Gedagtes vir elke dag
Of lees almal by Gedagtes vir elke dag
Was jy al so eensaam dat jy totaal verlate gevoel het, en dalk niemand naby jou gehad het nie? Vind dan jou troos soos Dawid toe hy in Ps 73 sy eensaamheid afskud met hierdie woorde aan God: " Wie het ek buiten U in die hemel? Buiten U begeer ek ook niks op die aarde nie."
NUWEJAARS- BOODSKAP
“Hou maar net vas wat julle het,totdat Ek kom”- Openb.2:25
Gelofteland wens al sy lesers 'n geseënde en voorspoedige 2022 toe.
Ons weet dit gaan 'n nog moeiliker jaar as 2021 wees maar ons weet ook dat ons Vader in die hemel sy kinders dra waar hulle nie self kan loop nie, en dat Hy sy hand nie van ons sal onttrek nie maar ons sal beskerm in die moeilikste tyd van ons lewe waar die satan soos 'n brullende leeu rondloop om te kyk wat hy kan verskeur. Ons sien dit letterlik gebeur in hierdie dae, maar daaraan sal ook 'n einde kom.
Dus, hou maar net vas wat julle het totdat Hy kom, soos Hy in Openbaring 2:25 aan ons sê. Dit behels veral ons geloof in Hom, dat ons nie sal twyfel oor sy liefde en betrokkenheid in ons lewens nie, en natuurlik ons gehoorsaamheid aan sy gebooie waaraan Hy ons geloof en liefde vir Hom meet soos in die Woord aan ons gegee.
Hou vas aan Jesus Christus, Hy sál tot ons redding kom!
CDC SÊ PCR-TOETS IS ONGELDIG!
Dr. Kary Mullis, Nobelpryswenner en uitvinder van die RT-PCR, is in Augustus 2019 skielik oorlede nadat hy hom teen die gebruik van sy uitvinding om Covid op te spoor, uitgespreek het. "Die PCR is 'n proses. Dit sê nie vir jou dat jy siek is nie” was sy uitspraak. Net daarna sterf hy op ‘n geheimsinnige wyse.
Hierna kon die globaliste die RT-PCR-toestel sonder veel weerstand misbruik as instrument om ‘n kunsmatige pandemie gebaseer op miljoene vals PCR-toetse, geloofbaar te skep.
En wat gebeur nou? Vanaf 1 Januarie 2022, dit is more, trek die CDC in 'n versoek aan die FDA sy goedkeuring van die RT-PCR-toets terug. Die CDC erken dat die PCR-toets nie effektief onderskei tussen Covid-19 en Seisoenale Griep nie.
Die RT-PCR-toets, ruim gedokumenteer en ontleed deur talle wetenskaplikes, bespeur nou glo geen SARS-CoV-2 en sy variante nie. Nou toe nou! Dít, nou eers nadat daar feitlik twee jaar lank wyd en suid vertel is dat dr. Kary Mullis voor sy dood reeds gewaarsku het dat die PCR nie gebruik moet word vir virusopsporing nie. Is die Kabaal se wiele besig om af te val? Begin hulle dalk voorbrand maak om nie in ‘n Neurenbergverhoor (Nuremberg) betrokke te raak nie…
DE DONDER DREIG ONS...
...ALWEER!
Is daar 'n groter skurk as Bheki Cele? Seker nie maklik nie. Dié minister van polisie het die afgelope paar dae 'n paar taamlik growwe opmerkings gemaak en gewaarsku dat diegene wat die aandklokreëls oortree om die Nuwejaar in te lui, swaar gestraf sal word. Almal luister egter nie na die senior ANC-nar nie... moet ons?
WAT IS DIE REËLS VIR OUJAARSAAND?
Daar is soveel teenreaksie en beroepe gedoen om die aandklokreël wat mense verbied om tussen 00:00 en 4:00 te beweeg, te beëindig. Ook Johan Steenhuisen van die DA het ‘n ernstige pleidooi aan die regering gerig en hulle gevra om hul 'onregverdigbare' beleid te heroorweeg.
