Gedagtes vir elke dag
Of lees almal by Gedagtes vir elke dag
" '...maar as dit verkeerd is in julle oë om die HERE te dien, kies dan vir julle vandag wie julle wil dien... maar ek en my huis, ons sal die HERE dien...' Daarop sê Josua aan die volk: 'Julle is getuies teen julleself dat julle vir julleself die HERE gekies het om Hom te dien.' En hulle sê:' Ons is getuies.' 'Verwyder dan nou die vreemde gode wat onder julle is, en neig julle hart tot die HERE, die God van Israel.' " Josua 24.
COVID-“ENTSTOF” LEI TOT KANKER
Dr Gustav Norval
Ook vars in die navorsings-wêreld, is die bevinding rondom die sogenaamde p53 geen, ‘n geen wat in elke sel se DNS-molekules voorkom. Die funksie daarvan is om die tempo van selverdeling te beheer. ‘n Fout in die geen of besering daarvan soos deur sekere chemikalieë, virusse en bestraling kan die p53 so verander (muteer) dat dit sy funksie versteur en dan begin die selle onbeheersd verdeel sodat kanker ontstaan. Daar is navorsing wat daarop dui dat COVID-entstof inmeng met die p53- geen en dit kan muteer sodat selverdeling buite beheer raak en daar dus ‘n moontlikheid bestaan dat dit kan lei tot kankervorming. Navorsers skryf: “...we observe certain links that show there are ways cancer can have an easier path to establishing itself as a result of COVID-19 mRNA vaccination” en dat kankers in remissie weer opvlam na inenting.
Uit:
Google P53 gene function
WWW: Yerevan Medical State Univ.: Mechanisms that could increase cancer vulnerability in COVID-19 mRNA vaccine recipients
Angues & Bustos: Navigating unchartered waters- could certain COVID-19 vaccines promote malignancies, e-pub, Sept 2022.
ANTWOORD TEEN ALTZHEIMERSIEKTE
Dr Gustav Norval
In die mediese navoringswêreld is daar altyd iets nuuts wat ontdek word. Daar is twee belangrike verwikkelinge wat ek wil uitlig. Ten eerste blyk dit dat Alzheimer se siekte voorkom kan word deur vitamines 6, 9 en (veral) Vitamine B12 aanvullings te gebruik. Dit verlig ook die simptome van die toestand by mense wat dit reeds het, m.a.w. daar is ‘n verbetering in die korttermyn geheue. Volgens Lauer (sien bron hieronder) kry jy verligting van simptome binne 6 maande se aanvullings. Party ouetehuise pas die behandelingsmetode op mense met dimensie, reeds toe. Vir die van ons wat wil weet hoe dit werk:
Ons kry ‘n voedingstof genoem sisteïen in wanneer ons plant- of dierprodukte eet. In die afwesigheid van, of in teenwoordigheid van lae bloedvlakke van die drie bogenoemde vitamines, word die sisteïen omgeskakel na ‘n stof genaamd homosisteïen, omrede die vitamines normaalweg die omskakeling verhoed. In die verband is Vitamine B12 die belangrikste. Die oormaat homosisteïen in die bloed word dan om bloedvate in die brein gedeponeer wat die opname van suurstof in die brein beperk en dit lei tot breinverstorings.
DIE NUWE RUSLAND
Toe president Vladimir Poetin in Februarie 2022 Rusland se militêre operasie in die Oekraïne van stapel gestuur het, het hy spesifieke, maar beperkte doelwitte in gedagte gehad. Dit het in wese gegaan oor die versekering van Rusland se veiligheid teen NAVO.
Die drastiese, uitgebreide en goed gekoördineerde Westerse reaksie op Moskou se skuiwe – die torpedering van die Russies-Oekraïnse vredesooreenkoms en die toenemende eskalasie van die VSA-geleide blok se betrokkenheid by die konflik, insluitend sy rol in dodelike aanvalle binne Rusland – het egter het die land se houding teenoor sy voormalige vennote fundamenteel verander.
