Ds A.E. van den Berg

“Wie is die man wat lus het in die lewe, wat dae liefhet om die goeie te sien? (Ps.34:13).

Ons het almal iets in gemeen – ons lewe. Die lewe is ʼn gawe van God. Dis egter nie net maneskyn en rose soos koning Dawid diep bewus van was nie. Hy het die soet en die suur van die lewe geken; hoogtepunte soos sy troonbestyging maar ook laagtepunte soos toe hy tydens ʼn burgeroorlog vir sy eie seun uit sy paleis in Jerusalem moes vlug.

In Ps.34 aanvaar Dawid dat elke mens gelukkig wil leef. Gelukkige lewens bestaan egter nie uit die hoeveelheid jare wat ʼn mens leef nie, maar uit die gehalte van daardie jare. Dit kan of wys of dwaas deurgebring word.

Ope brief aan diegene wat wys genoeg was om hulle nie met die COVID-19-gifspuit te laat opfoeter nie.

Jy is nie alleen nie! In Amerika alleen is daar 17,000 dokters wat met jou saamstaan. Wêreldwyd is daar duisende dokters wat wakker genoeg was om die waarheid in te sien, net soos jy. Vanaf 28 Julie 2021 het 70% Suid-Afrikaners hulle nie laat inspuit nie; 29% van die Kanadese het nie die gifspuit ontvang nie, en 'n bykomende 14% het net een gekry voor hulle oë en verstand oopgegaan het. In die VSA en in die Europese Unie is minder as die helfte van die bevolking volledig “ingeënt”, en selfs in Israel, die "wêreld se laboratorium" volgens Pfizer, bly een derde van die mense heeltemal “ongeënt”, ten spyte van die leuens wat die media verkondig.

Politici en die media het 'n eenvormige siening ingeneem en die oningespuites as sondebok voorgehou vir die probleme wat ontstaan het ná agtien maande van vreesskepping. Dit is tyd om die saak reg te stel.

’n Studiehandleiding by die lees van die Nuwe Testament

Die Evangelie van Matteus

Anita Joubert

Matteus 21:1-11 Met hierdie hoofstuk, betree ons nou die laaste dramatiese tydpek van Jesus se aardse lewe. Dit was tyd vir die viering van die Pasga, en Jerusalem en die hele omliggende gebied, was oorstroom deur reisigers wat spesiaal daarvoor gekom het. Dertig jaar na Jesus se kruisiging het ’n Romeinse goewerneur ’n sensusopname gedoen en vasgestel dat daar gemiddeld twee honderd en vyftig duisend lammers elke Pasga geslag is in Jerusalem. Elke lam moes deur ’n minimum van tien feesgangers, of selfs meer, geëet word. Dit beteken dat daar ’n minimum van twee en half miljoen Jode in daardie stadium in Jerusalem was. Alhoewel die Joodse wet bepaal het dat elke manlike volwasse Jood wat in, en binne vier en twintig kilometer van Jerusalem af gewoon het, verplig was om die Fees by te woon, het Jode van die verste uithoeke van die wêreld gekom om die grootste van hulle nasionale feeste by te woon.

... BAAR GESEËNDE OUDAE

Ds Andrè van den Berg

Ouderdom is ʼn voorreg wat almal nie beskore is nie. Baie mense sterf jonk. Alhoewel ouderdom aan lewensjare gemeet word, word dit deur ʼn positiewe lewensingesteldheid bepaal en behoort mense ryper vir die lewe te maak. Ongelukkig laat sommige mense toe dat vader tyd en moeder natuur hulle te vinnig inhaal en word hulle in werklikheid oud voor hul tyd.

Die ouderdom is ʼn tyd waarin die mens na rus en vrede smag. Goeie jeugjare is hier onontbeerlik. Ons moet in die oggend van ons lewe al vir die aand daarvan voorberei.   Wie sy lewe in sy jongdae nie in orde kry nie, slaag nie maklik op sy oudag daarin nie.

Roekelose jeugjare baar hartseer oudae. Wie die bloeisels in die lente van sy lewe afpluk, kan mos nie vrugte in die winter daarvan verwag nie. Die blare van ʼn roekelose jeug veroorsaak ʼn aaklige geritsel op die oudag. ʼn Jongmens wat ʼn sinvolle lewe lei, geniet feitlik altyd ’n onvernietigbare stuk somer in die winter van sy lewe.

