Bloomberg-nuusagentskap het ‘n paar dae gelede ‘n opspraakwekkende en heeltemal valse opskrif gepubliseer naamlik : "Rusland het die Oekraïne binnegeval". Nou voel dit na 'n wolf-wolf-hoe-laat-is-dit-speletjie.

U sal onthou dat ons eergister geskryf het oor die VSA wat daarop uit is om oorlog met Rusland te maak. Ons het ook gepraat van die nuut-erkende Donbass-republieke in Lugansk en Donetsk. Nou het hierdie republieke Rusland formeel vir militêre hulp gevra in briewe wat gister, Woensdag, gepubliseer is.

Daarin beweer hulle leiers dat Oekraïne se "aggressie" net toegeneem het sedert Moskou die streke vroeër vandeesweek as onafhanklike state erken het.

Die Oekraïne se krisis het niks met die Oekraïne te doen nie. Dit gaan oor Duitsland en veral 'n gaspyplyn wat Duitsland met Rusland verbind genaamd Nord Stream 2. Washington sien die pypleiding as 'n bedreiging vir sy voorrang in Europa en het probeer om die projek om elke draai te saboteer. Desondanks is met Nord Stream voortgegaan en is dit nou ten volle in werking en gereed om te gebruik. Sodra Duitse reguleerders die finale sertifisering verskaf, sal die gaslewerings begin. Duitse huiseienaars en besighede sal 'n betroubare bron van skoon en goedkoop energie hê, terwyl Rusland 'n aansienlike hupstoot in hul gas-inkomste sal sien. Dit is 'n wen-wen-situasie vir beide partye.

Die US Foreign Policy-instelling is nie gelukkig oor hierdie verwikkelinge nie. Hulle wil nie hê dat Duitsland van Russiese gas afhanklik moet word nie, want handel bou vertroue en vertroue lei tot die uitbreiding van handel. Soos verhoudings warmer word, word meer handelsversperrings opgehef, regulasies verlig, reis en toerisme neem toe, en 'n nuwe sekuriteitsargitektuur ontwikkel. In 'n wêreld waar Duitsland en Rusland vriende en handelsvennote is, is daar geen behoefte aan Amerikaanse militêre basisse nie, geen behoefte aan duur VSA-vervaardigde wapens en missielstelsels nie, en geen behoefte aan NAVO nie.

Die Amerikaners met hulle bondgenote in die Noord-Atlantiese Verdragsorganisasie, NAVO, is meesters op die gebied van arrogansie want hulle voortdurende aggressiewe dade oortree alle internasionale reg. Hulle ignoreer ook die VN-handves asook die Nuremberg-beginsels. Soos u weet het NAVO hierdie week Kanada binnegeval en is besig om Kanadese burgers te verniel. Hulle arrogansie ken geen perke! Hulle kom nie eers die reëls in hulle eie NAVO-verdrag na nie.

Artikel 1 van die NAVO-verdrag bepaal dat die partye onderneem, net soos uiteengesit in die Handves van die Verenigde Nasies, om enige internasionale geskil waarby hulle betrokke kan wees, op so 'n wyse te besleg dat internasionale vrede en veiligheid en geregtigheid nie in gevaar gestel word nie.

Die VSA en sy NAVO-broers probeer nie geskille met Rusland (of Sjina vir die saak) op vreedsame wyse besleg nie. In plaas daarvan gebruik hulle die hele spektrum van totale oorlogvoering teen Rusland. Tog het geen NAVO-lidnasie van NAVO geëis dat die alliansie en sy lede aan Artikel 1 voldoen nie.

... IN HIERDIE LEWE?

Hannes Ollewagen

Klaagliedere 3:1-66

“Wat klaag ‘n mens in sy lewe? Laat elkeen klaag oor sy sondes.” (:39).

Geliefdes, daar is seker nie een van ons hier wat nog nooit in sy lewe oor iets gekla het nie. Party mense kla dalk makliker as ander, maar tog is dit ‘n manier om aan ons emosie uiting te gee en derhalwe is dit iets wat elkeen van ons doen. En deur ons klagtes gee ons dan ook te kenne wat daar dinge is wat soos ‘n swaar las op ons lê. Ja, ons maak bekend dat hierdie saak waaroor ek kla iets is wat ek van my af wil wegwerp, ek wil daardie sware juk afwerp – ek wil dit nie in my lewe met my saam dra nie.