Steenhuisen en sy kollegas wil hê dat die afsluiting van 4:00 voor die Nuwejaar geskrap word, sodat vriende en familie op Vrydag 31 Desember sonder vrees dat hulle die wet sal oortree, kan saamkuier.
TA-TA TUTU!
...ja, kom ons sê dit weer: Tat-ta Tutu!!
Ds. A.E van den Berg
Desmond Tutu was een van die mees omstrede figure in Suid-Afrika. Hy is egter met talle toekennings vereer waarvan die Nobelprys vir Vrede die mees onvanpaste was. Sy optredes, uitsprake en dreigemente het vrede verongeluk.
Desondanks het Ramaphosa hom as ʼn ikoniese geestelike leier, teen apartheidsaktivis en vegter vir wêreldmenseregte opgehemel. Barak Obama het hom weer as ʼn denker, volksleier en herder met ʼn sterk sedelike kompas beskryf. Niks kon verder van die waarheid as laasgenoemde gewees het nie!
Tutu het met sy kenmerkende poppespelgewaad en opruiende uitsprake agter ʼn kruis geskuil om buitelandse hulp vir die beëindiging van die apartheidstaat te verkry en hulle selfs met die eertydse Nazi-regime vergelyk.
RUS IN VREDE?
Ds. A.E van den Berg
Inleiding
Geen grafskrif is meer as rus in vredegeyk nie. Grafsteenmakers bring dit al vir baie eeue op grafstene aan. Dit kom selfs op grafte in die katakombes van vroeë Christene voor. Die woorde kom van Latyn en wens ontslapenes ʼn plek van rus en vrede in die hiernamaals toe. Dis ʼn biddende versoek dat die liggaam tot die oordeelsdag vreedsaam in die graf sal rus om dan met die siel herenig te word en in ʼn ewige, vreugdevolle heerlikheid met Christus te wees.
Die probleem is dat dit as ʼn gebed voorgehou word en geensins Protestants is nie. Dis eerder diep in die Roomse tradisie ingeburger en deel van die Roomse dwaling om vir dooies te bid. Dis onbybels. Die oomblik as ʼn mens sterf, is sy lot verseël en kan geen gebede iets daaraan doen nie.
STUDIE- HANDLEIDING – MATTEUS 13
’n Studiehandleiding by die lees van die Nuwe Testament
Die Evangelie van Matteus
Anita Joubert
Matteus 13:1-9 Hierdie gelykenis skilder ’n prentjie wat enigeen in Palestina sou kon verstaan. Ons sien hoedat Jesus die híér en die nóú gebruik om by die daar en die wanneer uit te kom. Dit het heel waarskynlik werklik gebeur dat daar ’n saaier besig was om te saai, terwyl Jesus besig was om vanuit ’n boot as sy kansel, vir die skare wat Hom gevolg het, te preek.
In Palestina was die saailande in lang, smal stroke. Die grond tussen die stroke was altyd ’n reg van weg vir enige verbyganger, en daarom was dit so vasgetrap deur ’n menigte voetgangers, dat dit so hard soos enige sypaadjie was. Die saaier het op en af geloop en die saad wyd gestrooi so ver as wat hy geloop het. Wanneer die wind gewaai het, het dit die saad op ander plekke as in die geploegde saailand laat val. Die saad wat op die harde pad geval het, kon op geen manier ontkiem nie.
Iets wat ook algemeen was in Palestina, was kalksteenrotse onder die grond. Daar was dan ’n dun grondlaag oor die rotse, en saad wat daarop geval het, het maklik ontkiem. Omdat die vlak grond maklik uitgedroog het van die hitte, kon dit nie genoeg voeding aan die plante se wortels bied nie en daarom het dit doodgegaan.
