Gedagtes vir elke dag
Of lees almal by Gedagtes vir elke dag
Soms wonder jy as kind van die HERE hoe jy aan ander mense rondom jou moet wys dat jy 'n bekeerde en gelowige is. Jy is dalk iemand wat sukkel om daaroor te praat. Die HERE leer ons ook om barmhartigheid aan mekaar te bewys. Wees dan goed vir jou medemens en wys hom só dat God jou eerste liefgehad het.
1972: AD KEET - DIGTER
KULTUURDAGBOEK 12 FEBRUARIE
Lees volledig by Kultuurdagboek
Albertus Daniël Keet is op 14 Oktober 1888 op Alice gebore. Hy behaal sy BA-graad aan die Universiteit van Kaapstad in 1908; die jaar daarop vertrek by na Amsterdam om medisyne te studeer. Sedert 1920 tot aan sy dood praktiseer hy op Senekal.
In 1932 is sy eerste vrou, dr. Nell N.C. Keet, 'n Amsterdamse dame, oorlede. Hy sluit 'n tweede huwelik met Rina van der Merwe.
EK HET GESTERF ! (14)
Hierdie naby-dood ervaring is in Afrikaans vertaal en neergeskryf
deur Anita Joubert
Toe Jesus voor my staan, het Hy gesê: “Kom, Ek wil vir jou die geestelike oorlog gaan wys wat julle mense nie kan sien nie, maar wat voortdurend rondom julle plaasvind.”
My naam is Sam Carter. Op die ouderdom van 38 jaar het ek op 12 April 2024 vir 6 minute lank ʼn hartstilstand gehad na ʼn motorongeluk. Ek was op pad huis toe na ʼn Bybelstudie by ons kerk.
Wat ek daardie aand gesien het, het my hele lewe, alles wat ek voorheen geglo het, my familie en my siening van die geesteswêreld, vir altyd verander.
In daardie oomblikke tussen lewe en dood, het Jesus vir my gewys wat in ʼn geestelike geveg gebeur en dat die meeste Christene die geveg verloor omdat hulle nie eers besef dat hulle in ʼn oorlog betrokke is nie.
1859: STIGTING VAN GEREFORMEERDE KERK OP RUSTENBURG
KULTUURDAGBOEK 11 FEBRUARIE
Lees volledig by Kultuurdagboek
Oral in die Westerse Wêreld het die liberalisme en modernisme na die Franse Revolusie kerklik-godsdienstige spanninge meegebring. Vanuit die Rennaissance en Griekse filosofie het die idee van die outonome mens wat met sy rede of belewing die hoogste gesag uitoefen, die absolute gesag van die Bybel, die Gereformeerde Belydenis en kerkinrigting verwerp.
Aan die Kaap plaas De Mist (1804) en die eerste Sinode (1824) die kerkgesag in die hande van die kerkvergadering. Die nuwe lewensgevoel wat op die mens toegespits is, het naas die Psalms 'n Gesangbundel met vrye liedere in 1806 in Nederland ingevoer. Na die Engelse oorname verplig die filantrope met Ordonnansie 50 van 1828 sosiale integrasie.
BEK-EN-KLOUSEER UITBRAAK KON VERHOED WORD
Dr Danie Odendaal, hoogs gerespekteerde SA veearts en lid van die ministeriële BKS-taakspan, direkteur van Veeartsnetwerk, het gister skokkende onthullings gemaak op sy Facebook-blad.
Die SA landbouminister se bekendstelling van die sogenaamde "nuwe" plaaslik vervaardigde entstof van die staatsondernemings ARC-OVR op Vrydag (6 Februarie) is nie 'n deurbraak nie.
Dit is 'n nasionale skande!
Hierdie entstof is nie nuut nie. Dit is sedert 2010 deur 'n span navorsers, onder wie twee Nederlandse spesialiste, teen hoë koste (gefinansier deur die belastingbetaler) ontwikkel by die Landbounavorsingsraad (Onderstepoort). Dit is reeds vier jaar gelede in 2022 volledig geregistreer as 'n entstof in SA, en ook soos Vrydag, in 2023 as 'n deurbraak bekend gestel.
Die doelwit was om 'n doeltreffende entstof beskikbaar te hê vir wanneer die bek-en-klouseer siekte (BKS) weer uit die Kruger Nasionale Park versprei.