Die afgelope twee jaar het niks minder nie as 'n rewolusie in Moskou se buitelandse beleid opgelewer, meer radikaal en verreikend as enigiets wat verwag is op die vooraand van die Oekraïne-ingryping. Oor die afgelope 25 maande het dit vinnig in sterkte toegeneem. Rusland se internasionale rol, sy posisie in die wêreld, sy doelwitte en metodes om dit te bereik, sy basiese wêreldbeskouing – alles is besig om te verander.
NOG ‘N TEGNIEK WAT ONS KOS VERWOES
Moderne tegnokrate het lankal baie maniere gevind om ons kos te verwoes – soos vinnige verhitting van melk tot 240 grade, mikrogolfbestraling met radioaktiewe materiale, spuitdroging by hoë temperature, ekstrudering by hoë temperature en met ‘n oorvloed versteekte suiker ons gesondheid vernietig.
Nou het nog 'n nuwe tegnologie op die toneel gekom: ultrahoë druk toegepas op 'n verskeidenheid kosse vir mense, troeteldiere en babas: HPP = Hoëdrukverwerking. Voorbeelde van hoëdruk-verwerkte produkte wat vandag kommersieel in die VSA beskikbaar is, sluit in vrugte-“smoothies”, gereed-om-te-eet-etes met vleis en groente, oesters, slaaisous, hummus, ham, hoenderrepies, vrugtesap, salsa en vrugtepuree vir babas.
Hoëdrukverwerking (HPP) word gedefinieer as "...'n nie-termiese voedsel- en drankverwerkingstegniek gebaseer op die toepassing van hoë vlakke van hidrostatiese druk wat deur water oorgedra word, met veelvuldige voordele vir voedsel- en drankmaatskappye."
ANC-VERKIESING IN MEI IS ONWETTIG!
Die komende verkiesing in Mei is net so onwettig soos dat die ANC in die Parlement sit. Hulle het nie hierdie land deur 'n wettige stemproses verkry nie. Dit is deur De Klerk en sy bende op 'n skinkbord aan hulle gegee ná die referendum in 1992 wat geen stemproses was nie. Dus kan geen stem wat nou in Meimaand uitgebring word, enigiets aan die toestand verander nie en is dit net nog 'n bedrogspul, tyd- en geldmors-lopie.
Die ANC sou in 1990 die terroriste-oorlog met moeite kon voortsit ná die ineenstorting van kommunistiese regerings in Oos-Europa en die ekonomiese verval in sogenaamde Frontliniestate in Afrika. Die logiese verloop van die terroriste-oorlog in Suider-Afrika moes wees dat van Suid-Afrika se kant die stryd teen die terroriste op alle fronte verhewig sou word om die oorlog beslissend te wen. Dog, die teendeel is deur die Suid-Afrikaanse Regering gedoen.
In 1994 het die Nasionale Party-regering van FW de Klerk die mag aan die ANC oorhandig sonder dat hulle 'n mandaat daarvoor gehad het. Sy misrabele beloning van die Wêreldgeldmagte was R34 miljoen en 'n gedeelde Nobelprys.
Die vraag op die referendum-kiesstrokie was of die kiesers toestem dat FW met die ANC mog onderhandel. Daarvoor moes die kieser slegs Ja of Nee antwoord. Die vraag was NIÉ of FW Mandela uit die tronk mog vrylaat en ons land aan die ANC oorgee nie. Hiermee het FW die kiesers sowel as die meerheid van sy parlementslede mislei.
WAT IS WARE AFRIKANERSKAP?
Dit is in tye soos hierdie wanneer Afrikanerskap en Afrikanernasionalisme weer skerp omlyn moet word. Dit is dwingend noodsaaklik dat gevra word:
Wie is die Afrikaner?
Net so belangrik is dit om te vra: Het ons nie te lank gewag om die definisie van Afrikanerskap en ons nasieskap duidelik te stel nie? Is daar nie in die verlede toegelaat dat Afrikanerskap en ons nasieskap te veel kon omsluit ter wille van die vrede nie, en dat ons daardeur ons grense vir verswakking oopgestel het nie?
