Ds A.E. van den Berg

“Toe het die apostels aan die Here gesê: Gee ons meer geloof” (Luk.17:5).                              

Talle gelowiges voel soos die dissipels in Luk.17 dat hulle aan die geloof wat Jesus van hul verwag te kortskiet. Hulle wil graag geestelik uitstyg maar val gedurig plat – een tree vorentoe en twee agteruit. Dit was moontlik Demas se probleem, ’n jongman wat die Evangelie verkondig en toe alles gelos het omdat hy, soos Paulus sê, die teenswoordige wêreld liefgekry het. Die geloofslewe het vir hom een te veel geword en hom na sy ou lewe laat terugspring.

Ons het net een lewe en moet dit wat God van ons verlang doen. Ongelukkig vind ons dit telkens onmoontlik. Waarom? Veg ons nie dalk ’n verlore stryd nie of kort ons net meer geloof? Dis hoe die dissipels gevoel het toe Jesus vir hulle gesê het om vir niemand ’n struikelblok te wees nie.

Februarie is om die draai en Valenstyndag op die 14e is jare lank ook in Suid-Afrika ‘n instelling. Tog weet bitter min mense waar hierdie dag sy oorsprong het.

Eeue voor Christus het die Romeine 14 Februarie as ’n afgodiese fees ter ere van Lupercus, die jagter van wolwe, gevier. Hierdie fees het op drankmisbruik en onsedelikheid uitgeloop. Voor die fees is etlike bokke asook ’n hond geoffer.   Die priesters het rieme uit die diere se velle gesny en tydens die fees meisies gejaag en met so ’n riem ’n hou op die agterstewe gegee wat haar glo vrugbaar sou maak. Dis waar Februarie vandaan kom - van die Romeinse februa, die dun rieme wat uit die velle van die offerdiere gesny is.

Alhoewel hierdie feeste aanvanklik as geestelik beskou is, het dit later ’n geleentheid geword om op ’n kru wyse uiting aan permissiwiteit en geslagsdrange te gee. ’n Mens kan maar net bespiegel oor hoeveel onsedelikheid daar nie jaarliks op Valentynsdag plaasvind nie!   Dis in werklikheid ’n voortsetting van ’n heidenfees met al die vergrype.

Na aanleiding van die Internasionale Geldmag se afgelope Covid-bombardering op die mensdom, is dit goed om te gaan kyk hoe lank gelede hulle reeds begin het om die wêreldbevolking te verminder. Natuurlik het hulle dit nie destyds so openlik gedoen nie en het die meeste mense nie eers besef dat die Kabaal agter hierdie siektes sit nie. Daar was verskeie virusse en sogenaamde inentings (in werklikheid gifinspuitings om bevolkingsaanwas te voorkom). Een daarvan is die VIGS-virus wat staan vir Verworwe Immuungebrek Sindroom,(in Engels AIDS: Aquired Immune Deficiency Syndrome).

Hierdie siekte is in 1979 die eerste maal in San Francisco se Algemene Hospitaal by ‘n klompie homoseksuele opgemerk. Die benaming Gay Related Immuno Deficiency Syndrome of te welGRIDS het dus hiervandaan sy oorsprong. Ons kan vandag in alle eerlikheid sê dat die media naas die VSA-regeringsagentskappe en mediese establishment die grootste aandeel daaraan gehad het om die wanpersepsie te skep dat VIGS ‘n homoseksuele siekte is, ‘n beskouing wat tot sneller verspreiding van die virus gelei het deur die aard en omvang daarvan te verswyg.

Johan de Bruyn

Beïnvloeding van mense geskied op baie wyses. Sommige word slegs deur feite oortuig, ander deur emosie. ‘n Goeie orator het al dikwels mense vir sy saak oortuig – meesal sonder meriete.

Met breinspoeling probeer beïnvloeders ‘n onregverdige voordeel kry deur die slagoffer aan ‘n proses te onderwerp waar sy keuse vír hom gemaak word. Talle boeke het al oor hierdie onderwerp verskyn.

In 1957 het The Hidden Persuaders van Packard verskyn. Reeds toe is bevind dat daar metodes was om mense subtiel te beïnvloed sonder dat hulle daarvan bewus was. Dink maar aan die Coke-advertensie wat “versteek” was in die aanbieding by ‘n bioskoop, wat baie mense dan onbewustelik Coke laat koop het tydens pouse. Packard het destyds bevind dat mense se denke, gedrag en emosies deur hierdie optredes beïnvloed word.