1901: GENL DE WET TREK KAAP BINNE
KULTUURDAGBOEK 10 FEBRUARIE
Lees volledig by Kultuurdagboek
Teen die einde van Januarie 1901 het genl. De Wet besluit om die Kaapkolonie vir die tweede keer binne te val, om sodoende alle gerugte dat die oorlog verby is, die nek in te slaan. De Wet, vergesel van pres. Steyn, begin sy tog by Doornberg, by Winburg, op 26 Januarie 1901. Kitchener was vasbeslote om De Wet hierdie keer gevange te neem en organiseer die grootste van alle De Wet-jagtogte.
Knox, Plumer en talle ander Britse bevelvoerders word gebruik om die Oranjerivier of Norvalspont ooswaarts te beset.
1959: WITWATER- RANDSE MUSIEK- GENOOTSKAP GESTIG
KULTUURDAGBOEK 9 FEBRUARIE
Lees volledig by Kultuurdagboek
Op aandrang van die Afrikaanse Skakelkomitee van Johannesburg en in oorleg met die Johannesburgse Musiekkomitee wat 'n onderkomitee van die Skakelkomitee was, is besluit om die Johannesburgse Afrikaanse Musiekkomitee om te skep in 'n koördinerende liggaam van alle verenigings en organisasies wat by die musiekkultuur van die Afrikaner in Johannesburg belang het.
1841: DANIËL LINDLEY PREDIKANT IN PIETERMARITZ
KULTUURDAGBOEK 9 FEBRUARIE
Lees volledig by Kultuurdagboek
Na jare van ontevredenheid met Erasmus Smit as predikant van die Voortrekkers — onder meer vanweë die felt dat hy dan nie voldoende opgelei en behoorlik bevoeg verklaar is om al die kerklike sakramente te bedien nie — is Daniël Lindley, die Presbiteriaanse Amerikaner formeel op hierdie dag as predikant van die gemeente Pietermaritzburg aangestel.
Die Voortrekkers het reeds in 1836 met die Lindley-gesin by Mosega te doen gekry en na verdere outmoetings steeds 'n hoë dunk van hom behou.
DIE REINIGENDE BLOED VAN JESUS
Ds A.E. van den Berg
“Maar as ons in die lig wandel soos Hy in die lig is, dan het ons gemeenskap met mekaar; en die bloed van Jesus Christus, sy Seun, reinig ons van alle sonde. ...As ons ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig” (1 Joh.1:7+9).
Die Bybel sê dat alle mag aan God behoort. Waarom het Hy dan nie sonde verhoed nie? Hy het dan die mag om dit te doen. Alles hang af van hoe ons sonde sien. Sonde is nie deel van die skepping nie maar die gevolg van 'n vreemde indringer. God is absoluut goed en sonde absoluut sleg al ontsondig sekere kerke gruwels soos bv. homoseksualisme. Sonde bly sonde.
1921: ALGEMENE VERKIESING
KULTUURDAGBOEK 8 FEBRUARIE
Lees volledig by Kultuurdagboek
Pas nadat 'n algemene verkiesing op 10 Maart 1920 gehou is, is die kiesers op hierdie datum weer na die stembus. Na 1915 was dit vir premier Louis Botha duidelik dat die politiek langs die taalgrens afgeskeur het. Hy was gevolglik verplig om die sterk Britse element van Unioniste onder Thomas Smartt by die Suid-Afrikaanse Party te betrek, ten einde polities te bly regeer.
In Augustus 1919 is hy oorlede, en genl. Smuts, wat tussen 1915 en 1919 jare lank buite die land was, moes as premier oorneem. Sy wêreldwye en veral Londense verbintenis het dit vir hom onmoontlik gemaak om met genl. Hertzog en die Nasionale Party saam te werk.
1881: SLAG BY SKUINSHOOGTE
KULTUURDAGBOEK 8 FEBRUARIE
Lees volledig by Kultuurdagboek
Een van die skitterendste oorwinnings in die Transvaalse Vryheidsoorlog is op Skuinshoogte deur genl. Nicolaas Smit en sy ongeveer 100 man oor genl. Colley en sy ongeveer 600 man, bygestaan deur 'n ruitery en vier kanonne, behaal. Die slag het tussen ongeveer 09h00 en 19h00 plaasgevind. Agt Boere is in die slag dood en 'n paar is gewond. Daarteenoor is daar van Colley se mag, nadat baie lyke in die nag van die koppie of verwyder is, 205 dooies en gewondes die volgende oggend getel. Die Boeremag was gewapen met gewere, 'n ou koperkanon en 'n ander ou kanon, waarvan nie een meer as sowat 100 meter ver kon skiet nie.
