelsingsbeleid sedert 1806, het die Kaaplandse Afrikaners wat daaraan blootgestel is, weldra tot verset gekom. Reeds op 13 Mei 1857 het dr Tancred 'n versoekskrif van die distrik Albert in Burgersdorp, aan die Wetgewende Vergadering voorgelê waarin versoek is dat lede van die Parlement ook Nederlands in die debatte mag besig.

Ruim twintig jaar later skryf Die Patriot ook oor die verkeerde toedrag van sake en verseker dat "so lank as die Parlement in Engels gehou word, sal dit nooit beter gaan nie".
In 1881 het die koerant 'n bondgenoot in die Kaapse Sinode gevind, wat besluit het om petisies te laat teken met die oog op die verkryging van gelyke regte vir Hollands. Duisende handtekening word ingesamel. Op inisiatief van JH Hofmeyr het ds WP de Villiers op 7 Junie 1881 'n mosie ingedien wat nie tot stemming gebring kon word voordat die Parlement verdaag het nie.

Lees volledig by Kultuurdagboek

1. 'n Nuwe psalmboek waarvan 50 eksemplare uit Nederland bestel is, word op hierdie Sondag in 1775 vir die eerste keer in die Gereformeerde Kerk aan die Kaap gebruik.

2. Die hoofsetel van die Zuid-Afrikaansche Republiek verskuif van Potchefstroom na Pretoria in 1860.

3. Die Spesiale Diensbataljon (SDB), 'n eenheid van die Unie-Verdedigingsmag, is in 1933 op voorstel van kol Pierre van Ryneveld gestig met lt. kol George E Brink as stigter en eerste bevelvoerder. Dit het bestaan tot 18 Oktober 1946.

4. 1955: Met die stigting van die Trust-Bank van Afrika Beperk, is 'n Afrikaanse bankinstelling in die lewe geroep wat spoedig sou groei tot een van die vyf groot banke in Suid-Afrika.

5. Die  ANC stel die kommunistiese handleiding, die 'Freedom Charter' deur die hand van Joe Slovo ter skrif. Dit is die dokument wat na 1994 in werking gestel is om die blanke in Suid-Afrika van sy land en sy lewe te beroof.

1882: Hollands word in die Kaapse Parlement toegelaat. Lees hieroor in hoofartikel.

Soms is die beste ding om te doen, om heeltemal niks te doen nie. Neem nou vir Swede waar die regering besluit het om niks toe te grendel nie, veral nie die ekonomie nie! Swede is vir elke land ‘n voorbeeld hoe om ‘n goeddeurdenkte balans te handhaaf. Skole, restourante, winkels en gimnasiums funksioneer soos normaalweg. Terselfdertyd het die regering die bevolking goed ingelig en op hoogte gehou van die werking en risiko’s van Covid-19 waardeur hulle die kans op besmetting tot die minimum beperk sonder dat hulle onder huisarres hoef te wees.

Swede se sterftesyfer is laag in vergelyking met die meeste lande en 99,980% mense het nie gesterf nie. Hiermee bewys hulle dat daar ‘n beter manier is om publieke gesondheidskwessies aan te spreek as om ‘n roekelose polisiestaatbeleid wat die ekonomie onherstelbaar skaad, in te stel.

Ds A.E. van den Berg

Kennis van jouself is die begin van wysheid en wie homself vind, bly in ʼn huis waarin hy vir die res van jou lewe gelukkig is. God het nie ʼn fout begaan toe Hy jou gemaak het nie. Sien jouself derhalwe soos wat Hy jou sien - ʼn siel met ʼn liggaam en nie ʼn liggaam met ʼn siel nie.

Niemand is soos jy nie en dis juis jou krag. Maak derhalwe vrede met jouself en aanvaar wat jy is asook dit wat jy nooit in die lewe kan wees nie. Wees net jouself. ʼn Oorspronklike dokument is altyd beter as ʼn kopie.

Om jouself te ken, is egter nie maklik nie en by tye selfs ongemaklik. En dis hier waar selfdissipline deurslaggewend is - die vermoë om in rat te bly ongeag omstandighede. Wie in hulself glo, verrig selfs verstommende dade!

Lees volledig by Kultuurdagboek

1. Die dorp Kroonstad in die Vrystaat onstaan in 1855 toe die eerste woonerwe van die plaas Klipplaatdrift verkoop word. Dit was die hoofstad van die Republiek van die Oranje Vrystaat van 13 Maart to 11 Mei 1900.

2. 1961: Dit is advokaat CR Swart se laaste dag as Goewerneur-generaal van Suid-Afrika.

Die onafhanklikheidstrewe van die Nasionale Party was van die begin af in sy grondwet ingeskryf, en in 1934 is die betrokke artikel 4 verander, toe daar vir die eerste maal bepaal is dat onafhanklikheid in 'n republikeinse staatsvorm verkry moet word. Die hoof van so 'n staat sou President heet, maar tot met republiekwording was die staatshoof nog die Goewerneur-generaal. Adv CR Swart, lank leier van die Nasionale Party in die Vrystaat en sy lewe lank vurige republikein, het op 12 Januarie 1960 die laaste Goewerneur-generaal van SA geword, 'n pos wat hy op 30 April 1961 neergelê het, hangende sy verkiesing tot die eerste Staatspresident van die Republiek van Suid-Afrika op 31 Mei 1961.

