Hannes Ollewagen

Jona 2:1-10

“Die wat nietige afgode vereer, verlaat die Een wat vir hulle goedertieren is.” (:8).

Geliefdes, ek dink nie dat ons onsself Jona se situasie kan indink nie. Koud, nat, benoud. Oomblikke vantevore was hy benoud dat hy sou sterf net voordat hy van ‘n skip af in die see gewerp is. Maar toe het hy nog gelewe en seker gedink dat dit net ‘n kwessie van tyd was voordat hy sou sterf. Hy kon sekerlik wonder waarom die HERE hom nie net laat sterf het sodat die angs van die dood nie so uitgerek sou wees nie. En sekerlik het hy gemengde gevoelens gehad. Hy was seker enersyds dankbaar dat sy lewe gespaar is. Maar andersyds moes hy gewens het dat sy weg na die dood nie so uitgerek sou wees nie. Daar waar hy hom binne in die ingewande van ‘n vis bevind het, het hy tog seker geen vooruitsig van lewe meer gehad nie? Maar daar waar Jona in sy benoudheid sit, dink hy oor sy lewe. Hy dink oor die verkeerde besluite wat hy geneem het wat tot sy benarde situasie aanleiding gegee het. Hy dink aan sy ongehoorsaamheid aan die HERE. En hy ervaar die eensaamheid en angs wat laasgenoemde vir hom tot gevolg het.

Here, wees my hierdie naweek genadig en bewaar my van versoeking wat so maklik by deure inkom wat opsetlik oopgelaat is. Soos wat geen sandkorrel te klein is om ʼn horlosie te beskadig nie, so ook nie ʼn sonde om my siel te skaad nie.

Sonde neem ʼn mens na plekke waar jy nie wil wees nie en hou jou langer as wat jy wil bly. Dit kos jou ook meer as wat jy bereid was om te betaal. Help my Here, dat sonde nie verder as ’n bekruiper in my lewe gaan nie. Gee dat ek gereeld hand in eie boesem steek en my oortredinge bely.   Laat niks my groter genoegdoening gee nie as om versoekings te weerstaan en op die satan se mees gehate lys te beland.

Amen

Ons lees die afgelope tyd van al die verraad en korrupsie wat die Amerikaanse regering teenoor sy eie mense pleeg maar weet ons hoeveel verraad hier in ons Afrikanergeledere plaasvind?  Een van die ergste organisasies wat kwansuis vir die blanke Afrikaner veg maar inderwaarheid agente van die Nuwe Wêreldorde is, is Solidariteit, wat pas weer een van die belangrikste kwessies oor gedwonge inenting, in die Arbeidshof opgefoeter het; so erg dat dit moeilik sal gaan om die saak om te swaai.

Kyk na die video hieronder en luister na wat Schalk vd Merwe daaroor te sê het.

https://lovinglifetv.com/schalk-van-der-merwe-is-not-happy-with-solidarity-find-out-why/

Dit is nie net Amerika wat sankies kan toepas nie, so het hulle pas self uitgevind. Rusland het Dinsdag die Amerikaanse president Joe Biden (bo-aan lys), dan Tony Blinken, minister van buitelandse sake, Lloyd Austin, minister van verdediging, stafhoof-voorsitter genl. Mark Milley, nasionale veiligheidsadviseur Jake Sullivan, CIA-direkteur William Burns, en die Withuis se perssekretaris Jen Psaki op hulle sanksielys geplaas. Verder op die lys is die voormalige minister van buitelandse sake Hillary Clinton en Biden se seun Hunter – wie se transaksies met 'n Oekraïense energiefirma voorheen bevraagteken en gekritiseer is. Nog agt ander administrasie-amptenare en politieke figure word genoem. Die persone op hierdie lys word toegang tot die Russiese Federasie geweier. Die Kremlin se verklaring het egter gesê dat Moskou nie kontak met Amerikaanse amptenare sal uitsluit "as hulle aan ons nasionale belange voldoen nie."

Anita Joubert

Wonder jy soms of Jesus werklik bestaan het? Daar word gesê die Bybelverhale is mites wat deur mense uitgedink is.

Die Christus-mite?

Die feit dat Jesus se letterlike, fisiese bestaan in ons tyd ontken word, het as die “Christus-mite” bekend geword. Volgens Ellen Johnson, president van die Amerikaanse Ateïstiese Vereniging, bestaan daar nie een enkele sekulêre bewys dat daar ooit ‘n Jesus Christus geleef het nie. Volgens haar is Jesus ‘n samevoeging van ander gode wat dieselfde oorsprong en dood as die mitologiese Jesus Christus gehad het. Net jammer dat sy nooit die moeite gedoen het om die ware feite te soek nie.