Hannes Ollewagen

1 Joh. 3:1-24

“Hierin is die kinders van God en die kinders van die duiwel openbaar: elkeen wat die geregtigheid nie doen nie, is nie uit God nie, en hy ook wat sy broeder nie liefhet nie.” (:10).

Ons lees hier van ’n duidelike onderskeid wat getref word. Die kinders van God word van die kinders van die duiwel onderskei. En hier word spesifiek van twee eienskappe melding gemaak wat die kinders van God van die kinders van die duiwel onderskei. Hierdie twee eienskappe, liefde en geregtigheid, is by die kinders van God aanwesig en natuurlik by die kinders van die duiwel afwesig.

Ons lees in Psalm 11:7 hoe kosbaar hierdie eienskap van geregtigheid in God se oë is. Dit word vir ons so duidelik en uitdruklik gestel. “Want die HERE is regverdig; Hy het geregtighede lief; die opregtes sal sy aangesig sien.” God se behae in die mens wat geregtigheid doen, word ook vir ons in Spreuke 15:9 uitgedruk. En in hierdie selfde Skrifgedeelte is die onderskeid tussen hulle wat geregtigheid doen en hulle wat goddeloos handel weer duidelik. “Die wandel van die goddelose is vir die HERE ’n gruwel, maar hom wat geregtigheid najaag, het Hy lief.”

…DIE BETEKENIS VIR DIE AFRIKANERVOLK

Dr Danie Theron

Die saak wat Suid-Afrika teen Israel aanhangig gemaak het in die Internasionale Geregshof, het wȇreldwye reaksie ontlok. Dis te verstane. In Suid-Afrika het persone soos Steve Hofmeyr en prof Koos Malan en ook die organisasies waarby hulle betrokke is en/of aanhang, hewig beswaar gemaak dat Suid-Afrika dit durf waag het met onder andere argumente dat Suid-Afrika, met sy eie bewese rekord van die vertrapping van volkere se regte, vermetel is om Israel daaroor aan te vat. 

Ek gee toe dat dit bitter ironies is dat (die huidige) Suid-Afrikaanse regering juis die saak aanhangig maak. Mens sou eerder verwag dat ‘n “Westerse staat” dit doen. Probleem is, daardie Westerse state is almal Joods-Amerikaanse kolonies. Hulle sal dit nie doen nie want hulle politici is omgekoop. 

Ek het self maar net die grootste minagting vir die ANC-regime se skynheiligheid enersyds en andersyds die feit dat daar miljoene bestee word op “onbenullige” aangeleenthede en dit deur ANC-politici terwyl hulle eie mense krepeer en hulle tot misdaad moet wend om aan die lewe te bly.

Voormelde is afsonderlike aangeleenthede met baie meriete.

Maar ek dink hierdie saak voor die internasionale hof het meer voordele as wat ons dalk ooit besef. En dis allermins onbenullig. Feit is dat die voorlegging ‘n briljante stuk werk is. Die 84-bladsye daarvan getuig van juriste wat hulle deeglik van hulle taak gekwyt het. Prof John Dugard is uiters liberaal en ek het geen waardering vir wat hy byvoorbeeld oor dr Verwoerd kwytraak nie. Maar die punt is, die internasionale reg is sy vakgebied en hy tel seker onder een van die bestes wat Suid-Afrika ooit opgelewer het. Boonop het hy waarskynlik, soos regter Goldstone, Joodse bande en het dit waarskynlik baie geverg om hom op hierdie omstrede terrein te begeef.

Ds A.E. van den Berg

“En ek het die Here gebid en gesê: Here, Here, stort u volk en u erfdeel wat U deur u grootheid verlos het, wat U uit Egipte deur ʼn sterke hand uitgelei het, nie in die verderf nie” (Deutr.9:26).

Om vir God iets te kan doen, is groots. Maar, hoe doen ons iets vir Hom? Een daarvan is om mense te help. In Mt.25 skets Jesus ʼn denkbeeldige prentjie van Hom wat dors, honger en in die tronk was en gehelp is. Toe die aanwesiges Hom vra wanneer dit gebeur het, antwoord Hy: “Voorwaar Ek sê vir julle, vir sover julle dit gedoen het aan een van die geringstes van hierdie broeders van My, het julle dit aan My gedoen” (:40).

Individualisme neem oorhand onder ons volksgenote toe – jy in jou klein hoekie en ek in myne. Waarom gebeur dit? Omdat die lewe vol filosofieë is wat mense wysmaak dat hulle ander mense nie nodig het nie en op hul eie kan regkom. Met gelowiges is dit anders. Ons het mekaar nodig. In Amerika is daar talle huise met ʼn sigbare rooi hand in die venster vir kinders met probleme om te sien waar hulle hulp kan kry. Sal dit nie beter wees as ons rooi hande i.p.v. kruise bo-op ons kerke aanbring nie?!