ONS KENNIS VAN DIE HERE
Hannes Ollewagen
2 Pet. 3:1-18
“Maar julle moet toeneem in die genade en kennis van onse Here en Saligmaker, Jesus Christus. Aan Hom kom die heerlikheid toe, nou sowel as in die dag van die ewigheid. Amen.” (:18).
Geliefdes, wat ‘n kosbare skat lê daar nie vir ons in hierdie teksvers nie! ‘n Opdrag dat ons moet toeneem in die genade en kennis van onse Here en Saligmaker. En hoe nodig het ons nie om hierdie opdrag vandag te hoor nie. Dit nie alleen te hoor nie, maar ook werklik ter harte te neem!
Dit is nie net kommerwekkend nie, maar ook hartverskeurend om van die gebrek aan kennis van God onder ons volksgenote kennis te neem. Die jeug sal vir jou sonder moeite kan vertel watter akteur in watter nuwe film te sien is. En die sportgeesdriftiges sal vir jou sonder moeite die name van elke span se speler kan gee. Maar dit raak bykans die uitsondering om ‘n kind raak te loop wat vir jou foutloos die Bybelboeke kan opnoem. Hoeveel kinders weet waar in die Woord van die HERE die Wet van onse HERE opgeteken is? En waar sal ons die Onse Vader kan gaan lees?
TOT HIERTOE HET GOD GEHELP
Ds A.E. van den Berg
“Toe het Samuel ’n klip geneem en dit opgerig tussen Mispa en Sen en dit Ebenhaeser genoem en gesê: Tot hiertoe het die Here ons gehelp” (1 Sam. 7:12)
’n Mens leer uit jou foute, so lui die gesegde. Dis hoe ‘n mens in die lewe vorentoe beweeg; so ook ’n volk. Die grootste fout is om nie uit jou foute te leer nie, want dan misluk jy. ’n Mislukking is ’n fout wat nie reggestel is nie.Sommige mense/volke stel foute onmiddellik reg; ander neem baie jare om dit te doen!
Oud-Israel het so ’n fout gemaak maar dit eers 20 jaar later, na baie ontberings, tydens ’n keerpunt in hul volkslewe reggestel. 1 Sam.17 vertel die verhaal van hierdie keerpunt in hul lewe. Israel was aan hul aartsvyand, die Filistyne, onderdanig nadat hulle die ark van die verbond tydens ’n oorlog aan hulle afgestaan het. Israel was gebroke en “die hele huis van Israel het agter die Here aan geweeklaag” (:2).
KERSBOODSKAP
Is jy skoon?
Ds A.E. van den Berg
“Toe sê die Here vir Samuel: Luister na die volk in alles wat hulle aan jou sê, want nie jou het hulle verwerp nie, maar My het hulle verwerp om nie koning oor hulle te wees nie” (1 Sam.8:7).
Kerstyd is ’n tyd van blydskap en vreugde want ons herdenk God se koms na die aarde in Christus Jesus, onse Here. Dis egter geen ydele blydskap nie, maar iets anders; ’n blydskap wat ’n mens nederig maak, want dis die verhaal van ’n Koning wat teruggestaan het. God het in Christus vir ons teruggestaan.
In die Ou Testament sien ons iets hiervan in 1 Sam.8 toe Israel God as koning verwerp en soos die heidenvolke ’n aardse koning bo Hom verlang het. God het hulle hul sin gegee en letterlik vir ’n aardse koning teruggestaan. Dit was ’n hartseer stuk geskiedenis in Israel se volkslewe met bittere gevolge vir die volk.
Israel wou nie verder onder God vry wees nie, maar eerder slawe wees. Ons ken die verhaal hoe God hulle na 400 jaar van slawerny uit Egipte verlos en vry gemaak het deur aan hulle die beloofde land te gee. Dit was egter katastrofies want i.p.v. voor God te buig, het hulle voor afgode gebuig soos aan die voet van Horeb met die goue kalf gebeur het toe Moses te lank weggebly het.
