Hannes Ollewagen

1 Tim. 2:1-8

“Want dit is goed en aangenaam voor God, ons Verlosser, wat wil hê dat alle mense gered word en tot kennis van die waarheid kom. Want daar is een God en een Middelaar tussen God en die mense, die mens Christus Jesus,” (:3-5).

Lees baie mooi wat in hierdie brief aan Timótheüs geskryf word. Dit is ten eerste die wil van God dat alle mense gered word. En ten tweede is dit die wil van God dat alle mense tot kennis van die waarheid kom, want dit is juis deur die kennis van die waarheid dat die mens gered word.

Daar is dan seker ook baie mense in ons tyd wat hierop soos Pilatus wil vra – “Pilatus sê vir Hom: Wat is waarheid? …” (Joh. 18:38). Die antwoord op Pilatus se vraag kan myns insiens uitstekend uit 2 Sam. 7:28 beantwoord word. “En nou, Here Here, U is God en u woorde is waarheid; …”. Só eenvoudig.

Die Woord van God is waarheid. Waarheid is nie die opvattinge van slim teoloeë nie. En daarmee sê ek nie vir een oomblik dat daar nie plek is vir voorgangers in die geloof wat uit liefde en met opregtheid die Woord van God verkondig nie. Daar is ongetwyfeld mense wat geweldig baie tyd met opregtheid afstaan om God se Woord te bestudeer en in gebed met Hom te praat.

Ds A.E. vd Berg

“Die dwaas sê in sy hart: Daar is geen God nie. Sleg, afskuwelik maak hulle hul dade; daar is niemand wat goed doen nie” (Ps.14:1)

Wanneer jy in die veld stap en die spoor van ʼn wilde dier sien, weet jy dat daardie wildsoort in die omgewing is. Jy sien dit aan sy spore. Hoe jammer dat daar mense is wat die hand van God wat so duidelik op die heelal afgedruk is, nie raaksien nie, mense wat net soos ateïste God se bestaan minag.

Hulle glo dat hulle van niks afkomstig is en ná hulle dood na niks terugkeer nie. Hulle leef net vir die hier en die nou en voel benewens hulself, vir niks en niemand verantwoordelik nie. Hulle verwag niks ná die dood nie; beslis ook nie ʼn goddelike oordeel en straf vir verkeerde dade nie.

Benewens Paulus se bekende woorde aan die Korintiërs oor elkeen wat voor die regterstoel van God gaan verskyn, skryf Dawid eeue tevore: “Gee hulle na hul dade en na die boosheid van hul handelinge; gee hulle na die werk van hul hande; vergeld hulle na hulle dade” (Ps.28:4).

In 2010 het Rusland en Amerika ‘n ooreenkoms aangegaan onder die titel “New START”. In die "New START”-verdrag word die aantal strategiese kernplofkoppe wat deur Rusland en die VSA ontplooi word beperk tot 1 550. Dit beperk ook die twee nasies tot 800 ontplooide en nie-ontplooide interkontinentale ballistiese missiel (ICBM) lanseerders, duikboot-gelanseerde ballistiese missiel (SLBM) lanseerders en kernkrag-bekwame swaar bomwerpers, asook tot 700 ICBMs, SLBMs en strategiese bomwerpers wat toegerus is om kernwapens dra. Dit klink baie ingewikkeld maar die kern van hierdie artikel gaan oor die onbetroubaarheid van die VSA.

Rusland het sy deelname aan die “New START”-verdrag – die laaste oorblywende kernkragooreenkoms met Washington – in Februarie vanjaar opgeskort omdat die Weste versoeke om kernkragfasiliteite te inspekteer geweier het al is dit ingevolge die verdrag toegelaat.

Rusland het die VSA in kennis gestel van sy besluit om deelname aan die "New START"-verdrag in beide mondelinge en skriftelike vorm op te skort, maar Moskou het tot dusver geen sodanige kennisgewing van Washington terug ontvang nie.

Vir interessantheid: dit kan voor kom of Engeland nie werklik ‘n grondwet het nie aangesien hulle wette en reëls nie in een geskrewe dokument gekodifiseer is nie. Die grondwet van die Verenigde Koninkryk is saamgestel uit die wette en reëls wat die instellings van die staat skep. Dit word ook bepaal deur die verhoudings tussen daardie instellings en die staat. Daar word graag gesê dat die verhouding tussen die staat en die individu ook ‘n rol daarin speel maar dit is net ‘n front om die bevolking gemaklik te maak.