As ek myself die vraag stel: Wie is die Afrikaner? dan is daar een mens wat daarvoor kwalifiseer. Dit is die man wat hom as Afrikaner beskou omdat hy aan die geskiedenis van die Afrikaner verbind is, omdat hy aan die Afrikaner se geloof gebind is, omdat hy gebind wil wees aan die Afrikaner deur tradisies van die Afrikaner, omdat hy gelei wil word deur die ideale van die Afrikaner.
Jy is Afrikaner omdat jy jouself as Afrikaner beskou en nie omdat ‘n Afrikaner hom as Afrikaner beskou nie. Nasieskap en Afrikanerskap is soos ‘n broederskap: jy behoort daaraan of jy behoort nie daaraan nie. Dit is iets absoluuts. Jy kan nie ten dele daaraan behoort en ten dele nie.
J A Marais
BOEKADVERTENSIE: VRYHEIDSVEGTERS
Die Engelse oorlog was alles behalwe die sg. "gentleman's war" soos sommige Britse skrywers dit genoem het. Allermins was dit 'n regverdige aanval van 'n groot moondheid op 'n klein byna weerlose en vreedsame volk, 'n oorlog wat uiteindelik ontaard het in 'n toestand van ellende, verwoesting, gruwels en skokkende barbaarse wreedheid. Die Britse opposisie het dit "methods of barbarism" genoem, soos wat mens sou verwag hoe oorlog baie eeue gelede deur Mongole, Turke, Romeine en Herodes se sodate uitgevoer was.
Lewens was goedkoop en nie eens die diere was ontsien nie. Die boek vertel die verhaal van sommige van die gevegte en die persoonlike ervarings en aandeel van 'n aantal oudstryders wat daarin betrokke was. Sedert die vredesluiting van 1902 moes die joiners se name onbekend bly twv Louis Botha se versoeningsbeleid met die vyand. In hierdie boek word die name van joiners ontbloot, mense wat nie geskroom het om onskuldige bloed te vergiet vir 'n paar pennies per dag nie.
Bestel die boek direk by skrywer: Gustav Norval by Hierdie e-posadres word van Spambotte beskerm. Jy moet JavaScript ontsper om dit te lees.
ESéGIëL 38
EJG Norval
Volgens die 1933 vertaling van Eségiël 38:2 sien ons dat Gog van die land Magog, ‘n vors van Ros, Meseg en Tubal genoem word. Volgens ou kaarte is Magog die landstreek tussen die Swartsee en Kaspiese see, d.w.s. Wes-Rusland. Geskiedenisskrywers (sien bronnelys) beweer daar is genoegsame bewyse uit ou geskrifte dat die naam “Ros” die huidige Rusland verteenwoordig en dat Magog die land is waar Meseg (wat in sommige bronne beskou word as Moskou) en Tubal (Tobolsk-stad in Siberië) geleë is. Volgens Eseg 38 vers 4 trek Gog en sy leërmag op teen die stamme van Israel tesame met die Perse (Iran), Kus (Afrika) en Put (Libia), Gomer (Turkye), Togarma (Moslems van die Midde-Ooste) teen die Europese lande.
ANARGIE, POLITIEKE HOOFDIS VAN VERKIESING
Medewerker
Anargie is gewoonlik die hoofbestanddeel van die voorverkiesings-, verkiesings- en na-verkiesingstyd (veral in lande met swart ‘leiers’- Red).
‘n Opperste ironie is die verkondiging aan elke boom, lamppaal, tak en bushuisie in die land deur die Demokratiese Alliansie (DA) van ‘n politiek-profetiese uitspraak deur mnr. Jaap Marais dat die politieke bestel in die land sál val. Want die DA se hoofalarmkreet oor waarom sy hulp by wyse van die verkiesing ingeroep moet word is “Red Suid-Afrika”.
Hierdie voorspelling deur mnr. Marais is sekerlik meermale gedoen maar een aangeteken deur ‘n behoudende waarnemer se datum word deur daardie waarnemer as 30 Junie 2000 aangedui.