Die eens vry land is nou onder VN-besetting en globalistiese beheer, met geen oorblywende meganisme vir die herstel van demokrasie nie. VN-troepe wat hulle voordoen as Ottawa-polisie om dade van brutaliteit teen die burgers daardeur uit te voer, beset nou die nasie,.

Van chaos kan ons seker wees want die Verenigde Nasies self is so onbeskaafd en onbeheerbaar dat NAVO by geleentheid gesê het hy gun dit nie eers vir Suid-Afrika om onder die VN deur te loop nie; dat NAVO hier orde sal kom skep wanneer Suid-Afrika se revolusie sy finale oorlogsfase ingaan.

In Kanada het die Eerste Minister Justine (Justien soos die mense hom noem omdat hy ‘n lafhard en grootprater is) Trudeau en sy Nazi-adjunk Freeland het verklaar dat niemand teen die regering durf praat nie, of hulle sal deur die polisie gejag en onder een of meer noodmagte vervolg word. Deur dit te kan uitvoer het Trudeau en Freeland vreedsame besluite van die tafel gehaal en dit lyk asof hulle probeer om geweld regoor die land aan te wakker.

’n Studiehandleiding by die lees van die Nuwe Testament

Die Evangelie van Matteus

Anita Joubert

Matteus 25:1-13 Die profetiese rede: die gelykenis van die tien meisies

Hierdie gelykenisis vir ons, wat vanuit ’n westerse kultuur daarna kyk, ’n vreemde verhaal. Tog is dit een van die bekendste gelykenisse wat Jesus vertel het, en dit skilder ’n prentjie wat vir die Jode baie bekend was. In al sy gelykenisse het Jesus beelde gebruik wat sy toehoorders en dissipels kon verstaan. So was die verhaal van die tien maagde ook niks vreemd nie.

’n Joodse paartjie het nie weggegaan op ’n wittebrood wanneer hulle getrou het nie. Hulle het by die huis gebly en is vir ’n week lank soos ’n prins en ’n prinses deur hulle familie, vriende en bure behandel. Dit was die gelukkigste week van hulle lewens.

Bid jy nie dalk verkeerd nie?

Ds. A.E. vd Berg

“Julle bid en julle ontvang nie, omdat julle verkeerd bid…”(Jakobus 4:3)

Gebed is om met God te praat.   En ons kan omdat Hy ons na sy beeld geskape het.   Dit beteken nie dat ons soos God lyk nie, maar dat Hy vir hom in die mens ‘n gespreksgenoot geskep het. Die mens is enigste van God se skeppings wat met Hom kan praat. Daarom behoort dit ’n besondere voorreg te wees om met ons Skepper te kan praat.

Soos wat die maan die seegetye beïnvloed, beïnvloed gebed ons lewe. Hoe sterker ons gebedslewe is, hoe hoër is die geestelike gety in ons lewe en hoe nader leef ons aan God. Die teenoorgestelde is ongelukkig ook waar. Hoe minder gebed, hoe swakker die geestelike lewe.

Here, ek is ontsteld oor die gebrek aan geloof by baie van my volksgenote.  My hartstog vir die waarheid en geregtigheid vir my volk laat my vir ʼn geestelike ontwaking onder hulle pleit.  So baie van hulle is wreed mislei en het derhalwe hul seile in verraderlike winde ontplooi.   Here, my hart is net te groot om die volksvyand te bevoordeel en my volk leed aan te doen.

Ek is hartseer oor misleiers wat my volk na plekke geneem het waar hulle nie wou wees nie, langer daar gehou het as wat hulle wou bly en meer gekos het as wat hulle bereid was om te betaal.   My volk se vryheid is fyngetrap en kan net met u genade herwin word.  Ons het geen groter begeerte as om as ʼn vrye volk op ʼn vrye volksbodem U as die Drie-enige God te aanbid nie.  Wees ons genadig!

Terwyl Ramaphosa plaaslik ‘n grootskaalse mandaat vir die gifspuit beplan (soveel so dat hy besig is om dit in wetgewing op te neem) het baie van die Europese lande aangekondig dat hulle van nou af Covid as net nog 'n endemiese siekte gaan hanteer. Denemarke, Noorweë, Switserland en die Tsjeggiese Republiek het almal begin om Covid-verwante beperkings op te hef, soos beperkings op byeenkomste en die vereiste dat Covid-passe gedra moet word. Veral Italië, Finland, Ierland, Frankryk en Litaue doen baie in hierdie verband.