Gelowiges moet met die verganklikheid van die lewe vrede maak. Geliefdes sal sterf. Ja, dis hartseer om met ʼn volgende hoofstuk aan te gaan en te weet dat die persoon in die vorige een nie daarin sal wees nie. ʼn Melkboer het gesê dat jy ’n koei net vir ʼn tyd lank kan hê, waarna jy net die melkemmer oorhou.

Ouderdom is ook voordelig. Al is jy nie meer op die verhoog nie, kry jy dikwels die beste sitplek in die gehoor en hoe ouer jy word, hoe meer mense glo wat jy sê. Al vernietig ouderdom skoonheid, vernietig dit gelukkig nie styl nie. Dit laat hoogstens plooie op die gesig maar nie op die hart nie.

Here, ons is hartseer oor die ongebondenheid onder baie van volksgenote wat al as’t ware vir hulle ʼn tipe van godsdiens geword het. Ons bid vir kollegas, vriende en familielede wat weet waar verlossing van sonde bekom kan word, maar desondanks hul oë in ongeloof sluit. Ons bid ook vir hulle wat die fontein van die lewende water verwerp en hul geestelike dors op verkeerde plekke les. Laat hulle tot die besef kom dat die wêreld geen ware vreugde bied nie; net U alleen.

Gee ons die nodige genade dat as daar in hierdie naweek onaangename dinge op ons lewenspad kom, dit ons hoogstens mag ontstel maar nie bitter maak nie. Help ons om mekaar te vergewe soos wat U ons vergewe sodat ons nooit met die koue as van onvergewensgesindheid sukkel nie

Dankie vir U vrede in ons lewens sodat ons op die reënboë nie en op die donderstorms in ons lewe let nie. Gee ons die nodige geesteskrag om altyd vorentoe te beur al moet ons ook kruip. Laat ons lewe soos ʼn sonneblom wees; altyd met gesigte na die lig toe, U lig.

Amen

’n Studiehandleiding by die lees van die Nuwe Testament

Die Evangelie van Matteus

Anita Joubert

Matteus 20:1-6 Hierdie gelykenis mag dalk klink na ’n storie wat uitgedink is, maar dit is nie die geval nie. Dit beskryf ’n gebeure wat heel dikwels in Palestina plaasgevind het. Wanneer die druiwe-oes ryp geword het aan die einde van September, dan het die reënseisoen aangebreek. Die oes moes baie vinnig ingebring word, anders kon dit groot skade kry. Daar was dus ’n geweldige gejaag teen tyd. Enige werker was welkom om te help, al kon hy net ’n uur se werk insit. ’n Denarius was die normale dagloon vir ’n dagwerker.

Die markplein was die plek waar almal wat werk gesoek het, met hulle gereedskap gaan wag het om in diens geneem te word. Die feit dat sommige tot vyf uur daar gestaan het, is die bewys van hoe desperaat hulle was om ’n bietjie geld te verdien. Hierdie huurlinge was die laagste klas werkers, en die lewe was vir hulle baie moeilik gewees. Slawe en bediendes was darem aan die families in wie se diens hulle was, verbind. Hulle was nie in gevaar om van honger te sterf nie. Met die huurlinge was dit anders. As hulle nie in diens geneem word elke dag nie, dan het hulle gesinne honger gely.

... EN ANDER NATUURRAMPE

Ds A.E. van den Berg

“Want die een nasie sal teen die ander opstaan en die een koninkryk teen die ander; en daar sal hongersnode wees en pessiektes en aardbewings op verskillende plekke” (Mt.24:7).

Die eiland van Tonga is ongeveer ʼn 1000 seemyl van Nieu Seeland se noord-eiland af geleë en was op 14 Januarie vanjaar in die nuus toe ʼn vulkaan na ʼn aardbewing in die nabygeleë see uitgebars het. Die uitbarsting het langer as 12 ure geduur en tot 30 km hoog in die lug op. Niemand het dit verwag nie. Daar was nie eens ʼn waarskuwing nie. Alles het net skielik gebeur wat Tonga vir agt dae van die buitewêreld afgesny het.

Wanneer sal die wederkoms plaasvind? Niemand weet nie; net God. In Mt.24:3 vra die dissipels vir Jesus:

“Vertel ons, wanneer sal hierdie dinge wees, en wat is die teken van u koms en van die voleinding van die wêreld” .

Jesus gee vir hulle vyf van tekens wat dit vooraf sal gaan:

https://lovinglifetv.com/time-for-australian-truckies-to-take-the-lead-of-canadian-truckers/

Die inwoners van Kanada is nou moeg vir die leuens en onderdrukking deur hulle regering.  Die Eerste Minister daar is soos alle lande se regerings deur die Geldmag omgekoop en is ongenaakbaar in sy korrupte optrede. 