Die oordeelsprofesie teen die stad Tirus in Esegiël 26.

Anita Joubert

Een van die interessantste en ongelooflikste profesieë in die Bybel, is dié een wat die profeet Esegiël teen die stad Tirus uitgespreek het in ongeveer 597 v.C., toe die Suidryk van Israel in ballingskap weggevoer is na Babel. Die profeet Esegiël is saam met die ballinge na Babel weggevoer, en het daar as profeet opgetree.

God het Israel gestraf vanweë hulle eeuelange volgehoue sonde. Ons lees in die Bybel van vyf profete wat die volk Israel gewaarsku het dat hulle volgehoue sonde gaan veroorsaak dat hulle in die hande van hulle vyande oorgelewer gaan word. Moses het hulle gewaarsku, reg aan die begin. Lees gerus Deuteronomium 28: 47 tot 68. Miga was ’n tydgenoot van Jesaja en ons lees van sy waarskuwingsprofesie in Miga 4:10 tot 14. Hy het selfs ook hulle redding uit die ballingskap geprofeteer. Habakuk het hulle gewaarsku en Jeremia het vir 23 jaar lank probeer om die volk tot inkeer te laat kom. Sy eie mense het hom met stokke geslaan, hom in ’n modderput gegooi, later in die tronk. Hulle het alles probeer om van hom ontslae te raak behalwe om te luister na wat die Here vir hulle sê. Hulle is baie swaar gestraf.

Advokaat PJ Pretorius het in 1996 ‘n boekie, Volkshoop, die lig laat sien. Daarin het hy onder andere melding gemaak van Koos van der Westhuizen wie ‘n duidelike maar onrusbarende visioen oor Suid-Afrika in 1964 gehad het. Hier volg ‘n uittreksel daarvan:

“Aan my is ‘n gesig getoon soos ‘n prent op ‘n silwerdoek, met dié verskil: dit was soos in lewende lywe. ‘n Suid-Afrikaanse regering aan bewind met Afrikaanssprekende leiers het onder druk en deur eise van nie-Blankes, toegewings gemaak waardeur die regering so verstrik geraak het dat daar nie meer geweier kon word wanneer eise gestel is nie. Elke toegewing is so beplan dat die Blankes stadigaan al die veranderings gewoond geraak het en dit aanvaar het.

“Ek het ‘n nie-Blanke agter die Eerste Minister sien staan met ‘n vlymskerp mes, gereed om hom dood te maak as hy sou waag om anders te doen as wat aan hom voorgeskryf word.

Julian Rose

HIERDIE NUWE JAAR SMEEK VIR ‘N DAPPER NUWE VISIE VIR DIE MENSDOM

Ons het sedert die laaste deel van 2023 die verskriklike gevolge van beheerde en onbeheerde massamoord wat op mans, vroue en kinders in die Gaza-strook gepleeg word, gesien.

Ons het in Amerikaanse en Europese stede, die eskalasie van versteurde individue wat alles en almal doodskiet wie ook al toevallig in hul vuurlyn beland, gesien.

Ons sien – en ervaar toenemend direk – ’n breuk in beskaafde patrone van wet en orde; verantwoordelike bestuur binne en sonder supranasionale liggame, nasionale parlemente, opvoedkundige instellings, nasionale gesondheidsdienste en hospitale, vervoerstelsels, bankwese, die media, en inderdaad, in te veel gevalle binne gesinne self. Dit kom neer op algemene disassosiasie met basiese morele waardes.

Ons sien ook hoe reuse-korporasies en banke voortgaan om kleiner besighede in te sluk en hul werkers in minder as menslike robotslawe te verander, wat onbewustelik en bewustelik 'n wêreld ondersteun wat uitsluitlik aan selfverheerliking gewy is deur die twee totems van mag en geld.

Ons is al weer aan die begin van ʼn nuwe jaar en die lewe vorentoe soos ʼn hoofstuk van ʼn boek wat wag om geskryf te word. Al die blaaie is skoon. Ons skryf self die woorde.

As ʼn nuwe jaar aanbreek besef jy dat die tyd vlieg. Moses skryf: “Want al ons dae gaan verby deur u grimmigheid, ons bring ons jare deur soos 'n gedagte” (Ps.90:9). Dat tyd vlieg, is sleg. Die goeie is dat jy die loods is en soos Moses moet bid: “Leer ons om ons dae so te tel dat ons 'n wyse hart mag bekom!”