1837: VOORTREKKERS KIES 1e KERKRAAD VD VOORTREKKER- KERK
KULTUURDAGBOEK 8 FEBRUARIE
Lees volledig by Kultuurdagboek
Nadat die Trekgroep reeds oor die Oranjerivier was, is oorgegaan tot die daarstelling van 'n amptelike bestuur vir die Voortrekkers. Aangesien die Trekkers besiel was met die gedagte dat “de openbare Godsdienst de eerste grondslag moet zijn waarop een Christelijke Maatschappij moet gegrondvest worden", sou hierdie amptelike bestuur ook 'n verenigde kerkorganisasie veronderstel.
1862: C.W.H. KÖHLER – STIGTER KWV
KULTUURDAGBOEK 7 FEBRUARIE
Lees volledig by Kultuurdagboek
Charles William Henry Kohler is op Calvinia gebore. Ná sy skoolopleiding in Kaapstad het hy as tandarts gepraktiseer, maar met die ontdekking van goud verhuis hy in 1886 na die Witwatersrand, waar hy betrokke was by die stigting van verskeie suksesvolle mynmaatskappye.
Ná ‘n besoek aan Europa en Amerika in 1889 vestig hy hom op die plaas Riverside, naby Simondium. As Boer het hy hom deur twee beginsels laat lei — enersyds dat slegs produkte van gehalte verseker is van 'n toekoms, en andersyds dat die swak ekonomiese posisie van die wynboere alleen opgelos kan word deur doeltreffende organisasie.
BROKKIES UIT DIE BOEK: DARIUS PRINS – STAATSVYAND (5)
Geskryf deur Philip Venter (u kan die boek bekom deur hom te skakel by 083 444 7672)
Steenkampskraal is so 70km vanaf Vanrhynsdorp. Daar was 'n storie van geoloë wat met 'n klein vliegtuig opnames langs die Weskus gedoen het glo vir water en olie/gas. Die toerusting aan boord kon glo radioaktiwiteit opspoor.
Toe hulle oor Vanrhynsdorp vlieg was die radioaktiwiteit glo hemelhoog. Hulle het geland en na Vanrhynsdorp gegaan en almal op hol gejaag. Hulle wou dadelik die dorp ontruim. Die inwoners het vir hulle gelag en gesê hulle weet daarvan. Dit is hoekom kanker gevalle so hoog was toe die mense nog boorgatwater gedrink het.
1838: PIET RETIEF VERMOOR
KULTUURDAGBOEK 6 FEBRUARIE
Lees volledig by Kultuurdagboek
Die Voortrekkerleier, Pieter Retief, het na lang oorweging besluit om hom in Natal te vestig. Hy en vyftien man het toe in Oktober 1837 na Dingaan as Zoeloekoning vertrek. In Port Natal het hy met van die Engelse aldaar gesprek gevoer en op 5 November 1837 in Umgungundluvu aangekom. Kort hierna het Retief sy oogmerk aan Dingaan herhaal, naamlik om wettiglik grond vir sy mede-Trekkers te bekom. Dingaan het ingestem om die grond tussen die Tugela- en die Umzimvuburivier te staan, mits Retief die vee wat deur Sekonyela van Dingaan geroof is, terugneem en aan Dingaan besorg.
DIE OORLOG TOT LEWE
ONS STRYD IS BYBELSREGVERDIGBAAR
“... Julle moenie bang wees vir hulle nie.; dink aan die grote en gedugte Here en veg vir julle broers, julle seuns en julle dogters, julle vroue en julle huise” (Neh.4:14).
Ons mense is so verarm dat jongmense nie meer ’n huis kan bekostig of ’n gesin kan hê nie. Hoë rentekoerse en in groot mate die sinnelose inperking as gevolg van Covid-19 het veroorsaak dat mense hul huise, besighede en eiendom verloor het. Die toenemende teenwoordigheid van bedelende blankes op straathoeke is ‘n bykomende bevestiging van die verskriklike armoede vandag.
Ons leef vandag in volgehoue stryd om te oorleef. Met die ANC-regime wat elke blanke uit hierdie land wil sien, en hulle planne om daarin te slaag, wag daar vir ons ‘n nog feller stryd in afsienbare tyd.