Meer as 50,000 trokbestuurders en duisende motoriste het besluit om 'n protesoptog na die Minister te hou en hom te konfronteer.  Dit klink asof die Minister toe weggekruip het, vandaar dat hy nie meer Justin genoem word nie maar Justine...  

Kyk gerus na die paar videos by bg skakel en verlustig u in die wete dat ons nie alleen staan in die waarheid nie.  Daar is miljoene mense wat deur die hele plandemie gesien het en nou hand en tand veg vir hulle vryheid.  

As die Kanadese in hul miljoene te midde van yskoue en swaar sneeu hulle protes kan laat hoor, hoeveel te meer kan Suid-Afrikaners met ons wonderlike klimaat nie opstaan en die ANC-regime laat verstaan dat ons nou genoeg gehad het van die sataniese plan om ons te vernietig nie!

Hannes Ollewagen

Joh. 13:1-20

“Toe Hy dan hulle voete gewas en sy bo-klere geneem het, gaan Hy weer aan tafel en sê vir hulle: Verstaan julle wat Ek aan julle gedoen het?Julle noem My Meester en Here, en julle is reg, want Ek is dit.As Ek dan, die Here en die Meester, julle voete gewas het, is julle ook verplig om mekaar se voete te was.Want Ek het julle 'n voorbeeld gegee om, net soos Ek aan julle gedoen het, ook so te doen.Voorwaar, voorwaar Ek sê vir julle, 'n dienskneg is nie groter as sy heer nie, en 'n gesant is ook nie groter as die een wat hom gestuur het nie.As julle hierdie dinge weet, salig is julle as julle dit doen.” (:13-17).

Geliefdes, wat ‘n Voorbeeld! Die HERE verduidelik nie alleen aan sy dissipels wat Hy van hulle verwag nie, maar Hy demonstreer dit ook aan hulle. En dit is mos wat ons doen wanneer ons aan iemand ‘n taak verduidelik en baie seker wil maak dat hulle verstaan – ons wys vir hulle hoe dit gedoen moet word. Ons verwag dan ook dat hulle ons demonstasie noukeurig moet navolg omdat ons verwag dat hulle in die saak dieselfde resultaat as die leermeester sal behaal.

’n Studiehandleiding by die lees van die Nuwe Testament

Die Evangelie van Matteus

Anita Joubert

Matteus 19:1-9 Jesus hanteer in hierdie gedeelte ’n kwessie wat net soos vandag nog, ook in sy tyd ’n brandende vraagstuk was, naamlik egskeiding. Daar was geen ooreenstemmigheid oor hierdie aangeleentheid onder die Fariseërs nie, en hulle het voortdurend probeer om vir Jesus in sulke strydvrae te betrek. Daar was geen ander volk wat meer respek en ontsag vir ’n huwelik gehad het, as die Jode nie. ’n Huwelik was vir hulle ’n heilige verbintenis, waarin hulle nie ligtelik getree het nie. ’n Joodse man moes met ’n maagd, van goeie afkoms, trou. Hy mag nooit ’n ander man se vrou verlei het nie; en hy mag nie met ’n vrou getrou het wat ’n prostituut of ’n slavin was nie. As ’n man sy vrou daarvan wou beskuldig dat sy nie ’n maagd was toe hy met haar getrou het nie, dan moes hy bewys daarvan bring.

...met die gifinspuiting

Dr Sucharit Bhakdi, 'n afgetrede professor, mikrobioloog en spesialis in aansteeklike siektes en immunologie, wat saam met verskeie ander dokters en wetenskaplikes die organisasie Dokters COVID-etiek gevorm het, het onlangs verduidelik hoe die bloedklonte as gevolg van die sogenaamde inenting ontstaan.

In elke dosis van die Moderna COVID-19 entstof is 40 biljoen mRNA- of ook genoem boodskapper RNS-molekules.

Elke mRNS "pakket" is ontwerp om in u sel opgeneem te word, maar slegs 25% bly in u arm op die plek van die inspuiting. Die ander 75%, word deur u limfstelsel versamel en in u sirkulasie gevoer. Die selle waar mRNA geabsorbeer word, is dié rondom u bloedvate - die kapillêre netwerk, wat die kleinste bloedvate in u liggaam is.

As die mRNS geabsorbeer word in u vaskulêre endoteel – die binnekant van u kapillêre vate – gaan die "pakkies" oop en word gene vrygestel. Elke geen kan baie COVID-19 “spike”-proteïene produseer, en u liggaam begin werk met die vervaardiging van hierdie proteïene, wat in biljoene tel.