Die vraag is hoe ons ‘n mitologiese karakter van ‘n werklike persoon onderskei. Wanneer ons byvoorbeeld na die lewe van Alexander die Grote kyk, dan is die vraag, watse bewyse het historici oortuig dat hy werklik geleef het? Hy en Jesus word albei as sterk leiers beskou, albei het kort loopbane gehad en in hul dertigerjare gesterf. Alexander was ‘n man van oorlog wat deur sy swaard regeer het, maar Jesus was ‘n man van vrede wat deur liefde regeer het.

Dit het aan die lig gekom dat agente van die Nuwe Wêreldorde gereed staan om president Poetin van die gras af te maak. Nee, dit is nie 'n soort samesweringsteorie nie. Dit is ook nie wetenskapfiksie nie. En as jy so dink, sal jy moet gaan sit met 'n voormalige senior intelligensie-agent wat betrokke was by 'n geheime operasie vir Frankryk se Algemene Direktoraat vir Eksterne Veiligheid. En as jy nie daardie geleentheid kry nie kan jy bietjie wyer lees oor gesprekke wat hieroor gevoer is.

Daar was ‘n agent wat naamloos wou bly. Hy het gevra: "Kan president Poetin werklik vermoor word?"

Die ander agent wou ook nie sy naam bekend maak nie, heeltemal verstaanbaar as mens na sy antwoord luister; ons weet net hy is die senior intelligensie-agent:

“Wel…die operasie is op elke intelligensie-agentskap se ontwerptafel. Ek weet dit omdat ek hulle voorheen beplan het.”

Republikeinse speldekoppe soos Marco Rubio en Lindsey Graham het dieselfde mening uitgespreek:

"O, sal dit nie wonderlik wees as iemand intern net hierdie ou uithaal en hom uitskakel nie!"

Die internasionale geldmagte, ook genoem die Illuminati en sy seekatarms, is agter die skerms hard besig met hulle volgende fase van wêreldoorname, wat soos die sogenaamde Covid-19–pandemie, binnekort vir almal sigbaar sal wees. Hierdie keer speel die totaal korrupte Wêreldgesondheidsorganisasie ‘n prominente rol daar in en wag daar vir die lande waarin hul plan slaag, die grootste ellende nog!

In 'n artikel van 18 Februarie 2022, het dr. Peter Breggin, skrywer van ‘COVID-19 and the Global Predators: We Are the Prey’, gewaarsku dat die volgende stap in die globaliste se oorlog teen die mensdom is om beheer oor die gesondheidsorgstelsels van die hele wêreld te verkry.

"Ons het die volgende stap van die globale roofdiere ontdek – wat reeds aan die gang is in hul toenemende aanvalle teen individuele en politieke vryheid. Die volgende groot aanslag op menslike vryheid behels 'n gewettigde oorname van nasionale gesondheidsorgstelsels deur die Wêreldgesondheidsorganisasie (WGO).

Wat nou in die Oekraïne gebeur, het ernstige geopolitieke implikasies. Dit kan ons in 'n Derde Wêreldoorlog scenario lei. Maar laat ons eers kyk hoe lank gelede die plan met die Oekraïne en Rusland neergepen is en wat dit behels.

Die strategiese plan van die Verenigde State teen Rusland is drie jaar gelede deur die Rand Corporation uitgewerk (Die manifes, Rand Corp: How to bring Russia down, 21 Mei 2019).

Die Rand Corporation, met sy hoofkwartier in Washington, DC, is "'n wêreldwye navorsingsorganisasie wat oplossings vir beleidsuitdagings ontwikkel". Dit het 'n leër van 1 800 navorsers en ander spesialiste wat uit 50 lande gewerf is, wat 75 tale praat, versprei oor kantore en ander plekke in Noord Amerika, Europa, Australië en die Persiese Golf. Rand Corp se Amerikaanse personeel woon en werk in meer as 25 lande.

Uit die mond van die hoofstroommedia hoor ons gewoonlik net die een kant van ‘n saak wat dan ook mooi geplooi word om van die slagoffer die monster te maak. Dit is dan ook presies wat Media24 met die Rusland-inval doen. Rusland word die skuldige aggressor en Oekraïne is die arme slagoffer, met Washington wat al die toutjies trek maar niemand maak daarvan melding nie!