BROKKIES UIT DIE BOEK: DARIUS PRINS – STAATSVYAND (4)
“Is julle nie lus om te gaan bene rek nie? Ons sit nou al ure lank en daar is sekerlik iets beter om te doen as om na ‘n ouer man se stories te luister?”
“Ja, kom ons gaan maak koffie en kry iets om te eet, loop ‘n draai en dan kom ons weer laatmiddag, so teen vyfuur terug. Ek wil nog baie dinge weet.”
Soms is die voorbereiding van ‘n ete byna belangriker as die kos self. Die kulinêre behendigheid van vroue sowel as mans, die keurigheid en geurigheid is belangrik en meer as net dikwels, die manier waarop dit voorgesit word. Vandag is dit nie belangrik nie en die kos is nie veel meer as geblikte worsies en boontjies in tamatiesous (cowboy-boontjies), gister se oorskiet brood en elkeen met ‘n beker soet tee. Die koffie begin nou skaarser word.
1915: SUID-AFRIKA EN SUIDWES- AFRIKA
KULTUURDAGBOEK 5 FEBRUARIE
Lees volledig by Kultuurdagboek
Genl. Louis Botha vertrek op 5 Februarie 1915 na SuidwesAfrika om bevel oor te neem oor die Unietroepemag wat die gebied van Duitsland sou verower. Daardeur is Suidwes-Afrika aan Suid-Afrika verbind en is 'n informele verbintenis wat reeds lank tussen die twee gebiede bestaan het op 'n formele grondslag geplaas.
Die Kaapse burger, Jacobus Coetsé, het op 14 Julie 1760 van sy woonplaas by die Piketberge vertrek op 'n reis wat hom na sowat 50 dae tot aan die Bunsenberg (deur hom Swartberg genoem) net noord van Warmbad in die huidige Suidwes-Afrika gevoer het.
TJANKENDE HONDE EN HUL KASTYDERS
DIE STOCKHOLM-VERRAAIERS
Almal het seker al van die Stockholm-sindroom gehoor, maar laat ons net weer duidelikheid daaroor kry. Die Stockholm-sindroom is ʼn sielkundige verskynsel wat ontstaan wanneer mense hulle só met hul vyand vereenselwig, dat hulle dié selfs verdedig. Hierdie benaming is aan ʼn gyselaardrama in 1973 ontleen toe gyselaars tydens ʼn rooftog in Stockholm met die rowers eenstemmig geraak en hulle selfs gehelp het. Sommige persone wat deur booswigte gevang of op een of ander wyse mishandel word en niks aan die situasie kan doen nie, werk saam met die booswigte om die situasie draagliker te maak, maar dit maak nie die saak reg nie.
WARE AANBIDDING
Hannes Ollewagen
Joh. 4:1-30
“Maar daar kom 'n uur, en dit is nou, wanneer die ware aanbidders die Vader in gees en waarheid sal aanbid; want die Vader soek ook mense wat Hom só aanbid. God is Gees; en die wat Hom aanbid, moet in gees en waarheid aanbid.” (:23&24).
Die Woord leer en herinner ons in hierdie gedeelte dat daar ’n verskil bestaan om in ’n lewende en opregte verhouding met God te staan en om eenvoudig godsdienstig te wees. Die wêreld het nie ’n gebrek aan godsdienstigheid nie, maar dieselfde kan nie gesê word van mense wat in ’n opregte verhouding met God staan nie. Ek dink ons lees die eerste maal van die onderskeid wat God in hierdie saak tref in die lewens van Kain en Abel. “Deur die geloof het Abel 'n beter offer aan God gebring as Kain, waardeur hy getuienis ontvang het dat hy regverdig was, omdat God oor sy gawes getuienis gegee het;...” (Heb. 11:4).
1939: OSSEWA-BRANDWAG
KULTUURDAGBOEK 4 FEBRUARIE
Lees volledig by Kultuurdagboek
Die Ossewa-Brandwag (OB) as kultuurorganisasie is formeel op hierdie dag in Bloemfontein gestig met kol J Laas as leier.
Die oogmerk was om in die gees van die Ossewatrek van 1938, wat ter herdenking van die Groot Trek 'n eeu tevore onderneem is en waartydens Afrikaner-nasionaliste ongekende hoogtes bereik het, te bestendig.
Die OB het die Unie se deelname aan die Tweede Wêreldoorlog heftig bestry en sover moontlik probeer ontwrig – optredes wat onder andere internering van regeringskant ontlok het.