Ds. A.E van den Berg

“.... Staan op die weë, en kyk en vra na die ou paaie, waar tog die goeie weg is, en wandel daarin; en julle sal rus vind vir julle siel ....“ (Jer.6:16)

Ons land verkeer tans in ʼn gesag– en sedelikheidskrisis soos nog nooit tevore nie. Die stygende misdaadsyfer en die gewelddadige aard daarvan getuig van ʼn gees van eiegeregtigheid, onverdraagsaamheid, selfsug, materialisme en grootskaalse korrupsie wat ons land beetgepak het.

Bybelse opdragte oor seksualiteit, menswaardigheid, gesinsverhoudinge, opregtheid, eerlikheid, betroubaarheid en verantwoordelikheid word geminag. Mislukte huwelike engesinsverbrokkeling is aan die orde van die dag; die

wrange vrugte van 'n samelewing wat God se Woord verlaat het.

’n Studiehandleiding by die lees van die Nuwe Testament

Die Evangelie van Matteus

Anita Joubert

Ons kan in hierdie hoofstuk sewe kenmerke uitken wat die persoonlike verhoudings van ’n volgeling van die Here Jesus raak:

1. In verse 1 tot 4 sien ons wat Jesus sê van nederigheid. Slegs wanneer ons die nederigheid van ’n kind het, kan ons ’n burger van God se koninkryk wees. Persoonlike ambisie, prestasie, belangrikheid ensovoorts, het nie ’n plek in ’n Chisten se lewe nie.
2. In verse 5 tot 7 sien ons hoe groot ’n Christen se verantwoordelikheid teenoor ander mense is. Die grootste van alle sondes is wanneer iemand ’n ander persoon leer om te sondig, veral as dit ’n swakker of jonger broer of suster is.

Hannes Ollewagen

Ps. 94:1-23              

“Die HERE ken die gedagtes van die mense – dat hulle nietigheid is.” (:11).

Geliefdes, hoe onbegryplik vir ons om te bedink dat daar vir die HERE absoluut niks, niks op hierdie aarde verborge is nie. Ja, ons diepste gedates is nie eers vir Hom verborge of ‘n geheim nie. God weet nie alleen wat in ons gedagtes omgaan nie, maar Hy hou ons gedagtes met belangstelling dop – Hy toets ons gedagtes!

“Deurgrond my, o God, en ken my hart; toets my en ken my gedagtes;en kyk of daar by my 'n weg is van smart, en lei my op die ewige weg!” (Ps. 139:23&24).

Die HERE verstaan dan ook beter as enigeen hoedat verkeerde gedagtes die mens se lewe beïnvloed – en bederf! Ja, sedert die vroegste tye van die mens se bestaan hier op aarde het die mens met hierdie probleem van verkeerde gedagtes te kampe gehad.

Ds. A.E van den Berg

“Daar is ’n weg wat vir ’n mens reg lyk, maar die einde daarvan is weë van die dood” (Spr.14:12).

Sommige mense glo dat politieke mislukkings hoofsaaklik aan oningeligte kiesers te wyte is en dat beter inligting sinvoller politieke besluite sal oplewer. Dit werk ongelukkig nie so nie. Baie kiesers stem bewustelik teen die waarheid. Hulle weet wat waar is, aanvaar dit nie en stem blind lojaal vir ʼn bepaalde politieke party – die weg van die minste weerstand en om aansien in hul gemeenskap te verwerf.

Hierdie kiesers stem vir dit wat vir hulle voorgesê word sonder om vas te stel of dit feitelik korrek is. Hulle hoor die waarheid, besef die nut daarvan maar glo nogtans die leuen. Die invloed wat welsprekende misleiers op mense het wat geen snars van politiek weet nie, is vir enige land rampspoedig.

’n Studiehandleiding by die lees van die Nuwe Testament

Die Evangelie van Matteus

Anita Joubert

Matteus 17:1-8 Die wonderlike tyd wat Jesus saam met sy dissipels deurgebring het in Sesarea Filippi, word nou opgevolg deur hierdie hoogtepunt van verheerliking op die berg. Ons is nie seker op presies watter berg dit plaasgevind het nie, maar dit moes heel waarskynlik teen die hange van die pragtige en statige Hermonberg gebeur het. Dit was heel moontlik nag gewees, want Lukas vertel vir ons dat die dissipels aan die slaap geraak het (Luk 9:32). Die volgende dag het hulle van die berg afgegaan, toe die vader van ’n seun met epileptiese aanvalle, hulle ingewag het (Luk 9:37).