STUDIE- HANDLEIDING – MATTEUS 12
’n Studiehandleiding by die lees van die Nuwe Testament
Die Evangelie van Matteus
Anita Joubert
Hierdie hoofstuk van Matteus vertel vir ons van ’n tyd in Jesus se lewe wat baie belangrik was in sy bediening op aarde. Ons sien dat die ortodokse Joodse leiers finaal gewys het dat hulle Hom verwerp. Dit was nie net ’n verwerping waarin hulle niks met Hom te doene wou hê nie. Dit het duidelik geword dat hulle Hom wou elimineer. Ons sien ook in hierdie hoofstuk hoedat Jesus die vyandigheid teenoor Hom, op vyf verskillende maniere hanteer het:
- Hy het hulle getrotseer sonder om enigsins terug te deins. Hy het die man met die gebreklike hand genees – nie in ’n hoekie nie, maar tussen ’n skare in die sinagoge (Matt 12:9-14). Die Fariseërs was teenwoordig om alles te sien.
- Jesus het hulle gewaarsku (Matt 12:22-32). Ons sien in hierdie verse dat Jesus nie op die verdediging was nie, maar op die aanval. Hy het vir hulle gesê dat as hulle nie vir Hom is nie, dan is hulle teen Hom (Matt 12:30).
- Jesus maak ’n hele aantal verstommende aansprake oor Homself: Hy is groter as die tempel – en vir die Jode was die tempel die heiligste plek op die hele aarde (Matt 12:6). Hy is groter as Jona – en vir die Jode het niemand nog ooit bekering so goed gepreek as Jona nie (Matt 12:41). Hy is groter as Salomo – en vir die Jode was daar niemand nog ooit so wys as Salomo nie (Matt 12:42).
KORTNUUS...
Geneem uit Natural News, VSA
Die CDC (die internasionale instansie wat glo hulle kan siektes beheer) het pas gewaarsku dat minstens 15 000 Amerikaners elke week vanaf Kersfees sal sterf ... en wel van die sogenaamde inenting wat nie ‘n inenting is nie maar ‘n gifinspuiting soos beplan en ontwikkel deur Fauci en Gates.
In 'n verstommend eerlike waarneming wat bevestig dat massas ingespuite mense besig is om te sterf en dat die proses elke week versnel, erken die CDC nou openlik dat 15,600 Amerikaners elke week vanaf Kersfees sal sterf, met sterftes wat in 2022 sal voortduur.
Natural News het verneem dat die CDC se vroeë waarskuwingstelsel wat gekoppel is aan Amerikaanse hospitale 'n groot aantal rooi vlae uitgooi wat die voorpunt van 'n massa-afsterfgolf onder die “ingeënte” persone aandui.
Natuurlik het die CDC sy propagandamasjien aangesê om die publiek te probeer oorreed dat die sterftes deur covid veroorsaak is, in plaas van die gifinspuitng.
Teen die lente van 2022 sal ons na 'n totaal van ten minste 600,000 Amerikaners kyk wat deur Covid-entstowwe gedood is, maar heelwaarskynlik nader aan een miljoen. Net soos Fauci en Gates dit wou hê – dalk net ‘n bietjie te stadig na hulle sin!
IS ALLE RASSE GELYK?
Ds. A.E van den Berg
Suid-Afrika het vir etlike jare ’n staatkundige beleid van rasseskeiding gevolg wat wet en orde verseker en misdaad hokgeslaan het. Daarna is dit op aandrang van buitelandse druk en binnelandse verraad met rassegelykskakeling vervang wat misdaad soos paddastoele op ʼn mishoop laat opskiet het.
Die gevolg van hierdie ingrypende ommekeer was rampspoedig. Desondanks stry leke onophoudelik teen hul beterwete en sien rasseskeiding as boos. Wie hul eie ras wil bewaar, word as uit voeling met die tyd beskou en goedsmoeds veroordeel.