Die man wat homself deesdae graag Koning Charles III van Engeland noem, het weer eens sy swak karakter teenoor sy volk gewys. Waar hy voorheen bekend was as ‘n voorstander van organiese boerdery en daarom soms selfs "Green King Charles" genoem is, het hy pas sy ondersteuners geskok en teleurgestel deur op 23 Maart 2023 toe te stem tot wetgewing van bio-tegnologiese ontwikkeling om die gene van diere en plante te verander. Die klaarblyklike doel hiermee is om nuwe gemanipuleerde spesies en bio-tegnologie-'voedsel' te skep.

Met hierdie stap het Charles 'n openlike daad van verraad gepleeg in die oë van alle bona-fide boere, en natuurlik in veral dié van organiese boere. Die maatskappy en wetgewing daaragter is “Die Genetiese Tegnologie Precision Breeding Act 2023”.

Lord Sebastian Coe; jou naam moet ons onthou!

Dié man, president van Wêreldatletiek, het besluit dat geen transgender-mense vanaf 1 April meer aan vrouesportkompetisies kan deelneem nie. Geen atleet wat deur manlike puberteit gegaan het, sal toegelaat word om aan vroue se baan- en velditems deel te neem nie, ongeag hul huidige hormonale vlakke. Alle transgender-atlete wat deur manlike puberteit is, is uitgesluit van vroulike wêreldranglyskompetisies ná 31 Maart vanjaar. Coe het aangevoer dat "testosteroon die sleutelbepaler in prestasie is" terwyl hy belowe het om "die integriteit en toekoms van vrouesport te beskerm."

Trans-deelname aan vrouesport bly 'n omstrede onderwerp, veral vanweë die prestasies deur sommige trans-atlete soos die Amerikaanse swemmer Lia Thomas en die Nieu-Seelandse gewigopteller Laurel Hubbard, wat albei in hul onderskeie sportsoorte uitgeblink het.

Coe sê dat die Raad samesprekings gevoer het met belanghebbendes, insluitend 40 nasionale federasies, die Internasionale Olimpiese Komitee (IOK) en transgroepe oor hoe om transgender-atlete in te sluit. Die meerderheid het saamgestem dat trans-atlete nie aan vroue-items moet deelneem nie.

Ds A.E. van den Berg

“ .... en sy het sy voete begin natmaak met haar trane en hulle afgedroog met die hare van haar hoof; en sy het sy voete gesoen en met salf gesalf” (Luk.7:38)

By geleentheid loop ʼn man by ʼn klomp verveelde seuntjies verby en vra: “Waarom speel julle nie?” Een antwoord: “Ons wil graag oorlog-oorlog speel, maar ons kan nie” antwoord hy mismoedig. “Waarom nie?” vra die man verbaas. “Omdat elkeen van ons die generaal wil wees”, kom die antwoord.

Dit onderstreep een van die grootste probleme van die tyd – selfverheffing en ʼn grootheidswaan wat die eie-ek-koning in die lewe laat kraai, weg van Jesus af. Daarenteen bring niks jou so na aan Jesus as nederige onderdanigheid nie.   Johannes die Doper sê: “Hy moet meer word, maar ek minder” (Joh.3:30).

Ongelukkig ontbreek nederigheid dikwels by mense wat Christus bely. Dan gebeur dit dat God iemand wat nie eens ʼn kerkganger is nie, gebruik om hulle te beskaam.   So het die Barmhartige Samaritaan kerkmense kom wys hoe naasteliefde in die praktyk lyk.

Hannes Ollewagen

Jos. 14:1-15.

”Daarom het Hebron die erfdeel geword van Kaleb, die seun van Jefúnne, die Kenissiet, tot vandag toe, omdat hy volgehou het om die Here, die God van Israel, te volg.” (:14).