Amerika is op ‘n vernietigingsoorlog uit. Sy doel is om Rusland totaal te vernietig, dws al sy mense en grense. Dit word gedefinieer as 'n geradikaliseerde vorm van oorlogvoering waarin "alle psigo-fisiese grense" afgeskaf word en die strategiese doelwitte nagestreef word op enige manier wat nodig sal wees. Dit is oorlog sonder reëls en morele beperkings. Die Verenigde State is in die vroeë fases van 'n oorlog teen Rusland wat die totale vernietiging van die ekonomie, die kultuur, die bevolking en die nasie ten doel het.

Here, op hierdie Maandag is ek ontsteld oor die gebrek aan geloof by baie van my volksgenote. My hartstog vir die waarheid en geregtigheid vir my volk laat my vir ʼn geestelike ontwaking onder hulle pleit. So baie van hulle is wreed mislei en het derhalwe hul seile in verraderlike winde ontplooi.   Here, my hart is net te groot is om die volksvyand te bevoordeel en my volk leed aan te doen.

Ek is hartseer oor misleiers wat my volk na plekke geneem waar hulle nie wou wees nie, langer daar gehou as wat hulle wou bly en meer gekos het as wat hulle bereid was om te betaal.   My volk se vryheid is fyngetrap en kan net met u genade herwin word. Ons het geen groter begeerte as om as ʼn vrye volk op ʼn vrye volksbodem U as die Drie-enige God te aanbid nie. Wees ons genadig!

Amen

Ds A.E. van den Berg

“Hoe kan hulle Hom dan aanroep in wie hulle nie geglo het nie? En hoe kan hulle in Hom glo van wie hulle nie gehoor het nie? En hoe kan hulle hoor sonder een wat preek? En hoe kan hulle preek as hulle nie gestuur word nie?” (Rom.10:14).

God maak Hom op twee maniere aan die mens bekend; eerstens deur die natuur en tweedens deur die Bybel. Vir Bybel-openbaring het Hy skrywers begeester om heilige geskrifte te skryf en sekere mense tot sy diens geroep om dit aan mense te verduidelik. Dit maak van prediking ʼn heilige beroep.

“Hoe kan hulle Hom dan aanroep in wie hulle nie geglo het nie? En hoe kan hulle in Hom glo van wie hulle nie gehoor het nie? En hoe kan hulle hoor sonder een wat preek? En hoe kan hulle preek as hulle nie gestuur word nie? (Rom.10:14).

Prediking is ʼn ontmoetingsgeleentheid tussen God en mens met die doel om hulle insig in die dinge van God te gee. Daarom vind swak prediking geen ingang by mense nie. So ʼn leraar is soos ʼn dokter wat met ʼn pasiënt oor sy swak gesondheid praat, maar hom sonder ʼn voorskrif huistoe stuur. Hy het die dokter gesien en die dokter het hom gesien en dis al!

Here, dankie vir die gawe van die lewe. U is die Lener en ek die ontvanger daarvan. U Woord is duidelik dat daar ʼn dag kom dat ek dit moet teruggee en verslag daarvan aan U sal moet doen. Gee dat ek nooit vergeet dat alles wat ek is en het, net genade is nie. Maak my derhalwe nederig sodat u grootheid in my nederigheid sal skitter en van my hart die mooiste tempel vir U maak.  

Seën my met lewensvreugde en leer my dat vreugde ʼn vrug van die Gees en nie ʼn byproduk van stoflike welvaart is nie. Herinner my om voortdurend bly te wees oor die redding van my siel en laat my blydskap nooit van omstandighede afhang nie.

Laat my geloof in U soos die son wees wat opkom en my mooi dinge rondom my laat raaksien.   Seën my so Here, dat my lewe ook vir ander tot seën sal wees. Maak my lewe vry van haat; my gedagtes vry van kommer en laat ek meer gee en minder verwag.

Reinig my lewenspad deur u Woord en Gees sodat ek ʼn goeie voorbeeld vir ander sal wees en nooit ʼn wrede waarskuwing word nie. Laat my reinheid ander se onreinheid soos waarskuwingsligte laat brand.