Die ironie op die ironie van die DA se doen-en-late in die aanloop tot die verkiesing in Mei vanjaar is dat die DA (en sy partypolitieke voorgangers, dink maar aan die Progressiewe Federale Party), angstige geweerdraers vir die rewolusionêre ANC in die aanloop tot Blanke oorgawe aan die kommuniste was; ‘n groter hansie-my-kneg vir ‘n rewolusionêre kommunis kon jy nog nooit kry as ‘n verloopte kerkleier, student, dosent, koerantman en sommer gewone linkse ploerte in enige Westerse samelewing te vinde nie.
GODDELIKE GETROUHEID
Hannes Ollewagen
Matt. 28:1-10
“Hy is nie hier nie, want Hy het opgestaan soos Hy gesê het. Kom kyk na die plek waar die Here gelê het; en gaan haastig, sê vir sy dissipels: Hy het opgestaan uit die dode en gaan voor julle uit na Galiléa. Daar sal julle Hom sien. Kyk, ek het julle dit gesê. En hulle het haastig weggegaan van die graf met vrees en groot blydskap, en gehardloop om dit aan sy dissipels te vertel. En terwyl hulle op weg was om dit aan sy dissipels te vertel, kom Jesus hulle meteens teë en sê: Wees gegroet! Toe kom hulle nader en gryp sy voete en aanbid Hom. En Jesus sê vir hulle: Moenie vrees nie. Gaan heen en vertel my broeders dat hulle na Galiléa moet gaan; en daar sal hulle My sien.” (:6-10).
Hierdie gebeure ná die dood van Christus aan die vloekhout lewer weereens vir ons so ’n kragtige getuienis van die Goddelikheid van Christus. Dit is ten eerste ’n absolute merkwaardige gebeurtenis dat selfs die krag van die dood Hom nie gevange kon hou nie. Hierdie ongewone en wonderlike gebeurtenis waarvan Petrus ook beslis getuienis gelewer het. “Hom het God opgewek, nadat Hy die smarte van die dood ontbind het, omdat dit onmoontlik was dat Hy daardeur vasgehou sou word.” (Hand. 2:24). Hierdie getuienis van die Goddelikheid van Christus wat ons herinner daaraan dat die Drie-enige God van die heelal inderdaad die enigste ware God is wat waardig is om deur die mens aanbid te word. Is daar enige afgod wat die mense vir hulself maak wat ooit die smarte van die dood kon oorwin? Sou Mammon (die geldgod) dit kon doen? Natuurlik nie! Daar is géén bedrag geld in die wêreld wat enige mens van die dood kan red nie. “Niemand kan ooit 'n broer loskoop nie; hy kan aan God sy losprys nie gee nie” (Ps. 49:8).
TWEE HUISE WORD EEN
EJG Norval
Die Boervolk van die Transvaal- en Vrystaat gedurende die 1800’s was oortuig daarvan dat hulle as uitverkorenes al die 12 stamme van Israel verteenwoordig. Ons sien dit in die Transvaal embleem met die 4 hoofde van Israel, naamlik die arend (Dan), die leeu ( Juda), die blanke Adamiet (Ruben) en die ossewa (die bees, Efraim). Die kleure word dan ook in die Vierkleur-vlag weerspieël: rooi (Juda), blou vir die blou lug (arend), wit (Adamiet) en groen (weiveld vir die bees). Die profetiese Woord vertel ons dat die twee huise van God se volk, d.w.s. Die Huis van Israel (10 stamme) en die Huis van Juda (twee stamme) aan die einde van hierdie aardse bestel een eenheid gaan vorm :
“In die dae sal die Huis van Juda gaan na die Huis van Israel en hulle sal saam uit die Noordland kom in die land wat Ek aan julle as erfenis gegee het (Jer 3:18)…. ‘n Kosbare land, ‘n allersierlike erfenis van die nasies“ (Jer 3:19).
Ons sien in hierdie twee tekse drie gebeure, naamlik: die twee stamme word een nasie, dit gebeur aan die einde van dae en die twee huise verhuis tesame uit die noorde na ‘n pragtige land in die suide. Een manier om na die profesie te kyk, is dat Ons Vader ‘n volk sou vestig, ‘n volk bestaande uit al twaalf stamme van Israel en dat die land wat Ons Vader aan die verenigde volk sou gee, hier in Suid Afrika is. Hier het immers ‘n volk onstaan wat geformeer is uit byna al die bestaande Europese volkere en wat as die Boervolk bekend staan.