Ons lees in Núm. 13 waar die HERE aan Moses die opdrag gee om twaalf spioene te stuur om die land Kanaän te gaan verken. Hierdie is die land wat God aan die volk Israel beloof het. Ons onthou dat een van hierdie spioene bekommerd was oor die mag van die vyand wat hulle sal moet trotseer om die land te verower. Daarenteen was daar net twee van die spioene, Josua en Kaleb, wat posi?ef oor die inneming van hierdie beloofde land was. Hierdie twee manne se fokus was op die Almagtige God gerig en nie op die gevaar van die dreigende vyand nie. En die gevolg hiervan was dat net hierdie twee manne wie se oog op God gerig was en wie se geloof in Hom gesetel was dan die beloofde land gesien het. “Maar so waar as Ek leef en die hele aarde van die Here se heerlikheid vol sal word, al die manne wat my heerlikheid en my tekens gesien het wat Ek in Egipte en in die woestyn gedoen het, en My nou al een maal versoek het en na my stem nie geluister het nie, hulle sal die land nie sien wat Ek aan hulle vaders met 'n eed beloof het nie, ja, almal wat My verag het, sal dit nie sien nie. Maar my kneg Kaleb, omdat 'n ander gees in hom was en hy volhard het om My te volg — hom sal Ek bring in die land waarin hy gekom het, en sy geslag sal dit in besit neem.” (Núm. 14:21-24).

NET ZERO – EUGENIKA VAN MENS EN DIER

Die mensdom het die afgelope paar jaar bekend geraak met ‘n paar nuwe terme soos die “Nuwe Wêreldorde”, “The Great Reset” en ‘n paar ander. Ons sal binnekort ook kennis maak met “Net Zero”.

“Net Zero” is 'n diaboliese agenda wat deur die kabaliste verkoop word as 'n “reddingsformule” vir die mensdom en die aarde. Dit kom voor asof die term gekies is om die aarde te beskryf wanneer niks meer oorgebly het nie, en volgens die geldmag se verwagting teen 2050 behaal is.

Hoe wil hulle daarin slaag? En wat word dan van hulle self?

https://youtu.be/Mo_hIPkZPGM

By die skakel hierbo kan u die video van Roger Teale sien en luister.  Hy, 'n Christen-Amerikaner, was in 1988 asook in 1994 in Suid-Afrika. Hierdie video is opgeneem tydens sy 1994 besoek toe God wou hê dat hy die Christene in Suid-Afrika moes kom waarsku teen wat in hulle toekoms hier sal gebeur.  Aan hom is geopenbaar dat ons hele land sal brand terwyl die ergste anargie ooit uitbreek.  Hy het sy gehoor in Durban gesmeek om die eerste brand te stig deur dit wat in ons huise verkeerd is voor God, uit te gooi en aan die brand te steek want dit is al wanneer God ons sal spaar. As ons dan in ons huise bly terwyl die satan buite woed en alles wat voor kom verskeur, sal God met ons in ons gereinigde wonings wees en die vyand verby laat gaan.  Maar indien ons nie gehoor gee aan die reiniging van ons eie huis en haard nie, sal ons saam met die wêreldlinge in die brande en aan die hand van woedende vyande omkom.

As u na die video luister, sal u hoor hoe Teale meer as een maal beklemtoon dat daardie verwoesting in April-Mei sal plaasvind.  Dit was April 1994 toe hy hier was, dus het hy nie van daardie jaar gepraat nie maar van êrens in die toekoms.  Is daardie jaar 2023 terwyl die duiwel reeds los rondloop en Malema se opsweping nou hoogtepunt begin bereik?

Teale sou sy boodskap ook in Johannesburg en ander plekke lewer maar dieselfde aand nog het die vyande van God op hom toegesak en onmiddellik teruggestuur na Amerika.  Dit alleen vertel vir ons dat die satan 'n stokkie daarvoor gesteek het omdat hy nie wou hê dat meer mense hiervan moes kennis neem nie.  En DIT vertel vir ons dat ons hierdie gebeure ernstig moet opneem, alles wat in ons lewensgang nog nie met God se gebooie strook nie, moet uitwerp uit ons lewens en baie opreg moet smeek vir genade. Johanna Brandt het oa gesê dat indien ons (die Christene) genoeg en opreg hieroor bid sal die wolke minder donker wees.  Siener het gesê dat vir diegene (Christene) wat weet waaroor dit gaan (dus laat staan en bely het) dit nie so angswekkend sal wees as vir die ander nie. 