Die meeste van hierdie lande beplan om teen Maart so na as moontlik aan "normaal" te wees. In Brittanje hoef mense nie meer van hulle huise af te werk nie. Ook hoef hulle nie meer maskers te dra nie en is die Covid-pas ook afgeskaf.

Kom ons kyk bietjie nader na sommige van hierdie lande.

Denemarke was die eerste land in die Europese Unie wat beperkings geskrap het. Denemarke het nooit probeer om die gifspuit ‘n mandaat te maak nie, alhoewel 78% van die bevolking dit vrywillig ontvang het. Hulle staatsamptenare het verklaar dat hulle nie hul bevolking wil dwing nie want hulle wil nie die vertroue van die mense skend nie. Klink of daar darem ‘n paar politici met breinselle is...

’n Studiehandleiding by die lees van die Nuwe Testament

Die Evangelie van Matteus

Anita Joubert

Matteus 24:9-10 Die profetiese rede: rampe en vervolging 

In hierdie woorde lees ons die absolute eerlikheid, sonder enige doekiesomdraai, waarmee Jesus sy volgelinge geleer het. Hy het nooit aan hulle ’n maklike pad belowe nie. Hy het hulle gewaarsku dat hulle swaarkry, vervolging en selfs die dood te wagte kan wees. Die ware kerk sal altyd, tot die einde toe, ’n vervolgde kerk wees. Daar is verskeie redes daarvoor:

1. Jesus verwag van ons ’n nuwe lojaliteit wat groter moet wees as enige aardse verbintenisse. Die vroeë Christene was gehate mense in die samelewing omdat hulle huisgesinne en families verdeel het deurdat een lid van ’n gesin dikwels tot bekering gekom het en die ander nie. Christene moet aan Jesus Christus die eerste plek in hulle lewens gee, en dit bots baie keer met menslike standaarde.

Covid bly maar aan die orde van elke dag! Nou is daar duidelik indentifiseerbare gevalle waar mense van ‘n oormaat neus- en keelsmere twv die “covid-toets” gesterf het.   In een so geval het ‘n bejaarde man ‘n geruime tyd in ‘n hospitaal behandeling ontvang vir totaal ‘n ander probleem; nog het die verpleegpersoneel tydig en ontydig die besemstok in die arme ou man se neus opgedruk. Uiteindelik het hy aan breinbloeding gesterf wat geen verwantskap met sy oorspronklike siekte gehad het nie. En daar is betroubare getuies vir hierdie geval.

Eindelik het dit aan die lig gekom dat daardie “onskuldige” wattestokkie wat toe nie net in die neus land nie maar doelbewus so diep as tot by die dun vlies tussen die brein en die sinusse ingesteek word, nie so onskuldig is nie. Dit word deurdrenk met ‘n kleurlose gas wat by kamertemperatuur ‘n soet reuk het, by name etileenoksied.

In ander lande is daar reeds covid-tuis-toetsstelle beskikbaar. Agter op die kartonverpakking word as deel van die inhoud die afkorting vir “ethylen oxide” duidelik aangedui. Vóór verpakking word die wattestokkies deurdrenk met etileenoksied en dan steriel en lugdig verpak.

Laat ons kyk wat is etileenoksied.

’n Studiehandleiding by die lees van die Nuwe Testament

Die Evangelie van Matteus

Anita Joubert

Inleidend

Ons het reeds gesien dat dit een van Matteus se groot vermoëns en talente was, om groot hoeveelhede inligting te versamel en dit te orden en te rangskik. In hoofstuk 24 kan ons sien dat hy alles wat Jesus oor die toekoms gesê het en ook die toekomsprofesieë wat Hy uitgespreek het, bymekaar gevoeg het. Omdat hy egter nie seker was presies watter profesie op watter gebeurtenis van toepassing is nie, is dit vandag vir ons effens moeilik om hierdie hoofstuk te verstaan. Dit is makliker wanneer ons dit indeel:

1. In verse 1 tot 2 verwys Jesus na die vernietiging van Jerusalem en die tempel wat tot op die grond afgebreek sou word. Verse 15 tot 22 vertel vir ons van die verskriklike tyd toe die beleg van Jerusalem deur die Romeinse generaal, Titus, in 70 n.C. plaasgevind het. Dit was een van die ergste gebeurtenisse in die Jode se geskiedenis.