God is ons vlieginstrukteur en wil ons leer om hierdie jaar reg te vlieg want elke mens gaan een of ander tyd ʼn Nuwejaar beleef waarvan hy nooit die Oujaar sal sien nie. En dit kan jy wees! Paulus sê: “Pas dan op dat julle nougeset wandel, nie as onwyse nie, maar as wyse; en koop die tyd uit, omdat die dae boos is” (Efes.5:15,16).

Hoe gaan ons die tyd reg benut? Deur reg te leef. En hoe doen ʼn mens dit? Deur die Bybel jou lewenskompas te maak. As die Bybel jou die groen lig gee, dan gaan jy. As dit rooi ligte laat aankom, moet jy stop. En jy kan. God waarsku Kain vooraf: “ ... die sonde lê en loer voor die deur, en sy begeerte is na jou; maar jy moet daaroor heers” (Gen.4:7).

Gelowiges se lewenspaaie is nie maanskyn en rose nie en verskil gevolglik nie veel van ongelowiges s’n nie. Al verskil is dat gelowiges ʼn toekoms met Jesus tegemoet gaan en nie vrees nie.

As individue, maak ons saam gesinne en eindelik 'n volk, want dis hoe God ons geskep het, en jy kan niks daaraan verander nie want God alleen het bepaal dat jy in jou gesin en in hierdie volk ingebore is - al hou jy dalk nie daarvan nie!! Laat ons as volk van Christus in Afrikaans dan vanaand HOM dank en lof aan Hom bring vir die jaar 2023 waarin Hy steeds genade oor ons uitgespreek het, onverdiend, want na regte moes Hy ons verdelg en vernietig het. Kom ons sien dus sy groot genade en beloftes oor ons, vir wat dit werklik is. Hy is dieselfde God wat by Bloedrivier sy getroue kinders ALMAL gespaar het. Hy sal as dieselfde God in 2024, die jaar wat baie ekstra uitdagings gaan inhou, ons ook spaar indien ons sy Bloed in gebed om ons gesinne, families, geliefdes en waar ookal ons woon, opreg afpleit.   Pleit Hom dan om julle as geliefdes te beskerm deur sy Bloed, nie net aan jul kosyne nie maar om dit reg rondom julle wonings te trek, en onthou deurentyd Hy is ALMAGTIG, GENADIG, GETROU, EN SO VOL LIEFDE DAT HY JOU NIE SAL VERGEET NIE, ook in die woesteny van 'n waarskynlike burgeroorlog; die vyand sal by jou skuiling en verby al die opregte kinders van God gaan, terwyl Christus se bloed aan jou "kosyne" sal wees.

Gelofteland wens elke leser ‘n geseende 2024 want julle is ons vriende en familie, dus ook ons geliefdes.

JESUSLIEFDE

Hannes Ollewagen

Jer. 31:1-40

“Kyk, daar kom dae, spreek die HERE, dat Ek met die huis van Israel en die huis van Juda ’n nuwe verbond sal sluit; nie soos die verbond wat Ek met hulle vaders gesluit het op dié dag toe Ek hulle hand gegryp het om hulle uit Egipteland uit te lei nie – my verbond wat húlle verbreek het, alhoewel Ék gebieder oor hulle was, spreek die HERE. Maar dit is die verbond wat Ek ná dié dae met die huis van Israel sal sluit, spreek die HERE: Ek gee my wet in hulle binneste en skrywe dit op hulle hart; en Ek sal vir hulle ’n God wees, en hulle sal vir My ’n volk wees.” (:31-33).

Dit bly maar in die teologie ’n algemene gesig dat daar strominge is wat tot die uiterste gaan. Die een gaan in die rigting van ’n algehele verwerping van God se gebooie en gehoorsaamheid aan sy Woord. Die ander gaan weer in die teenoorgestelde rigting van ’n slaafse onderhouding van insettinge en gebooie terwyl daar geen plek vir die werk van Christus en die Heilige Gees gelaat word nie. Hierdie twee strominge het wel een ding in gemeen – nie langs een van hierdie weë sal die mens tot heiligmaking gebring word en met God die Vader deur Christus versoen word nie. Net so min as wat enige mens dit kan regkry om sy eie saligheid uit homself en versoening vir homself sonder Christus te bewerk, (“Jesus antwoord hom: Ek is die weg en die waarheid en die lewe; niemand kom na die Vader behalwe deur My nie.” - Joh. 14:6) net so min sal ’n mens wat sy rug op gehoorsaamheid aan God en die weg van heiligmaking keer met God versoen word. “Jaag die vrede na met almal, en die heiligmaking, waarsonder niemand die Here sal sien nie;” (Heb. 12:14).