Amen

Of mense dit besef of nie, The Great Reset is 'n globalistiese plan wat teen beligtingspoed vorentoe beweeg. Die COVID-19-pandemie was deel van daardie plan, soos uiteengesit in Klaus Schwab se boek, COVID-19: The Great Reset. Maar om werklik die tegnokrate se ambisies te vervul, is 'n oorlog van een of ander aard waarskynlik nodig. Soos gerapporteer deur Dr. Vernon Coleman tydens The Exposé:

“Noudat die meeste mense agter die bank of onder die bed inkruip weens die vals COVID-bedreiging, het die globaliste twee nuwe dreigemente op die spyskaart bekendgestel: oorlog en storms ... hulle was altyd van plan om dit te doen ... Om ons op ons tone te hou, sal sommige van die storms hewig wees. Dit sal waarskynlik mensvervaardig wees. En daar sal hittegolwe wees, swaar sneeu val en waarskynlik 'n tsoenami of twee (maklik geskep met 'n onderwater-ontploffing). Jy kan natuurlik nie miljarde doodmaak met slegte weer nie, maar jy kan die pryse van voedsel en energie opstoot en miljoene doodmaak deur verwoeste ekonomieë, armoede en hongersnood.”

Luister by die skakel hieronder na die hele waarheid oor die Russiese oorlog, deur ontleding van die leuens van Amerika wat die hele oorlog van Rusland beplan het  en veel meer... 

https://lovinglifetv.com/dont-be-fooled-by-that-little-war-going-on-in-ukraine-its-impacts-and-its-timing-are-planned-to-impact-all-of-us/

…vanuit ʼn Bybelse perspektief

Anita Joubert

Om hierdie oorlog wat nou op almal se lippe is vanuit ʼn Bybelse perspektief te sien, is dit nodig om te gaan kyk hoe die Here met volke in die tyd van die Ou Testament gewerk het. Hy het nog nooit verander nie. Dit is presies dieselfde God wat ons vandag nog aanbid. Hy is nog steeds in beheer van hierdie skepping wat Hyself geskep het, al dink Satan dat dit aan hom behoort om te verwoes en te vernietig en uit te deel, soos wat hy probeer het met Jesus toe hy vir Hom, in die woestyn, al die koninkryke van die wêreld wou gee, as Jesus net sou neerval en hom aanbid.

Satan het wel vir ʼn tyd lank beheer oor die aarde verkry – Jesus self het hom die owerste oor hierdie wêreld genoem– net sodat God sy volmaakte raadsplan kan voltooi, en dan gaan Satan in die bek geruk en baie swaar gestraf word. Elke volk, en veral sy leiers, sal nog steeds verantwoordelik gehou word vir hulle dade voor die God van Geregtigheid, en wanneer hulle beker van sonde en ongeregtigheid volgeloop het, gaan God hulle nog steeds straf net soos wat in die Ou Testament gebeur het. Die King James-Vertaling praat van die “cup of iniquity.” Ons lees onder andere in Genesis 15:16, toe die Here ʼn verbond met Abraham gesluit het en Hy vir hom sê dat dit eers sy vierde geslag sal wees wat na die land sal terugkeer, want eers dan sal die ongeregtigheid van die Amoriete sy volle maat bereik het.

                                                                                Deur Internasionale Juris

As mens die Westerse media lees of moet glo wat Biden, Johnson, Macron en andere vir jou vertel sal jy, soos meeste mense doen, Rusland veroordeel vir sy inval in die Oekraïne. Dat dit mense nie opgeval het dat die lotjie amper besete raak in die proses en dit daarom rooiligte moet laat flikker nie, verstom ‘n mens.

Kom ons gaan kyk wat is die posisie in die internasionale reg wat betref die soewereiniteit van ‘n staat en wat die regsposisie is met betrekking tot invalle in state. Uiteraard moet mens in die proses kyk wat ‘n staat soos die VSA doen as hulle van mening is dat ‘n ander staat ‘n bedreiging vir hom inhou.

Die reg op gebruik van geweld het twee aspekte en is gekodifiseer in die internasionale reg en uiteengesit in die Handves van die Verenigde Nasies. Dit staan ook algemeen bekend as die reg op selfverdediging.

Die VN-Handves is die primêre dokument wat die reg op die gebruik van geweld reguleer. Nasiestate het nie die reg op gebruik van geweld teenoor ander soewereine state nie behalwe in uitsonderlike gevalle.

Vóór die twee Wêreldoorloë was die situasie natuurlik anders, maar dis juis as gevolg van hierdie oorloë dat die situasie dramaties verander het en is aggressie teenoor state verbied.