Teale het beklemtoon dat hierdie gebeure 'n strafgerig van God is; dit het Johanna en Siener ook gesê.  En hierdie mense het ook gesê dat dit so skielik sal plaasvind dat niemand dit verwag nie - die Malema-episode het soveel aandag so lank voor die tyd geniet dat dit kwalik onder die gesig se voorwaardes kwalifiseer.

As Teale reg is oor die maand(e) waarin dit sal plaasvind (April-Mei) is die moontlikheid baie groot dat dit hierdie jaar is want alle tekens dui daarop. Matt 24 leer ons dat ons na die tekens moet kyk al kan ons nie die tyd weet nie.  En ons was al 'n paar keer verkeerd met die tyd, maar nooit met die tekens nie!  

“Dink vir een oomblik waar Suid-Afrika vandag sou gewees het indien die Agabs van ons land die Benhadads betyds verdelg het!”

God gee aan gelowiges duidelike opdragte in sy Woord.  Sommige daarvan is relatief maklik terwyl ander weer baie moeilik is. Sy opdrag om jou vyand lief te hê, is seker een van die allermoeilikstes.  In Matt.5:44 hoor ons Jesus sê: “Julle moet julle vyande liefhê; seën die wat hulle vervloek, doen goed aan die wat julle haat, en bid vir hulle wat julle beledig en julle vervolg”.  
Die vraag is of ons alle vyande ongekwalifiseerd moet liefhê?    Indien wel, weerspreek die Bybel hom!  In Ps.139:21,22 lees ons die volgende woorde: “Here, sou ek nie diè haat wat U haat, en ‘n afsku hê van die wat teen U opstaan nie?  Ek haat hulle met ‘n volkome haat; vyande is hulle vir my”.  Weerspreek die Bybel hom hier? Nee.  Die Bybel moet net reg verstaan word.

Hannes Ollewagen

Spr. 15:1-33

“Die offer van die goddelose is vir die HERE ‘n gruwel, maar die gebed van die opregtes is Hom welgevallig.” (:8).

Ek het mense al meermale ‘n ding hoor sê wat hulle duidelik nie mooi oordink het nie.

Wanneer daar gepraat word oor iemand wat in baie moeilike omstandighede verkeer, hoor ‘n mens maklik die volgende – “Al wat ons nou kan doen, is om vir die persoon te bid.” En die probleem hierin is dat dit gewoonlik só gestel word dat dit nou werklik die laaste opsie is wat oorbly. Indien daar m.a.w. nog ander metodes was om die persoon te probeer help, sou ons dit ook eers wou probeer alvorens ons vir iemand begin bid. Hierdie ingesteldheid is baie verkeerd. Die vertrekpunt behoort te wees om mekaar in gebed aan God op te dra. Ek kan nie aan ‘n enkele ding dink wat ek self beter vir iemand kan doen as wat God hulle daarmee sal kan help nie. Derhalwe is daar in my lewe absoluut niks beter wat ek vir ‘n ander kan doen as om hulle in gebed tot die troon van ons Almagtige Vader te bring nie.

Ds A.E. van den Berg

“En net soos die dae van Noag was, so sal ook die koms van die Seun van die mens wees” (Mt.24:37).

Die mensdom word al hoe boser. Skokkende misdaadstatistiek van Suid-Afrika sedert 1994 vertel die boosheid van die mens – iets wat duisende jare gelede so erg toegeneem het dat God besluit het om, op agtmense na, ʼn einde aan die mensdom te maak.

“Toe die HERE sien dat die boosheid van die mens op die aarde groot was ... het dit die HERE berou dat Hy die mens op die aarde gemaak het... En God sê vir Noag: Die einde van alle vlees het volgens my besluit gekom; ... En kyk, Ek gaan hulle saam met die aarde verdelg ... Ék bring 'n watervloed oor die aarde, om van onder die hemel te verdelg alle vlees waar 'n lewensgees in is. Alles wat op die aarde is, sal wegsterwe” (Gen.6).

Mense het destyds geglo dat God hul boosheid nie sal straf nie en daarmee volhard – tot op ʼn dag! God laat boosheid nie onbepaald sy gang gaan nie. Hy tree op sy tyd op: “Die HERE is in sy heilige paleis; die troon van die HERE is in die hemel; sy oë sien, sy ooglede toets die mensekinders” (Ps.11:4). “Kyk, die Bewaarder van Israel sluimer of slaap nie” (Ps.121:4).