Die geskiedenis tussen die VSA en Rusland spreek van vyandskap en negatiewe aksie. Daarom is die nuwe verwikkelinge wat tot groot dinge kan lei en die hele wêreld kan verander, geen verrassing nie.

Beide Amerika en Rusland betree nou ‘n fase waar hulle nuwe strategiese kernwapens ontwikkel om die ouer stelsels te vervang. Hierdie wapens gaan triljoene dollars kos om te ontwikkel en te vervaardig en sal nog ‘n paar jaar neem om tot die punt te kom waar dit in gebruik geneem sal kan word. Na verwagting sal die voorgenome vyf jaar verlengtyd van New START beide die lande genoeg tyd gee om die behoefte aan ‘n meer gemoderniseerde kernstelsel te verantwoord.

New START (Strategic Arms Reduction Treaty) is ‘n ooreenkoms tussen die VSA en die Russiese Federasie met die formele naam Measures for the Further Reduction and Limitation of Strategic Offensive Arms wat op 8 April 2010 in Praag onderteken is. Die verwagting was dat die ooreenkoms tot minstens Februarie 2021 van krag sou wees. Of dit wel die geval sal wees sal die tyd ons moet leer.

Johan Hack

‘n Ferm handdruk met skouers gelig, oogkontak en ordentlike bekendstelling soos “Goeiedag, ek is Karel, aangename kennis”, skep ‘n goeie eerste indruk van ‘n persoon.

Wanneer ‘n groep mense bymekaar kom, hoe stel jy jouself voor? Wat ‘lees’ mense in jou bekendstelling?

Hulle gaan na ‘n rukkie se gesprekvoering agterkom watter waardes en norme vir jou belangrik is. Maak jy ‘n positiewe indruk of verval jy in ‘n gesprek met kru taal en grappies oor God?

“Welgeluksalig is die man wat nie wandel in die raad van die goddelose en nie staan op die weg van die sondaars en nie sit in die kring van die spotters nie;” Ps 1:1

“Moenie dwaal nie; Slegte gesprekke bederf goeie sedes.” 1 Kor. 15:33

Dit is so belangrik vir ons om in vandag se tyd met eensdenkende mense in aanraking te kom, mense met ‘n sterk gevoel van hul nasionaliteit, geloof, taal, kultuur en geskiedenis. Dit skep weer die gevoel van eenheid, broederskap, toekomshoop en trots (nie hoogmoedigheid nie).

KULTUURDAGBOEK 29 APRIL

Teen dié tyd het 'n aantal Transvaalse Boere begin om Transvaal te verlaat opsoek na 'n beter tuiste in die onbekende binneland. Die eerste trekgroep het onder leiding van Gert Alberts gestaan en was deeglik georganiseer. Die elf families wat die voortou geneem het in 'n trek wat later as 'n rampspoedige onderneming sou blyk, het daarin geslaag om met redelike sukses tot by die Ngamimeer te trek. Dit was egter die groep wat hierná onder leiding van Jan Greyling en Louw du Plessis langs die Krokodilrivier versamel het, wat die grootste teëspoed sou ervaar.

Na veel oponthoud het 480 blankes en 'n aantal bediendes met 128 waens en 1 958 trekosse in April 1877 die Kalahari aangedurf.

Lees volledig by Kultuurdagboek

1. Die eerste Dorslandtrekkers onder leiding van Gert Alberts bereik die Ngamineer in 1875.

2. Die Inval van Reitz: Britse magte onder bevel van lt.kol TD Pilcher val die dorp Reitz in die Vrystaat, in 1901 tydens die Tweede Vryheidsoorlog binne en vernietig meeste huise en geboue. Meer hieroor in hoofartikel.

3. Die grootste SA-rolprentgehoor tot en met 1978, (40 000 mense) kom by die Voortrekkermonument in Pretoria op hierdie dag in 1961 byeen om die premiére van Jamie Uys se film, Doodkry is min, te sien. Meer as 2 miljoen mense wêreldwyd sien dié film wat handel oor die Afrikaanse taal.

 Daarom is dit weer tyd vir ‘n Nuremberg-verhoor!

Die Covid-19-fiasko is 'n misdryf teen die mensdom en daarom 'n internasionale misdryf. Daar sal dringend begin moet word om die outeurs hiervan tot orde te roep want die skade is reeds katastrofaal en word elke dag groter. Daar behoort nou reeds begin te word om 'n gestelde saak voor te berei ingevolge waarvan almal wat hieraan meegedoen het voor die Internasionale Strafhof gedaag behoort te word.

Waarom hierdie stelling? Want die hele sage is beplan, dis nie toevallig nie.

Bill Gates, die WGO, die Wêreld Ekonomiese Forum, Sjina en ander rolspelers sal ondersoek moet word vir die paniek (deur propaganda) wat veroorsaak is gegrond op vals data en die verklaar van 'n voortydige pandemie. Daarby ander rolspelers wat meegewerk het om mense se lewens te verwoes deur hulle die reg op werk te ontsê, een van die mees basiese regte wat mens het, en wat aan jou, jou gesin en jou kinders lewensmiddele daar moet stel om te kan oorleef in hierdie wêreld. En dis maar net een reg wat ontneem is onder omstandighede wat met krygswet vergelyk kan word.

Die skade is feitlik onberekenbaar en dit vergroot daagliks. Kinders se lewens en toekomsverwagtinge is geskaad, mense ly honger, baie sterf, en baie meer vir redes wat met die virus niks te make het nie, wel met die belaglike stappe wat as gevolg daarvan geneem is.