Dankie Here vir die voorreg om U op hierdie Maandagoggend in gebed te mag aanroep en te weet dat gebed die grootste koordlose skakeling denkbaar is. Al beland ons in die diepste put styg ons gebede tot in die hoogste hemel op omdat geen afstand so kort is soos dié tussen ons en U nie.

Gebed is die asem van ons siel waarsonder ons nie kan leef nie. Wanneer ons bid, is dit soos ʼn hek wat na die hemel oopgaan en ons op hoër geestelike grond plaas. Laat ons nooit vergeet om vir mekaar te bid nie, ook vir ander mense as ons niks anders vir hulle kan doen nie.

Verfris ons siele met die lewensgeur van gebed en laat ons ons seëninge met dankbaarheid omsoom sodat dit nie uitrafel en ons u hand nie meer daarin gewaar nie. Laat die blydskap oor ons verlossing in Jesus Christus soos goddelike grimering op ons gesigte wees en laat die sonlig van u goddelike beloftes hierdie week oor ons doen en late skyn.

Amen

Ds A.E. van den Berg

“Want Ú het my niere gevorm, my in my moeder se skoot geweef... My gebeente was vir U nie verborge toe ek in die geheim gemaak is nie... U oë het my ongevormde klomp gesien; en in u boek is hulle almal opgeskrywe: dae dat alles bepaal was, toe nog geeneen van hulle daar was nie. Hoe kosbaar is dan vir my u gedagtes, o God! Hoe geweldig is hulle volle som nie!”(Ps.139:13-17).

Niemand het iets belangriker in die lewe nodig as ʼn verhouding met God nie. Alle ander dinge is ondergeskik daaraan. Ons verhouding met God begin met ʼn besef dat Iemand ons gemaak het. Ons het nie onsself iewers in die buitenste ruimte gemaak en op ʼn dag op die aarde verskyn nie. In Ps.139 sê Dawid dat Iemand anders hom gemaak het; dieselfde Persoon wat die ganse mensdom gemaak het. Paulus sê vir die Atheners:

“En Hy het uit een bloed al die nasies van die mensdom gemaak om oor die hele aarde te woon, terwyl Hy vooraf bepaalde tye en die grense van hulle woonplek vasgestel het” (Hand.17:26)

Hannes Ollewagen

Rom. 11:33-36

“Of wie het eers iets aan Hom gegee, dat dit hom vergeld moet word? Want uit Hom en deur Hom en tot Hom is alle dinge. Syne is die heerlikheid tot in ewigheid. Amen.” (:35&36).

Geliefdes, ons behoort onsself meer gereeld aan hierdie waarheid te herinner. Ja, die feit dat alles in die heelal en alles rondom ons uit Hom en deur Hom is, is ‘n uiters belangrike saak wat ons heeltemal te maklik uit die oog verloor. En dit is juis wanneer ons nie hierdie waarheid in ag neem met ons besluite in die lewe nie dat ons verkeerde besluite maak en ook dikwels die verkeerde koers in die lewe inslaan.

’n Studiehandleiding by die lees van die Nuwe Testament

Die Evangelie van Matteus

Anita Joubert

Wanneer ’n persoon normaalweg kort van draad is en ander mense uittrap, dan dra sy woorde gewoonlik nie veel gewig nie. Met Jesus is dit presies die teenoorgestelde en daarom is sy woorde verstommend inspirerend, wanneer Hy so kwaad word vir die Fariseërs en die skrifgeleerdes. Dit sal baie help om te verstaan as ons net kortliks kyk na dít waarvoor hulle gestaan het.

Die Joodse geloof is gebaseer, eerstens op die tien gebooie, dan op die Pentateug, en dan op die wet. Die Jode was bekend as ’n volk met ’n wet. Soos enige ander nasie, het hulle ook daarvan gedroom om groot hoogtes te bereik, maar hulle geskiedenis het anders verloop. Hulle is deur die Assiriërs, die Babiloniërs en die Perse oorwin. Dit was duidelik dat dit nie deur politieke mag sou gebeur nie, en daarom het, nadat hulle teruggekeer het uit ballingskap onder Esra, ’n skrifgeleerde, daar ’n nasionale toewyding aan wetsonderhouding ontstaan (Neh 8:1-8). Van daardie tyd af het die bestudering van die wet vir hulle die belangrikste beroep geword wat daar kon wees.