Die Eerste Groot Trek en die gevolge daarvan vir ons geskiedenis is wyd bekend en ons volk voel oor die algemeen positief daaroor. Dit het onder andere uitgeloop op die vestiging van twee onafhanklike Boererepublieke in Suidelike Afrika, waarin die strewe verwesenlik is om soewerein te wees.

Die herstel van ons morele waardes is onlosmaaklik verbonde aan ons strewe na soewereiniteit, en kan nie daarsonder verwesenlik word nie. Soewereiniteit is eerder die gevolg van die herstel van morele waardes, en is onderhewig aan die hulp van ons Hemelse Vader.

Die Tweede Groot Trek sal met n Geestelike “trek” moet begin en sal profeties ook tot groot gebeure en wonderwerke lei om ons volk weer vry te kry. Die vyande van ons volk het tot op hede hoofsaaklik die Humanisme gebruik om ‘n misplaaste skuldkompleks in ons volksgenote se denke te vestig.

…ONS GEESTELIKE ROLSTOELE

Timothy Keller se publikasie 'Counterfeit Gods: The Empty Promises of Money, Sex and Power, and the Only Hope that Matters' ontbloot die dwaling waar ons die goeie dinge in ons lewe neem en dit die heel belangrikste dinge in ons lewe maak. As individue stap die meeste van ons op hierdie dwaalpad; saam ís ons die volk wat hierdie pad stap; en is een gevolg daarvan  presies dít wat ons in 1994 gekry het – die straf op ons afgodediens. En ons kan maar voortgaan om die Swartes en die Kommuniste te skel – die meeste daarvan verdien hulle – maar dit gaan geen snars verander aan ons situasie voordat ons die werklike oorsake van ons knegskap herken, en dit met oortuiging beveg nie.

Waarom sukkel die Afrikanervolk so om na die kern van die waarheid in die Woord van God terug te keer? Natuurlik is herkenning en erkenning van die dwaalpaaie waarop ons stap, en die terugkeer na gehoorsaamheid en nederigheid nooit maklik nie, veral wanneer satan die waarheid oor ons afgode so versluier dat ons dink ons doen die regte ding; daar is mos niks mee verkeerd nie want ons moet geld hê om van te leef, en ons moet mag uitoefen oor baie dinge in ons lewe, en 'n seksuele verhouding met my huweliksmaat is dan 'n wonderlike geskenk God self – hoe kan hierdie dinge afgode word?

Dr Alwyn Swanepoel skryf in 'n artikel dat afgode eintlik baie ligsensitief is omdat hulle so graag in die donker kamers van ons harte floreer – daardie kamers wat ons nie volkome aan God oorgee nie.  En hierdie afgode is baie skelm, want hulle lyk baie goed en reg en gaan staan nie in die plek van God nie, maar naas God.  Dis dan wanneer ons nie besef dat dit reeds 'n afgod vir ons geword het nie – ons dien mos nog vir God, sy plekkie is mos gereserveer. Maar dis die ruimte reg langs Hom wat die probleem geword het. 'n Goeie voorbeeld is die Christelike geloof wat sedert 1994 onder hierdie Godlose regime in ons staatskole gelyk gestel is aan alle ander gelowe, asof ons Drie-enige God vergelyk kan word met al die ander afgode wat deur ander volke aanbid word!

Aan die begin van elke nuwe jaar neem baie mense hulle mooi dinge voor.  Ongelukkig word sulke nuwejaarsvoornemens gou verbreek omdat dit nie lewendig gehou word nie.   Dis soos ’n kind wat gebore word, maar nie gevoed word nie.   As ’n goeie voorneme nie gevoed word nie, sterf dit.  So ook geestelike voornemens.    Een van die mooiste voornemens in die Bybel staan in Jos.24:15: “….maar ek en my huis, ons sal die Here dien”.

Geestelike voornemens is voortrefliker omdat ander voornemens in die mens se eie krag onderneem word.    Met geestelike voornemens vra ons God om hulp en slaag derhalwe makliker daarin.

Een van die beste voornemens is om van alle psigiese en emosionele rommel in ons lewe ontslae te raak en vir onsself  te sê: “Ek sleep dit nie verder saam met my nie”.  Dis nie maklik om daarvan ontslae te raak nie, maar wel die moeite werd.  Ons het uiteraard net een lewe op aarde en sal eendag daarvan rekenskap moet gee.