Daar word tans ‘n gerug rondgestuur dat Tunisië in Noord-Afrika, Kenia in Oos-Afrika en Nigierië in Wes-Afrika, ook op Maandag 20 Maart 2023 in beplande opstande teen hulle regerings gaan protesteer, net soos Suid-Afrika in die suide van Afrika se klaarblyklike plan is. Dit klink na ‘n te groot toeval want alhoewel almal Afrika-lande, is dié lande in die vier windrigtings, ver uitmekaar en gesamentlike beplanning baie onwaarskynlik. Ons sal natuurlik nie voor die tyd weet of enigiets daarvan waar is nie maar dit laat ‘n mens dink aan nog ‘n gesig wat Siener gesien het, dat wanneer ons eindelik die 2e oorlog in ons land teen die geldmag gevoer en hulle uit die land verdryf het, ons ‘n baie groter land gaan terugkry as waar ons oorspronklike grense getrek was. Dit is nie onmoontlik nie dat lande wat wel aan Suid-Afrika strek, deur selfvernietiging vorentoe by ons ingelyf kan word. Maar die tyd sal ons leer hoe hierdie gesig tot realiteit sal kom.

Dit bly egter interessant om te weet waarom hierdie lande wel probleme met hulle regerings het. Dit mag dalk vir ons baie na Suid-Afrika lyk...

Kom ons kyk eers na die onrus in Tunisië. Hulle het die afgelope tyd aansienlike agteruitgang in vryheid van uitdrukking en die pers ervaar. Die owerhede het aktiviste, joernaliste, politieke teenstanders en sosialemediagebruikers geteister, gearresteer en vervolg vir spraakoortredings, insluitend vir kritiek op president Saied, die veiligheidsmagte en die weermag. Daar is tans ‘n gewelddadige verhouding tussen die jeug en die veiligheidsmagte.

Met spanning wat geleidelik momentum opbou onderwyl gewelddadigheid en onrus landwyd aan die toeneem is, wonder mens wat op ons wag Maandag die 20e Maart.

Malema is oormoedig vol bravade en dreig in die publiek alle besighede wat dit sou waag om oop te maak dat hulle geplunder sal word. Hy sê: “...this is the beginning of a revolution”. Terselfdertyd waarsku Bheki Cele van die polisie dat geen intimidasie geduld sal word nie en beloof hy “business as usual” vir daardie Maandag. Hy beweer dat die Weermag ook op hoë gereedskapsgrondslag geplaas is om die polisie te ondersteun.

Die Jode en kommuniste wat agter die EFF se beplande staking sit het natuurlik noukeurige beplanning gedoen om die hoogs moontlike doeltreffendheid daaraan te gee. Daarom dan dat die hele aksie rondom ‘n langnaweek beplan is sodat dit moet lyk asof die EFF groter sukses het met die wegbly-van-die-werk aksie as wat aan hulle toegeskryf kan word – bloot vanweë die luie werkers wat tog te dankbaar is om ‘n ekstra dag by die naweek te voeg. Die groot wegroep vir hul protesaksie: “Ramaphosa must go”.

Wat sê die Bybel oor tatoeëring? “Julle mag ook ter wille van ʼn dooie geen snye in julle vlees maak nie en geen ingeprikte tekening in julle vel maak nie. Ek is die Here” (Lev.19:28).

Niks vernietig ʼn volk se gees soos bose, volksvreemde gebruike wat posvat nie. Baie mense, veral sportlui en verhoogkunstenaars, laat hulle tatoeëer; mense wat as rolmodelle beskou word.   Die ergste is dat baie van hulle lewens so verrot is, dat dit eerder ʼn waarskuwing moet wees oor hoe daar nie geleef moet word nie!

Tatoeëring is ʼn bewustelike ontering van die mens se liggaam as tempel van God. Dis ʼn baie ou heidengebruik.   Daar is selfs mummies met tatoeëermerke gevind. In Assirië, Egipte en Babilon het slawe-eienaars bv. ink onder die vel van hul slawe laat inwerk om, soos ʼn brandmerk, eienaarskap aan te dui.   Nie net slawe nie, maar ook eertydse misdadigers is met merke getatoeëer.