WAT KOM DEUR DAAI NAALD? (2)
E J G Norval
Vrae oor enstowwe
Vervolgens gaan ons sommige entstowwe ondersoek en kyk of dit so wonderlik is as wat die firmas voorgee.
Kan entstof skade veroorsaak? Farmafirmas wat entstowwe maak gee toe dat gevalle van entstofskade wel hier en daar voorkom, maar volgens hulle is entstowwe oor die algemeen voordelig en kan entstowwe die uitbreek van epidemies voorkom. Die paar kinders wat deur entstowwe beskadig word, is volgens hulle ‘n geringe prys om te betaal om die bevolking as geheel teen ‘n spesiefieke siekte of siektes te beskerm. Die houding word weerspieël in die volgende uitlatings m.b.t. masel-entstof: “…if there is a risk, it will affect far fewer children than those ravaged by measles without the vaccine” en die volgende: “FDA workshop officials indicated they were justified in administering new and unproven vaccines by claiming it is unethical to withhold them.” Verder: “…those who believe that there is no such thing as society, only individuals, won’t be convinced it was worth taking a tiny risk of harming their individual child just to prevent a future general epidemic” (NS:Febr.2001).
Vertel dit aan ‘n ouer wie se kind aan entstof-geïnduseerde skade ly. Vertel die storie aan aan iemand wat verlam is en gekerker in ‘n rolstoel sit of wat deur juppie-griep verander is in ‘n fisiese wrak.
HY IS NIE HIER NIE
Ds A.E. van den Berg
“En hy sê vir hulle: Moenie verskrik wees nie. Julle soek Jesus die Nasarener wat gekruisig is. Hy het opgestaan. Hy is nie hier nie....” (Mark.16:6).
Om die Bybellande te besoek is ʼn onvergeetlike ervaring en soveel plekke om te besoek, dat jy bang is om te gaan slaap en iets mis. ʼn Besoek aan die Tuingraf naby die Damaskuspoort in Jerusalem is beslis die hoogtepunt. ʼn Mens sien die skedelkoppie Golgota digby en ʼn entjie verder die Tuingraf waar Jesus deur Josef van Arimathéa en Nikodemus met die goedkeuring van die Romeinse owerheid na die kruisiging neergelê is.
Toeriste kan binne die graf ingaan. Dis ʼn kamer en word deur ʼn deur toegehou. Buite op die deur staan die volgende woorde: HY IS NIE HIER NIE WANT HY HET OPGESTAAN. Dit bring trane in die oë.
WAT KOM DEUR DAAI NAALD? (1)
E J G Norval
IETS OOR DIE SKRYWER
Dr Gustav Norval is ‘n afgetrede patoloog met oa ‘n agtergrond van verskeie navorsingstukke by die Universiteit van Stellenbosch en ander instellings. Saam met ander medici het hulle navorsing ‘n hele aantal velde onder andere patologie, dermatologie, onkologie en mediese tegnologie gedek. Dr Norval het met in diepte navorsing ook talle boeke oor verskillende ander onderwerpe geskryf, met beklemtoning op die geskiedenis van ons volk waarin gebeure onbekend aan die publiek, uitgelig word. Ons plaas met groot waardering mettertyd ook van sy ander onderwerpe met sy toestemming hier op Gelofteland – Red.
Ene Dr. Kalokerinos het in die Int. Vaccine Newsletter (1995) die volgende”): “…the unofficial policy of the WHO and the unofficial policy of the ‘Save the children’s Fund’ is one of murder and genocide. You cannot immunize sick children, malnourished children, and expect to get away with it. You kill far more children than would have died from natural infection. Verder skryf hy: “…at the highest level of the medical cartel, vaccines are a top priority because they cause a weakening of the immune system. The medical cartel, at the highest level is not out to help people, it is out to harm them, to weaken them. To kill them”. Om kinders te vermoor. Hierdie is ‘n ernstige aantyging teen organisies wat inenting propageer en uitvoer en een wat ons van nader moet ondersoek om te sien wie se pote die inspuitings toedien.