Om rasbewustheid as rassehaat te veroordeel, is onsinnig. Dis ʼn persoonlike voorkeur waarop elke mens geregtig is. Daarenteen is rassevermenging eerder skadelik en beslis nie Bybels verantwoordbaar nie. Dis onnatuurlik, kunsmatig en skaad ʼn gesonde gemeenskapslewe.
DIE LAM EN DIE LEEU
Ds A.E. van den Berg
“Is U die een wat sou kom, of moet ons ʼn ander een verwag? (Mt.11:3).
Die Bybel maak van talle merkwaardige profete melding. Hierdie gelowiges het in moeilike tye en dikwels ook in lewensgevaar in God se diens gestaan om sy opdrag onverskrokke oor te dra. Elia, Jesaja en Jeremia was drie van hulle.
Johannes die Doper was egter die grootste van almal. Hy was Jesus se wegbereider en het destyds ʼn beroering in kerkgeledere veroorsaak. Tot op daardie stadium was die stem van die profete al vir vier eeue stil omdat God niks meer vir Israel te sê gehad het nie. Toe Johannes hierdie stilte verbreek, het mense in groot getalle opgedaag om na hom te kom luister want dit was wonderlik dat God na 400 jaar weer met Israel gepraat het!
DIE KRAG VAN SY WOORD
Hannes Ollewagen
Heb. 4:1-12
”Want die woord van God is lewend en kragtig en skerper as enige tweesnydende swaard, en dring deur tot die skeiding van siel en gees en van gewrigte en murg, en is 'n beoordelaar van die oorlegginge en gedagtes van die hart. En daar is geen skepsel onsigbaar voor Hom nie, maar alles is oop en bloot voor die oë van Hom met wie ons te doen het.” (:12&13).
Daar is ‘n spreekwoord wat lui: “Die pen is magtiger as die swaard.” En sien ons nie die waarheid hiervan ook in ons tyd nie? Ja, ons sien hoedat mense deur propaganda in hierdie of daardie rigting gestuur word. Mense kan deur woorde met soveel vrees belaai word dat dit maklik is om hulle optrede vandaar te manipuleer. En dit geld ook in ons eie lewens, geliefdes. Ons kan deur ons woorde ander opbou en ongelukkig ook diegene naby aan ons baie seer en leed aandoen. En die HERE leer ons in duidelike taal van die krag van ons woorde.
“Net so is die tong ook 'n klein lid en beroem hom op groot dinge — kyk hoe 'n groot hoop hout steek 'n klein vuurtjie aan die brand.” (Jak. 3:5).
NEGE BOERE WREED VERMOOR
U sal saamstem dat die hoofstroommedia nie meer melding maak van plaasmoorde nie. Hulle sal oor enige onbenulligheid berig, veral as dit een of ander agtergeblewene is wat oor iets kerm en kla, maar nie ‘n woord oor plaasmoorde nie.
Ons weet almal dat die ANC regime deel van die komplot is om die boere van hulle plase te verwyder, en dat die media die regime se marionet is. Dus weet ons ook dat sulke nuus doelbewus verswyg word om die blankes se emosies nie te laat opwerk nie – netnou word ons dalk kwaad genoeg en begin ‘n oorlog. Al wat hieraan goed is, is dat die regime met al sy onbevoegde staatsdepartemente nog steeds bang is vir die blankes en hulle God in die hemel.
Hier volg ‘n paar berigte oor plaasaanvalle: Tussen September en November 2021 is nege Suid-Afrikaanse boere in Suid-Afrika wreed vermoor. In September 2021 was daar 13 plaasaanvalle en 3 plaasmoorde, gedurende Oktober was daar 14 Plaasaanvalle en 3 plaasmoorde en gedurende November was daar 17 Plaasaanvalle en 3 plaasmoorde in die land.