ALLES IS NET GENADE
Ds A.E. vd Berg
“En hy sê vir Jesus: Dink aan my, Here, wanneer U in u koninkryk kom.
En Jesus antwoord hom: Voorwaar Ek sê vir jou, vandag sal jy saam met My in die Paradys wees”(Luk 23:42,43).
Goeie Vrydag word al eeue lank in die kerk herdenk. Die gebeure van daardie dag neem gelowiges in die gees na ʼn koppie buitekant Jerusalem waar Jesus gekruisig is. Wie hierdie dag Goeie Vrydag begin noem het, weet ons nie. Vir oningeligtes klink dit teenstrydig want wat kon goed op so ʼn wrede dag wees? Dit was ʼn dag van onreg en regsverkragting soos wat die bose stuk skaakspel tussen Pilatus, Herodes en die Joodse Raad gevorder het.
Dit was vir Jesus nie ʼn goeie dag nie, maar eerder een van angs, wreedheid, pyniging en gespottery. Ons hoor Jesus in die Tuin van Getsemane bid: “En Hy het Hom van hulle afgesonder omtrent so ver as 'n mens met 'n klip kan gooi, en neergekniel en gebid en gesê: Vader, as U tog maar hierdie beker van My wil wegneem! Laat nogtans nie my wil nie, maar u wil geskied! En toe Hy in 'n sware stryd kom, het Hy met groter inspanning gebid, en sy sweet het geword soos bloeddruppels wat op die grond val”(Luk.22:42-44).
SPORT EN POLITIEK- APARTHEID, NAT EN SAP
Gert Kotzé
Lees reeks by Sport en politiek
SPORT EN POLITIEK (5)
“Soos die Afrikaanse koerante van die Noorde, was Die Burger van Kaapstad destyds die mondstuk van die Afrikaners wat uit die geledere van die WP padgegee het omdat hulle geglo het die bond se bestuur het die spel in die politieke kookpot laat beland.”
Die sportpolitiek van die oorlogsjare het in feitlik die hele Kaapprovinsie tot blanke apartheid in rugby gelei. Dit was 'n venynige vete tussen Nat en Sap. Die belangrikste uitvloeisel daarvan was dat 'n nuwe afsonderlike rugbybond in die Westelike Provinsie gestig is. Die beheer daarvan was geheel en al in die hande van die Afrikaners van die Wes-Kaap.
Die Nat-Sap-twis was ook nie net tot die Westelike Provinsie beperk nie; die Afrikaners van die Oos-Kaap en Kimberley en omstreke het ook besluit om van die bestaande rugbybesture weg te breek.
VERRADERLIKE DA SAL SA VERNIETIG, NIE RED NIE!
Almal het teen hierdie tyd die Demokratiese Alliansie se verkiesingsborde op bome en pale langs die paaie raakgesien waarop hulle ‘uitroep’: “Red Suid-Afrika!” Dit is ‘n kragtige wekroep wat talle Afrikaners weer eens verwar oor ‘n stem vir die DA. Maar kom lees hier en vind uit wie hierdie verraderlike Party werklik is.
Op hulle webblad maak die DA oa die regte geluide deur die ANC te kritiseer; elke aantuiging is die waarheid maar dit verwar mense nog meer. Die DA skryf tereg: “Ons land is in 'n krisis. Ná net 30 jaar in die regering het die ANC staatsinstellings geërodeer deur kaderontplooiing, korrupsie en misdaad. Gevolglik het ons nie meer 'n betroubare kragtoevoer nie, misdaad is buite beheer, te veel kinders kan nie lees en skryf op die vereiste vlak nie, daar is watertekorte oor die hele land, ons hawens faal, en ons dorpe en stede is in verval. Hierdie probleme het Suid-Afrika se ekonomiese groeivooruitsigte en vermoë om werk te skep vernietig.” Elkeen van hierdie stellings is in die kol, ons almal weet dit, maar nou moet mens kyk WAARMEE die DA die land wil red!