STUDIE- HANDLEIDING – MATTEUS 11
’n Studiehandleiding by die lees van die Nuwe Testament
Die Evangelie van Matteus
Anita Joubert
Matteus 11 is ’n hoofstuk waarin ons al die tyd vir Jesus hoor praat. Hy praat met verskeie mense oor verskillende dinge. Ons hoor hoedat die beklemtoning in sy stem afwissel en verander.
Matteus 11:1-6 Johannes die Doper se loopbaan het rampspoedig geëindig. Dit was nie sy gewoonte om die waarheid te versag nie en hy was baie uitgesproke oor onreg en sonde. Hy het homself vreesloos daaroor uitgespreek. Herodes Antipas het sy eie broer in Rome besoek. Tydens daardie besoek het hy sy broer se vrou, Herodias, verlei. Toe hy teruggekeer het huis toe, het hy van sy eie vrou ontslae geraak en met haar getrou. Johannes het hom openlik en ernstig daaroor aangespreek. Dit was nie veilig om ’n despoot te bestraf nie, en Herodes het wraak geneem. Hy het Johannes in ’n kelder van ’n bergvesting in die berge naby die Dooie See laat opsluit. Dit was vir Johannes ’n tragiese lot. Hy was gewoond aan die woestyn waar hy sy lewe lank in die oop vlaktes, met die skoon wind wat in sy gesig waai, geleef het. Nou was hy toegesluit in ’n ondergrondse kelder tussen vier koue, klam mure. Dit moes vir Johannes ’n verskrikking gewees het. Vrae het in sy gemoed ontstaan. Hy was dan so seker dat Jesus die een was wat moes kom. Iemand wat die dood in die gesig staar, kan nie bekostig om te twyfel nie. Daarom stuur Johannes sy dissipels na Jesus met die vraag: “Is U die Een wat sou kom, of moet ons ’n ander een verwag?” (Matt 11:3).
STUDIE- HANDLEIDING – MATTEUS 10
’n Studiehandleiding by die lees van die Nuwe Testament
Die Evangelie van Matteus
Anita Joubert
Matteus 10:1-4 Matteus ontvou die storie van Jesus op ’n besonder sistematiese wyse. In die vertelling van Jesus se doop, wys hy hoedat Jesus sy taak aanvaar het. Wanneer hy van Jesus se versoeking vertel, dan wys hy op watter werkswyse Jesus hierdie taak gaan aanpak. In die Bergpredikasie luister ons na Jesus se woorde van wysheid. In Matteus 8, sien ons oor watter mag Jesus beskik en in Matteus 9 sien ons hoedat Jesus se vyande teen Hom begin optree. In hierdie gedeelte begin Jesus sy dissipels kies. Wanneer enige groot leier ’n baie groot taak moet aanpak, moet hy heel eerste vir homself’n span werkers kies om hom te help. Die huidige en toekomstige sukses van sy projek hang van hierdie gekose mense af. Jesus kies hier mense, sy helpers gedurende sy aardse bediening, maar ook mense wat sou voortgaan, nadat Hy die aarde sou verlaat en sou terugkeer na sy heerlikheid in die hemel.
Daar is twee feite wat ’n mens onmiddellik opval van hierdie hierdie twaalf dissipels:
DIE ANC ‘REGEER’ ONWETTIG!
(en het geen mandaat om enige Suid-Afrikaner te forseer om die gifinspuiting te neem nie)
DIE REFERENDUM VAN 17 MAART 1992
Die ANC sou in 1990 die terroriste-oorlog met moeite kon voortsit ná die ineenstorting van kommunistiese regerings in Oos-Europa en die ekonomiese verval in sogenaamde Frontliniestate in Afrika. Die logiese verloop van die terroriste-oorlog in Suider-Afrika moes wees dat van Suid-Afrika se kant die stryd teen die terroriste op alle fronte verhewig sou word om die oorlog beslissend te wen. Dog, die teendeel is deur die Suid-Afrikaanse Regering gedoen.
In 1994 het die Nasionale Party-regering van FW de Klerk die mag aan die ANC oorhandig sonder dat hulle 'n mandaat daarvoor gehad het. Sy misrabele beloning van die Wêreldgeldmagte was R34 miljoen en 'n gedeelde Nobelprys.
Die vraag op die referendum-kiesstrokie was of die kiesers toestem dat FW met die ANC mog onderhandel. Daarvoor moes die kieser slegs Ja of Nee antwoord. Die vraag was NIÉ of FW Mandela uit die tronk mog vrylaat en ons land aan die ANC oorgee nie. Hiermee het FW die kiesers sowel as die meerheid van sy parlementslede mislei.
Die finale ooreenkoms was so ver van die NP se oorspronklike eise dat toe die kabinet vergader om dit te bekragtig, 'n ontstoke minister vir De Klerk geskree het: “Wat het jy gedoen?! Jy het Suid-Afrika weggegee!!” Ja, dit aan 'n Kommunisties-beheerde party.
GOD KOM AARDE TOE
Ds A.E. van den Berg
“Hy, wat in die gestalte van God was, het dit geen roof geag om aan God gelyk te wees nie, maar het Homself ontledig deur die gestalte van ʼn dienskneg aan te neem en aan die mense gelyk geword” (Fil.2:6,7).
Ons leef in ʼn verwarde wêreld. Verwarring is ʼn nare ding – jy dink dinge is so en so net om te ontdek dat dit nie so is nie. Soos wat siekte die liggaam skaad, maak verwarde denke die gees ook seer. Dit laat mense leuens vir die waarheid glo. Niemand maak in donkerte van verwarring die regte keuses nie, maar slegs in die lig van die Bybel wat van Christus, die ware Lewenslig, getuig.
Een van die verwarrings is oor wat Kersfees is. Weet mense regtig wat Kersfees is? Ongelukkig het die wêreld Kerstyd al so geskaak en met hul eie inhoud gevul dat die meeste mense nie meer weet waaroor hierdie dag werklik gaan nie. Baie mense wil in hierdie tyd die vrede van die Kersverhaal ervaar, maar sonder ʼn behoefte om die Vredevors as Verlosser te wil ken!
Jare gelede voer ʼn omroeper in die Kerstyd met ʼn voorskoolse dogtertjie ʼn gesprek oor die betekenis van Kersfees en vra haar wat dit is. “Toe Jesus na die aarde gekom het” antwoord sy. “Maar waarom het Hy aarde toe gekom?” vra hy toe. “Om te kom kyk of alles nog all right is” antwoord sy ewe onskuldig.
HOU VOL OM DIE HERE TE VOLG
Hannes Ollewagen
Josua 14:1-15
“En dié dag het Moses gesweer en gesê: Waarlik, die land wat jou voet betree het, sal aan jou en aan jou kinders in ewigheid as 'n erfdeel behoort, omdat jy volgehou het om die Here my God te volg.” (:9).
Geliefdes, na die volk se uittog uit Egipte het hulle eindelik tot by die beloofde land gekom. Hierdie wonderlike land wat hulle gedurende hul trek altyddeur voor oë gehou het. ‘n Begeerlike land; ‘n land wat oorloop van melk en heuning. Die volk het nie sonder uitdagings tot hier gekom nie. Daar was gevare van oorloë, honger, dors en dergelike dinge. Maar in al hierdie dinge het die HERE hulle nie verlaat nie. Die HERE het in al hierdie beproewinge aan die volk sy mag getoon sodat hulle in Hom kon glo. Die HERE was aan sy volk altyd trou. Hulle het dan telkens gesien dat daar geen bedreiging of gevaar op hul pad was waaruit die HERE hulle nie deur sy wonderlike krag kon verlos en red nie.
Alvorens die volk die beloofde land ingetrek het, het hulle op bevel van die HERE spioene gestuur om hierdie land te verken. En hierdie spioene het gemerk dat hierdie land werklik ‘n land van melk en heuning is. Ja, ‘n land wat hul verwagtinge oortref!