SPORT EN POLITIEK – PETER HAIN
Gert Kotzé
Lees reeks by Sport en politiek
SPORT EN POLITIEK (2)
"Die jong Peter het sterk verbintenisse aangeknoop met onder andere Albert Luthuli, 'n later ingeperkte swart leier, en John Harris, die man was weens sy aandeel in die geskiedkundige stasiebomvoorval in Johannesburg ter dood veroordeel en later opgehang is. So sterk was die bande tussen die Hain en die man wat die stasiebom geplant het, dat Peter op 15-jarige ouderdom die rede by Harris se begrafnis voorgelees het."
In die venynigste aanslag wat by die uitgang van die jare sestig teen Suid-Afrikaanse sport losgebars het was Peter Hain een van die voorslaners.
Binne enkele jare nadat hy uit Pretoria in Londen aangekom het, het hy die hoofargitek geword van die ontwrigting van sporttoere na en van Suid-Afrika. Hy het homself trouens meermale in die openbaar daarop beroep dat hy die gang van Suid-Afrikaanse sport erg versteur het. Peter Hain het die aksies van talle anti-Suid-Afrikaanse groepe hoogs geslaagd op een terrein saamgetrek; hy het op die erkende gewildheid van Suid-Afrikaanse sport geteer deurdat hy dit as wapen opgeneem het vir sy hoofdoel; om die Nasionale bewind in die Republiek by te kom.
WIE IS DIE SKULDIGES?
Iets meer as 130 mense is verlede Vrydagaand by die konsertlokaal noordwes van Moskou dood toe verskeie gewapende mans in die skare begin skiet en die saal aan die brand gesteek het. ’n Terreurgroep wat homself Islamitiese Staat Khorasan (ISIS-K) noem, het verantwoordelikheid aanvaar.
Rusland weet wie die Crocus-stadsaal-aanval uitgevoer het, maar hulle ondersoek nou oor wie die bevel gegee het, het president Vladimir Poetin Maandag gesê en daarop gewys dat die Oekraïne 'n moontlike skuldige is.
“Hierdie aanval is deur radikale Islamiete uitgevoer,” het Poetin in die openingstoespraak van 'n video-oproep met wetstoepassers gesê.
Die VSA en sy bondgenote probeer nou om hul gevolmagtigdes in Kiëf te beskerm, en beklemtoon dat Oekraïne niks met die terreuraanval te doen gehad het nie en dat die verantwoordelike party die Islamitiese Staat (IS, voorheen ISIS) was, het die Russiese president opgemerk.
“Ons weet wie die aanval uitgevoer het. Maar ons wil weet wie dit bestel het.”
SPORT EN POLITIEK - JOHANNES VAN DER WALT
Gert Kotzé
SPORT EN POLITIEK (1)
"Die taal van sport was Engels, selfs ook in rugby, waar die Afrikaner deur sy deelname in die meerderheid was. Eers met die verkiesing van dr Danie Craven as voorsitter van die Suid-Afrikaanse Rugbyraad in 1956 in Kaapstad, het die administrasie van die land se nasionale spel geleidelik in die Afrikaanssprekende se hande begin kom."
INLEIDING
Die naam van die spel is politiek. So was dit nog altyd in Suid-Afrika.
Daarom is dit 'n geldige verweer van baie Suid-Afrikaners dat mense en instansies in die buiteland wat sport en sportboikotte as hefboom teen die Republiek inspan, met 'n politieke spel besig is. So was dit van vroegjare af en so is dit nou nog. Sedert die bewindsoorname van die Nasionale Party in 1948 het sport en politiek onafskeidbaar verweefd geraak. Sport moes hom onderwerp aan 'n nuwe staatsbestel waarin die beleid van apartheid deur alle vertakkinge van die Suid-Afrikaanse samelewing getrek is. Ons het politieke voorskrifte vir sport opgestel en ook van die buiteland verwag om daardie voorskrifte na te kom.
Die sport-politiek in Suid-Afrika loop al 'n lang pad. Daar was ten eerste 'n politieke sportstryd tussen Afrikaans- en Engelssprekendes.